為食小魚's Profile

(無影相)很不快的經驗超耐無寫食評，實在不吐不快星期日去到荔枝角，原來好多舖頭都無開，上openrice，見呢間嘢都幾多好評，又見同天后的Texas burger有關聯，所以試吓 (我食過天后Texas burger係好味)喺條走廊度已聞到一陣唔知係乜的臭味間舖頭入面其實無乜客，但店員要我哋二人坐喺門口的二人枱，坐得好唔舒服。我問入面係咪book哂，佢話係，咁算啦。叫咗兩個dinner set, 湯正常，落單要兩杯檸水，送來的是兩杯檸茶 😑落單的店員好明顯發緊夢。其中一個set要burger, 味道ok,但side dish 薯條凍的 😑跟住來另一個set的肉眼牛扒，超級難食😡無牛味，無肉味，而且un, 把刀亦唔利，完全唔知自己食緊乜 😡衛生情況亦好差，問佢拎碟仔，隻碟洗唔乾淨到食完, 大概一個鐘，間店仲剩大把位，完全唔明點解我倆要坐到咁逼😡由頭到尾都無人畀水我哋。最後，完全唔明點解喺openrice可以咁多好評…Read More

同上次叫同一個餐歐陸腸+炸魚柳+煙肉炒薯仔+厚多士+熱咖啡諗住俾多次機會呢間美心, 果然無令我失望, 今次個餐唔再似"垃圾堆填區", 所以我特登寫返個食評幫佢平反執得靚返, 當堂有食慾好多歐陸腸: 其實唔係咁好味, 試咗兩次, 下次真係唔會再食喇炸魚柳: 今次好食好多, 無咁多油, 又脆, 所以喺快餐店食嘢真係好睇彩數煙肉炒薯仔: 今次多咗, 食落口感覺無咁多油, 不過無上次咁夠鹹厚多士: 包邊脆, 有得自己搽牛油熱咖啡: 唔使講, 我ge精神食糧今次仲俾多咗茄汁焗豆 (應該係隔離個餐先至有), 不過我覺得相對起煙肉炒薯仔, 茄汁焗豆無咁好食, 太普通喇…Read More

恆生信用卡外送速遞2人套餐 $229西班牙Tapas批 - 大批 :) : 鍾意批邊, 芝士醬包住四款唔同餡料: 海蝦, 八爪魚, 雞柳, 煙肉, 煙肉同八爪魚比較好味, 包咗餡料之後反而芝士醬少過以前扭扭批, 不過味道都OK ge, 另外批面舖滿ge餡料同普通pizza無乜分別, 一貫ge味道!拿破崙海鮮螺絲粉 :) : 醬料比想像中好味, 海鮮亦有幾多, 不過就好有雪藏味, 都值得一試小食滋味盒配辣味雞翼: 腸, 唔好食; 芝士卷: 一貫的好食, 鍾意食芝士; 雞翼: 好食; 薯塊: 淋咗, 唔夠鹹, 鍾意KFC多D蘑菇忌廉雞湯 x 2網上訂購免費優惠:百事兩罐焗粟米肉醬薯蓉三個人食, 好飽…Read More

其中一款推介口味: 紫蕃薯鮮奶蕃薯味夠, 飲落有紫蕃薯"沙", 但奶味唔夠, 似飲緊糖水, 多過似飲緊杯奶 隔住個杯都真係好熱, 佢之前問我要唔要膠袋裝, 我仲話唔使, 但淨係拎住個杯都feel到熱力, 大熱天時, 成個人都熱哂, 後悔 飲完都飽肚, 頂到兩三個鐘唔使食野住... :)$13, 都抵飲, 下次可以試其他口味…Read More

上晝九點鐘左右, 嘩, 真係多人到爆, 排隊買野食好多人, 拎野食好多人, 堂食都好多人.試一試 歐陸腸+炸魚柳+煙肉炒薯仔+厚多士+熱咖啡拎左份早餐之後, 第一個印象係: 乜咁似垃圾堆填區? 尤其係煙肉炒薯仔. 可能太多人, 乜都求求其其... anyway, 用埋優惠券($22-2=$20), 平平地, 算啦.值得一讚ge係成舊牛油俾你自己鍾意搽幾多就幾多 :), 有D快餐店會幫你搽埋, 不過我成日都覺得唔夠, 叫佢俾多D牛油, 同埋亦都唔知佢俾咩牛油你...歐陸腸: 原本海報影出黎果條好似大條D, 估唔到事實上係咁細, 縮左一半, 不過味道唔錯, 我唔鍾意食普通腸仔, 用差唔多價錢有得試歐陸腸, 算啦, 幾好, 都煎得熱ge! :)炸魚柳: 我呢塊真係好油, 不過條邊都脆ge, 望下隔離枱, 人地塊魚柳好似炸得脆D同望落好似無咁油, 只能怪自己唔好彩, 為左令塊魚好似無咁油, 我狂點奇妙醬, 自欺欺人的方法 :(煙肉炒薯仔: 煙肉好香好好味, 但係只得幾粒 薯仔仲油過舊魚, 啖啖油, 其實係好夠鹹香, 味道幾好, 但係真係好多油! 再加幾條洋葱, 好味, 但係都係好油 厚多士: 外觀真係唔多靚, 好地地一塊包點解會切到咁ge樣, 不過佢條邊係脆ge, 搽左牛油唔好理佢個樣其實都係一塊好食ge多士 熱咖啡: 我不嬲唔會落糖, 咖啡好味 我份早餐太似垃圾堆填區, 只能怪自己唔好彩, 其他人果D都唔係咁垃圾樣...…Read More

行過滿記, 突然間好想食糖水, 我個人比較鍾意熱ge糖水, 即使係夏天, 不過其實apm有冷氣, 都唔會熱得去邊, 所以都係食熱野千揀萬揀, 因為唔想食得太飽, 所以無揀到D糊, 其實我覺得合桃糊+/-其他糖水好似幾吸引, 最後我揀左木瓜雪耳糖水, 佢本身個名好似好聽D, 叫做咩南北杏雪耳燉木瓜, 見到有個"燉"字, 以為起碼會有個燉盅靚靚地啦, 點知原來都係用個碗裝je, 算啦... 第一啖飲, 覺得: "咁甜ge..." 不過飲飲下又幾好味... 其實我鍾意好似呢D咁甜ge糖水, 糖水梗係要夠甜, 先至叫糖水ga la, 不過如果怕甜, 又或者有糖尿病, 就唔好試喇... 而家出面D糖水, 成日懶健康咁唔夠甜, 唔甜咁健康不如唔好食啦, 一係就俾人揀正常甜定少甜啦...舊木瓜俾D 糖水浸到得個甜味, 食唔到木瓜味lu :(雪耳食落唔太淋, 我最怕好淋ge雪耳, 有D入口即融真係好嘔心, 同時又唔會太脆太硬, 雪耳好味... 碗糖水幾潤丫, 食完真係滿足左 不過又真係唔值$22咁貴, 平幾蚊仲好... btw, 佢地托盤好污糟呀, 我個有D芝蔴(, etc. , 仲有D咩我唔記得, 總之就係好污糟)響上面, 好心就抹乾淨D啦, 見到都減低食慾呀... …Read More

今日行過pie and tart, 見到arm arm送貨黎, 又有好多人幫襯, 真係好想試返一個 (相比起我之前行經奧運站果間, 真係好唔同呀, 果間得幾件批, 好似無人買咁, 望落去D批好似唔係好新鮮, 好似賣極都賣唔出ge樣)聽聞駝鳥肉批幾好食, 所以就買黎食...我行去apm個food court慢慢食, 行到上去食時, 個批仲係暖ge, 因為用紙袋裝ge關係, 所以個批面同批邊仲係好脆, 讚! :)食落D駝鳥肉, 味道都幾得意, 有D似牛肉ge味道, 肉質就有D似叉燒咁(燒過?), 總之就係特別啦... 有D黑椒味, 幾好味... 入面除左有駝鳥肉, 大概十小塊左右? 仲有薯仔, 青椒, 洋葱, 味道唔錯ge... :)其實我覺得唔係好膩, 可能係因為我平時食D野仲膩? 同埋淨係食一件批真係唔夠飽, 自問自己唔係好大食, 但係真係唔夠, 早知買多一個第二款口味ge批, 太遲喇, 行左上food court, 又唔想再行返落去, 唯有買D野飲頂住肚...其實都幾好食, 不過貴左DD咁多啦....…Read More

一早book定位, 母親節當晚七點去到大概6點50分, 已經見到入面滿座, 外面有幾個人等緊位, 我問門口帶位我地book 左7點入得未, 佢話arm arm 好執好枱, great~三個人食, 點左個二人餐,兩個特色龍蝦湯: 有幾粒龍蝦肉, 有幾片磨菇, 我覺得湯幾好味, 好熱辣辣, 龍蝦肉其實唔係咁好味, 我覺得唔夠新鮮, 反而磨菇片仲香~ overall 都唔錯 :)芝士焗龍蝦帶子天使麵: 芝士好香, 龍蝦汁幾好味, 芝士同龍蝦汁都唔會話唔夠, 唔會食到最尾無哂汁, 帶子多過龍蝦, 但係龍蝦肉好味過帶子, overall 又係幾好味 :) (不過側邊兩塊好似好靚ge脆片都唔脆, 亦都無乜味)韓美豬仔骨(韓風Kimchi豬仔骨及醬燒豬仔骨伴凱撒沙律及美國瘋薯條): 各有各好味, 美式即一般味道, 有保證; 估唔到韓式又幾得意, 酸D同辣D, 令到豬仔骨更惹味, 不過我唔係咁鍾意食放響上面ge泡菜, 潑開左... 美國瘋薯條夠熱夠脆好食, 凱撒沙律: 其實本身唔係好鍾意食生ge菜, 但係D菜點左豬仔骨醬汁真係好味好多, 清哂~ + $11 有個芝士餅: 其實幾平, 不過唔係咁好食, 我覺得唔係咁夠芝士味, 餅底亦都唔夠香, 下次唔會再食呢個甜品 :(兩杯熱奶茶: 一拎到黎已經覺得咁白ge, 一飲落去, 真係好多奶, 完全飲唔到茶味, 好彩我本身對奶茶無乜要求, 多奶又好, 少奶又好, 其實佢D奶應該係幾靚ge, 所以我覺得杯奶茶其實都幾好味, 不過如果唔鍾意多奶真係記得叫佢少奶... 好少高級少少ge餐廳唔係自己加奶ga lor... 服務唔錯, OK主動, 好有禮拜, 有求必應 :)會再黎! P.S. 母親節正日都可以用兩張$50現金券, good! …Read More

又試新口味鍾意KFC經常推出新口味今次試一試pizza 寶盒小女子胃口比較細, 淨係單買pizza寶盒($20.8), 無跟餐, 用KFC visa卡, 九五折, --> =$19.8, 價錢OK 開飯喇: 買時紙盒口係打開ge, 其實幾有心思, 因為食落塊包(墨要哥包?)竟然有少少脆脆地, 唔會焗到淋哂! 抵讚! 不過醬就真係少D, 最中間先至算係有D芝士味, 有D pizza味, 食落有D似pizza味薯片ge味道, 反而唔似真正pizza ge味道, (可能係因為而家D pizza越出越多口味, 我都唔知幾耐無食過D傳統ge口味, 又係成日追新口味試) 不過味道係好ge! :)雖然pizza味不足, 但係舊雞都係脆ge, 都多肉汁ge, 唔錯唔錯! :)conclusion:未試過值得一試, 不過要揀間好味ge分店, 例如呢間, 否則我諗如果墨西哥包同脆雞都焗到淋哂, 焗到出哂倒汗水的話, 應該會幾難食 (呢間分店係我食過最好食, 所以通常試新野都會黎返呢間... )我覺得一個pizza寶盒已經夠細食ge女仔食, 但係男仔應該叫餐好D, 因為個寶盒唔係想像中咁大件ga je...…Read More

特登行入黎食, 都幾遠估唔到咁細間星期日十二點幾黎到, 唔係好多人一揭開個餐牌, 就有侍應走黎話俾我地知 無 駝鳥肉, 鵝腸, 豬手, 有無搞錯呀, 傳聞好食果幾樣都無 三個人, 兩個叫左 燒腩仔撈粗麵($30), 一個叫左 蝴蝶腩撈粗麵 ($30)燒腩仔, 真係燒得過左火, 其實我本身都幾鍾意食脆口食物, 但係呢次真係覺得太熱氣, D肉又硬得滯, 食完喉嚨係痛ge... :(:(反而蝴蝶腩好食D, 真係未試過豬ge橫隔膜, 望落去似牛腩, 但係一D都唔un :)撈粗麵: 都幾好味, 不過我略嫌D麵有D硬, 係煮得唔夠, 定係本身呢款麵係硬D, 我未食過呢款麵, 唔知呀 :(附送ge湯: 真係幾好味 :)沙嗲醬: 任落, 唔知我係咪落得太多 (兩羮), 味道就幾好, 但係我食完之後好口渴, 唔知關唔關D醬事 :(唔會再特登走入黎食 :(不過食到1 點幾時, 舖頭就多左好多人走入黎食, 要等位職員服務態度麻麻, 語氣好差 :(…Read More

第一次食午市自助, 平時通常食晚市...其實食物同晚市都好似差唔多, 不過午市無三文魚刺身...有好多款肉選擇, 味道醃得都唔錯:羊: 最好食, 我覺得 牛肉: 都好食 雞翼: 第三好食 豬扒: 都好好味 墨魚仔: 一般 :(牛舌: OK 肥牛: 一般, 超肥呀雞脾肉: 一般, 唔係好有咖喱味火腿: 好味 紅腸: 好味過三寶飯果D, 因為燒過, 哈哈脆皮腸: 塊皮燒完變硬皮腸蟹柳: 外皮燒到脆, 好味(另有幾樣海鮮我無試)矮瓜: 要燒好耐, 燒到淋哂, 先至好味 鮮菇: 都要燒一段時間, 都係好好味 飲品任飲:酸梅湯: 一貫的好味 (我無試豆漿, 因為聽人講話唔係咁好味) :(熟食都有好多:炸三文魚(皮): 好多油, 我再燒一燒先至食, 好味D 秋刀魚: 燒完再食都係一般 :(餃子: 燒一燒, 幾好味 蘿蔔糕: 我食新拎出黎果D, 好好味, 好皮炸到脆卜卜 炸饅頭: 出奇地好味, 不過淨係出左一次, 無得添食 鹵水雞翼: 自己燒無咁嬲豆腐, 豬紅, 豬腸: 一般燒賣: 仲差過7-11 :(:(沙律: 我鍾意自己加沙律醬好味D, 佢地整好果D沙律唔係咁好味粟米, 提子乾, 菠蘿粒: 幾好 菠菜: 好味 西瓜: 都幾甜 紅荳沙: 唔係咁好 :(雪糕: 朱古力味好味過雲呢拿多好多, 朱古力味入面有一粒粒朱古力粒 試完上面所列, 我已經好飽...味道又唔錯...所以真係好抵!相對黎講我覺得抵過晚市, 因為每人差幾十蚊就係差左D三文魚剌身, 晚市食又唔覺得特別好...仲有午市可以食耐D, 我地食左3個鐘, 都無人摧我地走, 係我地自己要走 服務一般啦同場好多賓賓…Read More

因為媽咪有和民信用卡, 所以每年生日月份(4月)就會有張$100現金券寄黎屋企, 每年都係3月尾就寄到黎, 好準時, 呢張信用卡又永久免年費, 所以真係好扺!!! 不嬲都好鍾意食和民, 通常都係去銅鑼灣, 今次係第二次黎呢間食, 不過我對呢間和民真係徹底失望, 以後都係唔會黎呢間食, 食黎食去都係銅鑼灣好食D, 之前試過九龍灣一樣係唔好食.一早book左位一打開個餐牌, 已經打左個突 , 點解同我響網上面見到果個都唔同ge, 之前諗定想食ge野咁arm都無, 咩事呀, 無得食, 你就唔好擺個餐牌上網啦, 一係就注明邊間分店會無邊樣邊樣野食啦...是但啦, 又要再諗過食乜...最後點左次次都會食ge 豬扒鍋 同 野菌雜菜炒(豚肉) 點左3樣未食過ge: 炸軟殼蟹, 和民特製紙包雞飯, 仲有個唔知乜鬼燒餅風味鱆魚餅(想上和民個網搵返個名都搵唔到, 重申一次, 既然個餐牌唔同, 你就咪鬼擺個跣人ge餐牌上網啦...)因為生日正日惠顧, 除左可以用$100現金券之外, 仲可以免費送多杯$30以下飲品, 我地就就住個價錢, 揀杯$29, 諗住最抵, 點知賴哂野... (P.S. 原來網上餐牌D飲品價錢, 又係同實際餐牌上面ge唔同...) 落單時, 我已經即刻講明: 唔該俾支辣椒仔我吖, 個waiter話好呀, 結果所有食物黎到, 都係無辣椒仔ge, 唯有再叫佢多一次, 拎俾我呀!!! 真係躁哂底, 話左D人三摧四請都唔會理你或者拎野俾你, 尤其當你落左單之後.... 好, 講返D食物...先黎豬扒鍋: 個侍應淨係放低隻蛋, 但係就拎埋成盤豬扒鍋+/-其他客人ge食物去拎個爐, 我最初淨係見到隻蛋都打左個突, 心諗佢係咪唔記得左放低碟豬扒, D侍應ge行為真係令人費解, 與其拎住咁重ge野去拎個爐, 點解唔一早放低埋豬扒? 又或者俾左其他食物俾其他客人, 先至一次過去拎個爐同放低蛋+豬扒? 好啦, 一打蛋殼, 個蛋黃散ge, 根據父母親大人從小教導, 用正常手法打蛋, 如果蛋黃係散ge, 即係隻蛋唔新鮮, arm 唔arm就唔知喇, 不過之前打蛋真係好少見蛋黃係散ga lor, 算... 好彩, 豬扒鍋味道尚算正常, 同我不嬲食開ge差唔多好味... :)跟住黎野菌雜菜炒(豚肉): 全枱最好食係呢碟lor, (竟然!!!) 保持一貫水準, 送到黎熱辣辣, 好好味~ (因為我地唔鍾食生ge菜, 所以通常都唔會叫沙律)炸軟殼蟹: 咩事呀, 使唔使咁細隻呀, 一人一啖都無哂喇, D白色醬幾好味, 但係唔知乜東東, 唔似普通沙律醬或奇妙醬, 想去網上餐牌搵下, 對唔住, 又係響網上餐牌搵唔到ge... 不過, 我想話全碟最好味只係D醬, 隻軟殼蟹其實唔好食, 超油, 又唔脆, 食落口淨係覺得飲左一口油, 真係唔好試呀!!!杯特飲而家先至黎, 叫做mango snow mountain, 個名幾好聽, 個樣幾靚, 話有芒果粒, 芒果糖漿, 芒果汁, 鮮奶, 好似好正咁, 好啦, 我試下先, 先試飲下面一層(黃色), 又幾好味喎, 再試飲上面一層(白色), 嘩無味ge, 水黎ga? 媽咪好似我咁飲, 佢嫌下面一層甜左少少, 試圖將兩層溝埋, 溝完就賴野喇, 我試一啖, 由本身有半杯有味道, 而家成杯都無味, 早知唔好搞, 淨係飲下層, 唔明點解搞完之後可以成杯都無味, 最後我地兩個都唔想飲, 俾左阿爸搞掂佢, 佢飲"完", 發現原來半杯都係冰 , D本來已經好少ge芒果粒仲要夾雜響D冰度, 我見無聊響度liu, 係liu極都liu唔到ga, 最後我地好似飲左杯凍水, 真係好彩呢杯野唔使錢, 唔係我真係發癲... 跟住唔知乜東東燒餅風味炸鱆魚餅黎喇, 有D燒餅汁響上面, 係一向ge味道, 炸鱆魚餅食落去唔脆, 明明條邊望落去好似脆, 但係食落去都係唔脆, 有D麵粉味, 有D鱆魚味, 不過唔知佢幾多溝幾多, 但係就少左燒餅一向有ge多菜, 所以食一舊都好漏... 我鍾意食D燒餅有多D菜響入面 :(和民特製紙包雞飯, 之前睇網上食評, 都已經見到人comment好細份, 但係我唔信邪, 真係又賴野, 打開左塊紙, 真係細份到嘔lor, 你睇下隻羹個size就知喇, 應該兩羹就可以KO佢, 但係我地3個人分, 好野, 一人有三分之二羹, 減肥!!! 雖則味道都唔錯, 有芝士焗, 但係真係好唔抵lor... :(唉, 再循例點我最愛ge朱古力芭菲~媽咪叫行過ge侍應點此甜品, 我地見唔到佢有無落單, 枱面張紙亦都無話加單, 個甜品超耐都唔黎, 平時響銅鑼灣食, 就算當時全場爆滿, 都唔使等咁耐個甜品都未到, 因為頭先試過D侍應唔記得拎辣椒仔ge事件, 所以我見等得太耐, 摧左一下, 嘩, 佢幾唔老皮呀, 話:"幫你地落左單ga la!" 好喇, 個甜品終於黎喇, 一望佢個樣, 我開始明白發生D咩事, D雪糕融哂喇, 整好就快D拎俾客人啦, 三摧四請都唔拎黎!!! 跟住叫佢拎多兩隻羹, 又係超耐都未拎到, 兩隻羹je, 使唔使拎咁耐呀? 我唔等喇, 食住先, 阿爸阿媽自己等, 我驚我再唔食住先, 陣間真係飲奶呀! 全程無人幫我地加水, 直到我地埋單時 :(全部waiter都"懶"有禮貌, 一有人入黎就講日文歡迎佢地, 但係佢地個樣個個都係嬲爆爆, 咁你唔好講好過喇... :(雖然減左$100係好抵, 但係如果用同樣ge價錢, 咁我會去銅鑼灣lor, 唔會再黎呢度, 不過其實我都有半年無去過恆隆, 唔知會唔會又變差... :(…Read More

見到openrice有主菜買一送一優惠, 即刻黎試下! 第一次去ruby tuesday...星期日大概十二點半, 無乜人, 唔使等位! :)三個人黎食, 先叫左兩個主菜: Half rack baby ribs with honey barbecue source (半份燒排骨配蜜糖燒烤汁) + Colossal burger (超級漢堡), 前者$198, 後者$160, 所以比較平ge colossal burger免費! 之後waiter話我地知有特價小食, $15有3隻buffalo wings (雞翼), 好啦, 又加埋黎試一試, 要左spicy source, waiter 仲主動問要唔要tabasco, 梗係要啦, 我最愛, 咁主動問客人要唔要, 服務抵讚! 雞翼: 味道唔錯, 塊皮脆脆地, D汁好好味, 夠汁亦夠味 :)ribs: 一切落去已經覺得好淋, 食落, honey source好好味, 燒得香, 但係唔會太硬, one of the best ribs I've ever tried, 絕對會再食! (下次再食會試下另外幾款汁) 另薯蓉亦都好好味! colossal burger (我地要左7成熟): 真係好大個, 三個人食, 三個食完都話好飽! btw, 我食第一舊時一隻叉叉左落個包度, 睇住D牛肉汁必哂出黎, 仲整濕底下塊包同側邊D薯條, 食第二舊時我精喇, 都係用叉成舊剷起, 保住D肉汁, 塊牛肉真係好juicy! 呢個burger, 係M記10倍價錢, 當然係一分錢一分貨! 另, 薯條唔夠ribs ge薯蓉好食... 本身都想試甜品, 但係我地比較細食, 食完以上main dishes已經夠飽...總結:食物: 好味服務: 好好, 有幾次D waiters 會走黎同你吹下水: "使唔使幫你地影相呀?" "夠唔夠食呀?" "叫唔叫甜品呀?" "好唔好食呀?" 不過都係佢主動問我要唔要tabasco最感動, 好多食肆都係好難先有侍應serve你(尤其當你落完order之後), 之後又會三摧四請先至拎到你想要ge野, 但係呢度唔使lor... Great!值得再幫襯, 尤其有優惠時!!!…Read More

又試新批, 匯豐餐, $222北寄貝蟹棒芝麻芝心批(大批): 老實講, 北寄貝同蟹棒都唔係咁好食, 北寄貝唔似平時食壽司果D咁新鮮, 食落好似怪怪咁, D蟹棒又唔係話唔新鮮, 但係食落都係怪怪咁... 不過個芝麻芝心批邊真係幾好食, 芝麻味好香, 尤其係當我食第二塊芝麻芝心批邊時, 我將佢放左入麵包焗爐焗一焗, 仲香, 好食好食, 不過成個批相對黎講都係唔夠芝士味, 同埋呢個批有蘆荀, 我自己就覺得幾清新, 令到個批無咁膩, 但係媽咪就唔鍾意食蘆荀, dump哂, 早知我幫佢食埋D蘆荀, 好似浪費左咁... D日本味噌醬配合個pizza個味道都幾得意, 不過咁樣令到個批ge芝士味相對少左, 我個人就鍾意多D芝士味(好似上次個海陸空好食D)煙三文魚大蝦螺絲粉: 酸酸地咁, 略嫌唔夠汁, otherwise, 三文魚同大蝦都幾好食, 不過如果你問我呢個螺絲粉同海鮮寬條麵邊樣好食D, 我就揀後者喇...小食滋味盒: 辣味雞翼: 一貫的好食魚圈, 墨魚塊, 豬肉腸: 平時都係咁ge味蘑菇忌廉雞湯: 今日唔知點解, 比平時多蘑菇多雞肉, 我鍾意多料D呀, 所以覺得今日碗湯特別好味於網上訂購多過$180, 有多兩樣野送:焗粟米肉醬薯蓉: 唔夠粟米同肉醬啦, 都係, 次次網上訂購都係送呢樣, 俾D新意啦, 唔該, 唉, 算啦, 送ge食物, 無得要求咁多ga la百事兩罐: 飽到飲唔落lu結論:呢個批同平時D批ge味道都有幾大分別, 鍾意試新野ge不妨一試, 食開pizza hut D pizza又唔係咁鍾意日式食材, 食呢個批會覺得D味怪怪地, 不夠重申一次, 個芝麻芝心批邊係好好食, 如果下次pizza hut再出芝麻芝心批邊, 但係配返D傳統食材, 我一定幫襯, 今次呢個批就食一次唔會再食喇...…Read More

唔開胃時好想食撈檬, 因為可以加D酸酸地ge汁, 開胃哂!!!呢度ge撈檬午餐好抵食, $28 有一碗撈檬 + 一杯飲品 (我比較鍾意龍眼水, 其實仲有好多乜冰物冰揀, 好似都係咁多$, 不過我怕肥, 所以都係揀返龍眼水, 特色好味但係又好似健康D)味道唔錯, 我覺得仲好味過越棧, 但係就平差唔多$10, 不過呢度好偏僻 (我覺得), 唔熟路未必識搵; 同埋有時真係好多人, 多人但係少職員, D職員就好易躁底... 但係試過有次12點左右黎食, 就無哂以上問題, 等一陣就有得食, 職員見你面前樽酸酸地ge汁無哂又主動幫你加...一有機會就想再去食, 不過對我黎講係有D遠...…Read More