phoebejai的个人专页

約10年前喺FB見到人介紹佢個 椒鹽雜扒飯，覺得好好食。之後幫襯得唔算密，約兩年一次，幾乎每屆男朋友我都有帶佢哋嚟食，包括我老公。前幾日又嗌咗佢個椒鹽雜扒飯外賣。印象中之前好似唔使75，不過份量依然好大份，我一個人可以分三餐食，所以圍返都唔貴。雖然加價加咗唔少，但係我好欣賞佢會加價而唔係偷工減料，維持返個品質。出邊好多餐廳會因為唔想加價而犧牲質素/份量。之前同男朋友嚟食，都唔會嗌兩個飯，因為知道一定食唔晒，所以會嗌一份佢嘅常餐，多士沙嗲牛嗰啲，味道都唔錯。佢張凳雖然係硬板凳，但係patpat位有少少向內斜，所以坐得好舒服，呢個位我覺得好貼心。平實嘅家庭小店，希望可以繼續做落去。…查看更多

嘢食味道ok. 但一定唔會再幫襯價錢唔算特別平，態度好少少都話算。叫炸雞，店員問要唔要骨，我哋話要。佢即刻黑面(?) 因為有骨嘅係平啲嘅，但我哋鍾意lur骨, 有咩問題？又唔主動俾手套，用筷子食完一隻炸雞之後真係覺得好唔方便，問佢拎手套，好環保咁計好每人一隻。所以只能夠單手食。其實佢側邊有啲包左錫紙嘅吉盒可以俾人放食完嘅雞骨，佢冇拎俾我哋。我哋啲碟滿雞骨又唔換。其中有兩位朋友嗌汽水，佢淨係嚟咗一罐，提佢要兩罐，佢竟然答”你頭先又唔講”。頭先講咗，係你聽唔到。準備咗生日蛋糕 ，你收得切餅費服務費，其實係咪應該執枱同埋比嗰啲新嘅刀叉碟呢？碟上面全部都係雞骨。店員拎個蛋糕出嚟嘅時候，問我哋使唔使執枱，我哋話要。而枱上面仲有好多食物淨，我哋想打包啲食物，然後佢就話咁”我唔理你哋啦” 。咩事？即係要打包食物就唔可以幫我哋執枱？然後我哋喺冇新嘅餐具之下分咗個蛋糕嚟食，啲叉全部係癡滿晒醬汁。其實係咪嫌我哋嗌嘅食物小？ 嫌棄剩係得兩個人嗌嘢飲？其實人均消費都$250. 雖然未必係大客戶，但都唔需要咁嘅態度掛。以上提到嘅每件事都好似小事，但夾夾埋埋一齊發生，真係令人好反感。…查看更多

炸魚薯條 炸魚有三舊，正常味道。柚子蝦沙律 柚子同菜新鮮好好食，蝦亦都有好多隻。泰式焗扇貝 ， 有三隻，味道正常，用芝士焗，但係食落去唔會好漏日式咖喱蟹飯，好香好好食，唔係普通嘅咖喱，有一浸香味，可能係蟹膏嘅味，側邊嘅蔬菜都係好新鮮。青檸梳打/ 熱柚子茶 正常所有蔬菜，無論係沙律嘅定係咖喱飯嘅，或者係伴碟上面嘅蔬菜，全部都係好靚好新鮮，睇得出係有用心。出面好多出名嘅小店，有陣時連沙律入邊嘅菜，都係有部份係有少少霉咗。環境OK舒服，價錢唔貴，態度亦都好好。…查看更多

試咗 Hochija latte / choco cake Xmas edition / fries with truffle sauce / cold brew 全部都好好味 ，價錢又好合理。店入邊無糖提供，想大家都品嘗到咖啡嘅原味下次會再嚟…查看更多

叫咗士魷排骨飯 排骨好多肉，份量不過多，啱女仔食，男仔可能會不夠鳳爪 好好味蒸排骨好滑又唔太服糯米雞全部都好好味。價錢又合理茶位只要一元。服務亦恰到好處。希望之後會再有機會食到。…查看更多

外賣都會早兩日打電話去落order就OK ,非常方便。唔需要比訂金，呢份信賴 令我作為客人覺得好感動。打過兩次電話去詢問 同落order ,兩位職員態度亦好好。 叫咗一個大盆菜$1080, 再加＄80運費。送貨非常準時，比原先時間做咗15分鐘。盆菜亦都好好味，豬皮腐竹索晒啲汁超正；魚蛋一啲都唔腥；蝦好新鮮，五花腩好鬆化，無渣。仲有雞 /螺片 etc我無食到. 不過係芋頭未炸透。其他真係冇乜挑剔。同事們都表示好滿意。…查看更多

食咗時蔬公仔麵，有生菜同蛋 . 湯好杰 蕃茄味幾濃。生菜唔多，但幾新鮮。蛋好滑。麵嘅軟硬度剛好，不過公仔麵都好難會唔好食😝。 男朋友食焗豬，個面焗得好靚，有小小燶燶地，佢話好味。有一位應該係經理or boss嘅男士服務態度好好，呢個亦係我寫食評嘅主因。其中一個example 係我地好夜先去食，未食完就要埋單先，嗰位男士同我地講唔好意思，又話慢慢食唔洗急。 當last order時間過後有新客入店，佢又會say sorry 講多謝咁請返新客走。係香港好難得有waiter咁殷勤待容，佢嘅服務態度係日本級數。 見佢好用心教新人，相信佢唔只係待客好，待員工亦都唔差。…查看更多

年廿九嚟呢到食早餐，野食足料又好味，見到大家評語咁差忍唔住比返個好評佢。鳳爪好大碟,好入味蟹子燒賣大粒又彈牙叉燒腸無咩特別 豉油由你落窩蛋牛肉飯應該好食, 因為男朋友食完又食茶位每位$2 only某啲點心制作需時，係等得耐啲，但上菜果陣阿姐會再提一提要耐心等候。坐對面位伯伯見我地對張單好confused 又會主動解答。衛生其實都ok , 最重要係有人情味。 有時會落漏/錯單，但呢啲都唔係死罪姐  …查看更多