FIRE.WMC's Profile

話說今日下午兩點鐘,就和同事去MIKIKI搵TEA食,見到新開既十三姨酸菜魚,就膽粗粗入去試一次啦!結果就是中伏的開始!事件一:嗺人用人手落單! 點解用人手呢? 因為如果你用QR CODE 落單,下午二時就可以享受下午茶優惠價錢! 如果用人手,佢就會誠實告知你下午茶要兩點半先有,其間仲會不停嗺你落單,務必每個餐賺多你4蚊!事件二:走青走芫茜就當耳邊風!  話說落單時講到明要走青,結果呢? 就係無走囉。 咁點算呀, 我就叫店員幫我地走返青啦,仲要俾店員串,話我地無叫走青,應該要落單果陣叫。 明明我地有叫,但都仲要俾店員鬧,哇,真係犀利! 無花無假呀! 我講大話死全家!事件三:食物細碗! 我同行係有女仔,食完之後可以話唔飽你就知有幾細碗! 價錢仲要係62蚊一碗!事件四:食物凍!?!?你無聽錯呀! 真係凍架!  我就揀左水晶粉+酥肉+酸菜, 個酥肉係似晌雪櫃拎出黎無幾耐果種凍法,係無幫你翻炸! 要你叫佢整返熱先幫你!事件五:冷氣超凍! 話說個冷氣就開到勁大,我就同經理講想調去無乜風既話,點知唯一無風既位要俾店員食飯WOR! 食客只能選大風既位置。建議:TO 食客: 新蒲崗想食酸菜魚,可以去啟德既魚_不同,或者去錦榮街醉,或雲川小_米線。TO 餐廳:如果想改善服務質素可以搵我傾傾! 真係可以好簡單! …Read More

黎過食幾次吉列牛都唔錯，這次想試下門口招牌既$58鰻魚飯。 order 完先發現原來外賣先有特價。下面講解我對呢間餐廳各方面評分。/食物- 我點左鰻魚飯$78，賣相不錯，但實情鰻魚超多骨，有人話可以連骨食，但我就真係不了，如果你試過卡小骨就明白，拎返出黎係好麻煩。另外個飯好濕，個人不喜歡。不過係用珍珠米既。如果另加$20, 可以有飯素，溏心蛋。其實俾多十蚊已可叫吉列牛$108。/服務- 可能係黃店，多人等位，全程有點趕客。/衛生- 埋單後，發現店員沒有消毒桌面就招呼第二枱客，覺得沒有衛生意識。第二是水杯有油，即是沒有洗乾淨就裝水俾客人。/環境- 油煙很重，場內只有冷氣，沒有足夠抽風，所以很大油煙。/最後我就應該唔會再有下次。…Read More

說到食米線，紅薯粉，拉麵，點可以唔去川味！話說女朋友靜係識有我去譚仔，作為識飲識食既我當然要介紹返一間出名平靚正，仲要有紫菜食，有豆漿飲，有油菜加既米線舖啦！川味由我細細個都識到大，每次食親都必食紫菜，和加13蚊叫碟秘制醬油通菜！埋單都係50幾！佢最正係每個麵底都跟炸醬，又有唔同酸辣，麻辣，唔辣，撈麵揀。你想點都得！呢間川味，佐敦荃灣都有，鐘意食車仔麵既朋友一定唔可以錯過！ 想服務好啲，記得嗌落單既時候叫d 阿姐做靚女呀！…Read More

今日星期六，自然就留家嗌外賣！疫情既關係，外送服務也變得愈來愈流行，其實一早應該吧！香港這麼少，外送本來就是幾街之隔的距離，而且咁多apps 咁方便，十多元的運費，絕對俾得超值。說到Kebab, 在尖沙咀其中一家就是Ebeneezer,女朋友介紹得，應該唔會錯，錯左既話我跪低！這間Kebab 最值得讚既係包裝！ 佢既kebab 先由一塊錫紙包裝，然後再用紙袋入起，錫紙可以防止heat lost by radiation, 所以做到保溫效果，值得一讚。第二，味道超好味，佢有唔同醬任你揀，一定有一款岩閣下既口味！我自己鐘意食辣同羊肉，所以揀左spicy醬+ lamb! 女友揀左mix kebab, 一樣好味！如果想食kebab, 我極推介這家Ebeneezer!…Read More

只能夠說，一份炸雞連外賣焗左一陣都仍然脆身，好味。出色！！！！！作為一個識飲識食，但同時又有道德包袱既香港人，為了支持醫護。當然要留家叫外賣！ 但尖沙咀咁多食店，點揀好呢？ 當然係先諮詢女朋友意見，尊貴的她說要食炸雞，我二話不說，從收藏夾中找到過百好評既red chicken 炸雞店。 果然無令我失望！本來都有d 擔心炸雞送到黎會有d 淋左，但結果係脆卜卜呀，而且仲有勁多汁撈，好惹味呀！而且or包裝盒都幾靚，成個體驗都好好！極度推薦！…Read More

疫情期間既閒日，以往要排長龍的人氣食店都變得冷清清。作為一位識飲識食的香港人，早已預備好一列長長清單，借這段時間逐一品嚐！悉逢尊貴的女朋友想在尖沙咀試日本菜，自然要數到十和田吧，平日一位難求。這天我在下午一時walk-in到訪，只有兩三台客人，可謂十分難得。這間餐廳比較特別的是沒有實體menu, 只提供QR code 供人客使用網上menu 。雖然方便，但是由於網上menu 的圖片極之細小，基本上是不具參考價值，也不甚吸引。在點餐體驗上，失望。作為三文魚籽和帶子控的我，就點了一個帶子三文魚籽松葉蟹丼，三文魚籽和帶子幾新鮮，松葉蟹肉也很足料。但非常可惜，松葉蟹肉有碎殼，令我整碗飯都要食得非常小心。餵女朋友食飯時更要小心將蟹殼挑出，極之麻煩！ 用餐體驗，又失望一次。我女朋友點了壽司併叉燒烏冬，正正常常，總叫做是沒有失手，但也沒有很impressive 。其實以該餐廳今時今日的客量來說，食物質素應該有所提高才是，可是，松葉蟹肉茸既殼實在令我非常失望。雖然味道ok,但不值一個好評。完…Read More

My girlfriend and I had a staycation at Page148. /The hotel provided a very high quailty complimentary breakfast at Page Common, a cafe downstair./We both ordered crab meat, avocado toast ,and a latte./Food:First, the food looked very appealing. I appreciated that the plate was the right size, used complementary color, and were made of different materials (e.g.wood). The food itself used colorful ingredients and garnishes - for example the red chili powder around the edge of the toast. So I would give their plating a rating of 5./Second, the food tasted excellent! They gave us generous portions of crab meat and vegetable. I could tell that the food was make to order; It was really fresh!/Third, the latte is surprisingly good. I am not a coffee guy, but its silky-smooth texture and decorative latte art really impressed me./Environment: The decoration is stylish, modern and cozy. A note to patrons: Page common is located within the hotel lobby, so make sure to avoid visiting during check in/out time.…Read More

星期日晚上7點 我和朋友來到位於K11 2樓既道頓堀御好燒！ 今次係我第一次食，之前聽朋友講話呢度有得一齊煮下野食，係拍拖/同朋友溝通既好去處，所以就決定試一次！我地兩個人點左一個道頓堀豪華七品和廣島燒，兩杯大日本生啤。食物-廣島燒 (強烈推薦）- 首先廣島燒製作步驟較多，你需要煎皮底，煎蛋，炒熟海鮮，炒麵等等，比起其他選擇好玩！ 第二，食呢啲最驚係唔飽，而廣島燒入面已經包一個炒麵底，個炒麵仲要預先浸左昆布高湯，非常入味。第三，入面有好多椰菜絲，適合鐘意菜既朋友。我就建議鐘意椰菜絲淋d 既朋友，可以先把椰菜絲炒熟才開始做。道頓堀豪華七品（適合小朋友）- 首先佢既製作好簡單，只需將所有配料混合，然後平均倒在鐵板上，煎熟就完成！ 當中比較考手藝就係反嗰下，一不小心就會整爛塊餅！味道正常，沒有特別。日本生啤 (大）- 食飯不能無酒，點左兩杯，感覺有點細杯，但計返個價錢$38 蚊，平過出面飲野就算。環境 - 座位寛敞！衛生 - menu, 油樽 ,調味料有點油膩，摸完要抺手，略嫌不足服務 - 上菜有點慢…Read More

今日同一位鐘意飲酒既朋友黎到Helen's 飲野。相約夜晚七點半，上到去仲有位，但窗口位就被預留晒。食物：食物點左串燒和fish and chips,串燒一碟六串有雞牛豬，可隨意配搭，味道okFish and chips 幾高質，魚柳實淨，脆漿同魚不會鬆開，非常好！飲品點左 Yesterday, Mojito, Stella artois, Tequila in glass with iceCocktail 夠大杯而且只係$68,好抵飲！環境：氣氛很好，音樂音量適中不影響談話，每桌有骰盅玩game 非常貼心。而且疫情期間客量少，坐得非常舒服服務：服務幾好，侍應有禮貌…Read More

I think Terrible Baby is one of the best places for a chill drink in Kowloon. Cozy venue, Wide-ranging selection of drinks and it is well-located.I went there with a friend on Monday 6pm. We were just sitting on a couch in the open air garden with view over the Nathan Road. With the sun goes down, the ambience is so great. It is excellent for a date or talking with friend.The spot is well-located and is about 5mins walk from the Jordan MTR station.The price of happy hour is unbeatable, $150 2 hours free flow from 3pm to 9pm. You may choose house wine, rosé, liquor and beer. …Read More

前言：今日去機場做野，見到都爹利重新開業，立即一試。我點左菜單既第一項招牌菜傳統鳳梨咕嚕雞球配飯，紫菜肉丸湯及油菜$77食物：咕嚕汁甜酸適中，濃稠度剛好能包裹整粒雞肉雞球細細粒，好脆。鳳梨鮮甜。紫菜肉丸湯正常，沒有特別菜芯軟硬適中，有提供蠔油另外試過老乾媽豬頸丸炒四季豆，味道還好，如果已經試過咕嚕雞球，可以試下四季豆。環境：鑑於疫情關係，大量航班取消，旅客數量大減，環境好好，坐得好舒服。抵食：唔加配油菜只需$62, 價錢ok!…Read More

前言:本身預約20:00 4位,結果早到19:15直接入座。我地一行四人,叫咗德國脆皮豬手配洋蔥圈, golem x gweil lo啤酒雞配薯格,明太子蟹肉意大利粉,水牛城雞翼,牛油清酒煮蜆.味道:德國脆皮豬手- 唔錯幾好味,水準正常。外皮夠脆,肉入味,膠質好好味! 推薦!golem x gweil lo啤酒雞- 成隻雞都好入味,餐廳會提供廚剪俾客人分雞用。明太子蟹肉意大利粉-蟹肉和明太子都好足料,推薦!水牛城雞翼- 我覺得幾好味! 不過同行友人意見好壞參半, 我食到舊唔係太多酸辣汁既,覺得好味。另外一位朋友夾到舊勁多汁既,覺得好酸。 推薦!牛油清酒蜆- 賣相ok,味道都好味,優點係蜆無沙!飲料方面點了8杯cocktail,4杯craft beer. Cocktail選擇比較少,因為餐廳菠蘿汁缺貨,所以好幾款都無得飲。Cocktail口味人人唔同,我就不便評價。Craft beer方面我飲既係machine men果味好香,適合女士飲。環境:可以同朋友到bar檯揀beer,其間侍應會主動介紹。氣氛燈光ok, 檯和坐位略嫌窄服務:服務正常,收碟也快。可是食到最後飲野既時候,侍應無主動收拾乾淨檯面和空杯,讓客人舒服傾談。衛生:衛生ok,杯碟餐具乾淨。…Read More

今日同朋友行完龍脊，坐返的士落去東大街搵野食。星期六下午六點幾去到，唔洗等位。揀呢間餐廳原因係有啤酒飲，野食又唔係貴。我就點左廣島蠔肉碎烏冬，我覺得幾好味，原因係1. 湯底清得黎有濃厚昆布味2. 廣島蠔烚得好滑嫩，時間掌握準確。3. 烏冬稍軟，合我口味。另外我點左Honey Beer 飲落有咖啡，蜂蜜既香味，幾特別。環境-檯有點小，會頂到坐對面朋友隻腳，感覺有點逼，不過二人都可以坐卡位，算唔錯服務-侍應態度ok, 執碟速度可以接受…Read More

今日做野經過機場，見到早餐非常抵食，由於有職員優惠，所以免加一，盛惠$45。咁平，一定要試下。我就叫左個LOCO MOCO GARLIC RICE 。超好味！由薄切豬腩片，蒜香白飯到飯面上的荷包蛋都非常一流豬腩片厚度剛好，外皮脆得黎帶小小硬，令到廚師可以進行薄切而不損外皮。白飯帶有微微蒜味，非常好食最簡單的東西其實是最難，荷包蛋最高境界就係外圍的金黃脆邊。正正呢碟$45蚊既飯俾晒上述三樣野我。 性價比如此高，一定係笑面 五星…Read More