Full of Love's Profile

其實呢間都食過好幾次，呢一次係食物種類最少既一次，生蠔都係最小型既一次，連螺都係有沙架，蟹腳唔知係咪浸咸水存放地超咸⋯最好食係豆腐花⋯甜品還可，keep到水準（可能因為係買既貨，唔駛餐廳自己做）。河粉都好食，係個清湯底都偏咸咗d，不過在無咩野好食之下，呢一碗河粉已經屬於佳品⋯我推介大家試下個魚蛋，食一口就會諗起20年前返大陸坐長途車時，在中途休息站食既魚蛋，怪味，我都好耐無食過呢個味，我媽都係食半粒就唔食啦⋯火雞真係唔知係咪擺咗幾日，乾到用鋼牙都會覺得難咬開（雖然我係真牙）刺身都係得啖笑，我揀爭鮮都會覺得仲新鮮⋯雞軟骨串都好似隔夜翻熱咁⋯服務員態度好既，但明顯人手不足（仲要未滿場）人頭優惠後大約$600一位，但這一餐係$300都不值⋯唉⋯諗住方便就腳揀返將軍澳食⋯食咗咁多次，越做越差⋯經過埋今晚，可以列入黑名單嚕⋯…Read More

人人稱讚既Hotel Icon只係不過如是，主打有長腳蟹，生蠔及榴槤系列⋯當然仲有其他食物，我基本上每樣食d~好食就翻食，唔好食就唔會食哂成件，唔好浪費我胃既空間～榴槤系列中有不少係我食咗一小口就唔會食既，仲要最穩陣既炸榴槤有兩款，但都一樣係炸皮好硬，兼帶有油臭味⋯其他都不值一提～只有佢地自制既榴槤雪糕球幾好食，但未做到令我想再食，一杯夠了⋯長腳蟹就唔夠新鮮，得個咸字⋯炸雞蛋係有肉碎包內既炸漿，肉碎係酸臭味，頂唔順😵‍💫烤牛肉味道本身都幾好，但有點太乾，肉汁不夠🫣🫣其他普普通通，唔算好食但又唔算難食就唔講啦～咁有咩好食？我又講下肉類：羊架～其實好香，都好食，帶有微微「羊蘇」味，唔錯👍🏻我無食哂係因為我之後仲要試食其他，不過肉類選擇中，羊架係首選推介及唯一會推介。海鮮：生蠔～唔係咩靚蠔，論外形及味道似愛爾蘭生蠔，但新鮮，都好值得食～同埋開蠔勁快，基本上唔需要等，我行咁多轉拎，食咗25隻🙊🙊其實我仲食得落，但夠鐘了榴槤系列：自家製榴槤雪糕球～有榴槤肉在內，唔錯既，不過「無」令我想翻食既衝動～可能因為我食過更好，呢個係成堆榴槤系列中最出色咁解～湯品：椰子煲雞～真心幾好飲，好香印度椰子既味道，加上雞肉都出味～飲完亦唔會乾喉，我飲咗兩碗，如果有時間，我會再飲👍🏻12:00-14:30，兩個半鐘既lunch buffet, 埋單人頭計$658+10%=$724如果仍然呢個質素，我唔會再去。…Read More

6月23日晚我約咗朋友去中環蘭桂芳飲野，朋友未到就自己去食啲野先，經過見到霸嗎拉麵咁有日本既氣氛我就選擇咗食拉麵，我去到都大約8點半左右，都喺門口等咗陣位，等差唔多10分鐘左右，見到入面有枱，但係話要喺門口等，成個場只見得1個男仔，感覺人手嚴重不足，等位期間見到有職員喺廚房位置只係顧住講電話...有咁多客人又等位都可以喺度講咁耐電話，真係無語…最後食完見朋友差唔多到就埋單走人，入番正題先~拉麵都算好食湯底夠濃厚，唔會太咸，肉咬落好香口，食完都唔覺太口渴，應該都未必會再嚟，真係有待改善…Read More

今次係無心插柳柳成地約到呢間餐廳，一進門口見到既畫面係「華麗」與「浪漫」，我一行四人都好滿意環境，大致分三個區份，bar椅，平常椅，搖椅，設計好靚，鳥形燈⋯原本限時90分鐘，仲之後收到電話講餐廳可以俾到120分鐘食物種類都多，如圖片所見，牛肉真係好好食，全熟但又不會un，仲要有肉汁，難食到咁出色既一道菜但個雞真不是我杯茶，有腥味，我分唔清係冰鮮腥定香草腥，我自己只食一口，其他朋友食甜品就因為時間問題試唔到想食，簡單地要咗個tiramisu，一般，唔會再試至於其他食物都中上值得再去試。侍應態度好好，仲要都係靚仔靚女，身材都好…Read More

今次總共叫咗大一盆「特級牛肩脊」，一盆細既「特級牛肩胛」，「黃湯豬潤」，「自家鯪魚麵」配上「18禁卜卜硯」。兩人食埋單共約$1300。一見到個火鍋湯底就係要勁讚，約$180，呢個湯用既係魔鬼辣椒，會越煮越辣，所以配個小辣試下，剛剛好既辣味不會太麻，仲要辣得好香，初時啲硯新鮮到不得了，會開口吐水，小辣得宜，絕不搶味亦不蓋過所有肉味，我不停畢黎飲但都唔會覺得口乾，真係想一口接一口，呢個湯係高度推介必試！最大盆既牛肩脊，約$500，真係香甜又濃味既牛肉，分怖平均既雪花，入口即溶，絕不油膩，不過要食飽就真係價錢唔平，但如果好喜歡食牛又有要求既話，都不仿一試！食完大盆未夠喉就叫咗個小既牛肩胛，約$140，可惜無影相，雖然$140一碟，但個量都不少，而且味道不會比牛肩脊遜色，肉質較鞋但味道都好香，下次再去既話我會揀叫三碟呢個，因為真係好食，三碟加埋$420，一定夠一定食量既女士食。豬潤，約$40，我會形容同就咁街市買返黎就撈咗生粉就算，無咩味，落水後生粉溶開，豬肉立即變回鞋身，唔值。但最難令我接受既係鯪魚麵，唔記得幾錢，好似約$60，唧袋開口剪到好大，好似唧緊條便便落煲咁，而且打圓咁唧就變成咗大型蚊香咁，外型上不吸引，除咗魚腥之外就無魚甜味，真係唔好叫，最浪費錢！好彩最尾落而無影響其他肉類味道。另外晚市竟然可以$1一隻甜蝦，不過催咗幾次單都無送黎，結果到埋單一刻都無⋯⋯人手真係好嚴重不足，再加上只有90分鐘，人手少上菜慢，90分鐘更加轉眼過。總括黎講，呢間餐廳食物質素幾好，值得再食，希望可以將以上問題改善。…Read More

我今日同朋友食晏晝共享咗一碗生牛肉粉，上湯扎肉粉同加錢叫咗個蟹肉焗蛋金磚，跟餐配上桂圓紅棗茶～先講呢兩碗粉，生牛肉堅少得可憐，只有3塊半仔，但竟然要俾$52，感覺就好似俾$52蚊食碗齋河粉～上湯扎肉既肉就多啲啦，唔理厚薄都叫做有6塊，不過個湯好麻麻，但唔差既～至難頂係個蟹肉焗蛋金磚，朋友叫我形容個味道我真係唔知點講好，因為只食到咸，到佢食咗一口我就反問佢點形容好時佢都話只食到咸～呢一味可以改名做蟹肉焗蛋鹽磚～到底係咪想用鹽塊蓋過唔新鮮既蟹味呢？我都唔知，反正我只覺得怪同咸～全餐唔值，難食又貴～個桂圓茶幾好，但偏甜～呢度環境就唔錯既～裝修有落下錢～職員做事都快手～…Read More

睇過咁多食評都係話好睇唔好食～但我又真係好想玩下新款小新，所以帶埋仔女去食～抱住無咩期望就會有驚喜～我一大人兩細路就點咗 1）大飛朱古力流沙包 2）不理左衛門奶黃流沙包 3）檬檬豬蝦餃海鮮腸粉 4）櫻花帶子海鮮炒飯 5）小白朱古力特飲 6）小新桃味特飲 7）媽媽櫻花味啤酒朱古力流沙包一籠只得兩個，所以俾咗仔女食，仔女話好好味，同埋外表真係好靚～奶黃包對我黎講偏甜，無咩奶黃包既香，但都唔錯架～蝦餃腸粉外型差點點，特別係扮小新既蝦餃，變到歪頭小新，一碟有兩條，海鮮既意思係一條蟹柳，一條蝦，蟹柳無咩味，蝦味好得多，有蝦香同彈牙～腸皮有啲質感唔會太軟身～平時唔食蝦餃既呀仔竟然話食小新呢個蝦餃頭～以前喺茶樓叫佢食啲都會話難食，今次呀仔話超好食，佢第一次話蝦餃好食，我下次要點籠蝦餃自私食先得～始終點心難食飽，想食飽又偏貴，所以叫咗個炒飯，呢個櫻花帶子炒飯雖然無大排檔既香，但講真係路錯架～料仲好充足，帶子好多，帶子唔係水充，幾好食，仲帶點爽口～不過唔知櫻花呢個名點黎⋯朱古力特飲如果可以更濃朱古力味就好啦，唔夠味～桃味特飲係清香，唔錯既，不過都係濃味啲更好～櫻花味啤酒一般般，不過桃味沉底，飲到較下先飲到隻味，但又唔會因為沉底而好甜,無咩啤酒味，酒精味仲淡過雞尾酒，唔覺飲緊酒精飲品～重點一定要訂位，我一點去到話最快要夜晚8點半先有位，所以即時叫留位後就帶仔女去玩下（中環先可預早電話訂位，尖沙咀分店係要現場等位～呢度其實除咗卡通點心之外，都有其他茶樓點心架，鳳爪排骨飯，齋腸都有架～另外本身強制性10蚊一個茶位，但有叫飲品既可以唔駛俾，但真係再叫茶就唔知點計啦～我地點野食後叫壺水係唔駛錢既（唔知係咪因爲我叫咗飲品先唔駛錢，最好問定先）…Read More