Albertawong的個人專頁

本身是酸菜魚的fans，知道有專門店，當然要試吓😜一入都店內，見到其他食客，每一枱都有一大盆酸菜魚，份量大到嚇死人😳坐低攞份餐牌睇吓，即刻O左咀，基本上成張餐牌只有酸菜魚，無乜其他菜式。最平的2人份量，都要$328😱 真係好貴。不過一場來到，無理由唔試，咁就叫左2人份量。不過我怕辣，叫左極少辣。一上菜，見到一大盆酸菜魚，真係幾興奮。不過睇真啲，成個面都係辣椒，即刻面都青左，明明order極少辣，好明顯又係呃人。咁都算喇，唯有自己撈起晒啲辣椒。辛苦左一輪，終於有得食。夾番舊魚，係辣到飛起😓魚肉其實除左辣味，就無其他味，唔夠層次。其實酸菜魚應該有的麻味同酸味都唔夠，得好少。再試吓個湯底，鹹到痴線😨魚肉係好多，但都係剛夠兩個人食。不過$328就真係好貴喇。我叫埋淥菜心，兩杯檸茶，薯粉，埋單收$488😱講真，成五百蚊淨係食辣味淡水魚，真係無下次…查看更多

食物幾好食都無用，啲服務差到無朋友🔥太太排隊，之後侍應帶左太太入座，竟然另一個侍應話太太打尖，趕佢出門口😡😡😡嗰兩個侍應重嗌交🙄我見另外兩枱啲食客都發晒火，其中一個重嬲到拍枱，可想而知啲服務有幾差。真係一粒老鼠屎💩，搞壞整煲飯👎🏻👎🏻👎🏻店內唔見有店長，所以班侍應係無人管，投訴無門。其實啲餃子都唔平，$85/8隻松露餃。都未算好食到令人一試難忘。我選的松露餃有黑松露和白松露兩款。但放在同一碟，根本睇唔到邊種係黑，邊種係白。侍應又唔會話你知。…查看更多

昨晚和太太慶祝生日，當然要去好一點的餐廳。這家主打surprise menu, 分為素食菜單 [$1,380] 和正常菜單[$1,590]. 兩種菜單都有wine pairing選擇，都約加多$400,很合理。我們選左正常菜單。綜合來講，食物的賣相非常好，藝術品一樣。味道也非常出色，令人眼前一亮。絕對會俾你驚喜。服務方面都非常好，有酒店的級數。我對一間餐廳的衛生情況很重視。當然一般人係無機會入廚房觀察，但只要你去洗手間，你就會估到餐廳的老闆做嘢細唔細心，及有無要求。洗手間入面乾淨就唔使講，不過要提吓將要去的朋友：入面係用智能座廁，但沖水的制在遙控器上。如果唔識用，好容易會按錯沖洗pat pat功能 [當然我無按錯喇]。建議餐廳要提供中、英文指示…查看更多

本來想去樓下食刺身，點知間店無開。反而無意中發現這間私房菜。老闆好客氣，將午市套餐的例湯upgrade左去竹絲雞燉湯😋泡菜芝士蝦球炒蛋、話梅涼瓜、銀菊sorbet、柚子蝦餃、西瓜凍糕都好特別。口水雞也ok。…查看更多

之前睇左幾個食評，個個都話佢服務好差。搞到我啲屋企人唔肯來食。但我死心不息，於是今日同太太及朋友來吃，睇吓啲服務係咪真係咁差。以我今次的經驗，其實服務都ok。食緊嘢都自動換碟，打開茶壺蓋都會自動加水，睇唔到有乜嘢問題。食物方面，朋友介紹的豉椒蟶子炒米粉底有驚喜。其餘的椒鹽賴尿蝦、鹽焗奄仔蟹、石鍋焗鮑魚、清炒油麥菜水準都好好。買材料用左$670, 名門的炒手費$700, 算合理。不過當日餐廳內幾多烏蠅，食店要注意一下…查看更多

之前太太睇過雜誌介紹這間食店, 於是今晚上去試吓.1. 重慶雞煲(半隻) - 因為我唔係好食得辣, 所以叫咗小辣. 個雞煲都幾大, HK$118算抵食. 雞煲個湯底十分惹味, 雞肉也很嫰滑. 不過這家店子之做法是沒有麻味, 所以喜歡麻辣的話可能耍在落單時特別注明. 另外, 食完雞肉後重可以免費將個煲轉做火鍋湯底2. 涼拌海帶 - 是重慶雞煲的贈送的前菜. 麻辣味好濃, 正!3. 火鍋料叫咗油麥菜, 金菇及台灣白鱔. 食材都好新鮮. 特別係白鱔, 十分爽口彈牙今晚比較難忘係哩度嘅服務: 全晚不停有人加茶及換碟. 在這類型小店有此級數嘅服務, 抵讚! …查看更多

早於一個月前訂咗位，懷著興奮的心情去會一會哩間位於102樓嘅中菜館餐廳嘅裝修都幾靚，服務都幾好。是晚試咗以下菜式：龍軒東坡肉（$68）- 肉味香但唔咸。連太太平時怕食肥都話好桂花蜜椒鱔球（$58）- 鱔肉香脆但唔乾，帶少少桂花糖吊起啲味，正！白玉錦繡上素盒（$168）- 賣相好靚，不過冬瓜配菇菌實在太淡無乜味:(家鄉梅菜雞（$190）- 梅菜好味，但啲味無同雞結合。無乜特色:(如果大家為咗觀賞維港夜景而來，咁就可能會失望。因為天龍軒並非面向維港，而是向奧運站…查看更多

今日下午泊低部車入利園，同太太及外母去銅鑼灣西苑飲茶。叫咗下例6樣嘢：炸兩：啲油炸鬼完全唔脆，重收HK$48一客，唔掂！蒸素餃：淡而無味，食完都唔知食咗乜！黑松露蒸餃：完全無黑松露味，同普通餃子一樣，個邊邊重有啲乾，好似未蒸好！焯菜芯：同普通麵店嘅焯菜芯水準差唔多，不過收五十八蚊嘅時候，咁就唔收貨啦！頭抽雞翼：味道十分好，重特別叫咗碗白飯餸飯tim!雪影杏汁餐飽：此店之招牌甜點，水準相當好，必吃之選三人埋單HK$397。因為泊車優惠要消費HK$400先至有，所以俾多HK$11貼士，共埋單HK$408。叫侍應生開番張HK$408嘅單，點知佢唔肯！只肯俾張HK$397嘅單俾我！我話我都俾足錢嫁啦，點解唔得？佢話係唔可以計貼士嘅。咁我話可唔可以俾另一張單我，佢居然話今日枱枱客都渣車，簡直係廢話！ 叫部長都無用。最後我火都起，HK$1貼士都唔俾！其實啲侍應一啲都唔專業，可以叫我order多一碗白飯，計多十幾蚊，張單咪過四百蛟，都好過要個客俾成HK$56停車場費！價錢咁貴但水準咁差，重邊有下次！…查看更多