lamronald9's Profile

星期六中午造節食飯，見到有優惠送半隻片皮鴨，即管試下。原本以為係連鎖集團，但餐廳規模好細，一眼望晒唔夠十枱，環境格局好一般。首先送上片皮鴨，份量不多而且肉切得很碎，一食入口餅皮是涼的，要求換一籠熱的，再上仍然係唔太熱，為免麻煩勉強繼續食。之後上的砂鍋雲吞雞、宫保蝦仁、炒鳝糊、小籠包等，食物質素均很一般，完全冇鑊氣，感覺似食預製菜，根本不想再加單，只能半飽失望離開。整體食物質素、環境、服務都很一般。即使有優惠，但加上茶介其實並不便宜，性價比極低，不會再回頭。…Read More

我見Openrice普遍評價唔錯，周末即管去試下食lunch造節。一入到去未坐低，見環境已感覺麻麻，装修唔太似酒樓，有點似普通茶餐廳或飯堂。當日午飯時間大約坐咗一半客人，我地坐在扶手電梯下座位，雖然較清静，但燈光非常不足。可能當日係造節餐牌，除咗一般正常點心，餐牌其他菜式選擇並不多，價錢也不便宜。食物質素一般，除咗點心正常份量，其他食物的份量都比較小，整體性價比低，唯一優點係侍應的服務態度還可以。…Read More

之前見有幾多好評，星期日晚去試下。由入門口到坐低都冇講，等到選好食物落單先講其中一個厨師發生意外，刺身需等多少少時間。因為已選好食物，都費事cancel同轉場，以為等多少少時間只係一陣，照落單。點知刺身足足等咗一個半鐘先上到，刺身下面d冰都溶到成灘水，忽忽食完走人。價錢唔平但味道一般，全程服務員都冇理我地等咁耐，連抱歉都冇一聲，冇下次。…Read More

今日食晚飯，樓面人手不足，上菜超慢，食物水準遠低於收費水平。Order 5道菜：蠔皇扣金玉參、油鹽阿拉斯加蟹烏東、片皮鴨、臘味炒芥蘭、龍皇西施泡飯，只有泡飯合格，中伏率高達80%，完全名大於實。我絕對不會再去！對食物質素無要求者可以一試。…Read More