十豆豆's Profile

好耐冇同朋友見面，大家都好期待見面，今次搵左間好適合打卡嘅餐廳。依間餐廳係啱啱新開，佢嘅佈置非常靚，係去左霍格華茲嘅感覺。田園沙律份量都幾大，都有好多材料，同時非常色彩繽紛，食落幾健康咁。最驚喜係佢嘅粟米有少少焦香味，同埋花生有焦糖味，令人好鍾意個口感。最特別係佢配嘅2款汁，都係平時比較少試嘅，欄柚子胡椒試落少少辣辣地，同沙律一齊幾開胃。火焰藍蝦冷素麵．龍蝦蕃茄清湯好特別，好有日本特色，非常有海鮮嘅鮮味。佢嘅藍蝦係比較似刺身，鍾意蝦鮮味嘅人會幾鍾意，佢食落都算新鮮，配上蕃茄湯底，食落酸酸地。佢仲配上蟹籽，食落好鮮甜。冷素麵食落有流水麵嘅感覺，同湯底幾夾。每次食甜品都好期待，今次牛角包窩夫揀左奶醬味，花生醬食落細滑，食落唔會太甜，而窩夫食落都算鬆化。依杯“MONMONO“ Starry Night 嘅外觀就好吸引，佢加左碟豆花汁同少少銀粉，好似星空咁靚。佢係一杯cocktail，佢嘅底係茶，茶味比酒味更加濃，唔鍾意酒味嘅人會幾鍾意。…Read More

係香港出名嘅甜品店一定有甜姨姨，今日係銅鑼灣行街，食完飯之後就好想食甜品，就走左去食，真心令人好幸福。黎到甜姨姨一定要點刨冰食，又好味又可以打卡。黃到金依個口味係楊枝甘露味，最頂有舊甜甜嘅芒果，然後黃色嘅刨冰係芒果味，芒果味非常濃，但唔會係人工芒果味。愈食愈落就開始食到椰子同豆腐味，味道非常正。除左刨冰，佢仲有芒果乾，成口都係芒果味，令人好驚喜。最後為平時食嘅楊枝甘露糖水，佢仲有沙田柚粒同芒果布甸。芋圓八寶紫糯米可以揀凍同熱，食左咁凍嘅刨冰，所以就揀左個熱甜品，佢都好好味。佢嘅材料都非常足同健康，佢有薏米、紅豆、小珍珠等。佢嘅芋圓都幾彈牙，味道都唔錯。…Read More

牛大人依家愈開愈多分店，作為成日去觀塘食野嘅人，牛大人係觀塘開左差唔多半年都冇去，所以今次去食下，享受一下美味嘅火鍋。牛大人有好多湯底可以揀，今次揀左鳳梨雞鍋，對佢非常期待，平時都好鍾意雞湯，因為湯底會好甜。依個湯底有杞子、苦瓜同雞做底，飲落好潤喉同清香，吸收左雞汁嘅精華，而雞肉食落好軟嫰。要食就食豪佢，揀左澳洲和牛食到飽餐，有好多唔同肉可以試，最期待一定係和牛牛丸，同出面嘅牛丸係唔同層次，有好濃嘅牛肉味，咬粒丸嘅時候肉汁快嗶出離。係咁多種肉，最鍾意嘅係牛肩卷，因為佢嘅牛肉味係最濃，佢切到好薄，但肉質細嫩同肉脂分佈得好均勻，成口都充滿住肉汁。平時都好鍾意食台灣菜，所以今次又一定要點，最鍾意士林鹽酥雞同梅甘酥脆薯。鹽酥雞係一口啖嘅size細細舊，非常方便食，炸皮唔會淋，雞肉食落都好嫩滑；而梅甘酥脆薯食落酸甘甜，配上番薯，非常正。每次去都會飲白桃烏龍，因為飲落有微微嘅桃甜味同桃嘅香味，令到成個飲品更加清爽。今次又試左紅棗桂圓茶，同樣都係甜甜嘅飲品，但非常養生，非常好飲，值得一試。甜品依然可以揀仙草同movenpick雪糕，兩樣都非常好味同正。…Read More

係旺角成日都食到好野食，其實大角咀都有好多美食，但比較少人去，有少少令人好可惜，今次係大角咀搵到一間新開嘅西班牙餐廳，可以試下唔同國家嘅風味。平時比較少食西班牙菜，對佢受歡迎嘅餸菜唔太了解，今次聽店員推介Padron peppers。見到青綠色嘅辣椒就好擔心佢會好辣，但佢食落只有少少辣，有濃濃的嘅青椒味，食落口感都唔錯，佢係啱啱炸好，原來佢係西班牙超傳統道地嘅Tapas。平時最鍾意食炸薯條或者薯餅，今次試下Patatas Bravas (西班牙嘅炸薯仔)嘅味道，佢食落冇濃濃嘅鹹香，但佢同醬幾夾。佢係用西班牙辣味醬，佢同炸薯仔幾夾，食落唔會太油膩。Black Paella 同平時係餐廳都食過差唔多，但佢比較正 整體黎講更加好味。佢用嘅海鮮有好多種，食落都算新鮮同份量幾足，佢有用少少酒煮過黎。佢嘅飯底都好味，飯粒粒分明，食落都幾creamy，令人停唔到口。…Read More

最近發現觀塘工業區有好多高質嘅台灣菜餐廳，今次依間都唔例外，又平又好味。原來佢係台灣人氣品牌，餐廳用嘅滷味汁同辣椒油都是從台灣空運過黎，係原汁原味嘅台灣味道。今次點左二人套餐，首先有綜合拼盤，佢成個拼盤有好多材料，包括甜不辣、豬耳、雞翼、黑輪、百頁豆腐，同埋滷蛋，所有都係用滷水煮，味道唔錯。幾鍾意佢嘅甜不辣同黑輪，外皮酥香，而內層有Q軟嘅口感。手工香腸拼鹽酥雞份量比想似中細，但味道唔錯。手工香腸係炸過黎，所以食落好酥香，充滿肉汁，而鹽酥雞細細舊，一啖就食到，雞肉食落唔會太老，但兩者食落有少少鹹。肉燥青菜嘅肉燥食落幾好味，有淡淡嘅香菇味，食落唔會太鹹，而今日嘅菜係椰菜。佢包左兩份肉燥飯，除左有肉燥飯，仲有其他麵可以揀，今次揀左一款烏龍麵，佢就係平時嘅烏冬。佢都包左茶飲2杯，佢有6款可以揀，今次試左蜜香紅茶同珍珠鮮奶茶，蜜香紅茶私心加左芋圓。蜜香紅茶飲落有回甘嘅甜味，芋圓食落好彈牙，口感唔錯。珍珠鮮奶茶飲落唔會太甜，奶味都幾濃，珍珠都彈牙。涼拌海帶絲幾鍾意，因為紅油同海帶絲幾夾，海帶絲食落幾爽口，佢仲有豆腐，食落唔錯。佢有好多單點嘅滷水小食，鍾意食魚糕類嘅朋友一定要試竹輪，食落都好Q彈。…Read More

依家已經好耐冇去韓國，有少少思念，最好解決嘅方法就係去韓國餐廳，所以揀左依間幾出名嘅韓燒店。佢嘅裝修同食物擺位都好有韓國feel，可以一解韓國嘅思念。今次係第一次試食護心肉，佢燒落油分不多，但都略帶油花，有油脂嘅甘香。而佢嘅肉質都爽滑彈牙，食落幾軟腍，肉味都算幾濃。係熱辣辣嘅天氣同食韓燒，一定要叫冷飲，依杯芒果梳打水幾好飲。杯底有芒果醬，芒果味都濃，梳打水汽量都充足。梨汁係韓國必飲嘅飲品，飲落梨汁味非常濃，裡面仲有果肉，非常鍾意。…Read More

將軍澳海旁有好多餐廳，成日都好想試曬所有，今次就試下依間餐廳。佢嘅裝修好靚，又舒服又乾淨，成間餐廳好有feel。鮮芒果及扒虎蝦肉沙律係西餐廳都幾常出現，本來對佢期望唔太大，但食落就好鍾意。首先，第一啖嘅芒果就好正，芒果真係好甜，有少少溶係口到。第二啖就食虎蝦，佢大大隻，蝦肉食落好彈牙，蝦味好濃。第三啖就試沙律菜，沙律菜好新鮮同爽口，配上餐廳自家製嘅芒果汁，更加清新同開胃。燴美國牛肋肉配寬蛋麵嘅牛肋肉食落幾嫩滑同軟腍入味，但唔會肉散，份量仲幾多。而寬蛋麵係用蕃茄汁煮，當然茄味非常濃，同麵好夾。幾鍾意麵嘅口感，因為每條都掛滿蕃茄汁，而佢食落都幾彈牙，食落都幾開胃。炭燒美國豬鞍扒配薯菜幾值得一試，特別係唔食牛嘅人，因為都可以享受到充滿肉味嘅主菜。豬鞍扒係超厚切，有多過一節手指咁厚，但佢煎到肉質唔會好鞋同乾。平時都好鍾意食有骨嘅肉，豬鞍扒食落豬肉味濃郁，又有肉嘅油脂味，鬆軟美味。 除左肉之外，佢仲有配菜，有蘆筍。薯仔同蕃茄，食我落都好好味。平時鴛鴦就飲得多，偽鴛鴦就第一次試。佢同鴛鴦做法一樣，個底可以揀朱古力味或tiramisu，今次試原味，而再加咖啡冰磚。一開頭飲落朱古力味非常濃，咁飲就已經好好味，冰磚開始溶，杯野飲落又有咖啡嘅甘苦味，又有朱古力嘅甜味。本身就幾鍾意食水果，第一次試藍莓香蕉奶昔，飲落唔會太甜，奶味都幾濃，係夏天飲就一流。…Read More

東廣場係一個mini food court，今日又好想食日本菜，所以就揀左依間日式手握壽司小店。佢嘅店面唔大，只有幾張枱，佢主要係做外賣壽司的小店，好彩有位坐，可以坐係到慢慢享受刺身嘅美味，今次點左火焰盛盒。火焰三文魚腩壽司，依個都係常見火焰系列嘅壽司，都冇令人好失望，魚腩都幾大條，食落魚油味好濃，有三文魚嘅鮮味。吞拿魚最容易食到有筋。令到成件壽司唔好味，但火焰中吞拿魚壽司食落冇依個問題。原來火焰吞拿魚唔係想像中咁難食，都保持到生吞拿魚獨特嘅鮮味。平時餐廳嘅帶子都細細舊，但火焰北海道帶子壽司嘅帶子好大粒，食落都算鮮甜。火焰完嘅左口魚邊比冇火焰更加好味，因為魚油味更加濃，佢嘅口感都好正，入口即溶。火焰蟹棒壽司最佳嘅配搭一定係沙律醬同火焰味，兩樣食落都甜甜地，令人好滿足，如果有埋芝士就錦上添花。雖然玉子比較平價，但都好鍾意燒玉子壽司，佢食落甜甜地，唔會煮到過熟，質感都算軟滑。…Read More

平時都想食高質嘅日本菜，但如果食得好貴，銀包又會喊，好彩搵到一間價錢合理，味道又好味嘅餐廳。店主嘅理念係行平價路線，而有一定嘅品質保證，所以性價比超高。今次點左特上壽司拼盤赤貝嘅外表色澤亮麗，非常吸引，食落好鮮甜同爽脆。平時多數都係食熟食嘅鯖魚，今次試下生鯖魚嘅口感。佢食落冇魚腥味，試到鯖魚嘅鮮味同魚油香氣。深海池魚嘅口感幾鍾意，食落肉質肥美，入口都係充滿魚油味。平時都幾鍾意食清淡嘅刺身，真鯛食落都好鮮甜。從吞拿魚腩嘅外表就知道佢一定肥美香滑，佢食落魚香濃郁，有入口即溶嘅感覺。好鍾意食刺身蝦，佢真係好肥美，食落都好爽脆，有蝦嘅鮮甜味。最近愛上左左口魚邊，因為佢又肥美又爽口又有魚油味，火炙後魚油滲出， 魚油味更加濃郁甘香，入口即溶。海膽 軍艦食落入口即溶同甘甜，質感細膩同creamy，有入口即溶嘅感覺。三文魚籽粒粒晶瑩剔透，裡面都係魚油嘅甘香，口感脆嫩。蔥吞拿魚腩壽司嘅味道同吞拿魚腩壽司差唔多，但多左蔥嘅微辣味，同吞拿魚蓉幾夾。…Read More

上次食完雞煲之後，雞煲嘅心就停唔到，所以又搵左另一間好出名嘅雞煲店食。依間已經食過幾次，每次食完都好滿足。黃金芝士雞煲係依間餐廳最出名嘅，成個煲都係唔同種類嘅芝士，仲可以加芝士碎，令到成煲更加濃芝士味，今次點左普通份量芝士碎。食嘅時候就感受到成口都芝士味，非常正同開心，雞裡面嘅肉仲有芝士味，令人覺到非常幸福。雞嘅份量都好多，食落都好嫩滑，兩個人分享都會食到飽。爽滑豬頸肉嘅份量都算幾多，豬頸肉係半肥半瘦，食落唔會煮到太淋，食落都幾爽口，食落唔會覺得太膩。手打鮮墨丸平時係其他餐廳點嘅時候，佢嘅大細同乒乓波差唔多，但依間餐廳佢嘅丸大細係大2-3倍，但都係半份份量，真心好抵食。食落都好彈牙，裡面有墨魚粒，口感好正。蜂巢冰豆腐係餐廳推介同芝士煲一齊食，所以就點左依個食。佢裡面係蜂巢形狀，原來可以吸好多湯汁，同芝士汁一齊食落非常好味。…Read More

今日到北角附近做野，完左之後就打算到附近搵間餐廳，好好慰勞自己。見到依間係啱啱新開嘅餐廳，裝飾同日本居酒屋好似，估唔到佢又抵又好味。什錦魚生沙律同平時居酒屋差唔多，魚生都落足料，唔會只有寥寥可数嘅魚生，食落都好新鮮，唔似餸頭餸尾。魚生配上酸醋同沙律菜非常開胃，份量都算多同抵食。竜王卷就一定要點，係一個好有份量嘅卷物，材料有好多，成碟非常抵食，同時有好值得打卡嘅青龍碟。上菜嘅時候就聞到好香嘅卷物味，紫菜飯卷裡面係炸蝦同青瓜絲，面頭鋪滿鮮美吞拿魚蓉同魚油甘香嘅三文魚子，口感好豐富。雖然佐賀名水豚白湯烏冬份量唔算好多，但好好味。原來佢地嘅烏冬係用竹炭整嘅，非常特別。豚肉係半肥瘦，肉質好嫩滑，肉味非常濃。幾鍾意佢嘅湯底，係豬骨湯底，飲落幾鮮甜。海綿玉子係店員推介嘅食物，佢只係用雞蛋整成，冇落任何麵粉。佢嘅賣相同平時食開嘅蛋糕相似，但佢比蛋糕更加濕潤輕盈，空氣感十足，仲有海鮮嘅咸香味。平時串燒都好鍾意叫牛舌，牛舌燒得唔錯，爽脆多汁，嚼勁十足，size大細啱啱好。…Read More

今日到將軍澳行街，見到啱啱出爐嘅古早味蛋糕，聞落好香。今次買左兩個味，每種都係半份，都係$45，流沙鹹蛋黃同海苔肉鬆都係人氣之選。兩個蛋糕食落有蛋味同鬆軟，流沙鹹蛋黃食落有鹹香，而肉鬆食落唔錯。…Read More

近排真心好耐冇食過台灣菜，所以特登搵左一間出名嘅台灣菜餐廳食飯。依間係將軍澳區好出名，野食又平又好味，好值得一食。滷水豬手飯定食點左個套餐，配埋上湯浸時菜同原盅燉湯。滷水豬手真心幾好味，滷水味非常濃，而豬手食落肥肉唔多，肥瘦比例啱啱好，成隻豬手嘅骨膠原非常多，可以美下容。今次加左$6，轉左滷肉飯，滷肉用嘅係肥瘦肉，肉粒大小適中，仲有冬菇，整體黎講幾好味。原盅燉湯係海底椰湯，飲落好清甜，非常滋潤。紅燒三寶牛肉定食都係套餐，又有菜又有湯。紅燒三寶係牛筋、牛腩同牛肚，牛肉係用滷水燉煮，滷水味濃郁，牛腩肉質食落柔軟，牛筋食落有韌勁，而牛肚爽脆可口。鐵觀音珍珠鮮奶茶係一個幾有趣嘅配搭，飲落茶味非常濃，有兩種茶味，入口係淡淡嘅奶茶甜香，尾韻係濃厚嘅鐵觀音茶香，珍珠食落幾煙韌同有咬口。都點左日式紅豆抹茶，紅豆同抹茶係絕配，飲落有抹茶嘅茶香，但飲落有少少抹茶粉，未溶得曬，紅豆食落甜度適中。…Read More

譽發廣場係一個美食天堂，個到有好多好野食，今日黎到旺角，想搵間有格調嘅餐廳，所以揀左依間。佢嘅佈置好靚，又係高層，可以望到油麻地既街景。今次點左烤虎蝦伴香草蕃茄醬意粉，烤虎蝦食落唔錯，虎蝦嘅蝦肉食落好彈牙，有少少鹽烤味，味道唔錯。蕃茄意粉同出面差唔多，茄味都好濃，意粉夾雜住蕃茄蓉，意粉食落唔錯，唔會過淋。烤三文魚扒食落幾好味，佢烤得啱啱好，特別係魚皮，食落好脆。三文魚肉食落幾嫩滑，魚油非常濃同入口即溶，食嘅時候，魚唔會散開一舊舊。…Read More

去唔到旅行就要去唔同餐廳食下，想像自己去左當地品嘗美食。今日黎到大埔附近，見到依間有得食馬來西亞菜，就比佢吸引左入去。軟殼蟹火山包係menu嘅第一版，見到佢張相就比佢吸引左，上菜嘅時候就覺得外觀好靚，好適合打卡。佢嘅麵包食落好鬆軟同有少少脆，佢外面係蛋花咖喱汁，食落唔會太辣，而鹹度適中，可以當成醬咁點黎同包一齊食。佢表面有一隻軟殼蟹，佢食落好好味，炸到好酥脆，除左軟殼蟹，佢仲有好多海鮮，包括青口、海蝦等，食落非常豐富同好味。兩餸藍蝶花椰漿飯有唔同餸可以揀，今次揀左咖喱牛腩同日式唐揚雞，牛腩食落幾淋，而唐揚雞大小適中。除左兩樣餸，佢仲有好多配料，包括蝦片同江魚仔，蝦片食落好脆，同平時食開差唔多，而江魚仔食落幾似鹹魚，配上飯係一流。平時蝶豆花多數都係飲品出現，但加係飯就比較少見，椰漿飯食落好好味，椰漿味非常濃。串燒拼盤嘅材料都有好多，有牛豬雞串燒，仲有大量豬頸肉，真心幾值食。串燒食落幾正，燒得啱啱好，面頭有咖喱汁，最鍾意食牛肉串燒，牛肉味好濃。豬頸肉食落非常爽口，點上泰式辣醬就一流。鮮檸天葵梳打同青檸香橙梳打嘅配搭都唔係常見，但兩杯飲落都唔錯。本身唔知咩係天葵，原來佢有清熱嘅功效，天葵同檸檬夾埋一齊係有酸甜嘅味道，入口清新怡人。青檸香橙梳打係橙味比較濃，所以鍾意橙汁嘅人會好鍾意，飲落係帶有微酸嘅雜果賓治。…Read More