Running Man 7012's Profile

星期日夜晚來, 訂左枱, 來到人客唔算太多, 舖雖然唔大, 但每枱都有點距離, 所以都算靜, 叫餐每位計$880, openrice訂枱仲有88折, 仲要係加一後88折。食物方面, 都算唔錯, 個頭盤沙律好清新, 夠哂fresh, 好開胃。刺身都好味, 但份量略為少左啲。燒物最開心, 鮑魚, 龍蝦, 螺, 和牛, 牛舌, 雞翼......, 食材新鮮, 唔使點落調味已經好正, 食到呢度已經好飽。個雞肉鍋飯, 外觀上唔吸引, 但就整得好好食。甜品是雪葩, 味道都非常好。員工服務態度好好, 值得一讚。…Read More

當復活節遇上星期六, 西貢人流多得很, 想嘆個下午茶, 要搵位真係唔容易。呢間餐廳位置唔近大街, 可能因為咁唔使等位就入到。環境唔錯, 枱與枱之間夠闊落, 梳化亦算舒服。我叫了個全英式早餐(全份), 份量唔算太大, 108元, 味道不過不失, 正正常常, 以呢個環境同地理位置, 可以接受。我太太叫左個黑松露沙律, 有個幾大個的牛角包, 都算唔錯。服務員是一位叔叔, 態度很好, 我地又問佢拎牛油, 又黑椒等等, 都仲係笑容滿面, 仲同我地有講有笑, 呢樣最加分。…Read More

看到過百個讚, 以為質素應該還好, 見餐廳主打自家製拉麵, 叫了個餐廳推介的豚肉拉麵, 結果.....差點要懷疑自己的味蕾是否出了問題, 淡, 很淡, 個湯...真是....結果自己又要落辣油, 又要落七味粉, 又要落大量芝麻, 才可以食畢整碗拉麵。牛肉飯反而正常, 不過不失, 某某連鎖快餐店質素, 燒鯖魚也算正常, 兩人埋單166元。如果你在旺角星期六, 日, 這些繁忙時段, 不想等位, 又對味道無要求, 可以考慮下, 否則....還是找過另一間。…Read More

來呢間餐廳食下午茶, 叫左個餐蛋治, 呢啲咁簡單的下午茶餐, 竟然等左40分鐘, 來到的三文治賣相九流, 塊面包係凍的, 啲蛋好似蛋碎咁, 拎起塊三文治軟到好似就來散咁, 食左半塊, 真係唔想浪費食物, 但係真係冇辦法, 對唔住, 我真係再食唔到落去。…Read More

氣氛不俗, 我們訂了二人枱, 來到是卡位, 還要是大卡位, 可以坐4至5人, 梳化很闊落。前菜叫了意式小點麵包, 用番茄和酸菜, 酸味夠, 很開胃。再叫了西西里番茄冷麵, 雖然與前菜有些重覆, 但都覺得頗不錯。最後叫了煙三文魚pizza, 餅底烤得很脆, 煙三文魚份量很足, 味道很好。餐飲叫了比利時啤酒, 酒精濃度不高, 易入口, 但有點貴, 68元一瓶。埋單計都是550元, 如果不算兩飲餐飲, 都只是4百幾元, 在銅鑼灣算是很抵食。下次可以再來。…Read More

食材很新鮮, 刺身真的非常可口, 尤其是中拖羅, 入口即溶, 鮮帶子也很好吃, 海膽也非常鮮美。串燒也很好, 推介牛舌和鮑魚, 雖然份量有點少。叫了雜錦天婦羅, 味道就一般, 不算太突出, 不過價錢合理, 可以接受。鰻魚炒飯也不俗, 我很怕鰻魚被塗上厚厚的照燒汁, 完全將鰻魚鮮味蓋過, 這一家弄得不錯, 炒飯中應該加入了香菇, 很不錯的配搭。我們兩個人叫了, 一set刺身, 一set壽司(12件), 一個雜錦天婦羅, 兩隻燒鮑魚, 一串燒牛舌, 和一個鰻魚炒飯, 合共$1400, 以這個質素來說, 算是合理的價錢。…Read More