nattt_ccm's Profile

今次黎嘅依間餐廳，火鍋上檯個陣會散發「仙氣」，仲有好得意會旋轉嘅餃子拼盤，食得幾過癮🩵.🔸香辣豬筒骨濃湯鍋鐘意食辣嘅唔好錯過，用豬筒骨煮嘅湯底好香濃，加埋少少辣好惹味～.🔸竹蔗茅根竹蓆茅根已經倒入可愛球狀器皿裡面，冰涼又解渴，火鍋必備！.🔸蘋果木煙燻手切牛頸脊(細)牛頸脊肉都幾厚切，肉片吸收哂火鍋湯底之後，真係忍唔住食完一塊又一塊～.🔸鹹蛋黃炒響鈴鬆脆嘅響鈴沾滿鹹蛋黄，唔洗放落火鍋煮就可以食喇！蛋黄咸香味同響鈴多層次嘅口感，豐富味蕾✨.🔸餃子拼盤放喺旋轉盤上嘅餃子，有蟹肉餃 、韭菜餃、香菇豬肉餃等等～蟹肉餃都幾有驚喜，薄薄外皮裡面包住一絲絲蟹肉餡，愈食愈香！.🔸豐盛蔬菜拼盤火鍋梗係唔少得蔬菜，有白蘿蔔、紅蘿蔔、蕃茄同娃娃菜等等，份量啱啱好～.餐廳仲會有少少主題，包廂裡面掛滿充滿異國風情嘅燈同貼有氫氣球壁畫添！…Read More

今次黎食韓國菜，無諗太多就揀咗Date With Korean Set $1095，因為套餐可以一次過試哂唔同嘅菜式🩷.🔸前菜套餐包括8款精緻前菜，特別鐘意酸蘿蔔同埋泡菜！.🔸醬油帶子配紫菜及醬油蝦帶子肥美鮮甜而且醬油好入味；醬油蝦好大隻，而醬油味相對較濃～.🔸韓式甜辣炸雞酥脆炸雞沾滿酸酸甜甜又有少少辣嘅醬汁，忍唔住食完一件又一件啊！.🔸首爾蒸餃包住韓式粉絲同埋肉碎嘅蒸餃，味道都唔錯！.🔸辣韓國五花肉新鮮蔬菜包住肥瘦相間嘅五花肉 ，好味又解膩✨.🔸海鮮煎蔥餅鋪滿魷魚、小魚干等等海鮮嘅韓式蔥餅，份量十足！每食一啖都有蔥同餅嘅咸香味～.🔸首爾牛肉鍋最後上檯嘅牛肉鍋 ，鍋入面已經倒滿有少少似壽喜燒嘅醬汁，牛肉片同菇類沾滿哂醬油👍🏻甜甜咸咸好滋味！.我地仲點咗雞尾酒 $108，分別係See you （右）同The night begins（左）🍹🍸鐘意清新酸甜嘅，比較推薦有燒酒、檸檬汁同蘋果梳打嘅See you～如果鐘意酸少少嘅可以點有燒酒、青檸同菠蘿汁嘅The night begins～.餐廳位置方便、環境舒適，無論二人或多人聚會都適合！…Read More

經過九龍灣見到依間白色同橙色﹑以木頭裝修為主，充滿韓國濟洲風情嘅cafe咁啱同Sulwhasoo* 有推廣活動，於是趁機試下以人蔘系列為主嘅餐點同野飲.🔸肉醬芝士千層麵 hkd86每一層都鋪滿蕃茄肉醬同芝士，食落酸酸地幾惹味！.🔸秀色蔘香飯卷* hkd88飯卷裡面有菠菜﹑紅蘿蔔絲﹑蛋﹑醃黃蘿蔔，估唔到將人蔘片加埋喺飯卷入面都幾夾！第一啖會有淡淡人蔘味，之後會食到飯嘅麻油香~.🔸人蔘泡泡咖啡* & 雪白人蔘沙冰* hkd48 & hkd68綿密嘅泡泡有淡淡人蔘香，好易入口，下面係咖啡同牛奶漸層，味道甘醇~/冰凍沙冰充滿奶香，同樣散發淡淡人蔘味，奶昔同人蔘嘅比例好平均，清爽唔膩！.🔸花蔘綻放提拉米蘇* hkd68鬆軟嘅蛋糕鋪滿忌廉，原本應該用黎整tiramisu嘅咖啡酒變成淡雅嘅人蔘香，口味幾特別！…Read More

黎旺角試下新開嘅日本餐廳，到達時係平日晏晝一點幾，客人都幾多，我地被安排坐喺L型bar檯，客人可以直接睇到壽司師傅細心製作料理我地各點咗一個午市套餐，每份包括一碗蟹子沙拉﹑味噌湯同甜點.刺身盛合定食 hkd218定食一共有五款刺身：三文魚腩﹑池魚同油甘魚，食落肥美有油脂香 ；帆立貝同蝦好嫩滑鮮甜✨定食仲包括一碗飯，配埋刺身一齊食，好滿足啊！.巧。特上壽司盛合10貫 hkd228食咗第一件壽司之後，發現魚下面嘅醋飯細細粒，仲已經加咗醬油，好適合唔鐘意食太多飯嘅人！赤身﹑中吞拿魚腩同油甘魚，入口充滿油香 ﹑口感軟綿綿，食完仲齒頰留香~池魚﹑墨魚同赤蝦就爽脆鮮甜，微甜嘅玉子燒都好美味❤️盛合仲包括3款時令鮮魚壽司，會根據當日食材狀況而供應㗎！.牛乳布甸 - 午市套餐甜點用印有得意愛心眼同嘴巴表情圖案嘅玻璃杯，載住牛乳布甸，口感嫩滑﹑微甜而且有濃郁奶香！…Read More

舊同事推薦黎可以試下依間酒吧，門面睇落唔起眼，但係食物同酒都唔錯~.Nachos with Chicken hkd145粟米片上面鋪滿蕃茄﹑芝士同雞肉粒，點埋酸忌廉同牛油果醬，配酒一流啊！.Tacos with Beef & Pork hkd109 - 右餅皮似係無乜烤過所以軟淋淋，裡面嘅牛肉同豬肉嘅肉質同調味都一般~Burrito with Chicken hkd120 - 上圖左墨西哥捲餅包住雞肉同芝士，上面淋滿蕃茄Salsa醬同芝士，味道豐富而且唔會太膩.Hot Wings hkd135又脆又辣嘅Buffalo雞翼係必點啊！.CocktailsTejano Tea hkd82 & Tequila Sunrise hkd72 (唔記得影相) 點咗兩杯雞尾酒，價格便宜﹑味道清爽又好飲啊！.French Fries當然唔少得一盤熱辣辣嘅薯條用黎配酒啦！…Read More

週末同朋友聚一聚，諗起曾經有朋友推薦過依間餐廳嘅tiramisu，前一日訂位今日就黎試下喇~.Fried Calamari hkd108酥炸魷魚嘅擺盤幾靚，魷魚都幾彈牙，炸漿亦唔會太厚，但就無乜味道，只能夠靠檸檬汁同他他醬增加風味，有少少可惜~.Beef Carpaccio hkd148牛肉刺身切得好薄，入口幾淋，加埋火箭菜同黑松露醬，味道偏淡.Breakfast Carbonara hkd168最期待嘅卡邦尼意粉！將蛋黃整爛連埋意粉攪勻之後，會聞到香濃嘅蛋黃味，每條粗意粉上面都沾滿咗蛋黃漿同芝士碎，加埋鹹鹹脆脆嘅煙肉一齊食，味道唔錯💕.My Auntie's Toast hkd108原來係一份藍莓西多士，麵包幾鬆軟唔算太油.Alonzo's Signature Tiramisu $108提拉米蘇有分單人份或者多人份，口感軟滑，但係酒味偏酸，同平時食到嘅tiramisu 品嚐到嘅酒味唔一樣喔.Remark: 訂位時已經book咗3位，但係去到只係安排坐2人檯再額外加1張凳，未點餐前見到啱啱好有張吉嘅4人檯(2張2人檯合併)想調位，但係侍應話已經有人留咗位，但其實我地都有訂檯，佢都係唔肯調，最後唔想破懷好心情就算了~…Read More

平日下午兩點多，剛好被安排坐喺近窗位置，餐廳門口有幾棵綠悠悠嘅植物，邊食brunch邊睇窗外嘅風景好寫意.🔸Rose Chocolate hkd68滿心期待依杯店家主打嘅朱古力💕濃郁嘅朱古力上面鋪咗幾片玫瑰花瓣，當侍應倒入朱古力奶泡之後，整杯滿瀉好澎湃啊！朱古力好順滑，甜而不膩.🔸巴馬臣芝士。煙三文魚。碎蛋洋葱沙律。牛油軟包三文治 hkd108塗滿洋葱碎蛋沙律嘅軟麵包，入口軟綿綿，鋪喺面嘅煙三文魚份量十足！.🔸貓頭鷹全日早餐 hkd158全日早餐十分豐富，最鐘意明太子玉子燒，鹹鹹甜甜；有機小蕃茄好多汁；龍蝦沙律小法包嘅醬好味；鮮果乳酪糠麥酸酸地又解膩✨.🔸3D matcha latte 貓咪拉花 hkd88立體拉花抹茶拿鐵超級可愛‼️上面有3隻可愛嘅小貓咪😺仲記得latte可以揀朱古力﹑抹茶或者芝麻作為基底，抹茶味濃郁﹑造型又可愛，推薦！…Read More

好耐無食上海菜喇，今次黎到依間位於中環嘅中菜餐廳要好好品嚐一下✨餐廳上菜速度好快，侍應都幾友善，就算平日六點幾，客人都係滿滿㗎！.🔸江南水晶肴肉 hkd78肴肉有一層豬皮一層蹄肉，有少許似食果凍嘅口感，食個陣可以點少少黑醋，豐富味道之餘亦平衡豬肉嘅油膩感❤️.蘋果絲拌蟹肉冷麵 hkd88輕輕拌勻蟹肉﹑蘋果絲﹑青瓜絲同紅蘿蔔絲，配上Q彈嘅冷麵，加上清爽嘅調味，清新又好味！.江南水晶素菜餃 hkd48食起黎有嚼勁嘅水晶皮包住豐富蔬菜餡！.金網豚肉鍋貼 hkd58煎得酥脆嘅鍋貼包住滿滿嘅豬肉餡，一咬就有湯汁流出黎！.火腿津白 hkd98鹹香嘅金華火腿絲同茨汁提升咗蔬菜整體嘅甜味啊.香芒酥脆魚柳配泰式辣醬 hkd98炸得酥脆嘅魚柳好滑，點少少辣醬加上香芒粒一齊食，味道唔錯！.粉紅佳人 - 紅心番石榴甘露 hkd58裡面有番石榴粒﹑西柚粒同少許西米露，味道微甜，份量都啱啱好✨…Read More

朋友推薦可以試下依間新開嘅日式居酒屋，走入餐廳之後會見到每檯都掛住白色小布簾，用餐時同朋友自成一角，私隱度都幾高，而且居酒屋嘅佈置都好日式，有少少置身日本嘅感覺啊🙆🏻‍♀️.🔸三文魚沙拉淋上日式沙律醋嘅沙律，三文魚肥美﹑蔬菜爽脆，酸酸甜甜好開胃✨.🔸香葱拖羅蓉壽司每件壽司上面都鋪咗幾大粒香葱拖羅蓉，而且好鐘意壽司都「多餡少飯」！.🔸雞皮餃子輕輕煎過嘅雞皮好煙韌，帶少少油脂香，包住滿滿嘅豬肉餡，每人兩件實在唔夠啊！.🔸明太子玉子燒淋上明太子沙律醬嘅玉子燒甜甜地，加埋香葱，味道唔錯💕.🔸雞腎﹑雞翼﹑牛舌﹑葱豬肉卷串燒雞腎爽脆；雞翼嘅雞皮烤得酥脆而且唔油膩；厚切牛舌可能烤得太熟，所以有少少難咬開；豬肉卷嘅味道就正常發揮嚕！…Read More

依日同好朋友去食西班牙料理慶祝生日，餐廳有好多唔同種類嘅Tapas，例如海鮮﹑蔬菜同肉類，幾啱鐘意每樣試少少嘅人！.🔸Wagyu Steak Tartare on Charred Bone Marrow調味過嘅生牛肉有淡淡橄欖油味同鮮味，撈埋底下嘅牛骨髓連埋麵包脆片一齊食，入口油脂四溢.🔸Octopus Galician Style on Potato "al caliu" 烤過嘅章魚軟淋淋但依然有少少彈牙，加埋灑滿調味粉嘅薯泥同細塊薯仔一齊食，味道唔錯！.🔸Pica Pica Paella Surf & Turf 每食一啖都充滿濃郁嘅海鮮味，飯粒夾雜少少軟同硬，但幾有嚼口，鋪面嘅海鮮有蝦﹑蜆同燒肉，一份細size兩個人share啱啱好💕 .🔸Padron Pepper Slighty Seasoned熱辣辣嘅烤青椒仔沾少少鹽同調味粉就已經好好食喇！.🔸Iberico Ham Croquette (唔記得影相啊！) 可樂餅體積細細，咬開裡面有薯蓉同帶少少鹹香嘅火腿粒.🔸Basque Burnt Cheesecake, Rasberries Sorbet 慶祝生日當然唔少得要食蛋糕啦！依款輕盈版本嘅芝士蛋糕，有少少似pancake加泡沫嘅口感 ，加埋覆盆子雪芭，清新而唔膩！.整體而言食物同服務都唔錯，無諗過提前通知係黎慶祝生日，仲會有現場唱生日歌同埋影即影即有相片(連生日卡) 服務，幾推薦同朋友黎慶生啊❤️…Read More

依間位於尖沙咀鬧市嘅法式餐廳，一入門口就會被擺滿國際象棋嘅挑高樓梯吸引住，加上變幻嘅燈光，好值得打卡啊！餐廳裡面仲可以欣賞到好有特式嘅洞穴設計.🔸Bread & Sparkling water除咗氣泡水，侍應放上麵包籃，分別有3款麵包，拖鞋麵包外脆內軟，堅果麵包鬆軟有嚼勁.🔸Starter📍伊比利亞風乾火腿 Iberico Ham 廚師由風乾48個月原隻黑毛豬上切下火腿片，火腿片油脂豐富﹑充滿鹹香味，加埋鮮甜無花果同哈蜜瓜一齊食，係一道唔錯嘅頭盆！/📍意式生牛肉 Beef Capaccio生牛肉片上鋪滿魚子般嘅柚子醋珠同mozzarella cheese，將生牛肉包住沙律菜一齊食，可以感受牛肉嘅細緻軟嫩/📍煙燻鰻魚及煙三文魚沙律 Smoked Eel & Salmon Salad煙燻過嘅海鰻口感嫩滑，連埋煙三文魚﹑沙律菜，沾少少特調酸忌廉沙律醬一齊食，清爽又開胃！.🔸Cocktails📍Rose Royal (左) 以Gin為基調，加上檸檬汁﹑玫瑰糖漿同氣泡酒，係一款微甜但清新，適合女仔飲嘅調酒！📍Aura (右) 以Rum為基調，忌廉裡面帶少少椰子香，係一款酒味較濃嘅調酒！.🔸Soup📍法式牛肉清湯 Beef Consomme Royale (右) 經過4小時烹調嘅牛肉湯呈清徹金黃色，每啖都飲到濃郁但清甜嘅牛味！挖一羹置中嘅燉蛋，食一啖酸忌廉魚子醬脆片再飲湯，好滿足啊❤️📍法式龍蝦湯 Lobster Bisque (左) 一飲就覺得好似食緊原隻龍蝦，湯頭濃郁鮮甜~搭配伴碟嘅墨魚脆片更美味！.🔸Mains📍黑松露長通粉 Black Truffle Penne長通粉一上檯就散發好濃郁嘅黑松露香氣，食落充滿奶油香/📍伊比利亞黑毛豬肉 Grilled Iberico Pork Pluma with Black Cherry Jus經過慢煮嘅黑毛豬肉呈粉紅色，沾上獨特嘅紫薯蓉醬同櫻桃醬，意想唔到咁夾啊‼️黑毛豬肉嫩滑﹑有油脂香，加埋伴碟的蘆筍﹑蕃茄同蒜頭一齊食，好美味！.🔸Dessert📍法式塔丁蘋果塔 Tarte Tatin最後一道蘋果塔充滿肉桂香，塔底係酥脆嘅派皮，夾埋雲呢拿雪糕一齊食，為晚餐畫上完美嘅句號！.整個用餐體驗同服務都唔錯，經理同侍應好用心講解每道菜嘅食材同醬料，適合約埋三五知己黎邊傾計﹑邊品嚐美酒同美食啊！…Read More

約咗朋友試下依間裝潢簡約有風格，專門食精緻料理嘅餐廳！廚師會喺用餐前輕輕講解每道菜嘅食材﹑構思同搭配.Amuse Bouche📍春捲：包住肉碎﹑洋葱同椰絲，有少少似鹹嘅糖葱餅📍蜂蜜吐司：浸滿蜂蜜，咬落去軟綿綿全部都係汁，加埋鋪面嘅濃郁羊奶芝士好好味📍甘荀撻：用甘荀造出3種唔同口感，舖面嘅係醃過嘅甘荀；底下係酥脆嘅甘荀撻；裡面係酸酸地嘅甘荀餡.Starter - 變奏版意式奶凍大家可能經常食意式奶凍，無諗過加埋魚子醬同青口，甜甜地嘅奶凍加埋海鮮嘅鮮甜，驚喜又好食❤️.Bread自家製Sourdough麵包外脆內軟，而且煙韌軟綿，沾少少混合咗芥末﹑牛油同辣根嘅醬汁黎食可以增加風味！.2nd Starter - 意式小雲吞小雲吞包住肉腸，倒入充滿菇菌香嘅濃湯，口味幾特別~.3rd Starter - 三皇雞腿以雞脾+鳳爪擺盤上檯嘅本土三皇雞脾，皮薄肉嫩，食完之後飲一啖檸檬梳打，清新又解膩！.4th Starter - 椰菜海膽配馬友魚馬友魚上面鋪咗北海道海膽同椰菜，口感幾有層次：有魚嘅嫩滑﹑海膽嘅軟綿鮮甜同埋椰菜嘅爽脆.Main - 主菜📍Pigeon: 五成熟嘅鴿肉嫩滑多汁，伴碟嘅醬汁剛好中和咗肉嘅油潤感，側邊係鋪滿牛油同果仁碎嘅鴿脾，甜甜地帶少少肉香📍A3 Wagyu Sirloin: 將和牛放喺用越光米造嘅小米餅上面，沾少少伴碟嘅蛋黃同沙律醬一齊食，有少少米香味又解膩.Pre-dessert - 藍莓雪芭配康普茶清新嘅藍莓雲呢拿雪芭一解食物嘅濃郁味道，再飲一啖微酸同有氣泡感嘅kombucha亦可以解解膩~/Dessert依款甜品嘅靈感源自馬來西亞嘅一種飲品‼️一上檯淨係見到碗裡面係綿密嘅泡泡，用湯匙挖開之後有奶茶味雪糕﹑小麥草汁同脆片，味道甜甜地又有少少清新，係一款幾驚喜嘅甜點💕/Petit Four最後係一盎有4件嘅迷你甜點:📍青檸味棉花糖：酸酸甜甜好清新📍意大利青瓜：口感有少少似糖冬瓜條📍馬來西亞甜點：粉粉地有少少似台灣綠豆餅📍瑪德蓮蛋糕：微暖而且外脆內軟.整個用餐體驗大概係兩個半鐘，每道菜同甜品嘅食材同構思都幾用心，好適合慢慢品嚐同細味‼️…Read More

上次黎揾朋友食飯，諗住試下佢話幾好飲嘅青瓜牛奶咖啡，但係因為無開所以試唔到~今次終於試到喇！兩杯都係Iced Cucumber Caffe Latte，裡面嘅青瓜﹑牛奶同埋咖啡味道都好平均，互相都唔會搶風頭，味道幾特別！容易入口，清新解渴‼️下次經過都會想再飲啊~…Read More

好味嘅Churros喺香港唔易揾，同事推薦可以試下依間店，結果真係好好味啊‼️榮升心目中喺香港食到Churros嘅第一名~因為今次係買返屋企當宵夜食，所以有用焗爐焗返熱黎食！.升級糖衣Churros: 🔸Pistachio Crunch 開心果脆脆 - 左開心果味道唔係好突出，而脆脆令只係沾滿糖嘅Churros更加有口感~🔸Cookies and Cream 白朱古力醬配奥利奥碎 - 中鐘意食甜嘅一定唔可以錯過啊！唔同甜味混合埋一齊就係好味❤️🔸Creme Brulee 焦糖布甸 - 右依款口味比較推薦即刻就食(內用) ，因為淋咗焦糖嘅Churros會變得好淋，即使用焗爐焗返熱都恢復唔到本身嘅脆度~.難得遇到好食嘅Churros，所以下次經過一定會試下其他口味💕…Read More

想試依間餐廳好耐喇！地下係俾客人飲酒嘅地方，而一樓係食泰國菜嘅地方~一上樓就見到以外太空作為主題嘅環形螢幕，充滿住銀河同星球，間唔中仲有流星一閃而過🌠依次唔單只有視覺享受，仲有味覺嘅享受㗎‼️.Mocktail分別點咗Base Cooler同Ms Beauty🍸🍹右邊嘅Base Cooler係芒果同薑汁汽水嘅組合，甜甜地幾解渴！另一杯Ms Beauty酸酸甜甜，係一杯混合咗藍莓同羅勒﹑仲加咗Tonic嘅無酒精飲料❤️.煙燻三文魚刺身上檯個陣有個蓋子蓋住三文魚刺身 ，一打開就有陣煙飄出黎，然後就會聞到一股淡淡木頭煙燻嘅味道‼️食落係無煙燻味道嘅新鮮厚片三文魚，記得要連埋蒜片﹑再沾少少底下嘅青醬一齊食，酸酸辣辣好開胃💕.冬蔭功卡邦尼意粉將意粉上面嘅蛋黃整爛輕輕攪勻，粗條意粉沾滿微酸帶少少辣嘅醬汁，整體味道唔錯啊！.軟殼蟹柚子沙律兩隻軟殼蟹炸得幾酥脆，連埋旁邊有少少辣嘅柚子沙律一齊食，清爽又開胃✨.香蕉煎餅薄薄嘅煎餅皮包住粗香蕉，上面仲淋滿煉奶同朱古力醬，好邪惡啊😂.依間餐廳除咗係影相打卡嘅好地方之外，食物質素都唔錯！帶情人或者家人黎用餐，相信大家都會食得好開心啊💕…Read More