SunnyWong1390's Profile

同朋友一齊黎到k11呢間食pancakes同souffle. 落單個陣見到souffle要等半個鐘，但最後最早到既都係souffle😅我叫左berry cheesecake souffle再加左個vanilla雪糕，個cream係cheesecake味，好好食！連平時係雪糕派既我都食曬d cream🤣不過作為本體既souffle都普通左d，靠附近既醬，雪糕，cream夾黎食。另外叫左cappuccino都係普通野，無咩驚喜。不過有skimmed milk同其他option揀都係優點黎😋2樣野連加一賣單200到，打卡好睇👌…Read More

痴住朋友黎到呢間係酒店入面既餐廳食晚餐，開始都預期會係好西，食完覺得失望，唔值，得相呃到下人。我地叫左Dinner set,每個人都3xx起，包前菜/餐湯+面包+主菜+甜品+餐飲餐湯有南瓜湯同海龍皇湯，朋友叫南瓜湯，睇上去幾濃下，配包食幾好。我就叫左海龍皇湯，海鮮湯黎，舊魚同青口都好食，但係本身個湯我就覺得太咸。面包有啡包同黑包，我覺得黑包好食d，但係我叫既海龍皇湯配唔到黎食。之後就到主菜，我地都係叫左牛扒，5成熟，唔差既，中上，但係無咩驚喜，燒燒地部分幾好食，我就鐘意舊茄子。甜品影落就幾好睇，兩款都好睇但食落麻麻，雞蛋仔芭菲，雞蛋仔好食，入面仲有層綠色餡，但係同d雪糕/cream唔夾。冬甩雪糕就得個樣。。個冬甩係2塊冬甩形狀既面包，唔係甜食既個種冬甩😅😅總結就失望而回，呢個價錢唔似係酒店餐廳食到既水準🥲…Read More

同朋友約左呢間中東野食，感覺都還好，布置有特色，可以打少少卡。推薦既有茶，呢到有幾款茶，裝住既茶同杯都幾有中東特色咁，影相好睇，而且好重花香，好好聞！串燒都推薦，有6串，掩料唔錯，好食沙律就有d失望，太多麻醬，無意思黑松露意粉一般水平。最後比錢店員講一句話最好比現金，雖然最後都比左卡，但係唔太好受🥴…Read More

見到呢間新開張，同同事黎左2次食Lunch，2次都好多甩漏，送野慢又送錯。第一日叫沙牛通，送左面過黎，又比漏左茄汁豆😓第二日叫左雞扒包加沙律，就比左薯條黎😓野飲又遲過野食上，叫完野食又無比單對，雖然menu都幾多野想試，但好多甩漏，希望做到落去。…Read More

同幾位朋友揀左呢間素食自助餐食，其中一位朋友之前都食過呢間，所以就推薦我地再食店舖面積算細，不過都有大約一半既地方放食物，款式都算多，我都食得太飽，試唔曬😅有d甜品類都幾精緻，影相好睇，不過食落就普通😇反而d菜就幾好食，如果係雙餸飯賣呢d就正🤪推薦蘋果，薯仔粒，粟米，蓮藕餅，pizza…Read More

同同事揀左呢間cafe仔黎食野，見到menu咁多野揀己經要諗一陣。睇menu都幾多吸引野。最後我地揀左d甜品，Bagel，Allday黎食，每樣野賣相都唔差，舊雞扒仲要大大舊！甜品$88就食到cheese cake, 窩夫同蛋糕👍🏻Cafe價錢但係推薦…Read More

同明友食完飯就黎左呢邊穩甜品食，行到依間都知道係少少岀名，雖然係有3-4組排緊隊，但都決定跟住排隊試試。不過排隊過程有d唔開心，我地黎到既時候，前面已經有3組4人岩岩入左去，我地排到隊頭，後面有4組2人，但係店員將入面既4人枱拆開2張2人，就算有2人枱走左，都係會比後面既2人入去先，唔會等埋比我地🥲最後後面既2人入曬先等到一張4人枱入去🙄，店員又無交待到幾時有枱又係咁放後面既2人入去，明白佢既做法，但係我地感受唔好！！😡我地叫左2個甜品，士多啤梨芝士蛋糕刨冰同埋一個promo緊既cookies butter toast，2個都好好食同有驚喜！刨冰好棉，唔似岀面既刨冰，有cake既感覺，食到入去真係有cheese cake餡係到，真係好正！👍🏻👍🏻Cookies butter toast都好好食，熱既toast加埋雪糕好好食，塊餅同埋個醬令到個toast好多味，好正👍🏻雖然排隊過程係唔愉快，但係到既既甜品真係好得，打卡同味道都一流！…Read More

一班朋友早2個星期book左斗滾尖沙咀店，安排左入房坐，但係有d逼，要肩貼肩坐，後面都有人😅一開始係雞煲，要等一陣先上菜，黎到仲要炒一炒先食得，試左唔辣，小辣同中辣，雞煲比較遜色，小辣同中辣都無咩味，唔辣反而仲好食，雞肉都唔算太多🤦🏼，係扣分位。之後就係上蒸海鮮，海鮮上菜係好睇既，打卡一流，雖然得一份，但每樣野都好食😋然後就到上湯打邊爐，湯底可以飲左先，而且好足料，唔似岀面d濃味火鍋咁👍🏻打邊爐可以岀去拎料打，都算多野試，最正既係任fill既牛肉同豚肉，好食推薦。👍🏻最後仲有一個椰汁甜品，呢個太甜同埋食個陣太飽，唔識欣賞🙈為海鮮打卡既都可以黎，雞煲既話就唔太推薦了。…Read More

3個人揀左呢間大閘蟹任食，環境一般，蟹推薦清蒸同避風塘。花調蒸唔好食，又苦又臭。蟹以外既得餃子，粥同糯米飯，好食但係款式唔多飲品，工具都唔多，黎呢到專食蟹都ok既，公蟹雌蟹都好食，啖啖肉啖啖膏，但想試多少少就差d了，同區都有更好選擇。少失望，唔推薦。…Read More

2個人夜晚8點黎左最近新開既韓閣食飯，無咩人，唔洗等位就入得，岩岩新開，裝修新淨，坐得都舒服。見佢做緊推廣，食滿$200，Like/share fb/ig加1蚊就有炸雞，所以叫左1個牛肉鐵板set同軟殻蟹壽司卷2個人食。普通牛肉鐵板就$80到，升級做歡樂set就$198，多左芝士鍋，蛋，味飯，撈飯好食😋提升CP值唔算大，不過影相好睇👌+$12有多個面，不過我地食唔曬就無加到。軟殻蟹壽司卷就麻麻(都$98) 係多同大份既，但唔好味😅+$1既炸雞都唔錯，叫左蜂蜜牛油味，d蒜好食過個醬，最好食係雞搥👍🏻不過呢間好早關門咁，830已經last order😅賣單2個人$350到，黃大仙黎講都唔錯，唔encore試下其他款。…Read More

中午同屋企人黎左黃大仙既名點屋食野，今次係第2次黎呢間食。叫左6樣野食，餐牌同其他茶樓差唔多，有包點、腸粉、炸野 。食物質素唔錯，蝦腸係比較喜出望外，入面脆口，幾特別。3個人6樣野賣單$200到。…Read More

中午去左食利哥車仔面，一間係大角咀算新開既車仔面，因為同區都有幾間車仔面，所以比較起黎，利哥係比較一般。我叫左3餸1面，牛筋腩，炸魚角，韮菜餃，油面加底，麻辣微辣，43蚊。餸既份量較少，味道都一般。油面都唔算太突出。優點係加底只係+3蚊，個微辣都唔錯，枱面上既冬菜都唔錯。不過加飲品就比較貴。如果下午3點到6點下午茶時段就35蚊3餸1面送野飲，比較抵食。不過都未必會再去食，會選擇去同區既其他車仔面。…Read More

今日中午黎到竹園村既臨記車仔面食野，間野都新開張幾個月月，今日終於有機會黎試下。首先就拎左點餐紙然後就入去坐，原來入面都好大地方，無出面睇到咁細。首先見到點餐紙寫住每碗最低消費都係23蚊，同出面比較都差唔多，餸都有平有貴，7,8,12都有。尤魚，酸齋，炸醬..,面都有好多野揀，油面,烏冬.，湯都有麻辣，咖哩，傳統湯。就咁睇都多選擇，似足出面車仔面。最後我地兩個人叫左兩碗面，兩杯野飲同雞翼。酸齋幾好，麻辣都好食，叫左個花雕醉雞翼就一般啦，一黎凍，二黎太重酒味，苦。試過今次都覺得幾抵食，又多野揀，似足出面車仔面。…Read More

今晚黎到意八食晚餐，門口都多人等位。意八夜晚夠多野食，打開Menu,可以話咩地方既菜式都有，炒反，沙律，拉面都有。我地3個人叫左1個焗豬，1個豬軟骨拉面，1個牛扒餐同1個沙律。牛扒餐都幾受歡迎，見到好多台都有叫，扒餐有飯，蛋同唔少配菜，不過量就比較少，大食既人可能唔夠飽。豬軟骨拉面都唔錯，湯幾濃，豬軟骨同平時食到既好唔同，真係好淋，不過我就一般，朋友就話好好食。其他野都不過不失，不過野飲就貴跟餐有半價都覺得貴。不過咁樣叫3個人4樣野賣單都係250到，都叫抵食！…Read More

今日中午黎到紅冰食午餐，諗都無諗就叫左常餐，紅冰最正係常餐！常餐46蚊有撈公仔面+雞翼/豬排+多士/蒜蓉包+炒蛋/煎蛋同熱飲我地3個人叫左3個常餐，蒜蓉包+炒蛋，我就叫左雞翼，另外2位朋友叫左豬排，我覺得豬排好食過雞翼，一黎豬排大份D,同埋豬排外皮炸過，相當好食！雞翼既瑞士汁我就覺得一般，推薦叫豬排。蒜蓉包都好好食，平時去茶記都食開多士，黎到要試下蒜蓉包，淨食同夾蛋食都一樣咁好食。不過紅冰既服務係差少少，成日都好多人，要等一陣先有位，同埋侍應都會快手收起d碟趕你走，朋友仲有少少炒蛋都比佢收左 。不過呢個做得價錢都要預左 ，總睇黎講都係抵食！…Read More