LydiaChan3791's Profile

路過呢間位於尖沙咀加拿分道嘅Milkfill，馬上被佢嘅酥皮香氣吸引住😍喺琳琅滿目嘅展示櫃中，都係揀返最愛嘅朱古力拿破崙試試✨🍫拎上手都有一定厚度，而咬落去更係鬆脆可口，有濃郁嘅牛油香氣，而緊隨其後嘅就係滿滿大人向嘅朱古力醬，食落一啲都唔油膩！…Read More

喺連鎖店林立嘅將軍澳，要搵一間小店並唔容易，所以經常為食乜嘢而煩惱🤔今次都係咁啱路過天晉附近嘅hygge，於是就入去試試！入到去嗰一刻就比北歐風格簡約而溫暖嘅裝修包圍着，頓時心情變得輕鬆，咁啱被編排嘅位置更有一隻鴨仔擺設陪住一齊食飯🫶🏻-✨水牛城雞翼配自家製藍芝士醬 $118水牛城雞翼一如既往香香辣辣開胃，配搭藍芝士醬又好似真係未見過，反而中和咗個辣味，但更加鹹香！即使唔係好食藍芝士嘅人都唔會話好難接受，值得一試👍✨慢煮羊肉醬寬條麵 $208其實比起叫寬條麵，好似叫返做粗管粉會比較貼切🤣意粉經常係望落好似好少，但配搭埋配料就會好飽嘅一個主食！羊肉醬肉味香濃，一絲絲嘅羊肉同醬汁注滿粗管粉內，粗管粉亦夠彈牙，所以食落好滿足🥰✨意式風乾豬面頰薄餅 $178呢個10吋嘅薄餅絕對兩個人好夠食！三道餸入面呢個薄餅更睇得出店家對出品嘅堅持，佢哋都有喺Menu上詳細解釋佢嘅麵團發酵工藝，以及採用嘅麵粉類型，十分一絲不苟！批底平均較薄但披邊較厚，比例恰到好處，批邊焦香得嚟鬆軟又煙韌，如果平時鍾意食sourdough pizza 嘅朋友一定要試吓！豬面頰充滿油香，但唔會過咸，而配料當中更加有雅枝竹同埋火箭菜，令整體味道更加平均！雖然今餐係滿滿澱粉嘅一餐，但身心都好滿足😝-📕key takeaways 推薦度：⭐️⭐️⭐️⭐️/5人均消費：$200-$300🌸ごちそうさまでした✨-…Read More

蕃茄仔已是我光顧了數年的店舖，因hitori也是一個🍅控🤣，當然每次也只為了濃郁帶天然酸味的🍅湯而至😌平日午後2時的希雲街未見人潮，但我亦毫無懸念地走進蕃茄仔✨-Today’s menu:麻香惹味拌麵 配 炭烤風味雞扒 $71 4/5未有跟往常一樣點湯麵，拌麵更適合這個開始變得炎熱的天氣，麵底部放有紅油、炸香了的蒜、蔥以及木魚碎，與麵混和後有一股麻香的後勁滲透出來✨而木魚碎又帶有一點fusion的感覺，但整體麵量較湯麵少，以呢個價錢來說，不太飽肚🤔炭烤雞扒一如既往的香口，但有炭香之餘，亦富有肉汁，雞皮也烤音樂得香脆，讓人不知不覺地吃光😌🌸ごちそうさまでした✨-#hkfoodie #hkig #hkfood #hkfoodblogger #foodiehk #hkrestaurant #topcitybiteshk #hkfoodporn #hkfoodblog #銅鑼灣美食 #天后美食 …Read More

Sip the moment (堅尼地城)最近想揾一間遠離繁囂嘅Cafe都有啲困難，所以瞬間諗起呢間收藏已久嘅sip the moment✨用上復古玻璃和木質柔和感覺的裝修，讓人感到仿如回到家裏的感覺。很佩服店主一人one man band 的經營，咖啡以外還有時不時會轉換的甜品menu🥰用的餐具亦採用vintage fire king的家品，感覺別緻😌-Today’s menu:Flat white (3/5) & 小山抹茶豆腐蛋糕(4/5)☕️咖啡順滑after taste偏酸，但沒有一般flat White比較濃郁的口感🍰配搭蛋糕的紅豆和cream甜度適中，蛋糕質地密度較高，有像豆腐一樣的口感但又帶有濃郁的抹茶香，整體不會過於甜膩🌸ごちそうさまでした✨-#hkfoodie #hkig #hkfood #hkfoodblogger #foodiehk #hkrestaurant #topcitybiteshk #hkfoodporn #hkfoodblog #堅尼地城美食 #hkcafe #hkcafehopping…Read More

今次係第二次嚟到君悅酒店嘅港灣壹號，環境一樣優美恬靜，唯一唔同嘅係天色較上次到訪時好，可以清晰望到維港兩岸嘅景緻。店員的服務亦十分體貼、有禮，每道菜上時都會逐一介紹，亦會為你主動奉茶，無論是菜式、環境還是服務，都令人賓至如歸✨-今次就試咗佢哋嘅時令菜式，會將菜單放喺帖子的最後，讓大家作一個參考！-喺上菜之前，侍應會先奉上醬料，其中嘅XO醬係自製嘅，惹味得來都食到足料嘅瑤柱，不過可以落到嘅菜式唔多~今日仲有自家製嘅琥珀合桃添😋-✨X.O. 醬海蜇頭、椒鹽法國鵪鶉腿，醋香澳洲牙魚 4.5/5-充滿彈性嘅海蜇頭配上自家製嘅XO醬，充分帶出鹹鮮味，令人開胃。鬆脆嘅牙魚，肉質鮮嫩富有油香，配上鎮江醋，可謂一拍即合。鵪鶉腿雖然細細隻，但勝在肉質鮮嫩，外皮以椒鹽嘅手法製成，令人回味無窮。-✨珍珠猴頭菇竹笙螺頭燉豬展4/5由於係燉湯，所以湯頭完全冇油，完全可以將所有材料嘅精華吸收-✨天山雪棗豚肉蒸龍躉柳3/5呢一道菜相對冇咁特別，龍躉柳唔係特別有油香，只能話肉質嫩滑，而同肉絲一齊食就為口腔帶來一種滿足感-✨古法羊腩煲 5/5唔好睇小呢個迷你羊腩煲😍羊腩煲入面嘅配料十分傳統，除咗有冬菇之外，更有冬筍，尤如坊間嘅「雙冬羊腩煲」一樣，但呢度嘅配料貴精不貴多，冬菇厚肉入味，而冬筍更係鮮甜而冇令人卻步嘅臭味。羊肉雖然只有兩舊，但肉質上、入味，完全唔需要點腐乳，個皮亦富有彈性✨-✨魚湯杞子浸豆苗 3/5喺食完咁濃味嘅羊腩煲之後，配上一個清菜真係啱啱好👍🏻魚湯香濃，浸住真係豆苗最幼嫩嘅部份，加上杞子嘅甜味，真係畫龍點睛！-✨時令臘味炒糯米飯 4/5糯米飯上枱時充滿鑊氣，飯粒粒粒分明唔會太濕，蛋絲同埋臘腸嘅分佈都平均，就算幾飽都食得落-✨蛋白栗子露栗子味十分濃郁，仲有一絲絲嘅蛋白，而且整體味道唔會太甜，令人喜出望外，栗子紅唔可以錯過呢個傳統嘅中式甜品-✨南乳酥 & 冬蓉酥呢度最後嘅甜品成日都轉，但聽講呢兩個酥都係港灣壹號嘅王牌✨全部都係一口嘅大細，十分貼心！南乳酥外皮香脆，內餡鹹香；而冬蓉酥雖然都即係老婆餅，但內餡唔會好甜，外皮亦夠薄，鬆化可口😋-總結：呢一個大概人均$800嘅中菜絕對值得一試，無論係生日飯定宴客都大方得體👍🏻…Read More

依間位於銅鑼灣美食集中地——登龍街嘅鐵板燒，麻雀雖小五藏俱全咁，食物質素都尚可，但可惜嘅係食物份量都偏少，食完之後都要有下場先夠飽，所以都明白點解店舖會喺某啲時段推出優惠，因為都知cp值未如理想。-如果要食，都好似惠顧午市會比較相宜🤫-✨芝士御好燒 $88 3/5呢個大阪燒壓得比較實，唔係好食到平時一般大阪燒材料嘅層次，而且份量大概同四州蝦片咁上下大，冇咩飽足感-✨明太子奄列 $98 2/5如果呢個係一個玉子燒可能仲抵啲，但睇住師傅都係粗略咁樣用蛋液包裹著個明太子，再切開四份俾我哋，食落當然個蛋用咗咁多油煎一定滑溜，配搭上明太子一定係一個不敗組合，但就唔使俾到呢個價錢食-✨牛舌薄燒 $78 3/5個牛舌本身冇咩味，只係單靠極多嘅炸蒜蔥花嚟吊味，不過不失-✨炒麵飯 $98 3/5以為叫一個有廚師推介嘅菜式，會有一啲驚喜，但質素都係不過不失，呢個菜式係用一啲碎咗嘅面同飯粒加上一啲韭菜同埋蛋炒成嘅飯，有啲小炒王嘅感覺，唔會唔好食，但係真係攝牙罅。-總結:試一次就夠，寧願比多啲錢去食一個有10樣菜嘅鐵板燒🥲，應該唔會回頭了。…Read More

最近都陸續有不少好友移民或到外國升學，因此，我總會把握時間跟她們吃外國較難有機會吃到的港式風味美食，其中一樣便是魚蛋粉。記得小時候，總是不太了解魚蛋粉的好，總覺得味道較為清淡、份量只夠攝牙罅；但現在的我反而彷彿了解到魚蛋粉的情懷，面對漁獲日漸變少，能吃到真正手打魚蛋嘅機會亦都變得珍貴，我也總比從前更珍惜吃魚蛋粉的機會，每次更會細味碗中之物，和珍惜與好友飯聚的時光。-到訪當日跟友人遠足過後，本來想吃著名的安利，可惜適逢店家的休息日（星期四），但又不想掃友人的雅興，因而試了王林記。-粉麵下午茶餐（雙拼）$50 4/5當日試咗香蔥魚蛋拼韭菜餃河粉，湯底清澈帶點大地魚的香氣，加上潮州粉麵店必備的辣椒油，只需一小匙，便有5小辣的程度，十分刺激味蕾，再混合滿滿的香蔥，真係昇華不少。湯河煮得適中，除咗入口順滑之餘，更唔會一夾就斷。香蔥魚蛋形狀呈不規則，睇得出係手打魚蛋，食落更彈牙爽口、有魚味，混合埋香蔥，增添咗唔少層次。另一款餸，我叫咗韭菜餃，呢個組合係有啲奇怪嘅，不過我見佢話自己包就想一試！皮薄餡靚，韭菜同肉嘅比例啱啱好，而且仲有3－4隻，份量以一個下午茶餐來講都算多。-奶油多 4/5呢度都有得揀厚底／薄底，咁梗係揀厚底啦，雖然都唔係好厚～奶油多其實好簡單，夠脆、夠多奶同油、夠邪惡，就一定滿足。-回頭度：4/5…Read More

位於銅鑼灣渣甸坊嘅拉麵凪位置雖然隱蔽，但再次開業時都吸引咗唔少人再次光顧，聽聞更係賣完湯底就收鋪，所以一直都係我嘅wish list內。直至今日親身試完，我好似了解到拉麵凪嘅魅力🤩，有別於一般嘅過江龍，喺拉麵凪，絕對會感受到彷如置身於日本一樣的感覺😌。先唔講食物質素，只講服務，已經係贏出面幾條街👍🏻，店內除了播放著經典JPOP之外，店員絕對唔會hea講日文，出面好多都會將いらしゃいませ講成「二三四」，但呢度嘅店員則會以正確嘅發音講佢哋每一句嘅日文👍🏻，睇得出係拉麵凪對於將日本店嘅體驗完整地帶到香港嘅認真。再者，店員都會主動為客人介紹4款拉麵嘅特色和食用方法🥰，務求佢哋可享用最完美嘅拉麵，例如當日我叫咗「赤骨」，店員會提議我先品嚐麵上面嘅「赤玉」（辛辣的免治肉球），之後先攪拌到湯內，讓客人感受到拉麵最佳的風味🤩。但今日嚟就有啲可惜🙁，錯過咗佢哋嘅期間限定拉麵，唯有期待佢哋之後嘅新出品!-🍜赤骨 ($88) 5/5呢到嘅拉麵每一個細節都容許客人選擇識合自己嘅風味，十分貼心！🤩而「赤骨」呢款拉麵以豬骨湯為本，再加上辣油、大蒜和唐辛子，但唔會過於重口味，幼麵彈牙而且掛湯，更有別於坊間一般的過江龍，店家以日本凪自家調配的男の気麵粉製作而成，絕對唔會用普通面牆來貨嘅拉麵，可見店家對於拉麵嘅每一個細節都係一絲不苟，只為了讓香港嘅客人都能食到日本嘅風味👍🏻。好彩店員有解釋一次食法，在淺嘗了一口「赤玉」（辛辣的免治肉球）後，辛辣感隨即從喉嚨蔓延🥵，但與湯底充分地攪拌，更可以話係完美地混和一體😋，就好似擔擔麵嘅湯底咁，而且湯底同埋叉燒都係用上西班牙嘅豬肉，食落特別覺得有鮮味，肉質有彈性之餘，更有少少油香，加上我選擇了蔥花作為拉麵上嘅蔬菜，更能提鮮，絕對係近期食過最能留下深刻印象嘅拉麵。-凪日式豚餃 ($18) 5/5呢個餃子一客有三隻，但都見盡心思，皮薄而且香脆，內餡嘅豬肉份量適中，嫩滑多汁，餃子上面更配有自家製日式蘿蔔醋，除了能解膩之餘，更加係坊間罕見嘅配搭。…Read More

呢間一直都係上環人氣店，一到lunch time，門外都會出現人龍，而用餐時間為30分鐘，所以都冇得慢慢食🥵，但唔好睇佢好似一般茶記咁，一食就明白，茶記都可以係一絲不苟😍-叉燒蝦仁雙拼滑蛋飯($59) 4.5/5飯嘅雞蛋、蝦仁同叉燒分佈得平均，絕對可以做到一羹飯就食到晒所有配料，仲有少少嘅蔥花作點綴，增添咗唔少嘅風味👍🏻！整個飯都淋上咗自家製甜豉油，但無話覺得好特別，有少少太甜🤔。但個蛋就食得出日本蛋🥚獨有香濃嘅味道，而且唔會太熟，啱啱好可以包裹著比較瘦嘅叉燒同爽彈嘅蝦仁送入口中，個人認為個蛋嘅味道同生熟度先係哩個飯嘅精髓！😆而杯茶走係跟餐有，唔駛另外加錢，茶膽香濃而且細滑，絕對可以幫lunch break嘅你打打氣！😋…Read More

大坑呢個地方一直都雲集咗不同種類嘅咖啡店，而我最近就到訪咗呢間新開無耐而且略有人氣嘅咖啡店✨。由於我係平日到訪，所以都唔洗等直入。雖然呢間係主打唔同origin 咖啡豆嘅cafe，都見到唔少人有推介佢地嘅食物🤔，食物定價都略高，但可惜佢嘅食物質素都令我失望而回😞。-✨Bread.jam.soup ($75) 2/5麵包set 有兩塊自家製嘅橙花蜜糖牛奶方包🍞，其中一塊嘅半邊塗有番薯醬，但就得個甜味，唔講唔知係番薯醬🤔。而另外嘅兩個抹醬，分別係杏仁醬同芝麻醬，都係比較天然嘅味道。而跟餐嘅南瓜湯反而係最值得一讚，南瓜蓉綿滑之外，拎嚟點包都唔錯💯。但令人失望嘅係，自家製方包今日真係失準😞，俾得呢個價錢，其實真係會有期望😔。首先，多士表面已經係烘得唔夠，再睇真啲，方包嘅四邊都明顯未焗透😞，得一邊比較上色，有可能係爐温唔夠均勻~而質感嚟講，今日就真係食唔出係用牛奶整，比較乾咗啲🙁，彈性可以再多返啲就好啲🌟，希望店家嘅水準會穩定啲。-✨Baked Louisiana cajun chicken leg ($125) 3/5呢個雞髀製作需時，大概要等25分鐘左右，而索價亦較高，所以都幾有期望。雞髀皮脆肉嫩，切開都見到肉汁，但如果話係有cajun調味嘅話，就未必係好足夠。而雞髀下面都有鋪滿自家製嘅紅椒醬，但就唔係好覺得同個雞髀好夾，整體成個菜式嘅調味都唔係真係入到個肉到🤔。反而佢附有嘅芝麻包仲好食過個多士，外脆內軟之餘，入面都有一粒粒嘅黑芝麻，點個紅椒醬就啱啱好😆。-☕️mocha ($50) 5/5呢個mocha嘅朱古力嘅滑同濃郁嘅程度會令我會想下次試佢地嘅single origin chocolate 🤩…Read More

終於有機會試到呢間主打番茄濃湯粉麵嘅小店😍，今次同友人喺開門之後無耐到訪，已經坐咗幾枱客，出面仲開始有人排隊添，可見呢間真係人氣店嚟架✨-不過呢度座位比較逼，所以都食完即刻要起身，即使要排隊，應該都好快有位😌-✨炭烤風味雞扒 加配 櫻花蝦米通粉 $72 4.5/5睇個menu 嘅時候其實都花多眼亂，因為有成10款主菜同6款粉麵🤩，但最後都係揀咗雞扒同要加配($10) 而且係新推出嘅櫻花蝦米通粉✨-整體嚟講，份量都好大，啲米通應該兩個人食都夠，真係好有飽足感😋。湯底方面，第一啖飲嘅時候已經覺得係冇加味精（食完幾個鐘後都冇口渴，應該真係冇💯），入面有綿密嘅茄肉，但整體唔係想像中咁濃郁，有啲似濃啲嘅羅宋湯嘅味道，飲落係蕃茄自然嘅酸甜味咁，越食越開胃🤣，但再濃郁啲就更好🤔，而配襯嘅羅勒葉都只係裝飾，見到嗰時仲以為個湯底入面都會有一種意式嘅香草味😂，但令人驚喜嘅係，附有嘅香脆蒜片、蔥花同埋我另外加佢嘅櫻花蝦撈左落個湯底嘅時候，反而係錦上添花，惹味嘅蒜片同帶咸鮮味嘅櫻花蝦可以話係中和咗番茄湯容易帶酸嘅呢個問題💯，令人回味無窮😋。-炭燒雞扒份量適中，而且皮薄肉嫩，外面嘅雞皮煎得夠乾脆，而不失油份，會忍唔住食晒😂，皮下嘅肉質都仲保持juicy，下次都應該會再叫😆。-但今次最令人驚喜嘅反而係個米通粉，今次都係見冇乜地方有呢樣嘢食，而呢度更加要加$10，就令我想知佢呢個配搭以至個米通粉係煮成點，會唔會好似坊間嗰啲煮到淋唒呢🤔？答案係唔會架😍除咗番茄湯配米通呢個配搭本身係無懈可擊之外，佢個米通粉煮得恰到好處，仍然保持住彈牙嘅質感，米通嘅窿比一般嘅通粉細，反而佢載到嘅湯更加啱啱好，可以完美咁將兩者放入口中先一同呑下嘅感覺，真係俾我一種其他粉麵都無可匹敵嘅感覺🥰。…Read More

Another one （尖沙咀）最近咁熱，真係會想食啲凍啲嘅食物，就諗呢間主打越南菜嘅cafe🤩！店舖裝修簡約，以白色同木色做主調，感覺就係一般嘅咖啡店裝潢😌。由於餐廳係地鋪，位置方便，好易就揾到，唔怕行到大汗踏細汗啦🤫～-用膳當日雖然都近乎滿座，但唔洗等咁濟，好快有位💯～而且坐低咗之後都冇話有用餐時間限制，都似返一間cafe嘅作風💯，但可能任坐嘅代價就係食物定價偏貴，以越南嘢嚟講cp值偏低。-✨香茅豬扒雙色撈檬 $92 3/5呢個咁色彩繽紛嘅撈檬雖然都幾貴，但份量足夠，亦配有恰到好處嘅醬汁🥰！撈檬嘅質地同平時嘅好唔同，較為扁身，食落有啲似濱海，但滑啲~同切得幼細嘅紅蘿蔔絲、青瓜絲撈埋之後，增添了幾分涼意，而花生碎就做了點綴😍。而香茅豬扒都幾入味，經過半煎炸後都保留到肉汁，份量亦足夠😋。…Read More

難得經過大角咀，終於有機會試呢間大名鼎鼎嘅Homeland😍由於鋪面真係太色彩繽紛，所以唔熟路都勁易揾到！入到去，有一種田園家居嘅感覺，柔和嘅燈光、色彩鮮艷嘅霓虹燈，仲有精緻嘅碗碟，真係見到都開心🤣，而且坐位闊落，成個環境都令人未開始食嘢都食指大動呀🤩！平日去原來仲唔駛排隊添，就算3個人去都即刻有位。-今次我哋就一共點咗3樣主食，lunch set已經包咗沙律同埋飲品，仲唔使加一添！-✨意式牛肝菌野菌燉飯 $78 3/5個risotto一上枱嘅時候，香濃嘅忌廉同埋菇菌嘅香氣已經撲鼻而來，上面仲有少少黑松露同食用花做點綴。整體份量都幾大，兩個人食都夠。雖然食落呢個risotto嘅口感係過於濕潤，唔係我平時鍾意果種比較有咬口，而且粒粒分明並會被醬汁包裹著嘅risotto，但牛肝菌同忌廉嘅味道都幾平衡，唔會係越食越膩嘅果種，不過都係啱一啲鍾意食香港人口味燉飯嘅人多啲！✨冬蔭功海蝦闊條麵 $118 5/5呢個擺盤係三個主食之中最體現到廚師嘅心思同創意嘅一個🥰，為咗配合返冬蔭功呢個主角，闊條麵係鋪成龍蝦嘅形狀，仲用香茅整成龍蝦嘅觸鬚添，fusion得來之餘，都不失泰國嘅風情。雖然坊間都有唔少餐廳係有類似嘅菜式，但呢度嘅冬蔭功醬汁可以話係食過入面之中還原度最高！一入口嘅時候會食到主要係椰奶同埋青檸嘅味，就似返冬蔭功本身令人開胃嘅酸辣味，但最令人留下深刻印象嘅位係，香辣味係隱藏喺個後勁度，醬汁嘅層次實在係令人回味無窮，不禁一啖接一啖咁食！而海蝦都爽口彈牙，一共有4隻，無論係自私食定係同人分享，都唔會覺得唔夠喉。最後，手工闊條麵嘅烹調時間恰到好處，唔會過淋，亦都唔會覺得未熟咁，而我覺得呢個都一個考牌位，因為好多cafe都真係掌握唔到呢啲基本嘢。✨肉醬芝士四重奏薄餅 $98 4.5/5如果你都鍾意食薄批嘅話，一定唔可以錯過佢！睇個菜名可能會覺得好似好油膩咁，但食落會覺得係邪惡得來但好滿足😈。餅底塗上厚厚嘅肉醬同濃郁嘅番茄醬，加上幾種淡味同濃味嘅芝士，仲有少少青醬作點綴，食落芝士同肉醬鹹香得來不失番茄嘅清新。…Read More

位於tower 535嘅京都勝牛，今次到訪時竟然唔洗排隊？！到底有冇伏呢？🤔睇埋落去就知架喇😏-今次我睇咗一陣個menu，都係揀咗同一款最基本嘅吉列牛套餐。老實講，如果有喺日本食過吉列牛嘅話，真係會覺得香港索價會比較進取🥵，而喺日本嘅話，相近嘅價錢都會上埋個鐵板，俾你自行再調整個生熟程度。（定香港係要自己問店家先有？呢點真係唔太清楚）而如果要話香港同日本嘅勝牛有咩相同之處，我會話係服務好、醬汁種類同食法以及白飯&椰菜絲都係任添～😆-✨元祖炸牛排套餐$158 3/5 ; 1/5俾個🍚據説吉列牛上枱嘅時候會係三成熟，而大致上同都做到嘅（見圖一），除咗中間有一兩舊熟咗啲，不過吉列牛外層嘅炸衣都厚薄適中，唔會成舊粉咁，肉質以呢個價錢嚟講都食得過👍🏻，尚算有肉質嫩滑，唔會話好多渣。而醬料方面，店員同枱上面嘅卡仔都有清楚咁解釋到每款醬料係點配搭😌，而我比較推介嘅會係芥末醬油同埋山椒鹽呢兩款食法～而另外嘅招牌牛排醬我就唔多食得出佢係咩味🤔，而咖喱汁都係一般貨色，係日本嘅甘口咖喱🍛。雖然個吉列牛都算好食，但除咗個定價以外，我仲有一個原因令我未必會再回頭光顧😫，個敗筆係個麥飯🍚。😔我就唔知店家係咪真係用日本珍珠米🤔，因為就咁睇個飯嘅顔色都覺得係暗淡無光，唔似平時嘅日本米咁晶凝通透、口感軟糯；呢度嘅係望落米飯嘅色澤都暗淡無光，而且口感係好「行」，食落好鞋口😫，連飯嘅甜味都冇咩🤯。就算個吉列牛幾好食，當兩者一同放入口嗰陣，我會話係天堂與地獄嘅感覺🥵，以呢個套餐嘅定價同埋日本和食係以米飯做主食嚟講，我覺得個飯好有進步空間。…Read More

去開新蒲岡，當然唔少得發掘下呢區有咩隱世美食啦！因為最近都食得太多西式食物，唔太想再食意粉、漢堡包嗰啲😖，但見呢間cafe係行fuision 路線，就一於去試一試啦！店舖位置都幾遠離鑽石山站，有興趣嘅朋友就最好預留大約十五分鍾左右行過去，或者可以搭巴士！-店內裝修走簡約路線，沒有多餘的裝潢，但卻有溫馨的小cafe嘅感覺～-由於係夜晚去食，所以都係試咗主食，分別係一份千島海鮮薄餅同埋一份拔絲咕嚕肉～平心而論，佢地嘅Asian Food 類別，除咗中式之外，亦都有韓式同台式等，每一樣都好吸引！希望有機會可以再去試下～✨拔絲咕嚕肉 $92✨ 4.5/5今次令我最有驚喜，而且CP值最高嘅真係呢個拔絲咕嚕肉！今個post會主力推介佢～喺等緊食物上枱之前，見到隔離枱嘅叔叔們都食緊呢個咕嚕肉就知道食物質素有保證～而且一定係份量十足😮如果你平時都係食開半碗飯嘅話，呢個定食係絕對夠兩個女仔食😂，而且咕嚕肉嘅份量可能都有成二十粒，我同友人share，每人都食咗起碼八粒🤩個咕嚕肉食落真係有不能言喻嘅幸福感😭，表面嘅拔絲晶瑩剔透，但唔會痴牙或者硬過我條命，而係脆脆的，同入面包裹住嘅肉呈1:9嘅比例，而且肉汁都豐富✨另外，呢個定食亦附送兩碟配菜，分別係麻辣雲耳同蓮藕，雲耳同埋蓮藕都夠爽脆，亦都掛味，蓮藕都切到係薄片，睇得出廚師嘅心思😌而且麻味較為突出，係滿滿嘅花椒味😍可以平衡返咕嚕肉嘅油膩感…Read More