lamchinglee's Profile

大埔換左好多新餐廳，呢間既外表好出眾，經過見到明顯同隔離啲鋪”格格不入”😂😂 入到去發現𥚃面既裝修好打卡able，平日夜晚都好旺場，滿哂座。所以安排左坐矮身啲，平時cafe個種矮枱矮椅。張櫈好大張，好深，幾好坐，但腳長既可能會坐得辛苦小小。叫左兩樣野食，一個牛扒配意粉，一個焗豬扒飯。呢到既食飯份量真係超巨！我地見到隔離枱食雜扒餐，大份到嘩出聲，好似半個a4紙箱咁大同高😂😂牛扒叫左5成熟，煎得岩岩好，大大塊唔係薄chichi個種。意粉配黑椒汁一齊食都ok焗豬扒飯又係大大份，豬扒份量夠，男士食都ok另外牛扒餐送左餐湯同沙律，芝麻醬少啲會較好，始終都肥😂😂埋單$207，街坊食堂黎講ok ar!…Read More

雖然雞煲嘅餐廳開到成行成市，但係八妹雞煲嘅調味係與別不同，唔會剩係得咸同辣，有種特別嘅味道。所以每次嚟食都覺得好開心😁😁而且佢啲配料每樣都好足料，除咗牛肉會比較貴，其他價錢都係有一定CP值，岩4個人份量，可以試多啲配料。今次兩個人食，所以唔試得多。半隻雞煲叫咗中辣，但係都唔係話好辣，下次可以試下大辣。雞肉都嫩滑，調味好食。即炸響鈴超正，每次都要食🤩脆骨腩新鮮，特別腩骨同尾位又肥又爽😋😋萵筍同金菇嘅份量唔算少，正常質素鵝腸清潔得乾淨，而且份量多難得有手切肥牛就唔叫安格斯，叫咗細份，勁好味又肥又嫩口白飯餐單好似無，要自己叫，13蚊一碗，我係飯桶😂 想食飯多過烏冬飲品叫左大枝啤酒同大杯凍檸茶，都係30幾蚊無論天氣熱定凍，都可以食八妹雞煲🤣…Read More

好耐冇嚟過上水，馬會道呢度開咗好多新餐廳。見到呢間門面裝修好靚，入到去都好有日本feel，嗌咗好多嘢食試吓，最後勁飽咁走😂飲品大大杯，抵嗌！問侍應邊款冇咁甜，最後嗌咗薄荷特飲無嗌梳打特飲。老公話嚟食日本嘢一定要啤酒(其實你食乜都飲架啦🤪)炸雞分量好足，新鮮熱辣炸起，外皮鬆脆😁😁😁呢度嘅串燒唔係鹽燒，係加燒汁，適合重口味人士😆😆燒茄子唔係原條燒，係一塊塊個種，但係都好食😋雞串燒拼盤好多選擇，最開心有燒雞皮🥰同生蛋沾雞肉棒🤩鰻魚玉子燒大大份，玉子燒唔會係調味好甜個種，啱晒我口味🥰食咗咁多，仲要最後大碗拉麵，湯底夠辣，加$10啲荀勁多😆😆 叉燒唔算薄切，而且大大塊，抵食！走嘅時候，店員介紹可以食埋大埔分店，有機會一定會試😋…Read More

海港城coupon玩左三年，開始有啲厭。唔想再排隊可用coupon既店，所以黎左試壹北棧。加上之前係手機碌到呢間餐廳既甜品片，今日就黎試試佢。近6點入座，坐唔到打卡位🥹 叫左6樣野🤡炸雞配三款醬，應該係鹹蛋黃，蜂蜜芥末，黑松露蛋黃。三款都唔錯，炸雞肉質嫩滑，炸皮唔會好厚好硬，好食招牌鹵肉飯，鹵水汁好香，充滿成間餐廳。半肥瘦肉加溏心蛋，用珍珠米，味道不錯芋泥咸蛋黃蛋餅，兩個人食太多了。唔算好甜，只係份量較多，最後食唔哂滷水豆卜有花椒味，但鹵得唔夠透，不夠濕潤抹茶麻糬係涷既，都好食麻糬鳳梨酥好食，唔知可否外賣呢…Read More

記得以前係大陸新疆菜館食過羊肉手抓飯，念念不忘，搵下香港有無，得寥寥可數個幾間，咁岩出開港島就過黎試下😁食既時候係夏天，但都忍唔著叫個羊肉湯試下，好彩有嗌！真係好暖身好正！冬天一定要黎再飲！羊肉串大大串，咬落好香好夠味，好食！手抓飯不過不失，記憶中係大陸食既比較濕潤，呢到較乾身。羊肉份量唔多，下次會叫烤羊排試下。大盤雞無乜特別，我prefer食辣子雞或雞煲多啲😂😂身為新界人出到西環真係有啲遠，而且價錢唔平架！不過係一定會encall之選😊…Read More

今日約咗個朋友傾啲嘢，因為一陣間都要去旺角做其他嘢所以就約喺旺角呢間Cafe等。上網見到採光唔錯，空間感足夠傾偈唔會太侷促。本身想坐窗邊位，但係朝早去到太曬🌞🌞所以坐咗喺角落頭。自己叫咗一個all day breakfast ，朋友就叫咗個牛蛋沙律牛角包。食物味道唔錯，以旺角區可以任坐來講其實都好抵食。咖啡拉花都幾靚，但係唔記得影低。店員亦都好有禮貌，唔會係咁走來要執嘢催你走，令人感覺緊張。如果要喺度同人傾得耐嘢，係一個唔錯嘅選擇😊…Read More

前嗰排落雨濕濕凍冰冰，就好想食辣嘢或者湯麵。去開土瓜灣做嘢，最後揀咗食12味，貪佢有好多分店，之前食過其他分店水準OK。嗰日落好大雨，全場爆滿咁滯，本身要坐門口位食風，好在最後有其他位可以坐入去。超級凍，一坐低即刻叫嘢食。可能因為天氣凍所以忍唔住嗌咗兩個套餐一個人食，阿姐放低第二包嘢飲嘅時候以為自己搞錯😂😂好鍾意食炒花菜，冇椰菜花咁實同硬，加埋啲五花腩，好正。因為好想試多啲嘢，所以又嗌左個雞翼干鍋，好鍾意入邊有薯仔食😍最後梗係食唔晒，唯有打包夜晚再食😂😂😂 如果有多一個人同我食，我會嗌埋個紅糖糍粑😋😋…Read More

11點一開舖就嚟食，兩個人叫咗兩碗拉麵，一個炸豆腐，一罐可樂。兩個拉麵食到牛， 蠔，豬腩肉。呢度冇得揀拉麵嘅軟硬度，我覺得口感都OK。啲蠔都幾大隻，而且份量唔少，都有好似四五粒。湯底我比較鍾意辣湯底，惹味濃郁啲。最欣賞佢個炸豆腐，雖然等咗好耐，食完個面都未到，但係豆腐炸得好好食，加埋佢啲汁朔埋一齊味道足夠。如果再嚟食一定會encore。走嘅時候有得抽扭蛋拎優惠券，下次來可以有優惠，希望唔好唔見咗張優惠券🤪🤪…Read More

身為大美督嘅居民， encore得最多嘅應該係呢間餐廳。前後食過三次，第一次嚟嘅時候啱啱開都冇乜嘢食，不過牛骨湯越南粉都唔錯。第二次嚟有得打邊爐，湯底係蝦頭湯，非常濃郁，配菜亦都中規中矩，蝦，牛柏葉同牛丸係我最推介，豬肉片就比較瘦。第三次同兩個朋友嚟食，嗌咗三碗粉面，同一個炒通菜和豬頸肉。粉嘅份量好多，如果唔係好大食可以叫佢少啲份量，費事索晒啲湯。通菜ok，豬頸肉都算乾身，不過肥瘦唔算太均稱，有啲位仲覺得乾得滯。但係整體來講都抵食，喺大尾督平均$150食到一碗粉仲有兩個小菜😊…Read More

第二次幫襯洪師傅，上一次喺旺角食，感覺不錯。今日嚟沙田唔想食咁貴，見到有洪師傅都就黎試下。嗌咗一個香酥雞扒便當滷肉飯，加牛骨湯水餃。因為想食炸雞，所以冇嗌牛肉麵，但係又想飲佢個湯就叫咗個牛骨湯水餃。餃子皮比較厚，餡料味道唔突出，不過唔算太貴$42蚊10隻餃子，加上可以飲啖湯都算抵食。之前食過鹽酥雞覺得味道唔錯，今次香酥雞扒便當可以食鹵肉又可以食多啲雞肉。不過佢哋嘅鹵肉唔係特別，普普通通，雞扒炸得入味香脆，但有啲外皮太厚。…Read More

第一次黎呢棟大廈食飯，發現原來成棟都係餐廳咁濟，有啲都想下次試下😃😃講返食物，整體黎講係好味，壽司無影到相，但啲魚生都靚，飯量少。個味㬝煮牛舌好好味，想煮個烏冬配個汁黎食😂😂呢款秋刀魚應該係大條啲，第一次食個刺身，估唔到咁肥美好食。不過另一款鱈魚刺係都係好食，但唔值個價錢，可以唔洗叫。海膽飯都ok，但真係幾細，而且海膽有黑色，食時有啲唔自在。仲有個女經理好凶，係咁鬧個女侍應，見到都唔舒服，環境好逼，埋單1532，可以有更好選擇😊…Read More

由蕃滿門開第一間鋪頭，以前仲係榮暉個邊，我就開始食。鍾意佢夠酸🤩🤩出面好多蕃茄底都加糖，甜到入唔到口🤢weekday 11-12:45pm埋單有85折，通常我都會叫4餸加涷檸茶，埋單都係60蚊🤩🤩不過佢地既辣好似無以前咁勁。從前我只叫小辣，而家要叫大辣先得🤔🤔🤔呢期都少左佢地既招牌豬手，有3,4件好抵食。另外佢既豬扒質素都幾好，唔會好勁瘦食到sip牙縫個種🙄🙄以前見到佢有好多分店都好開心，但而家執哂咁濟。而家都好少見佢地滿座，希望大埔店唔好執啦🥺…Read More

呢排過黎土瓜灣做嘢，見到呢間多人推介，價錢又抵，就黎試下。見好多人話人要排隊，一點黎到即刻有位，好好彩✌🏻✌🏻叫左個豬頸肉便當，加滷肉，加一份炸雞排小食同例湯🤤🤤便當既豬頸肉好足料🤩🤩，而且唔係肥油軟身個種，但調味較淡。上面有啲奶油津白，粉絲，滷肉係偏甜口味，肉就肥瘦適中但未起膠炸雞扒34蚊有三大塊，新鮮炸超，外脆內軟，cp值機高。隔離枱食炸雞扒便當，個雞扒多一倍，大到放唔落碗😂😂湯係滋潤，但蜜棗太多，太甜唔岩我口味整體黎講好抵食，值得推介…Read More

18號第一日開張，lunch time見到人山人海。到5點幾再去時已無乜人，last order係5點半，不過6點就會收碟，因為書店開到8點所以可以繼續坐。想坐耐d做野就請店員將飲品用外賣杯裝，現場d店員都好nice~Tea set $40-$68，免加一，價錢經濟。叫左墨西哥薄餅，烤雜菌料，加埋芝士一齊烤，熱辣辣上碟係好食既。配料有至愛既牛油果，蕃茄莎莎辣辣地好開胃。叫左個涷朱古力，唔係口淡淡貨色。d冰好耐都唔溶，唔知點解😅新張期內套餐配特飲只要加6蚊。朋友第二日去飲左杯ice dirty，由3種咖啡整成，話好好飲。現場冷氣有d大，可能要兼顧埋書店既空間。lunch後人少少買本書坐低睇都幾舒服。唔知可唔可以唔買書都坐係cafe睇，不過如果整污糟人地本書就買左佢啦。書店有d 精品同fair trade産品賣，都幾多樣化。…Read More