Jimsww's Profile

男朋友生日同佢喺元朗搵嘢食，最近生酮關係，需要食多啲肉，所以揀咗呢間燒肉放題，環境：小店格局，地方整潔；服務：店員一開始，細心地講解每一個套餐的分別，牛肉因為比較多選擇，所以我哋都有問店員不同部位的分別，店員都有好細心地跟我哋講解；出餐時間：尚可，基本上都可以食住等，當然我哋都有個小攻略建議一開頭首先叫比較多，之後慢慢享受；食物：最平的套餐都有近30款種類，是次我們選擇了上級套餐，食物選擇再多啲之外，還贈送刺身拼盤、燒蠔和燒蝦，肉類嘅厚薄度都適中，某些款式係厚切切，都唔會韌，我諗可以自己控制燒幾耐，其實好方便配合自己對口感上嘅喜好，啤酒及其他飲品飲品都是任飲😜價錢：佢哋做緊優惠，無論大人都只是收小童價錢，和店員傾開，知道佢哋呢個優惠暫時仍然繼續，以呢個價錢呢個質素，真係好抵食，店員仲話冇人等枱嘅話，基本上係冇限時，而我的確都食咗over三個鐘，當然我哋5:45就準時入座，呢個又係我嘅小攻略，偷多咗時間，我賺咗😛所以我食到差唔多9點，佢哋有訂枱到咗，而我嗰時其實都食到超飽先還枱，佢哋仲當我係貴賓咁鞠躬多謝我哈哈😂…Read More

嚟呢度一定要食生蠔，佢哋做緊大概$10/1隻，超抵抵！海膽唔記得幾錢，咁啱做緊優惠百零蚊，咁大隻，我哋三個女仔一齊分享，舔舔脷！叫咗份比目魚，我鍾意佢底下椰菜花嘅配菜，夾埋口感好match，魚亦正常燒到有少少燶皮，可以可以👍🏻當然有嗌一份青口，慢慢傾偈慢慢食，佢呢間嘅海鮮，性價比都ok, 食到最後啲汁就用蒜蓉包點黎食，唔嘥😋唔記得影份pizza，叫咗蠔站至尊和芝士薄餅，佢哋嘅Pizza都好食，我鍾意脆皮，啱我👍🏻臨尾加咗份甜品，唯一要挑剔就係，甜品的確一般，不過嚟呢度梗係食海鮮，所以甜品普通我係當然絕對冇所謂啦，志在想坐多陣傾多陣😆順帶一提，佢哋個服務招呼都可以，話說我哋係坐最入嘅沙發位，基本上需要嘅時候，舉手都會有人協助，而企喺出邊嘅侍應，都會周不時行過，睇吓我哋有冇需要，所以基本上招呼都有，都有禮貌👍🏻👍🏻不過如果預約咗，真係要早少少預時間喺樓下排隊等𨋢上嚟，下面部𨋢真係等好耐😆…Read More

搬咗入呢度一排，母親節+難得娘親入黎探我即刻帶佢搵嘢食，呢頭附近選擇通常都係茶餐廳/ 麻辣嘢有啲悶😂竟然喺朗屏站橋底下面有間日式燒肉店，直頭容易搵到媽媽老人家都識得自己行過舖頭會合我🙈餐廳地方唔大，骨格精奇，最緊要夠乾淨👍🏻醬汁都濃味，職員話日本入口我都信，有鹽醬、燒肉醬、柚子醬，的確係同出面有分別亦濃味好味啲，冇好似其他燒肉汁咁浠，舊肉掛到汁㗎❤️👍🏻我哋叫咗個餐，叫做「極上二人盛」講番啲肉，食過其他連鎖燒肉店都好簿，可能鋪仔細細，有返啲人情味🫣塊肉講真厚身算適中，燒一陣就食得👍🏻～始終燒牛都無可能太熟overcooked 就唔啦～同媽咪嗌左個二人餐，隻帆立貝同虎蝦都好大隻好味👍🏻重點就係啲肉，冇諗過食得呢啲日式燒肉，喺細鋪都會叫到啲夠牛味嘅牛，都幾意料之外❤️呢個套餐$598，跟刺身盛+飯+湯+飲品，我哋兩個好夠飽，碟刺身油甘魚&三文魚 讚讚👍🏻個燒肉盒入邊，我嘅重點記憶一定係 和牛胸肉、牛小排、牛頸脊😂我真係有Mark低，提醒自己下次一定要食返佢哋，真係好香好好食❤️❤️❤️所以我發覺真係眼見為真，好彩信自己🙈媽咪開心滿足❤️阿媽想食其他肉，於是追加豬頸肉+無激素雞腿肉（豬同雞超級平，肉質都好好，味道好食，不過冇影到相哈哈）話說媽咪想追加雞豬肉時，雖然唔係叫貴嘢，不過個店員都好Nice介紹，佢哋兩個仲傾起計上嚟完全唔記得咗我，呢度嘅店員都好好人好friendly👍🏻重點，隨離馬路樓上有停車場！食飽飽就直接車阿媽出去遊車河再食糖水～ 大滿足～…Read More

路過見到人食，叫咗個沙嗲湯底😳問咗老細，話個湯底係自己炒，唔怪之得都真係好香！而且佢嘅配料份量勁多😳食埋個烏冬，飽住走👍🏻睇佢餐牌，仲有得另外逐樣加，價錢都真係唔貴，我後尾加多左金菇同埋菜，冇諗過$10俾勁多我！勁多食唔晒😂跟餐送冷熱飲，埋單 $100鬆啲，爽呀！…Read More

難得嚟油麻地買嘢，亦難得5:30可以慢慢食，叫咗個沙嗲牛肉潛艇！正！我對沙嗲牛好執着，一定要夠沙嗲味同埋花生味，但係又唔可以太甜，佢地隻沙嗲牛啱我👍🏻本身見到隻熱狗入邊，有落到牛油去烘，我仲好驚會太油膩，點知出奇地夾～沙嗲牛又好Juicy～隻熱狗面仲有芝麻粒粒～好香🤤唯一遺憾，唔記得叫杯凍檸茶少甜，因為我唔鍾意飲甜野，下次要記得少甜先!朋友食飽肚野，干炒牛河夠鑊氣，食落d油岩岩好，唔會成嘴油，夠蔥夠料，最後打包食唔哂添😂塊透明板貼左個笑哈哈😂個阿姐話，等人見到有塊板喺度～ 我就覺得係生活小趣味～提醒大家笑下啦😊…Read More

難得今日晏晝得閒，喺社交平台 good嗰度見到人介紹呢一間食all day breakfast, 永遠就係咁㗎啦，人哋食好似好好食，到自己食嘅時候，就會覺得懷疑人生🧐就係叫咗一個冚棒冷all day breakfast set, 今餐係有一杯熱齋啡或者熱綠茶～小妹唔飲得咖啡住，唯有要杯熱綠茶～《認真講講美觀上》未食嘅時候，擺盆係吸引，因為嗰碟唔大，感覺上一大堆乜都有，見到好開心，同埋呢度就咁影嘢食相，都易影得滿意。《講講味道上》首先要讚嘅係佢個多士：蒜蓉味同埋應該係用丹麥厚多士，食出感覺佢搽咗油，焗一次之後，再烘多一次，所以係香又脆口嘅👍🏻香蕉面做咗焦糖，冇得輸👍🏻薯餅：還好啦冇乜特別。煙肉：佢煎得仲有少少肉質嘅咬口，唔夠脆身，視乎個人喜嗜～所以我冇食晒成塊～炒蛋：我來講係ok嘅👍🏻大廚明顯唔係落咗好多奶落去溝個蛋漿，因為有時溝得太多奶去煮，食少少就太膩，呢個還好。肉腸：容易野，好難難食。烤菇：中間落軟芝士一齊焗，唔係拉絲芝士而好似Mozzarella cheese 但我唔sure, 芝士淡味配大啡菇都ok, 但唔太驚喜，所以擺到最後講～ 總結，一般啦，性價比唔算高，$138 會情願其他選擇，不過佐敦呢一區，少啲all day breakfast揀～所以路過呢區，只想止痕的話，都可以幫襯。食完一次，試過下就唔會再番兜佢嘅ADB 了～…Read More