Joe098's Profile

難得見新開一於幫襯下。叫咗pizza 同意粉，食物味道不過不失啦。特飲只係一個茶包收$20唔係咁值。不過職員服務態度好好。因為二人叫咗一個蒜蓉包，識主動問使唔使幫我哋剪開。其間有個大肚婆離座，會主動推開張枱等佢輕鬆郁動。又會主動問茶使唔使加熱水。…Read More

好難得喺香港食到台灣味道嘅滷肉飯平時其他只係食到飯加堆肉碎汁而依度真係有台灣味道、有豬肉粒嘅滷肉飯，而家連匙都係用經典台灣鐵匙。掛住台灣滷肉飯嘅可以嚟一試。至於麵就一般啦，不過不失，我揀咗中濃度湯底味道可以，但唔叫印象難忘。環境都唔錯，不過服務員有少少後生唔夠醒目，叫佢畀杯水，佢真係畀一杯水😂但明明我枱有兩個人，賣單又找少咗錢...😅不過依啲少問題，唔大影響。另外依度用掃排隊籌嘅QR code落單，不過張單print得有啲差，scan佢有難道。而且用餐時間得四十分鐘，不過都夠時間食嘅，因為上菜算快。…Read More

第一次食依間拉麵環境乾淨企理落單之後同行友人想去廁所，職員好貼心噉留起佢張單，等佢返嚟先煮，以免啲麵太冧。而佢本身出菜速度好快，一陣我個麵就到咗，但由於我都等埋個朋友先食，職員見狀想幫我重新煮過個麵，驚個麵變冧影響味道，雖然我婉拒咗職員好意，但職員為客着想嘅態度好好櫻花蝦拉麵（下）湯底唔錯，唔太濃有蝦味。適合中意有味道但唔太濃嘅人。日式煎餃子（上）正常水準，脆邊有咬口。…Read More