or#tm66837881's Profile

遇然入左深水埗呢間小店食晏，叫左碗鴨血大腸米線另加豬頸肉同豬潤，除左豬潤比較鞋口唔推介，成碗野都幾好食同足料，小辣版酸辣幾夠味，最驚喜係米線煮得好爽滑，最後一條都要清埋先肯收手🤣自己中意食辣但唔係勁食得辣，加多杯凍檸茶正常甜，好夠茶味，啱晒用來配辣米線～如果有機會再經過呢頭，願意再幫襯。…Read More

第二次黎食，今次寫下食評先。好驚喜終於試到虎皮豬手，之前食過另一間但只係得個名叫虎皮但其實只是普通鹵豬手，口感幾得意，必食。另外呢度會包埋類似薄身燒肉的料，偏肥但幾香口。唯一一彈是兩次食都覺得個粉好淋，沒有應有的爽滑口感，似煮到淋晒的米線，建議可以俾客人選粉質的軟硬度。…Read More

知道之前店舖開係葵興，真係好難去，呢次新店位於佐敦，抽到時間馬上衝去試試。閒日六點半到估唔到已要排隊，不過未至於等勁耐就入到，美中不足係有個人龍中的女仔突然衝入去要求坐某個吉位，然後侍應姐姐就放左佢入去，對於其他排隊中的單丁人不太公平。野食方面叫左個湯粉+炸蛋全餐+柳州臘腸，盛惠$98，基本上第一次去乜都想試下的客人應該都係人均100左右走唔甩，都真係唔平。只有食過淘寶螺螄粉的我覺得都幾好食，唯一失望嘅係舊豬手完全唔係虎皮，只係一節普通豬手兼清唔晒毛。我諗我會再來，但只想翻兜炸蛋同臘腸，哈哈～…Read More

同朋友第一次來食午餐，選左90分鐘香辣乾鍋加任食鴨血及冰粉set。之前食過十二味的乾鍋，今次呢間口味有少少唔同但感覺呢間更合我口味；兩個為食之人選左8個配菜，全部都合格不錯，最大驚喜是四川臘肉，超香！有機會會再來食過，推薦。…Read More