由於太遲訂枱可選不多, 最後被這間的花龍蝦鮑魚餐吸引了。八點十分，人未齊已叫起菜，等了半個鐘，遲來都到了，飲茶飲到肚脹。久候的第一道「蟹棗」終於出場，兩片疑似扎肉的東東，其實是炸蝦膠加少少蟹肉，炸過火了，raspberry汁減輕了油膩感，但帶不出鮮味。然後又等十分鐘，烤麩加兩粒皂水彈牙帶子，獻汁味道不錯。再等十五分鐘，全晚的重頭戲上場，乾松茸香氣四溢，螺肉豬肉雞骨燉湯，以小茶壼奉上，既骨緻又保溫，確實一絕。湯未飲完，古法扣六頭鮑魚搶灘，可能古時是以一斤十両計算，外母話十六頭未浸發都大過佢，而且火喉不足唔入味，只靠獻汁補償。接住著嘅半邊杉龍，可選黑菌蛋白或上湯蟹子。肉質有點梅，蝦味淡。蜜汁豬肉乾扒白菜，不過不失。又係飲茶等食時間，再等了半個鐘有多，等到差不多清場，以為要埋單先。紅棗滑雞分開蒸好，再裝煮好嘅飯入瓦煲，再上明火燒底。再加上其中一位元老級服務員態度欠佳，之後的甜點無興趣食了…Read More
