meis90's Profile

水蟹粥個粥底一啲鮮甜嘅味道都冇。300蚊食得幾隻好少肉嘅水蟹仔。個蝦子麵蝦子係好多，但係真係淡而無味。我覺得成張檯最好食嘅就係跟住蝦子麵一齊嚟嘅湯。千祈唔好俾佢門口啲明星相呃咗入去。食飯時間入到去冇人我都心知中咗招。阿姐態度超差，最重要係，服務態度咁差都仲要收20%服務費! 個20%服務費個牌擺得好入面，除非係坐最入面嗰張檯，如果唔係普通位置坐低咗根本唔會睇得到。我咁大個人食飯從來未俾過20%服務費，仲係咁差嘅服務。Definitely overrated!!…Read More

點咗嘢食之後，個收銀嘅叫我哋企埋邊等叫號碼。點知等咗一陣，先知道原來要俾張飛隔籬個阿姐。個阿姐望咗一眼我張飛，有個男人塞咗張飛俾佢，佢疊上我張飛度，望咗兩眼，就開始攞食物出嚟。佢哋所有食物都係擺喺一個保溫櫃入面，你點乜佢就攞乜出嚟。我俾飛佢先嘅，理所當然認為佢會俾食物我先。阿姐擺咗兩包嘢喺個枱面，我以為係我嘅，所以我伸手去拎，點知俾阿姐鬧我亂攞嘢。阿姐睇佢已經俾咗個男人佢啲食物，就將佢張飛連埋我嗰張一齊丟入垃圾桶。我見佢丟咗我張飛，就同阿姐講佢未俾食物我。點知佢話“俾張飛我先啦”，我真係火都嚟。大佬你啱啱丟咗我張飛啊!!!!! 我同我男朋友同佢爭論咗一餐，佢先至好唔甘願咁攞我哋啲食物出嚟。佢哋嘅豬扒包同葡撻超難食! 喺保溫櫃攞出嚟嘅食物竟然係凍嘅，又乾又無味。真係從來未食過咁難食嘅包同葡撻。如果冇心做就唔該唔好做啦! 如果唔係開喺遊客區應該一早已經關門大吉。…Read More