我呢啲鄉下仔，過去幾十年都無乜去過港島區，過去一年已經多過我有生以黎既次數。但係每次都急急腳要走，想正正經經搵食下都無。機緣巧合下，某日有機會去到北角工作，做完野，又係搵野食開飯既時候。初頭諗住係北角呢區唔易搵到心儀既餐廳，點知一開 APPS，就已經發現面前有一間拉麵鋪要懲罰下。店鋪偏細，只係有三張細枱，同埋BAR 枱得幾個位。無咩特別裝修，不過有我最喜歡文宣，已經夠哂！幾位哥仔都好笑容，完全唔覺得就黎結業。我通常都唔係中午食飯，下午茶時間都有幾枱客唔錯。啱啱果日過去仲有蘋果日報睇，如果唔係趕時間，真係想坐係度睇哂份報紙先走。食拉麵最緊要就係湯底，湯50 麵25 餸25，個湯唔好，其他野點好都無用。豚骨拉麵 + 章魚丸豚骨湯底唔會油淋淋，飲得出係落足料餚出黎。配幼麵我覺得唔錯，唔使成日攪啲 gimmick 野既，其實有時大路正路野反而仲好。章魚丸︰好多時都食落成舊粉，食落足料又脆。佢地既章魚丸唔會淋汁攪到腍哂。辛辣豚骨拉麵 + 餃子因為我唔太食得辣，所以剛好，不過鐘意辣既就應該覺得唔夠過癮！雖然辣味無蓋過豚骨味，但我都係鐘意豚骨湯多啲。餃子︰香，薄，脆。好食。蝦味噌豚骨拉麵 + 炸雞蝦味噌湯味道平衡，蝦味/味噌/豚骨無搶大家風頭。不過本人對蝦味噌湯鐘意味重少少，如果蝦味重啲就啱我啦！炸雞︰果日掛住講電話，凍哂先食，以前試過食炸雞凍左會出油變腍，估唔到今次仲係香脆軟滑，驚喜。黑蒜豚骨拉麵 + 薯餅黑蒜味香，不過食落又唔覺得好重蒜味，都唔覺得好油，或者可以加試下加啲炸蒜~ 薯餅︰脆，滿足。小小補充原本因為仆柒，差啲唔可以去到食哂 4 款口味既拉麵，幸好最後都趕得及去，希望老闆可以東山再起！希望可以趕及結業前出到 post.同埋原本寫好左，唔小心 DEL 哂，無心機再寫 -_-....…Read More
今日我呢，就點左。炸蝦餅，加無骨鳳爪沙律，飲多杯熱咖啡。蝦餅炸得剛剛好，唔會乾哂，仲好juicy, 另外果個『無骨鳳爪沙律』，酸酸辣辣，好味道！不過其實我唔食得辣，食兩舊就頂唔順......又咁講，食泰國野，唔食辣，又點可以評論呢間餐廳食物既質素？！所以頂唔順都要試下。餐廳環境企理，唔會好迫夾，播緊英文情歌，聽住成個人輕鬆舒服，因為我下午茶時間黎，無乜人，啱哂鐘意寧靜既我。
