大羊B's Profile

泰茶店居然開了餐廳，路過沙田見到不得不試一下。店面坐位都好闊落，唔算太多人所以兩位都可以安排坐4人位。叫了兩份主食，一個是海南雞飯另一個是魷魚意粉，兩個看起來普普通通的主食，味道實在有驚喜。海南雞飯的雞肉很有雞的鮮味，但醬汁才是這個海南雞飯的靈魂，味道令人驚艷。魷魚意粉看起來淡然無味，但一入口令人喜出望外，香葉的味道，檸檬的清香，微微的香辣，豐富的味道真是意想不到。斑蘭珍珠飲品絕對不會令人失望，滿滿的斑蘭珍珠好開心，煙煙韌韌的口感以及淡淡的斑蘭香味真的太好味！還實測了排毒瀉茶的荔枝蜜玫瑰花茶，果然有效！最最驚艷的就是甜品，試左泰茶飄雪及泰茶梳乎厘。泰茶飄雪附上了一杯超濃厚的泰茶醬，加入飄雪中令味道加倍濃厚。泰茶梳乎厘味道都很濃郁，而且梳乎厘口感棉密，上面的焦糖脆脆好好味！…Read More

香港而家已經唔係好多餐廳要排隊，但沙田依間泰國餐依然係成日都要排隊，當然要試一試。先睇睇門口Menu, 都真係覺得幾抵食！但睇真原來每人會10蚊茶位費，好似酒樓咁，我就有啲驚奇啦！不過來都來了，都照食啦！餐廳內的位置十分闊落，枱又大櫈又大。前菜叫左個香脆豬皮，$18又好大碟，脆卜卜好好味！小食叫左蝦多士，不過實在太太油啦！主食叫左牛柳炒闊河粉，豬頸肉炒飯，打拋豬肉飯，主食反而分量偏細，好味但唔夠食囉！最後仲有泰底豬蹄，雖然餐牌寫住大份，但其實都係一般Size😅，野食都好好味，碟碟都清底既！特飲又好大杯喎！成座山咁高！芒果味香濃！餐廳既份量真係難以估計，要邊食邊叫，唔夠加單啦😆…Read More

這間台式小店看似只有芋圓甜品，但原來晚餐都很不錯。店內每張枱都十分闊落，地方衛生乾淨。晚餐主食都是牛，很適合牛魔王朋友。揀左香煎騙牯牛柳粒煎蛋飯和堂灼騸牯鮮肥牛牛丸湯麵。因為開放式廚房，煎牛肉的香味未上枱已經飄了出來，引得人口水直流。香煎的方式能夠鎖住牛肉的水分，保持其鮮嫩口感，外層則形成金黃色的焦脆，這樣的烹調方法能更好地釋放牛肉的香味。牛肉只做了簡單的調味，一口咬開口裡充滿牛香。半熟煎蛋成了靈魂飯汁，與牛柳粒的油脂混合被飯吸收後十分美味。堂灼騸牯鮮肥牛牛丸湯麵上枱時儀式感滿滿，侍應在你面前小心翼翼將滾燙的湯加入牛肉麵中將牛肉灼熟，看著新鮮的牛肉慢慢灼熟，視覺滿分，湯底清爽而鮮美，帶有淡淡的牛肉香氣，濃而不膩，十分適合搭配麵條。飲品半價大大杯，主動推介半糖少冰，十心貼心。最後當然唔少得要食甜品。黑糖鮮奶巨無霸芋圓2號配料是芋頭、紅豆和波霸組成，搭配濃郁的黑糖鮮奶。巨無霸芋圓真係好巨，但口感依然Q彈，芋頭和南瓜的香味都食到，而且配料十分多，豐富的口感，令人滿足。黑糖刨冰仙草4號的配料是紅豆、小湯圓和波霸，冰粒細膩，入口即化，帶來清爽感，十分消暑。睇返原來都有4間分店，下次去旺角上水都可以再食😋…Read More

豐信餃子是我最愛之一的餃子店多年前曾經在舊店吃過一次，之後經常叫外賣，已經很久沒有再到店內堂食，今次再來竟然發現店面擴張了，旁邊新開的裝修十分光亮舒服。既然來到堂食，一定要試一試心心念念的邪惡金沙餃，因為怕外賣會淋掉不好吃，一直沒有機會試。由於選擇太多，為了食多幾款，每份都叫了雙拼。金沙餃揀左椰菜同韮菜，另外湯餃叫左咖喱、梅菜、芫茜、芝士粟米。仲叫左小食秘汁雞腎同羅漢果甘草茶。邪惡金沙餃首先上枱，餃子上灑著金黃的咸蛋黃，看著上面金金黃黃的金沙，真的很吸引，外皮又薄又脆，餡料豐富。每一口咬下去都能感受到內餡的鮮美，肉汁瞬間爆發，特別是鹹蛋黃的甘香醇厚味道，增添了餃子層次感。湯餃必選椰子海帶鮮雞豬骨湯底，每次我都把湯喝得一點不剩，湯的顏色呈現出誘人的奶白色，散發出淡淡的椰香，湯的味道非常濃郁，椰子水的自然甘甜與豬骨的鮮香完美融合，令人垂涎欲滴。芫茜及芝士粟米餃本身是我必食之選，愛茜人士必定要試，芝士粟米口感豐富香甜，本人大推！今次特別叫咗咖喱椰菜及梅菜試一試，都十分之有驚喜，特別特別喜歡梅菜豬肉餃，口味獨特，梅菜的咸香甜完全包在餃子內。豐信的餃子出名大隻，每一隻都十分飽滿足料，我每次食十粒都已經好飽好飽。…Read More

路過這間滷水鵝店被滷水鵝的香味深深吸引，見店舖門面乾淨企理，忍唔住買外賣返屋企食。他們的鵝肉簡直正！肉質軟嫩，滷汁味道濃郁，每一口都能感受到香氣撲鼻。飯也吸收了滷汁的味道，吃起來特別過癮。讓肉質鮮嫩多汁，滋味更是讓人回味無窮。每一片鵝肉都吸收了濃郁的香氣，讓人忍不住再多來一口。滷水三寶飯則是一道更加豐富的選擇，包含滷水鵝、滷水鵝肝和滷水鵝腸。這三種食材各有特色，鵝肉的鮮嫩、鵝肝的細膩以及鵝腸的脆嫩，讓每一口都充滿驚喜。滷汁的風味完美融合，口感層次分明，滷水鵝肝的最大特色在於其細膩的口感和濃郁的香氣。經過精心滷製後，鵝肝的脂肪與肉質完美融合，入口即化，帶有淡淡的鹹香。滷水鵝腸則是另外一種極具嚼勁的美味。鵝腸經過滷水後，外皮韌性十足，內裡卻保持著豐富的汁液，口感十分獨特。滷汁的香氣緊緊包裹著腸肉，讓人每一口都能感受到濃郁的滋味。總而言之，陳儀興滷水鵝專賣店的滷水鵝飯和滷水三寶飯絕對值得一試！見到下午茶的價錢更吸引，下次必定再試！…Read More

上環的這一間餐廳，以英式的環境佈置，配以優質的中式點心及蒸飯。環境及食物都盡顯高貴。午餐包一份點心拼盤，裡面包含了燒賣、蝦餃、叉燒包及粉果。每一種點心都很精緻，色澤誘人。蝦餃皮薄餡多，咬下去瞬間汁液四溢，大蝦新鮮美味。 叉燒包松軟的包皮包裹著香甜的叉燒肉，甜中帶鹹，口感豐富。燒賣的皮薄而韌，內裡的豬肉和蝦仁餡料十分鮮美，搭配香菇的獨特風味，讓整體口感更加豐富。粉果的外皮軟滑，內餡的鮮蝦和豬肉混合著香菇的獨特風味，讓整體味道層次分明。香菇的鮮香與雞肉的嫩滑相得益彰，米飯吸收了香菇和雞肉的精華，粒粒分明，口感軟糯。雞肉經過蒸制，保留了豐富的汁液，每一口都讓人陶醉。梅菜的鹹香與豬肉的鮮嫩相互融合，每一口都充滿了豐富的層次感。豬肉經過蒸制，肉質鮮嫩，汁液充沛，讓人一試成主顧。梅菜的獨特風味為整道菜增添了幾分鹹香，與米飯相互融合。服務員態度親切，餐廳的環境安靜舒適，適合朋友聚會或家庭聚餐。…Read More

炎炎夏天都阻止唔到人們打邊爐嘅決心！咁熱嘅天氣打邊爐，當然要揀返個消暑啲嘅冬瓜盅湯底！仲有鮑魚同花膠可以補一補，實在滿分！完全冇圖片只供參考嘅感覺，上枱一樣咁正，大大塊冬瓜，大大隻鮑魚，仲有花膠同海參市面好多打邊爐用嘅花膠其實都係魚肚，又大又厚，但係唔好食，呢度用嘅係真花膠，細細隻但都好正。鮑魚非常鮮甜又夠淋。湯底係真雞湯，好好飲，店員都有提我哋記住飲，最終真係俾我哋飲到見底先再加豬骨湯打邊爐由於冬瓜盅份量太大，所以冇辦法叫太多嘢食，但必須叫的一定係牛，仲要叫碟大既安格斯牛肉，鍾意脂肪少牛味又夠濃。另外叫左餐廳推介芫荽粟米餃、魚皮餃、貢丸、章魚丸，當然唔少得嘅係炸魚皮同響鈴卷。食物都可以選擇雙拼選項，咁樣對想試多幾款嘢食嘅人實在係好好嘅選擇。芫荽粟米餃好大隻，好好味，一食就知係手工餃👍🏻炸魚皮超香超脆超正👍🏻響鈴卷都係手工制，呢個真驚喜👍🏻另外仲有好多自家制飲品，試左圓肉紅棗薏米水，十分足料又唔太甜👍🏻好多食物都睇得出店家付出咗唔少心機，所以食物質素都好好，而且店入邊嘅店員都非常之有禮殷勤，呢啲就係良好香港食肆👍🏻…Read More

今日特登黎尖沙咀同無臉人打卡影相，順便食個Lunch! 無臉人就坐响門口等我，長櫈可以排排坐一齊影相打卡，沿樓梯上去都係滿滿和風裝飾，好像去左日本旅行咁，非常打卡able!餐廳內裝修好靚，有一排和式卡座，座位相當闊落。午市有好多款定食選擇，價位大概百零左右，上專頁訂枱有88折。侍應推薦厚切吉列千歲米豚，見到旁邊都有人叫左，又真係好厚切好吸引，但新年期間真係食得太多炸野，所以就揀左黃金蟹膏鵝肝丼，同埋火炙牛配卡邦尼烏冬。定食包沙律、麵豉湯、仲有一粒漢堡肉粒。（睇落以為係紅豆蓉甜品😂）💛黃金蟹膏鵝肝丼有蟹膏有蟹肉仲有鵝肝，鵝肝香得黎無好油好漏既感覺，將蟹膏蟹肉同飯撈埋一齊食，食到好香甜既蟹膏味，好好味，成碗飯可以食到乾乾淨淨。💜火炙牛配卡邦尼烏冬圍住隻碗成個10片牛，只係輕輕火炙過，半生熟軟綿綿既口感，好正，卡邦尼意粉都好岩本人口味，唔會好咸好重味。另外叫左一杯拖羅海膽刺身杯，估唔到又幾大杯下，海膽好新鮮，拖羅無咩筋唔錯，兩個人share一杯岩岩好。…Read More

晚上有各式湯檬/撈檬/飯一人餐，包小食及飲品價錢只是88，亦算相宜。今晚選擇了香茅豬扒飯及燒雞扒撈檬，小食選擇了雞翼及蝦餅，飲品則選擇薏米水。另加椒鹽軟殼蟹及鮮蝦紙米卷。香茅豬扒飯，豬扒夠香口，仲有例湯送燒雞扒撈檬，雞扒大大塊，有蔥油好香雞翼和蝦餅，點醬好好味椒鹽軟殼蟹，超級大份，第一次食到這麼厚肉軟殼蟹鮮蝦紙米卷，清爽好味道薏米水，很好喝，十分足料，半杯都是薏米侍應很好，招呼周到。卡座闊落，坐得舒服。…Read More

除夕同小朋友去左荃灣行街，夜晚好想食北京填鴨，見到網上推介係抵食之選，最終揀左去海之戀老掌櫃。老掌櫃响正DONKI入口隔離，識路好易到，我哋就行左成個商場一圈先到。唔知平時係咪都係咁多人，始終除夕夜，都等左一陣先有位，要自己用QR Code落單，落完單先有侍應上菜單同滾水，太忙我都理解。2大2小叫咗半隻北京填鴨，農家炒飯，龍脷柳松子魚，涼拌千層豬耳。北京填鴨半隻都幾多下，皮應該都有15 /6塊，但係青瓜同埋蔥就有啲少，最後唔係好夠。好鍾意佢塊皮嘅質地，好薄冇咁飽肚。龍脷柳松子魚煮得好好食，連唔食魚嘅細路都肯食。涼拌千層豬耳其實同豬耳冇乜分別，係多啲手工，都味道都唔錯。炒飯就正常炒飯。2大2小連茶都係440，好抵食！…Read More

今日行完Donki再行Aeon，行到對腳都無力，又勁肚餓，就近近地去左附近食飯。原本係想食海南雞，所以入左呢間金朝海南雞，入到去坐底聞到隔離枱既雞煲味好香，於是轉軚改食雞煲。雞煲半隻都只係138，都幾抵食！估唔到半隻雞分量都好大，雞煲落足香料，味道滿分，之後再打埋邊爐，仲加埋串燒，所以食到勁飽，呢餐實在十分滿足。單係雞煲已經食到飽飽地，但打邊爐仍然推介牛小排，啲牛花勁靚，好香肉味，幾碟配料分量唔少。另外串燒推介牛舌，好香好軟好好味，串燒雞軟骨脆卜卜，又可以打邊爐又可以食串燒，真係好幸福。…Read More

第一次去呢頭食野，本來想飲下茶，但等成半個鐘未有位，就轉去其他餐廳，好幾間都要等位，咁岩呢度就食呢間。餐廳選擇十分之多，炒米麵飯有好多種，泰式中式都有，叫左4個，分別係乾炒牛河，泰式炒粉絲，椒鹽豬扒飯，揚州炒飯。兩個飯都係正常水準，唯獨乾炒牛河真係出事，第一份上既炒到燶咗，原本我夾開哂啲燶左既諗住照食，但一入口成燶味，同樓面阿姐講佢一口就應係咁嘅味架喎！真係呃我未食過咩？最終換過碟出嚟，味道偏咸，唉😮‍💨算啦！再換怕唔知會食到咩，咁我哋幾個人分黎食，每人食少少都可以，一個人食哂可能會咸死！另外要讚既係泰式炒粉絲，味道適中，帶丁點辣味，粉絲炒得好乾爽，好好味…Read More

今日一家人一齊去左食神石燒，個個都係第一次食，大人細路都要每人叫一個餐，所以揀左5樣唔同野試下。飯、湯同沙律都係自助任食，個環境就唔算太乾淨，啲水杯仲有啲污糟到唔敢用豬牛雞都叫左黎試一試。強烈建議要叫下面有火燒住既石燒，因為我哋發現果塊板唔夠熱去整熟哂啲肉，後尾所有肉都放上去有火燒住果塊先食到。叫左所謂既鹿兒島和牛，只能說圖片只供參考，現實版實在令人太失望，最終既感受係試食一次無妨，但應該唔會再去啦！好在最後有OpenRice訂座優惠同付款折扣，所以平返啲感覺好返啲！…Read More

首次踏足大角咀覓食，附近很多餐廳裝修都比較殘舊，唯獨呢間門面光鮮企理，所以就決定喺呢度食晚飯。餐廳內十分闊落，枱與枱之間有充足空間，坐得好舒服！食物種類豐富，選擇繁多，價錢亦很親民，十分適合一家大細去食。叫左4款食物都只係320，飽到食唔哂首先是日推介係豉椒炒蟶子，啲蟶子又新鮮又大隻，而且好乾淨，完全唔會食到沙。咖喱牛腩，可以揀印度或者椰汁，我哋揀咗椰汁，雖然椰汁味未算好香，但係份量好大亦好惹味，仲包埋2片薄餅，真係好抵食。小食拼盤有齊雞翼蝦片札肉春卷同串燒都只係88蚊，直程係超值抵食，雞翼同春卷都炸到脆卜卜，串燒係一片片新鮮肉片，唔係啲一舊舊既下欄肉，超讚海鮮喇沙鮮甜香辣美味，湯底有鮮蝦味，材料豐富，有蝦有青口有水魷，特別睇咗佢隻青口都有清理過，果然細心到位。…Read More

約返好耐無見既同事食飯，今次想食泰國菜，記得之前食過呢間唔錯所以再訂返呢間，好彩有訂枱，因為星期五真係幾滿客。環境比較迫同嘈，其實要傾計就唔係太傾到既。本來好想食佢火焰燒雞，成班想打下卡High下，點知8:00已經賣晒，早知應該要訂枱果陣訂埋無得食燒雞唯有叫半隻海南雞食下，雞肉都幾嫩滑，個汁亦好好味，但唔夠開心囉！大小食拼盤有埋生菜包，太正了，出面通常要另外叫一個，但通常都食唔哂，拼盤有埋咁就有得食農夫飽咖喱軟殼蟹，好大個，上到枱真係嘩左聲，軟殼蟹炸得好脆，不過咖喱冇咩味，算係好睇唔好食。原本打算叫蠔餅，侍應哥哥話今日啲蠔靚，但蠔餅唔係個個岩，所以轉左蟹肉蛋餅，完全出事，呢個只係煎蛋餅，連蟹柳都食唔到另外叫左碟炒雜菜，呢個又反而少得可憐，$9x細細碟，係最唔抵食既一道菜。最後仲叫左啲甜品，賣相同味道都算ok啦！如果有火焰燒雞食應該會加分…Read More