yysskk's Profile

本身喺熟客，經常落去幫襯，但自從裝修後，Meun轉左，好似無加價但其實變左模式加你錢，叫個小菜要+$12先有飯同湯（之前係跟埋）。係咪即係只想招呼一大班叫幾碟餸又唔駛要咁多飯嘅家庭，咁一條友去食餐飯想叫個餸（本身好似係$7x)咁加錢要飯同湯就變成$9x！唔係比唔起，係性價比問題，覺得唔值者，$9x可以有更好嘅選擇，只係諗住食餐便飯，啲人話想平可以食午餐，但我唔係要平，係講值唔值，午餐$58有湯有熱飲，但啲餸係少得可憐，所以係唔值！！咁當然佢有權點加點改都得🤷🏻‍♀️所以我咪寧願去隔離一品囉。…Read More

老闆請食飯，諗住去間有質素啲既日本菜啦，見啲食評咁好就去試下啦。一開𨋢好近有兩檯客食緊，心諗點解會咁近𨋢口放檯架（起碼都放個屏風隔一隔丫）一個女侍應招呼我地，抱住個水壺挨住幅牆問我地要咩，哇，茶餐廳啲伙記態度都好過佢囉，檯面的豉油無晒同佢講，佢點頭完出去，再行過黎時係去幫𨋢口檯浸水，再行過黎時係同我地上菜（都唔拎埋豉油過黎）然後上完菜就喺隔離檯拎豉油比我（咁既然係隔離檯拎，點解唔係我一問佢時就喺隔離檯拎呢）真係費解。食物係唔差，但未係去到啲人講既好食到一試難忘要再食囉，呢個質素出面好多地方唔駛呢個價添啦，都唔知係貴喺邊一忽！擺盤九屎、食物名懶勁！總之一句講晒，服務差就幾好食幾平都無用，仲要係貴添，如果只想招呼達官貴人既，唔該門口寫明不招呼普通打工仔丫！𨋢口檯客講野大聲到一個點，嘈過大排檔，成餐飯聽住佢講佢成3億單生意！…Read More

講真食物質素、環境係真係好好，湯底（我地點左麻辣同養生）和牛真係抵食，就算係出去自助夾既同熟食小吃都好有水準，$339係抵食120分鐘（1830前入座$299仲抵啲添），同埋任食芋圓、愛玉.....等等（味道係好好）。但係但係但係門口做接待嗰位帶眼鏡既女士真係真係真係超級無禮貌，唔該餐廳老闆注意下呢位員工既服務態度，我黎食餐飯點解要睇你面色同受你氣，自問無得罪你，又唔係無理取鬧，上到黎正正常常咁報到攞位，咩係待客之道佢完全唔合格，唔會想再去！幾好食都背脊骨落呀😡…Read More

新年開工諗住食餐好，試下啦，點知淨係啲服務員已經好唔掂，介紹餐牌唔清唔楚，送餐時又經常撞到同事個身，每碟都要問一次係邊位既（咁高級既餐廳唔係會記住用餐既人咩？）放底甜品但全部無比匙羹，補返黎係就咁揸住幾隻拎黎，收碟時砰零蹦難，疊到啲碟亂七八糟。到食物喇，我地6個人有四位食生兩位食熟，先講啲刺身完全係唔新鮮既，睇張相好似好新鮮（呢個係第二度菜），但完全係無味既，真係元氣都好過佢，之後已經唔想再影，第一度個前菜講到好似好勁，又話要點食點食，係垃圾，得個芝麻醬豆腐叫做有味，其他主食都已經唔想再提，成$800一位真係完全唔值得，呢餐請我都唔會再想食。…Read More

星期日收工諗住食餐好，行過見呢間野有位好似又唔錯，就揀過C豪華餐食啦，點知伏既，係有107品比你揀，但每一款海鮮啲肉都係梅既，刺身凍到係冰黎，首先好少見墊底冰係用冰粒好奇怪，叫左三文魚、池魚、吞拿魚、象拔蚌、大蝦、帆立貝，全部凍到實晒一舊舊，完全無味！咁叫熱食啦，避風塘炒蟹啲蟹唔知係咩蟹，一咬落口梅既，完全無嗰種食物既味道，凍食熱食全部都唔掂，得款羊架係好食，連加一成5舊水一位真係完全唔值，服務同環境係可以的，但食物實在太差…Read More