gladys911911's Profile

建旺角有間新餐廳裝修又幾好， 就走咗去試， 結果有啲氣出望外 ， 店員全部都係後生仔，做嘢落力又快， 叫咗個炸軟殼蟹青咖哩飯， 軟殼蟹炸得啱啱好， 唔會好大陣油味， 個青咖哩亦都一絕， 啲飯好入味， 仲有杯白朱古力奶茶， 唔會過甜，飲落味道幾清， 小食仲叫咗個焗薯片，加啲伴菜少少辣，好開胃！ …Read More

喺沙田區諗食乜早餐都諗到悶，成日食都係啲連鎖店，今朝唔趕時間，就決定行遠少少食新野cafeholic,10：30餐廳人數不算多，一個人成功坐到4人台卡位，叫左蟹柳炒蛋蕃茄通，湯底帶酸但蕃茄味濃，非常優質，蟹柳都唔係hea貨，完全唔粉，餐飲奶茶都係中上既品質，只可惜跟餐冇多士，少少美中不足，但總括黎講都係好滿意😋😋好味道…Read More

值得一讚嘅係呢間嘢嘅主菜味道相當之好， 絕對唔係流料啲汁都係好入味嘅， 黑松露蘑菇意大利飯值得介紹， 黑松露嘅香都好明顯， 另外三文魚蕃茄闊條麵都好重番茄味 ，有少少可惜就係主菜選擇唔算多， 未必會去好多次但又的確值得一試， 主菜嘅份量都相當足夠， 雖然叫咗一個薯條同雞翼但都食唔曬， 雙重芝士薯條係即場焗嘅， 係幼薯條所以口感未算好滿足， 炸雞翼伴蛋黃醬 都有啲漏， 雞翼唔算非常之入味， 而且又未偏重， 總括嚟講感覺小食唔需要叫得多， 亦未算特別好食， 但主菜嘅味道同分量搭救值得一題係呢間餐廳嘅坐位會有少少奇怪，可以留意番…Read More

沙田已經成日到，大多數啲嘢都試過曬， 食到冇嘢好食，見呢間新新哋又澳門餸 ，諗住都叫啱位口就走咗入去試望過餐廳食物的圖都叫做算吸引， 但來到每一樣嘢都非常之失望， 寫食評我好少畀到咁低分， 沙田啲嘢更加好少會食得咁唔啱胃口， 咖哩牛坑腩 好難會整得唔好食， 叫做係可以入口， 做咗呢餐嘅主菜， 起碼食得飽個人， 諗住叫咗個咖哩飯另外配個米粉清清地， 點知個粉嚟到勁傑， 好似得啲椰奶味咁， 啲米粉又硬， 平時食麵多過食飯嘅我， 完全唔想食曬佢， 食到個人冇曬心機， 唔知放緊乜嘢入口， 叫多個小食拼盤諗住多啲選擇， 點知來到嘅豬手凍食 魷魚又係凍食， 完全望住盤嘢問咗一句想點， 成餐飯最好食就係個小食拼盤上面嗰個芝士咸牛肉多士！哈 冇技巧嘅嘢梗係最好食啦， 仲要唔係平， 食完餐飯完全係一個頹字， 只想快啲走…Read More

呢間原本喺太和好出名嘅咖啡灣終於來到粉嶺啦！ 粉嶺實在好缺少餐廳,尤其呢類比較優閒嘅cafe， 聽日放假就去朝下勝， 一點幾去到，依舊多人， 兩個人等咗20分鐘左右， 餐廳位置唔多，坐到入去都感覺好逼， 不過勝在店員唔會趕人走野食方面， 叫咗一個黑松露意粉， 一個三色蜆肉炒意粉， 兩個意粉都算好味， keep得到太和嗰間嘅水準， 黑松露意粉好creamy好入味 ， 蜆肉意粉就炒得好乾身好 有蒜香味 ， 跟餐叫埋柚子雞翼， 呢個又係冇得輸， 另外上網見到人哋食評甜品唔算特別好，都冇叫到總括嚟講， 意粉好值得叫， 下午茶消遣好地方…Read More

好耐冇食過outback了，由於早前hsbc有張信用卡兩人set dinner有折，就去左食set dinner包括一塊中size肉扒，一碟意粉，黑糖包任食同甜品一客肉扒方面，水准當然係幾好，雖然有set dinner discount,但扒都絕對係厚切意粉，味道係濃郁既，雖然知道好肥但又唔好油膩，食完非常有飽肚感值得一讚既係黑糖包，新鮮熱辣辣的，太好食，四個人叫左三條，d waiters都冇黑面冇hea貨最後甜品係cheesecake,冇特別haha…Read More

等左食海底撈都好一段時間，過左最hot gossip ge時段先去試因為怕等太耐第一次去試係平日夜晚七點正，好在冇乜人，因為除左可以gel甲又真係冇咩做，gel甲初體驗都係唔洗等，店員表現亦親切，只做單色QQ甲，不可雙色畫花但可跳色，不過顏色就唔算有非常多選擇，簡單十五分鐘完成食物方面，椰子雞湯底一流，每樣菜式份量就算多，烏冬彈牙，最緊要係樣樣野可以半份半份甘叫，兩個人打邊爐都可以試多幾樣野食，價錢亦好經濟…Read More

呢間舖可以話係上水居民既回憶，真正由細食到大，客緣充足所以麵店會間中不定休，想食有時都要碰下運氣真正平民首選窮人因物，配料麵底都係6-8蚊，三餸面可以30蚊有找，香港已經好難搵雖然平，唔好以為係hea貨，能夠生存多年既小店，味道真係講得上 中上，而且份量亦非常合理，一碗面做晚餐都係好夠飽既，加埋多辣多蔥實在係香港地道既車仔面！😋食到太辣仲可以即場加豆漿嫁～近日新加既鱼蓉餃都係值得一試，牛腩蘿蔔都係經常配菜既膽…Read More

夜晚想搵飽肚既宵夜，呢間米線就岩哂，收夜晚十一點，每次十點去到都仲會有啲人客，的確係上水居民既宵夜因物地方尚算坐得舒服，最緊要係有電視睇，有時夜左但又想追電視睇，一路食順便追埋電視講返食物質素，米線軟硬剛好，而家好入味，雖然價錢唔係特別平但係份量係非常足既，配菜既種類都好夠多，個人就比較推介滇川風味米線，配料多，一次滿足食慾又勝價比較高…Read More

呢排都落雨，出到旺角都係朗豪坊食完野再行下，見到呢間野食都算新，七點去到又唔洗等位就入左去叫左三個菜式，又幾好味喎1)烤肉狂熱薄餅本身對pizza都冇乜期望，不過一咬落口又好鬼juicy,有驚喜，食完又唔口乾又唔油，岩岩好2)芥末籽忌廉汁野菌蠶豆飲管意粉呢個主食相當入味，少少芥末香既意粉味道好夾，意粉中間通心，咬落又多汁😋3)墨西哥辣椒蜜餞雞翼呢個一啲都唔辣，少少失望，不過係好食野！炸得好香，蜜糖味都出…Read More

話就話係金仔米線，但十次有九次黎都係食佢個雞煲，雞煲黎講，呢個都幾入味既，配料又多選擇😋另外反而對佢米線冇乜好感，食過一次，啲味一般，就之後都冇再叫過仲有知道有個鱼煲都好多人幫襯，有機會應該都值得一試…Read More

呢間雞煲食左幾次，味道係中上既，係價錢少少貴，所以未至於成日去食講返個雞煲，啲麻辣夠香辣度又易接受，雞都算多而且入味，兩個人的話，食完個雞煲已經半飽，後面可以就住叫黎過幾次，近排有個新小菜-咸牛肉芝士釀油條，大推！！👍啲油條好想，夾埋個辣湯底非常美味😋…Read More

呢間bino好食既程度都係唔bk台應該冇位既，湯底美人鍋同麻辣鍋都岩哂胃口另外有香港打邊爐都少見既牛胸爽，好香的牛味營業到凌晨，一大班人放工聚腳既好地方，價錢中等但勝在坐得舒服又食得滿足…Read More

又一城食黎食去都係嗰幾間 ，見呢間新舖啲菜式都岩胃口就試下，七點到都唔洗等位，想坐sofa位職員都好好幫手安排食左五樣菜式1) 台式擔擔面啲肉都好夠味，問店員拎埋辣椒油加落去完全係超香2) 黑酱油炒飯上台未覺太特別，但呢個反而入口有驚喜，炒得好香！3) 小龍包正常水准，皮都薄但夾起唔爛！4) 牛肉餅呢個個人覺得偏油，但佢啲牛肉真心juicy，食到直情有牛肉汗滴落碗飯到，係好食既！5) 粟米羮唔係流，好夠粟米味，加埋香蔥，好食😋重點係真係唔貴，兩個人食每人dinner 150, 以又一城黎計都係低價位，我會再去食！…Read More

見網上食評可以，又想食泰國菜，就去左試下食過好多泰國餐廳，都必試豬頸肉，但呢間既真係好垃圾，應該係食過最差之一，啲肉勁“梅”，完全冇咬口，又燒得唔香，啲汁又冇味，食左兩舊就已經唔會想食不過勝在其他食物係可以，冬陰公炒飯都夠香辣，炒通菜係好食既，青咖哩鷄都有辣香，只係雞少左啲價錢方便好合理，兩個人去食又想試多幾道菜都唔會肉赤…Read More