janjet's Profile

星期日去楊屋道買餸，見到呢間素食店有砵仔糕賣，即刻叫咗一隻來試試，價錢好像是$7定$8咁上下，另外都見到佢有薑汁糕又買一件試吓。𢲡上手準備食的時候。點解一個砵仔糕會溶既，好似雪糕咁，返轉頭同舖頭講，有個計緊數疑似老闆娘的物體，即刻沖出嚟話新鮮係咁，你想要硬自己擺落~雪櫃~你真係當我第一次食砵仔糕咩？根本落錯粉漿。完全不成型。其實錯咗咪錯咗囉，點解唔承認，仲要屈個客唔識嘢，叫人返屋企放雪櫃，我敢肯定佢呢個失敗作品，你放100日都唔會成型。呢一類型嘅人做生意態度真係非常差，令人卻步唔會去幫襯，因為永遠佢都冇錯，毫不長進沒有改善空間。…Read More

今時今日，想找一啲傳統味道的雲吞麵舖已經越嚟越難。誤打誤撞之下入了這間耀紀，估不到他的味道仍是保留傳統正宗的味道，最驚喜係佢嘅淅醋原來佢都係用荃灣悅和淅醋，識貨嘅雲吞麵舖先會用呢一隻。講返雲吞佢哋個尺寸係一口大少少嗰隻湯底是清湯相信係大地魚等煮的，最怕嗰啲用味精豬骨湯底做得雲吞麵，唔食好過食三不像，完全不可以叫傳統廣東雲吞麵短短15分鐘客人不停出出入入，好似都幾好生意，希望他們長做長有，大家多多支持傳統老店。…Read More

食物質素非常高，份量大，豬雜大件乾淨唔會碎濕濕，胡椒湯底非常好，飲完也不會口喝。贊。但就係比那位非常kam的四眼亞姐影響了一直唔過來落單，咁唯有行去收銀位置找佢落，點知比人呼喝你返埋位等(5點鐘非繁忙，得2枱客)等等等物又係佢自己行過黎，個客都唔介意自己行出去找你，你地又冇人，叫人呆等咩。點解浪費時間呢？唔通叫外賣既人座低等你得閒先黎落單咩，做人變通下啦。問非所答，問有冇蝴蝶腩粉，答你加13....加13. 加13.最後準備走果陣，隔離有2位西人冇頭绪点選擇，你同佢地講解下，四眼亞姐立即衝過黎話不用不用不用。呢位強迫症超bossy亞姐，你真係唔適合做樓面，趕客。…Read More

不知道金記的兩餸飯係由樓上的酒樓(駟馬拖車潮洲菜)提供定金記自己處理返。超级高質素，從沒有食過2餸飯既出品好像酒樓的味道，蒸肉餅有大量銀魚仔係面，蒸魚都好出色，仲有冮搖柱節瓜，咖喱都幾辣好足味，口水鷄未有機會試，但隔離位哥哥話自己日日都食佢。每個餐贈送例湯/纸盒飲品。而且職員姐姐好好人，又有禮貌。可惜，今天(14号5月25年)是他們最後的一天。非常不捨。為何香港有質素的東西不停流失。希望厨房大佬有機會睇到呢份食評，多謝。…Read More

除了好難泊車，炒牌要走鬼，有枱疑似其中一位老闆娘3位女人放大喉嚨be lee bra la 外，食物係一流的。呢間外表係老茶，內裡食物質素奇高，食物質素好似食緊酒樓/大排擋感覺。湯好早己沽清所以試唔到。聖子-正，個汁都好正。椒鹽九肚魚，皮簿鬆脆。九菜花蓮蕅豬頸肉，爽脆有鑊氣。粉絲蒸蝦，豐富的粉絲，足料了葱蒜，蝦也非常新鮮。芋頭臘味煲，芋頭粉，椰汁香，臘味份量足，全部餸菜也是水準之作。佢地既服務也非常好，老闆，老闆娘好親切。…Read More

聽聞將會退休唔做，心郁郁去試一試。時間約中午三時，冇乜人，不過以今時今日五花百門盛行的車仔麵，雄記真係冇乜餸可以選擇，唯有午餐肉都殺。豬腸好特別，有甘香的。唔知落左什麽去煮，令人回味。可惜湯底淡味到不能再淡。其他餸是ok.真係好像小時候車仔麵既感覺，冇花巧，冇特別醬汁。女老闆很有禮貌，也歡迎自携盒。…Read More

這間小店雖然偏遠(如果你住沙田另計)，每次我也會特意去幫襯，主力做外賣，推薦大家自携盒子去買。必食是壽司，真係十分出色，各種醬及味道也不同。是花了心思去配搭的。第二推介是天婦羅，粉漿薄薄，很香。最近還試了煎肉餅，估不到非常美味。店主們也非常友善，很親切。…Read More

朋友聚會，友人強烈建議去大圍的隱世日本菜，真係唔知道果頭開左正嘢，我們约左星期一，因為好多時間也要等位，星期一會好些。七時半到達，已經九成满座，座下用手機點菜，看來呢个己經係潮流，我也喜歡這個模式，乾乾淨淨。首先到的是刺身，平時我不吃的，但身邊個個也贊口不绝，大贊新鮮而且不是果D放題貨色。真的嗎？我大胆試左海胆，蝦，果然很鲜甜。原來那条魚还可以煮湯，因為太飽，湯外賣帶走，回家用來煮烏東，真係超奶白色，裡面有豆腐，金菇，大葱。接著來是串燒，試了鹽燒，汁燒，各有特色。之後是炸物，估不到水準咁好，泊得注中環某日本餐廳，因為已經好飽但很想試埋那蒸蛋，非常滑，出色甜品吃了雪糕，聽聞有cheese cake但售完。友人果然冇推介錯，真係一間街坊價錢的高質日菜。…Read More

銅鑼灣鬧市小巷中的一間麵舖，伙記非常煩忙也非常不耐煩，可能做到冇停手所以態度如此。希望食物可加分，可惜...湯底非常平淡，好似用鷄粉開水咁。一碗廣東麵食湯底係幾咁重要啊!那個粉红色的自稱墨丸真夠特別，唔知加左D乜，仲有那四洲炸春卷真係......求其食一次冇回頭了。附送菜蟲仔，沒有投訴的，出街食野時常會碰面吧!…Read More

下午茶時段，得一枱客食緊碟頭飯，試下佢既車仔麵先。豬軟骨四大舊，都幾淋，抵食。雲耳好多，味道也不錯。沙姜豬腸好多但好大舊，切薄D易咬好多，味道好特別是濃濃的沙姜味。米粉都好多，食左半碗已經幾飽。真是抵食夾大碗。下次要試下佢地既皇牌炸鷄脾先。唯一問題是剛拖完地舖頭好大陣漂白水味。…Read More

工作到三點非常肚餓，被永明農塲用料吸引了，叫了一客麻醬粉皮鷄絲外賣。返到公司立刻開餐。大件事。臭既。。已經餓到一個點。惨慘。嘗試打去通知佢地D鷄已經"叔"咗，對方又幾好禮貌，叫我去換返。某天行開觀塘再去換返食物，對方推介冇骨豬手，希望ok啦，可惜，隻豬手D毛多到完全不能接受，而且肉質很硬冇肉香味。只是那個醬汁可以接受。唉........多謝玲玲送給我的湯，但希望你們努力做好食物才能留注客人。…Read More

車仔麵迷被這間咁特色的車仔麵吸引了入去。先看看餐牌，果然有些特色的餸，當然要落單試試。味道不錯，牛爽口感很像牛舌很爽，蘿蔔很入味，沒有渣，蝴蝶腩很瘦，有點痴牙，整體我會比七十五分。飲品也不錯可惜店員死也不肯走飲管，建議的時候她還駁斥是食客要求(我是要求走管呢)，希望她們可以改善一下，原樽装飲品真的可走飲管! …Read More

時間:平日的午膳時間，途徑青衣就楂車去會一會近來大熱的車仔麵，不要嘗試泊在門口，全抄，乖乖泊去對面的長康，(要行一段路)到達小店，大排長龍，預計排起碼15分鐘，天氣開始悶熱了，如果夏天來吃應該頗辛苦。首先想order 小吃鷄翼豬扒等炸物，可惜沒有，可能lunch太忙唔接單卦，佢地冇解釋。我想要冬菇但没有，唯有試下同价的牛腩，而且標明坑腩，还点了豬腸，炸魚卷。原來咖喱汁要加3元。同行朋友点了牛骨髓，豬腸，豬皮，牛腩，加底，單係佢呢碗埋單居然要60元。好了好了，如味道很好绝对是值得，可惜……先講3元的咖喱汁，非常普通，坑腩是碎粒粒瘦牛，何來坑腩可言？13元幾小粒，豬腸ok但幾肥，其他就不过不失。但老闆和伙記的態度係有120分，向每位顧客也說多謝。呢種態度係大排長龍的星级食店是難得的。…Read More

首先,環境,衛生程度唔差的。但人的態度尤其疑似老闆的男人,叫落單佢十万个唔願意咁。埋單求其收錢仲話你3个人吖嘛!大哥，3个人唔代表一定係果張枱啫。唔好意思都冇句。真係差D180元變280元。飲料~淡味到唔想飲。尤其杯熱好立克。凍檸水好似叫左走甜咁.食物~海南鷄飯。好彩係最後一个油飯。叫有D味,因為D鷄冇味。而且幾大雪味.因為油飯賣晒,其他要食白飯果D人真係慘。豬手飯都有70分。豬手淋。多汁,但賣相就麻麻了喇沙个湯底幾好。裡面有3份ㄧ油麵,3份二米線。特式定係唔夠油麵搭夠。成條街都係餐廰希望比D心機做好佢。…Read More

市面難得的豬油撈麵，即60年代撈麵，也有酸蘿蔔供應.酸中帶辣，一流，但門口的粉果已不復當年勇，相信只是陳記貨色，但雲吞中有蝦子，水餃中有金華火腿，實在難得的貨色，忍不住再買打生雲吞返去品嘗，老闆還很好人教我点煮雲吞！ …Read More