yuencandy901's Profile

今晚約咗朋友入西貢WM Hotel M Square西餐廳食飯，西貢遠離繁囂真係幾舒服，特別呢間餐廳好適合同朋友嚟聚餐，渡假風裝潢好relax ，四周電視會播放賽事，仲有桌球、足球機同彈珠台可以免費玩👍🏻Portobello Beef Burger份量足，蛋黃醬好味，蘑菇炒得好香！Iron Grilled Rib-eye餐廳推介的確唔錯，牛扒調味適中，火侯亦剛好Smokey Baby Back Ribs （Half)豬仔骨充滿煙燻風味，外脆內軟，味道香濃，配菜亦好出色好醒胃Banoffee Creme Brulee Pancake厚班戟面層有脆焦糖，所以外脆內軟，入口好似雪糕一樣👍🏻配埋拖肥醬同雲尼拿吉士醬加水果，成個甜品好鮮甜～Tiramisu Pancake咖啡控必點，咖啡糖漿配Tiramisu 苦甜味道配搭得好好，特別鍾意d燕麥松子仁，好香口。如果同朋友嚟，大家可以考慮租埋室內哥爾夫球機去打👍🏻#西餐廳 #西貢美食 #朋友聚會 #hkfoodie #foodiehk #酒店餐廳…Read More

想食壽司又懶得出去買，可以叫千之味外送啦，滿$300就有免費送貨，刺身新鮮衛生，又有冰袋👍🏻佢有唔少盛盒裝，啱朋友聚會，或者一家大細食，今次我哋呢款係千之味壽司盛盒，有25件 $258，有北寄貝、三文魚、飛魚籽同加州卷等等另外，我哋叫咗一個刺身丼，刺身超肥好厚，三文魚好好味，加埋自家製醬油👍🏻nice除咗呢啲之外，我哋叫咗厚燒玉子、蟹子沙律🥗同吉烈炸蠔同軟殼蟹手卷，佢嘅沙律醬可能係自己調配出嚟，幾好味，炸物都有水準，下次可以試其他。 壽司就叫咗赤貝、帶子同芥辣八爪魚軍艦，新鮮又鮮甜，壽司飯甜酸比例幾好，黏度都唔錯，依個價錢算抵食，好多地區都滿$300就送貨，呢一個point真係好吸引，下次朋友上嚟食飯再叫先！…Read More

今日老公去完旅行返黎，搭左架係豐景園落既A車，原本想去食茶記，點知8:30就話得外賣，於是我地就去左食銀咖哩，當晚我地3個人叫左3個飯，叫左個吉列豬扒咖哩，豬扒即炸，又熱又脆，另外我地都叫左兩個咖哩飯，其中一個叫左飯蛋，生熟度剛剛好，有d蛋汁撈下飯，而三個咖哩我地都叫最少辣，因為佢無唔辣，好在我小朋友食到小小辣，如果帶小朋友去食要留意，個三個飯份量唔少，大人細路都夠飽包，仲埋杯品全單百幾蚊，好抵👍👍…Read More

每個星期都會帶仔仔去游水，好難自己一個食，但今日因為改左星期日學，學完後仔仔返左主日學，所以即刻食有兒時回憶既祥景，去到我例牌必叫沙嗲牛肉麵，通常個餐都會配一杯飲品再加一份炒蛋，火腿同餐包，沙嗲牛肉麵好食（但記得要叫爽麵），平時我唔食火腿，但今日太肚餓唔記得轉腸仔，本人唔太建議火腿，因為似無煮過做咁擺落碟，至於炒蛋，比較細份，而今日個飽配左有提子包，如果夾蛋會有d奇怪，飲品我叫左凍檸茶，茶底好，唔會澀口，整體上水準無以前咁好，希望遲d會有改善…Read More

今日放假🙌🙌，之前已經見到開泰國餐廳，勁開心❤️❤️❤️，因為本人喜歡吃東南亞地區食品🇸🇬🇸🇬，第一時間一定係食海南雞飯🐔🐔，因為多數泰餐都係招牌菜，然後我今次仲加埋豬頸肉，成個飯都好好味，份量都算唔少，但美中不足係無酸蘿蔔（可能無先係正宗泰菜），今次試完新野，今日一個人食咩都試唔到，下次一家大細就可以再試下其他唔同菜式，例如：冬陰功湯，生菜包，泰式柚子沙律等等⋯諗起都流曬口水🤤🤤…Read More

行過見到有川冒菜，正呀，諗都唔諗就入左去食，我叫左佢既川冒菜，因為唔係好想食肉，所以叫左無肉個個餐，一碗材料豐富，叫中辣都幾辣（下次都係叫返BB辣就好了），但薯粉煮得比教淋身，食既時候要慢慢夾，唔係好容易斷，但味道搭夠，所以都會再幫襯，另外因為錯手叫左中辣，所以都加左$12叫左杯菠蘿特飲，仲可以要少甜少冰（但都依然好甜），但係解辣黎講，有杯凍野飲下都算好好，呢餐我覺得算係好好，價錢唔貴，連飲品都係$60，仲要大大碗，值得推介👍👍…Read More

今晚即興同朋友食飯，3大2細，我地叫左幾樣野，食得飽，餐廳服務好，會等我地食完一樣先再上一樣菜，唔會趕住食，可以慢慢食住傾計✌️✌️點餐後一人一個熱辣辣黑糖包，配埋牛油超好味前菜我地食左個煙三文魚沙律同埋飲左個餐湯我地點左一個dinner set,係海膽意粉（唔記得咩名）海膽鮮甜，意粉食落有陣陣酒香海鮮拼盤有生蠔（唔記得睇下係咩品種），翡翠螺同熟蝦（每款有4隻），好新鮮，好味卡邦尼意粉好適合小朋友食😆同埋味道唔錯海鮮意大利飯好多料，但意大利飯未夠熟，但味道好，總算加返分雙重芝士pizza批夠薄，勁多芝士，大滿足最後叫埋個甜品心太軟，有朱古力流心既甜品，食完會好開心餐飲仲有凍檸茶（可以叫其他飲品），茶底靚，好飲以上餐飯唔算係好平，但直得係呢個價錢…Read More

今日路過見到小曼谷，唔想諗食咩就入去試下食lunch海南雞飯可能泰式無醃酸蘿蔔同紅蘿蔔，只見到得臘腸，雞味道清淡，還好有碟泰式海南雞醬增加雞既味道，油飯比較清淡，無咩油泰式炒飯因為無圖，幻想係炒牛肉，但睇落似用湯煮左d牛肉，再炒個飯一齊放落去泰式豬頸肉佢做小菜會比較好，味道唔錯👍泰式湯粉湯底有味唔錯，唔會太濃味，不過不失龍眼茶送既，真係好好飲平時食開晚餐既味道唔算差，lunch都還可，但勝在夠平，中午仲有一小杯龍眼茶送，算係咁喇…Read More

朋友就快移民，指明要食酸菜魚，經朋友介紹下去左元朗食，到步餐館環境唔錯，乾淨。👍👍我地叫左4個小菜，酸菜魚🐟係指定叫，好味，唔太鹹，魚夠滑，無骨，我地仲加埋粗薯粉，薯粉夠曬入味。羊肉串睇落乾身，但食落juice。椰菜花🥦好食，夠鑊氣炒得好香。鐵板田雞真正鐵板上，好香口，配菜青椒都好好味。另外我地叫左半打炸饅頭，黎到熱辣辣，好軟熟，我地休賽一再食，饅頭凍左味道都唔差，仲好軟，加埋煉奶食一流❤️❤️…Read More

雞地一向多餐廳，今次我哋嚟食燒肉！二人餐做緊8折，都有好多嘢食！二人餐包：B-mix 沙律B-mix 丼飯：丼飯有魚子，溫泉蛋同埋紫菜，唔會因為套餐而比細細碗，兩個人食的話啱啱好👍🏻刺身三點盛：蝦都幾大隻，而且夠鮮甜，正！先付二品：牛蒡開胃時令海鮮三盛盤：有蒜蓉蠔+帶子+新鮮鮑魚，鮑魚仲好生猛，超新鮮！薩摩赤雞腿肉、薩摩赤雞腎牛/豬精選盤一份：我哋要咗安格斯牛小排、安格斯牛粒同厚切牛舌心份量都幾多，而且牛舌心真係好厚，好少見！食起上嚟好滿足！我哋都額外散叫咗一份牛小排同牛舌心，有原味、燒肉味同鹽味3款口味揀！醬汁都好多選擇👍🏻最後再叫多個燒菠蘿做甜品！😆小食同飲品方面，我哋叫咗芝士魚腐小食、凍豆腐（醬汁好好味）飲品叫咗自家水果茶同梅茶特飲，朋友話好清新👍🏻今餐食得好開心，店務員都好好招呼，下次會再嚟！…Read More

今日行足大半日街，去完outlet掃完貨，掃埋個肚裡面既野食，趁住唔洗等位，就拿拿聲行去隔離食返個定食，呢間原來係台灣既日式便當餐廳，我地叫左一個天婦羅定食同一份燒肉定食，天婦羅定食黎到仲好脆，而且仲有炸菜，雖然唔係咁健康，但總算有菜落下肚，燒肉定食既肉都新鮮唔差，份量夠大，$98黎講算係咁，每個餐都有前菜同湯，算叫做有湯有菜有主食，但飲品就要加錢叫，如果想飲野都有水機，可以去自取，最後仲加左個茶碗蒸，多料又豐富，呢餐埋單唔洗$200，真心抵食…Read More

就快又過年，團年少不了，今年反傳統，同老友食個豐富既扒餐當團年，而且餐廳闊落，環境舒服，傾心事既最佳地方呢度既羅宋湯超香濃，真正餐廳煲既味道，裡面既菜勁入味。蕃茄味夠曬濃，配埋個牛油餐包，開胃曬😍😍團年緊係食好d，我叫左個美國德州頂級西冷餐，原本我地想要7成熟，待應哥哥溫馨示我地，叫我地要5成熟，因為上到鐵板會變7成，我地就跟佢意見，黎到真係7成，待應好專業，夠曬經驗，7成熟既牛口感唔會韌，又唔會有血水，而且呢款美國牛好香牛味，唔洗落黑椒汁，只需加少少鹽，勁好味，成塊食曬都唔夠😋😋我地仲叫左個帶子牛扒餐，呢款牛扒同美國牛口感唔同，淋d同滑d，5成熟配上黑椒汁，帶出牛扒既好味，仲有帶子，超甜好新鮮👍🏽👍🏽餐飲我地叫左凍檸茶，茶底靚，唔澀口，我至愛😋😋…Read More

今晚同呀仔撐檯腳，佢同我講話想睇人打golf，於是帶佢去睇下，睇睇下肚餓，近近地就去呢度食飯，估唔到呢度有間隱世平民西餐，性價比高，味道好，價錢合理餐湯係薯仔湯，香濃好味👍🏽👍🏽👍🏽夏威夷pizza，餅底夠薄，好香脆，配料豐富，菠蘿同粟米係用新鮮，好香甜👍🏽👍🏽👍🏽大啡菇紅菜頭意大利飯，有營養既飯，意大利飯唔會煮到太淋，口感適中，而大啡菇香口夠濃味，呀仔一個人食曬🙈🙈西京味噌醬焗豬鞍，充滿肉汁，勁juice，薯蓉係新鮮薯仔做，👍🏽👍🏽剛巧有少少感冒，飲返杯柚子茶，順下喉，但驚喜既係，佢地用花茶壺，好特別…Read More

今日又同老公撐檯腳，之前食過佢既晚餐覺得唔錯，所以決定試埋佢既午餐😋😋，兩個午餐都包前菜同飲品，抵食👍🏽👍🏽150g 慢煮牛扒一聽到慢煮，等既時間都要耐少少，但係直得等，因為慢煮只會煮到大約6成熟，所以食落非常淋滑，佢仲配埋溫泉蛋同粟米，食落唔會覺得漏👍🏽👍🏽吉列大蝦蛋包飯濃濃既咖哩，真材實料，唔會太辣，而裡面既薯仔都好入味，話明蛋包飯，隻蛋一定係重點，係非常滑，仲有香蛋味，炸蝦新鮮，炸得脆而唔油膩，仲連條尾都可以食埋食炸物食到意猶未盡，另外再加多個明太子燒手羽及吉列珍寶大蝦，燒手羽已去骨，裡面釀滿明太子，口感非常，炸蝦就唔洗多講，食兩隻唔夠喉要再加多隻😋😋今日芒果沙冰做緊優惠價$18，我地都叫左杯，濃濃芒果汁打成冰，好重芒果味，好清甜天氣乾燥又凍凍地，我特意叫多杯柚子蜜潤一潤…Read More

突然心血來潮想掃下街，本身我都比較鍾意食台灣食物，見到葵涌廣場呢度開左間台式小食，啱曬我🤣，我order左幾款食品，而分量原來唔細架，唔洗$100已經好飽青蛙下蛋賣相吸晴，酸酸地，好開胃，裡面有黑糖啫喱同奇亞籽，幫助消化之餘仲可以健康腸道🤨豬咬虎（刈包）手撕牛第一次食呢款包，味道似饅頭，口感同饅頭唔同，好軟熟，手撕牛淋滑，香牛味👍🏽👍🏽綜合6號鹽酥雞/軟殼蟹雖然係炸，但食落唔會好油，亦唔會因爲炸過而影響肉質，仲有豐富既肉汁🤪3.6牛乳雪花糕軟棉棉似棉花糖，但又唔會太甜，香牛乳味😋…Read More