ppyee's Profile

今次第1次嘗試玉葉，因為都鍾意食越南野，同埋價錢幾廿蚊包埋1杯野飲，真係抵1）西頁咖啡燒雞飯雞肉勁鞋口，雞髀肉都搞到好似食緊雞胸咁咖哩汁正常，唔太辣，大部分人都食得到2）春卷撈檬春卷好好食，新鮮炸起熱辣辣如果佢另上更加好，因為放埋一齊整淋左啲撈檬正常，份量都正常，佢有好多配菜，但食落去唔太香3）（熱、凍）蜜桃柑桔蜜桃味好香，本應係香甜，但加埋柑桔用左啲酸溝埋左一齊，成杯野又酸又甜，唔夾推薦指數：🌕🌕🌖🌑🌑以晚市幾十蚊，包1杯野飲，真係已經好抵…Read More

為慶祝朋友生日，所以諗住一試呢間海鮮粥底火鍋～但間店既坐位同枱都幾窄，環境幾焗促，好在佢都開得幾大冷氣我地叫左$288套餐，假日+$20、醬油+$20，另外仲叫多個每人$39.8既點心、火鍋套餐1）$288海鮮粥底火鍋啲海鮮非常新鮮尤其隻龍蝦超新鮮、彈牙、爽口、鮮甜無得彈！勁好食！啲蜆其中有一隻有沙，其他都好好食，好新鮮！完全唔洗點任何醬料！食到咁上下啲粥未得，就可以叫$39.8套餐既野食黎淥～2）$39.8套餐牛肉球、蟲草花雞牛肉球幾好食，有酒樓質素（以為任食係麵粉團果啲），蟲草花雞就靭啲2豚1牛，中間係黑毛豬，所以係最好食當然仲有菜～都幾靚啲菜，本身$288係唔包～3）$39.8點心叫左幾樣點心，都中規中矩，算幾好食，最好味係呢2個包encore左一次！係「奶皇包同紫薯包」！奶皇包好似圖中咁，熱辣辣又流出黎！勁正總結：🌕🌕🌕🌕🌑服務都好好可能少人；但都幾有禮貌，不過多人食既話CP值先高…Read More

難得收早，所以同友人就去食個下午茶～1）大蝦札肉米紙卷舊米紙卷都幾札實，味道全靠個汁，正常水平2）豬扒撈檬佢寫住即時炸件豬扒，上碟果陣又真係熱辣辣，有少少肉汁不過可能我食果陣人好少，先有呢個機會～不過另外一讚係，佢個撈檬有肉鬆，所以食落口會豐富好多，吊起到啲味道3）餐飲包（熱薏米水、凍竹蔗水）熱薏米水有少少薑味，都幾好飲，而竹蓆水正常甜，可能佢有冰，所以甜度適中，正常4）熱玫瑰龍眼茶呢杯野唔好飲，龍眼同玫瑰完全唔夾，粒龍眼似浸左糖水咁，甜到飛起成杯野飲得落既，但唔好飲總結：🌕🌕🌕🌑🌑下午茶可以一試，正價就算～…Read More

今日需要等朋友，所以搵間餐廳食住等～本身想飲台式飲品，無意中見到呢間店，所以就入黎試下～我好鍾意飲茉香既飲品，所以就叫左1）茉香奶綠（熱，少糖）佢比外賣杯，唔知點解～不過唔緊要，心諗飲唔曬都可以拎走，幾好～但一打開蓋，無奶泡，飲左幾啖，甜味重過茉香（已叫左小糖），珍珠完全無味，:(又唔太煙韌，但又未至於淋2）起司蛋手抓捲餅賣相幾靚仔～食落口熱辣辣、脆卜卜但幣在味道好淡，有芝士都食唔到咸味:(有啲失望....但佢地啲服務都幾好既，有個男（應該係最大）幾好服務同禮貌，其他就好似新人咁，等人教咁，但總算服務都ok~ 總結：🌕🌕🌗🌑🌑…Read More

今晚試下佢既甜品～第一次試呢間店，所以都有少少期待本人都幾鍾意食芋圓，所以外賣左一碗「三色芋圓豆腐花」:)賣相係幾靚，芋圓都難得地幾多，有12粒！幾鍾意但一食落去..........好唔得芋圓勁淋，又勁粉，成舊粉團咁，除左紫薯有少少紫薯味外，其他一律食唔到咩味；豆腐花唔夠滑，又唔香，好普通，唯一好就成碗野唔太甜。總結：啲芋圓真係做到好差勁，豆腐花又唔係出色，$35成碗都好垃圾，好失望評分：🌘🌑🌑🌑🌑…Read More

今晚晚餐無訂位，去到the one間間都要排隊等位，得呢間無，所以就去食（之前都食過3-4次）老實講呢間野食正正常常，只係因唔洗等位我先食咁多次，今次無叫到roll cake，但之前食過抹茶roll cake係幾好食好濃抹茶味，好多cream1）咖喱滑蛋鰻魚飯鰻魚幾多骨，又唔香，只係好普通，再配埋普通既咖喱飯😐唔值呢個價位2）牛肉壽喜燒呢個湯底係吉x家既濃湯湯底，佢下面啲菜吸曬湯味，都幾濃味，而牛肉就幾多起碼有十幾塊，不過都係啲平價牛，好鞋口總結：唔抵食，好普通，只係地理位置好又唔洗排隊，又或者淨食佢甜品評分：🌕🌕🌗🌑🌑…Read More

友人同我都好鐘意tiffany blue，所以引起想黎呢間店打卡印象中，打卡既野食唔會有期望🤣但呢間餐廳今日都打破左呢個念頭 今日叫左2人tea set同1份雞扒三文治～員工有禮貌，又好好服務，仲好細心～1）熱朱古力咖啡+熱日本綠茶（tea set包） 綠茶可以任加滾水，味道正常，唔算太香，但食甜野配返茶岩岩好。:)而朱古力咖啡都係正常，唔太甜～另一杯就係普通水黎。2）2人tea set 呢個打卡set出乎意料之外好食3層加埋都係得1舊係伏～ 最底層，煙肉芝士鬆餅（超好食！咸咸地，又脆，味道好豐富）焦化牛油瑪德蓮、焙茶瑪德蓮（幾好食，唔太甜，正常鬆軟）麵包脆片（少少脆，但偏硬多，用黎點鵝肝焦糖布甸食） 中間層，黑毛豬火腿番茄啫喱（塊豬勁臭豬氣味，唔新鮮；而番茄jelly係一陣生番茄味，我同友人都唔鐘意食，呢舊係雖一大伏）龍蝦包（正正常常，但個包應該脆到變硬左少少）魚子醬醃漬三文魚（正常味道）青瓜松葉蟹肉卷（正常，但配青瓜怪怪地）鵝肝焦糖布甸（勁重鵝肝味，好似成舊都係鵝肝cream咁，有啲膩） 最頂層，青提子果撻（正常，中間都係cream黎，無咩特別）迷你 BLUE BOX（呢個好驚喜！好好食！陣陣茉莉花香，又唔太甜，超正！）榛子醬泡芙（正常，個皮淋左少少）紐約芝士蛋糕（正常，係面頭果塊野食落好怪，又唔似朱古力，我都唔知咩黎，最後無食呢塊野）鳥巢朱古力蛋（個鳥巢係炸左既麵，無味；而粒蛋唔鍾意入面既焦糖醬，勁甜）3）雞扒三文治 友人叫左呢款三文治走左羽衣甘藍（因為唔食得），佢既食評係幾好食，好濃味！薯條勁新鮮，有埋啲調味粉生色不少）總結：價錢貴左少少，但我覺得都值，起碼啲野食算幾好食，服務又好，又打到卡評分：🌕🌕🌕🌗🌑…Read More

今日訂左位，滿心期待諗住試下米芝蓮餐廳，見佢有幾道菜都係米芝蓮得獎，所以對佢都好大期望💖 今晚叫左4道菜，真係有「驚」又有「喜」。服務態度仲要好差，叫點菜（佢企定定係到，望一望你，但唔理你），最後第2個人黎。問佢有無甜品menu，佢好似好驚訝，話係第2本到（咁係第2本咪黎拎睇下囉？）之後又話無，就走左，成個過程唔知佢講乜🤯總之無啦啦又比本menu我地🤯 refill水亦係叫人先會做，叫賣單，果個人唔知係咩態度🤣定佢有語言障礙？🤣勁慢咁講野，都唔知咩態度1）龍皇披金甲 呢個拎左銀獎，上到枱賣相又幾靚，真係好期待首先食左蝦尾先！ 嘩！蝦肉超級霉，平價超市是但一包蝦仁都仲好食過佢！而且咁高級既中菜廳竟然唔挑蝦腸？定係蝦腸都係賣點之一（下圖）？！🤯 之後試中間果舊，佢係用左龍躉肉釀蝦膠，再「炸」。炸野，竟然會係凍冰冰，淋曬？！😰都唔知擺左幾耐，我真係勁失望......第1道菜，拎埋獎竟然係咁；而佢下面既薯蓉都係凍到好似雪櫃拎出黎咁，成碟野最好食係伴碟既蔥😓真係好失望2）酥炸釀鮮蟹蓋 有左第1道超失望既菜，之後我都好驚🥶無錯！呢道菜同樣都係凍，都係我懷疑唔知擺左幾耐！😓整體調味太多洋蔥，味道完全遮蓋蟹肉，食緊洋蔥多啲咁，一啲鮮味都無😓都係好失望3）明閣炸子雞 之後我諗住應該接下黎都中曬伏，點知呢個雞就真係幾好，皮係脆，雞係暖，但無咩雞味，要點調味料食。但我覺得起碼應該係整完先上枱，相比之下，呢道已經叫好食（但我諗同街邊燒味檔差唔多）4）鍋燒蔥香鵝肝M9和牛炒飯 全晚最開心同最好食係呢鍋飯，佢係4人份量，但menu無寫明，所以我地預算唔到。 佢成碗飯熱辣辣勁香鵝肝同牛肉味仲有少少飯焦，脆脆地咁，成碗飯好好食！推介呢個！！5）前菜 呢3碗係前菜，果碗甜腰仁勁好食！勁脆！ 💕總結：我唔知呢晚廚房係咪出左咩事，定本身質素係咁，價錢對唔住個品質，所以勁失望 如果下次黎叫個炒飯、炸子雞、一碟菜，就算推薦指數：🌕🌕🌑🌑🌑…Read More

今日係平日，所以都趕得切18:00前黎到食下午茶因為佢既下午茶都幾抵，又好食第一樣叫左「焦糖單骨雞翼配薯條」，焦糖醬好多，所以令到雞翼好重醬味，好正薯條又熱又脆，仲可以點埋焦糖醬黎食，超好味第2樣叫既係「Oreo麻糬流心吐司」，佢真係好流心，個吐司非常脆，所以要快食吐司加埋雪糕，真係又凍又熱超正！只係個麻糬無咩味道，普通左啲～2個下午茶餐都包左野飲呢杯係「熱薄荷茶」，茶包黎，無咩特別，正常～似飲緊涼茶呢杯係「玫瑰泡沫鮮奶伯爵茶」，玫瑰味有啲淡，伯爵茶味都飲到，整體幾好飲總結：8/10分…Read More

難得有時間食下午茶，就試下呢間啦～之前食過佢既晚餐，都好好食，睇下今次其他野食好唔好食先今次一共點左2個餐，每個餐包一杯$40以下飲品（8成飲品都叫得）1）開心果馬蘇里拉芝士簿餅配蜂蜜呢個Pizza不得了好好食！熱辣辣、會拉絲、脆卜卜、唔點蜜糖都甜甜地～味道真係超正2）焦糖單骨雞翼配薯條呢隻雞翼都好好食，好夠蜜糖味，都係熱辣辣！薯條唔洗講，同樣好脆，新鮮炸飲品方面青檸梳打正正常常，都幾好飲，如果有匙可以吉埋粒青檸就更好玫瑰茉莉紅茶幾好飲重玫瑰味，我好鐘意！但甜左少少總結：樣樣食物都好新鮮，即時整，下午茶都抵，可以試…Read More

好在一早就決定食呢間，因為無訂位，所以就5點幾果陣去。好好彩即有台，不過就限時食75分鐘既見到Menu封面寫住「任添飯、任添麵豉湯、免加一」，即刻覺得好正我就叫左下面呢個，睇menu就係一板海膽既，但黎到得2-3舊...有少少失望，不過好在個海膽都新鮮，完全無臭無苦，但就唔太甜既..$158（無加一）黎講算係好抵食，同叫做好食咁當然就比唔上貴價果啲刺身佢啲醋飯有飯素係入面，所以淨食飯都唔覺得dry，成碗都好高質而我朋友就叫左下需呢個$178，佢啲刺身同樣都新鮮，係有某1-2舊魚朋友覺得好腥，食唔到，但我就食到既佢碗麵豉湯就無乜料，差唔多淨湯咁既，佢啲料就係我呢羹咁既料，不過味道就正常，唔算淡，而佢又係任添，所以都呢個餐仲要包每人一罐野飲，簡直超抵！（不過自選刺身既無野飲架）總結：價錢平，食材算新鮮，好抵食，但下次食要訂定位，因為係良心店而家食仲有88折架！…Read More

突然肚餓諗住去食啲野，見佢新裝修完，就諗住試下。佢下午茶1個餐包1杯野飲，我就忍唔住叫左個炸髀同炸薯條，飲凍檸水一上到台，嘩！左一聲！好大隻炸髀！好吸引又好邪惡一咬落去～嘩～好多肉汁～脆卜卜！超正薯條都新鮮炸！超脆，好好食！之後上既檸水，無檸檬既？！原來佢渣左檸檬汁出黎沖，好特別～但呢個做法既喜愛程度見人見志吧總結：整既野食好新鮮，又唔係等得耐…Read More

食完飯諗住去食下糖水，想食下芝麻糊咁，所以就黎試呢間糖水舖，未食過既。睇見佢「生磨」2個字，好似好正咁，所以都有啲期待。佢得熱既，食左第一啖之後，真係幾好，幾滑，又香，又濃味，好好食！（可能同之前食果間有對比）總結：非常值得推介芝麻糊，其他就未知，因為未食過…Read More

收左工口渴諗住飲杯野飲，見到呢間新開，就試下！去到睇menu，你問店員有咩介紹佢都會逐個茶去介紹，最後仲會話邊隻茶多人飲咁～但為免訓唔著教，我都係飲鮮奶果款。熔岩黑糖波霸鮮奶第一次飲，要叫正常既～珍珠好煙韌、有奶香味，好好飲不過我覺得甜左少少，下次會叫少甜整體黎講咁貴一杯都好值得試下！…Read More

諗住好耐無食過pizza，所以打算今晚食一食一開始服務態度都正正常常既，無乜野，落左單，其實都等左差唔多20-25分鐘先有野食，不過無吹過佢地，因為都多客，可能整唔切第一樣上既野食，（侍應都叫我地小心隻碟燙手）但一食，啲飯係少暖，舊肉暖多少少（係暖，唔係熱），隻碟，直頭十指握緊都無問題，因為完全係凍。但算，可能多人/唔記得拎出黎等等原因吧，味道就正常，都好食，係舊肉好乾。第2樣上Pizza，好好食，好新鮮，個批好脆，熱辣辣！好正！第3樣（最後一樣），上既蒜蓉包。嘩...請問係咪燶曬？（心諗）點解可以做飲食業，無一舊係正常既都可以比客食？其實1-2舊燶/燶少少我都算，刮左佢就得；但每舊都係既時候，我做咩要舊舊都刮..？！咁我都好好態度同個侍應講..我：唔好意思，可唔可以換個新？（呢句開始佢黑面）因為佢好似有啲燶侍應：換囉！等左10分鐘........Er.....我真心好嬲！第1態度已經好差！明明係做錯野好似講緊我錯咁？再上黎既呢個包，有焗/烘到？！面頭層牛油仲有！啲包白雪雪！有焗呀！1分鐘咁上下囉？！真心覺得咩事？！有錯唔認？好嬲！最後叫左佢取消，唔要個包…Read More