shamwing's Profile

每日起身返工既動力就係搵晏就食咩野！！唔知大家有無同感呢？ 哈哈 呢度既好處就係可以除左睇到晚餐餐牌就係最緊要既Lunch餐牌！ 好彩有會員上載左 如果唔係我都唔會發現間咁好既餐廳！琛夜食堂竟然Lunch都開！$48 包自助沙律吧、湯、餐飲主菜另外加錢 價錢分別為$10 $20 $30 $40唔加錢要主菜可以就咁沙律吧 如果有朋友淨食沙律既話都不妨黎呢度試下 都夠飽架～沙律吧既碟同2羹湯～初嘗試+$10大蝦雜菌意粉 睇樣都覺得唔錯啊！落左蝦籽粉 好香蝦籽味因為咁 所以隻大蝦沒咩味道🙈食落好夠味好多汁 意粉彈牙有咬口 唔係煮到軟淋淋 一夾就斷個隻如果要食清淡 建議同侍應講喇～同事話薯條好脆口 卷卷就比較細份 需要食多啲沙律同事話飯一粒粒好似意大利燴飯 好夠味但就比較多汁 需要清淡既朋友記得同侍應講喇～重點：1. Lunch $48呢個價錢仲有自助沙律吧呢點已經贏通街2. 沙律、湯、主菜都有質素 同價錢成正比3. 強烈推薦！！以下係自助沙律吧～出面好熱啊 晚上同埋冬天感該唔錯～室內環境都正正常常～…Read More

尋找附近平靚正既美食 富有異國風采既裝潢 好吸引 同事就二話不說入去 入面都幾多學生妹妹架！好可惜既係無Lunch set，檸茶都加$10叫左個土耳奇式肉丸配飯 $55 但竟然未整好！！心裡大叫一千萬次 Lunch time 食飯時間啲野未整好 就叫左個土耳奇式雞扒配飯 $58外貌唔錯唔錯 雞肉只有醃料既味道 而醃料味道係無味 完全食唔到雞肉味道 連同啲菜、洋蔥先有啲味道飯係要讚既 因為好彈牙同好一粒粒咁 好好食同同事交換左少少黎食 雞扒同轉轉雞除左價錢上唔到同埋多左啲醃料之外基本上無分別，因為都係無咩味道同事既係轉轉雞肉配飯 $45轉轉雞 雞肉會硬過雞扒少少 同埋呢個最平點係我要比$58食只有主菜 係其他地方有埋湯野飲送....學生價$40 難怪除左學生妹妹 都幾清靜如果可以改善一下既話就有機會再黎1. 地點問題轉唔到可以搞多啲discount 送多啲野2. 野食可以多款啲 合理啲 3. 套餐好重要！！幾有特色既店…Read More

呢間店由日本人打理 每次黎食飯團都無失望！ 店員講日文 好願意同你講廣東話架～飯團SetB 炸雞$28+南瓜薯餅$10 =$38 好抵！！飯團啲飯係互相黏貼 唔會散開 而啲飯入口後係一粒粒咁 唔好睇佢細細個飯團 係落足料整架！紫菜昆布同明太子味道淡淡地 連同炸雞薯餅一齊食中和返炸雞個炸皮薄薄的 唔會太油又唔會太炸（唔係薯餅個隻炸）咬落去雞肉好軟好入味南瓜薯餅因為甜甜的所以好鐘意食 夾埋飯團一齊食中和返啲甜味 依家打篇文都流流地口水 可以揀直接係店度比八達通或者拎飛仔去櫃位比現金 如果方便店員既話就準備定八達通啦～店仲有日文報紙拎丫～大家可以同店員練下日文架～味道：4星價錢：5星 …Read More

Lunch 唔洗加一 有湯 任添前菜見到其他食評都大讚Lunch 唔洗加一 任添前菜仲有湯！未放Lunch已經好肚餓！1點去到都幾full 唔洗排隊 執好位就有得坐原來Lunch Menu已經轉左 最後先附上Menu!!店員比較少 所以點菜等左陣...上菜以為要等好耐 但原來上菜速度幾快！ 點完5分鐘左右有野食上台前菜係泡菜 魚仔同茄子 每人一碗例牌海藻店員仲話可以添前菜！聽到就即刻清一碟茄子叫多碟 哈哈個飯都幾大碗..炑八牛肋骨煲配飯 牛肉好易咬 好入味同埋無痴牙！！果然係肉店 好感動入面仲有紅蘿蔔同白蘿蔔 加埋前菜茄子同泡菜 其實真係唔洗食飯最平個餐都係48 然後有咁多野食 超抵之選！！！！ 絕對有下次！下面係menu …Read More

晚上的澳門食咩好呢？ 附近雖然有大旺翅店同印尼快餐 最終被呢間既外型吸引到原來係印尼餐廳！氣氛同環境都唔錯！柚子雞絲沙律以為係好多菜個隻沙律 原來係大量柚子同沙律仲有白色沙律汁！好清新同開胃！ 食完肉再食呢個可以清一清個口藜麥飯係印尼飯加藜麥！ 印尼炒飯既香油味藜麥只佔少量 食左半個覺得好油膩主菜 半份ribs!!!!! 附上手套 紙巾同骨桶絕對可以3-4個人食！ 2個人食既話加多個沙律就一定夠飽！肉好軟淋淋 好容易就切得開 骨同肉基本上一切就開 唔洗用手拎住骨黎食添！ 優：容易咬 容易切 容易分缺：無左拎住食咬下骨既快感好入味好香！點埋個汁就會咸左啲加啲青檸汁更加食到肉既清新味道奶茶因為未飲過印尼奶茶，我都係鐘意飲港式奶茶多啲喇🤣味道形容：似用真奶沖既台灣奶茶 多奶茶 無咩茶味2樓牆面 簡單又好食…Read More

終於係尖沙咀搵到間好似又就腳既健康店！雖然係做gym入面既店 入到去完全無人打擾你！ 可能係因為知我淨係食野！？而且好多位，環境寧靜！好relax~~~~😻仲可以睇下人跑步同踩單車～完全唔洗排隊等位同人逼！係尖沙咀有呢個地方我一定成日都黎！大家可以撞下我🤣小妹揀左Set 2 A 茶燻草飼鴨肉 250kcalB 蘋果香醋拌黑木耳 100kcalC 時令蔬菜三色藜麥 150kcal是日餐湯 50kcal好豐富好色彩繽紛！1. 湯好清甜！好似飲緊屋企湯咁 無味精唔會咸2. 鴨肉好好食 (皮有啲厚) 最緊要皮都唔好食 食埋皮可能就過250kcal 🤦🏼‍♀️3. 木耳好入味！食餐最濃味係木耳！有少少杞子同埋唔辣架～ 建議飲返多啲水😌4. 第一次食一碗藜麥 要咬咬咬咁細粒既野個咬有啲累🤣 好有趣！食完成餐都無喉嚨唔舒服好口渴既感覺對於大食小妹講2點食完剛剛好 唔會話飽到上口心 返到公司去到4點幾仲feel到消化緊😌放工就開始肚餓🙈😂 食完記得拎返個盤去落order既地方～餐牌寫埋每樣野食幾多kcal架～環境一流～可以黎食個健康沙律～放鬆一下～…Read More

放左學番屋企食野 店內清靜 可以包場！念念不忘既係有拉闊電視！節目都好有趣！如果鐘意睇電視又唔知去邊一定好適合你！蕃茄蛋包麵+雞軟骨餃子蕃茄味濃！唔係稀釋個啲黎！食完半個麵加埋蕃茄已經飽飽地  鴛鴦焗薑飯（咖哩牛腩+蕃茄菠蘿豬扒）一次過食哂2種口味！ 唔好睇佢細細碟（大食）小女生黎講 一個飯已經夠飽！本身得薑飯 想轉意粉 店員都話可以轉 最後想試下推薦既薑飯薑飯唔錯！有薑既香味 咬落唔太硬 重點是無薑既辣味！！大家一定要試下薑飯！日式炒雜菜 入面有金菇架！旺角黎講價錢算正常環境清靜 有電視撈飯 有屋企蕃茄食 抵！*推薦薑飯…Read More

早餐趕時間試左個「超值餐 」無糖麥皮牛奶 （清淡 無味 麥皮粒粒好軟淋淋 啱要食清淡野既人架！）火腿芝士三文治2個 （清淡清淡清淡）熱飲 好立克（唔洗落糖已經夠甜）搞笑既係 我叫麥皮餐 外賣加$1張單寫火腿通 我個心態已經準備好食火腿通最後都係麥皮…Read More

商場裝修中試下台灣野清靜 環境乾淨優美 綠色綠色綠色 裝備幾靚下午茶時間可以揀埋lunch menu 拍迷你份量好少 所以叫左午餐原來午餐個碗都唔大喎......等左陣我叫既飯上先 朋友飯等左成7～8分鐘先有我既香菇肉燥飯...隻蛋較樣衰 肉燥較少（對比朋友個碗）  滷水拼盤（白蘿蔔x2 雞翼x3 豆腐x2 豬頸肉x3)鹽酥雞 軟林 唔錯朋友碗香菇肉燥飯 等左7-8分鐘 靚蛋多肉燥鹽酥雞會有3種粉可以落1.海苔粉 味道似shakeshake薯條粉（你懂的）2. 梅子粉幾有趣 可以溝淡味道3. 七味粉 唔辣！似吉吉家七味粉 凍飲加$3 個餐分量偏少 男仔食未必夠飽女仔食只係剛剛好（所以減肥應該夠？！）…Read More

名氣太大米之蓮一星可能只能夠係日本食得到第一印象好差因為有2個門口 我去個個門口無指示只係見到門口有條隊 個隊(頭)有牌就話要購票(?)好 見條隊唔係長 去購票先 以為係日本自動買飛機原來係收錢機隔離睇餐牌 比錢 購票隊之後睇下食評話鹽味好咸 因小妹唔想食咁咸 所以去改味道改左醬油味等左幾分鐘就入得 入到去既印象就係...1. 逼2. 好多遊客 店員部分係日本人 部分係香港人 3. 無障礙之開房式廚房 食客前面就係整野食既地方 中間無隔板食客打噴嚏既話 咁啲野食可以唔洗要4. 重點係店員有帶著同一對手套做野 切肉 洗野 等等......5. 店員無帶口罩 6. 以為水都要比錢 原來食個拉麵有水的 仲可以添 水機(?)同座位 好近 好逼呀大佬好清楚咁睇到佢地整緊咩 係你面前整麵 同放配料 味噌拉麵 食到有黑松露味 多過味噌味 淡淡地1塊叉燒麵幾厚肉 鴨拉麵 偏油同咸 朋友食多幾啖就好膩鴨肉4塊4～5塊梅花肉 薄但係好濃味唔洗加一麵係正常但間店既第一印象好差除非佢搞下門口個制度同衛生 唔係就一定無下次…Read More

踩到入大尾督 緊係食返餐好既慰勞下自己啦行左幾間 發覺呢間最多人！ 好多人等位！睇埋餐牌覺得價錢ok7點半左右黎 等左大約15分鐘 坐係餐廳既左面 類似隔離店既帳篷入面 比較靜醃無骨雞腳 2隻辣椒開胃同食完最尾真係好辣！ 小妹唔食得辣 面頭既雞腳同配料都食得到 但中間至尾尾的已經好辣 要飲水 好食程度：下次可以試下第2樣紫菜豆腐肉碎湯 10星！大推介！清淡！鮮甜味！令人一飲再飲！ 補充踩單車所流失既精神分量可以分到6碗左右 泰式焗薄餅 咖喱炒鮮魷 呢個唔抵食甜咖喱 完全唔辣 味道有啲似日本咖哩 魷魚得幾舊 點薄餅食係浪費左舊薄餅推介：紫菜豆腐肉碎湯 10星服務大部份係後生仔女 普遍無黑面 都幾nice同聽客講野 佢地傾計都幾搞笑…Read More

係facebook度見到介紹呢間店，就由荔枝角行過黎試下叫左個酸辣炸醬拉面 豬軟骨同蘿蔔 唔好睇少豬軟骨同蘿蔔 睇一間店做得好唔好 就係睇呢2樣整得好唔好小妹係唔食得好辣但想試下，所以叫左「小小辣」個碗勁大 大約比一個籃球再大啲啲見到咁紅 心諗今次大煲啦 唔理啦食左先講啲面一食就食到鹼水味 唉～～～～～2舊蘿蔔 硬既 個心仲係白色 唔係透透地 3細舊豬軟骨 啲骨硬既 同食雞翼無咩分別（中間果3舊）雖然個碗變哂紅色 但無辣味 酸味都無好多油呢度除左湯面仲有撈面食 有機會就再黎試下啲裝飾都唔錯既坐既位置睇落已經有好多年歷史…Read More

2016年12月31日食既一餐倒梗係係尖沙咀啦！於是出發丁尖沙咀 行行下發現有間價錢優惠既台灣店 原以為倒數日子會好爆 唔洗等就入得啦！入去有位後個侍應講左句好快既野 都唔知佢講乜 研究完餐牌後發覺係用紙點菜再自己出去買等人送黎 （估計侍應想講：點完出去買）招牌牛肉面 - 湯令人一飲再飲，牛肉有點兒咬不開豬軟骨乾拌面 - 乾拌面比較遜色，好多油，豬軟骨易入口，不用太力咬卤水3寶- 大腸，卤蛋，豬耳（？），餐牌上無寫有邊幾款叫黎試下，大腸好難咬開 無食到 豬耳（？）爽口！食完一次下次可以試第2樣野…Read More

帶左英國人朋友黎食好時沙嗲一入商場朋友已經有啲疑惑 呢啲先係特色黎架嘛！朋友一睇個 Menu 見到係英文行先同埋係用吸引人目光既英文 讚左好耐平時去餐廳只會見到直譯既餐牌香茅雞 配飯一流 有啲甘甘地既味 雞肉易入口 雞大約有10舊左右整要一段時間 我地差唔多食完先上蟹肉丸湯蟹肉丸入口似粉 好好食！有菜又清 當餐湯飲唔錯架 加多加多 個名好特別！ 菜蛋加埋汁 可以食一碗飯！ 汁唔速而且好開胃 很好的開始！喇沙 微辣 我唔食辣都食得到！ 有魚蛋同蝦 可能食左加多加多 汁無加多加多咁出色 但食完一啖會想再食多啖 食完口會有啲乾 要飲飲水先得如果自己一個食一定叫呢個！英國人朋友都好滿足！總結：價性比高…Read More

尖沙咀小小的角落有一間外賣上海生煎包 師傅即場整 等左幾分鐘就生鮮滾熱辣出爐喔！$28 4隻 有一小盒醋 生煎包新鮮出爐 入面好多汁 小心咬喔！湯加醋加餡料味道一流耶！可能環境所至，味道有種只有在這裡才能吃得到的感覺～（可以當甜品吃喔）…Read More