moominc的個人專頁

喜歡和家人到這間分店食壽司，取票時講定有輪椅客，都會先問坐卡位定吧台，等你確認位置ok再安排入座，亦會同你確認食物下車位，方便照顧者取食物，位置亦盡量放寬一點，等大家都坐得舒服，贊…查看更多

提前預約到餐廳食晚餐同朋友慶祝生日，八點到確認預約安排入座，本身經理打算安排坐卡位，但我地見卡位坐得比較密，考慮疫情問題想隔開些坐，所以提出想坐近門口位置（近門口幾乎全部吉枱），但經理即晦氣講要九點交番張枱出來，不足六十分鐘仲少過放題，我當你有booking算，快食完行街，點左燒黑毛安格斯肉眼排，香燒羊架，仲有黑松露雜菌意大利飯和薯條，食物上得很大，但分量少，而且味道一般，肉眼排和羊架都落單寫五成熟，可惜切開已經見到幾乎全熟，而羊架只食到酒味，完全掩蓋本身的羊味，黑松露意大利飯無黑松露味，最正常係薯條，食完大家一致決定離開去donki揾再揾食。餐廳唯一值得讚係女侍應（不是女經理）有禮貌，亦有留意枱上水杯無水來加添，最後九點前結賬，離開時近門口仍是吉枱狀態。其實荃灣西餐廳選擇多，競爭大，尤其最近疫情問題，食物質素和服務質素真係決定餐廳生意的重要因素，建議餐廳去其他現時仍很多客既西餐廳取下經。…查看更多

少有收工仲趕到去kcc1樓食晚餐，，定食下熱氣野，見到有炸雞就走左去食下，點左小滋味三元湯飯，炸bb雞(有點炸過頭,未至於乾巴巴，可以更好)，花枝丸加麻吉燒，熱氣的炸物伴健康的蕃茄濃湯泡飯，等自己無咁有罪惡感值得一讚的係老闆態度親切有禮，亦係令我決定一試的原因，老闆加油…查看更多

第二次來這家店食，水準保持一樣咁好，侍應服務態度好，10人食，原本叫4sets 2人餐，會温馨提示食物份量可能叫太多，未必食得曬，結果叫3sets再加其他食材剛剛好，他們亦會在前菜和甜品俾得稍為手鬆少少，盡量令大家都試到。每次都喜歡先飲湯底，花膠竹絲雞和胡椒咸菜豬肚湯都係令人回味的湯頭，材料十足少少不足係帶子和生蠔上枱時結曬冰，放入爐的時候難以肯定幾時熟，結果便煮耐左，另外酒精飲料只有細支裝，如果喜歡飲的話，叫細支價錢便很可觀了。總括而言，絕對值得再來~~…查看更多

每次經過都見到頗多年青人食這家餐廳，好奇下決定自己去食下，叫左牛油果沙律，牛肋骨湯，傳統甜辣味無骨炸雞和拌飯，落完order,侍應便會送上前菜，當中有青瓜，芽菜和泡菜，坦白講，好少食到咁無味道的前菜，尤其泡菜，令人有少少失望。牛油果沙律味道不錯，切片牛油果份量尚可，新鮮沙律菜咬落脆口，牛肋骨湯則令人有點失望，因為牛肋骨煮得韌，湯底略咸，炸雞就真的不突出，坦白講價錢合理，但我下次會去返apm那邊近巴士站另一家餐廳食韓國炸雞，因為唔會咁冧，雞和醬汁味融為一體更好食~至於拌飯就中規中矩，配料充足但略嫌牛肉較少且煮老左，總括價格尚可接受但真希望泡菜能重新醃製~~…查看更多

朋友介紹下來到這家開張不到3個月的酒家，可能因為平日，加埋都無10枱客，部長及侍應更能集中，待客態度不俗，換碟勤，上菜速度快，每款菜式均能做到熱辣辣上枱。乳豬拼盆擺放整齊，乳豬皮脆香口，叉燒肥瘦均勻，脆皮金薯咕嚕肉的甜薯令人不禁一口接一口，沙巴龍躉夠大條， 鹽焗雞賣相靚，皮脆肉嫩 ，唯一少少美中不足是濃湯魚腐浸菜苗略咸，總括而言所有菜式份量足，見到隔離點同一圍菜都要打包幾盒回家，明天午餐有著落lu~值得再來，套餐絕對值得推薦…查看更多

剛好午餐時間來到黃大仙工作，附近餐廳都滿座，可能因為它較大間仍有位，所以入去食。午餐都係四十幾至六十幾左右，價錢合理，5人食附送3款小菜，可惜泡菜略嫌不夠入味，有點醬汁和菜分開的感覺。叫左份半生熟蛋五花肉飯，好正，五花肉夠多夠入味，伴生菜入口，不覺油膩，肉多到做到一口飯時一啖肉，好有滿足感。反而朋友點左個大醬湯，材料碎濕濕好像剩餘物料倒左落去咁，魚乾又得番條骨，我都忍唔住分返2舊肉俾她，結果她主力湯伴飯，好像好慘咁，我都唔忍心拍照。其餘食蛋包飯就不過不失啦～…查看更多

最近經過這家泰國餐廳，決定一試。叫左手撕雞船面(選左河粉，另外可選金邊粉 薯粉和蛋麵)和腐乳通菜(可惜只剩下生菜)。首先講船面，湯底濃郁，絕對適合重口味的顧客，內有白蘿蔔索盡湯頭的鮮甜，可惜只有1舊，另外有炸豬皮，脆卜卜又無油膉味，正，碗內仲有2粒白魚蛋，有別於平時香港粉麵舖食到的彈牙魚蛋，相對地比較實心，問過老闆才知是直接找泰國師傅所做，用心之作。比較下，腐乳唐生菜便失色得多，性價比較低，且腐乳醬亦十分普通，下回再去不會再叫菜食了~…查看更多

深水埗一日遊，當然少不了去充滿香港回憶的美荷樓和嘉頓cafe,前者係公共屋邨演變成youth hostel,後者係香港麵包巨頭，一條馬路之隔，已經可以令你起碼逛上半天。夏天去嘉頓cafe好處係冷氣充足，在炎夏的街外逛完入店食件蛋糕，飲杯奶茶，一個字，爽~雜果蛋糕絕無欺場，鬆軟的蛋糕配上甜度剛好的忌廉，最後才吃掉上面微酸的士多啤梨，絕對令你有幸福的感覺~即場亦有嘉頓的其他商品選購，不過如果嫌款式未夠，可以往大樓背後有間嘉頓的隱蔽小店，款式更多，更有優惠(快到期)貨品可選呢～…查看更多

由於到9點才入座，所以叫左鹵水鴨先食，再叫了美人鍋及其他配料。先講鹵水鴨，如果改稱麻油鴨會更好，除了鴨皮食到點鹵水味，其餘全被麻油味覆蓋，不是難食 只是感覺有點奇怪。接著到主角美人鍋，有烏雞，桃膠，紅棗和枸杞等湯料，選用烏雞無咁多雞油，桃膠紅棗等養顏又潤腸，相對雞煲打邊爐健康~首先要讚下乒乓球咁大粒的雲吞，裏面仲包有完整蝦一隻，確保食到蝦的鮮美，其次讚下絲瓜，索曬湯汁令絲瓜甜得令人食個不停 如果能切得稍為大一點更好，另外萵苣則少有在打邊爐見到，另外好像只在某粥底火鍋店食過，爽甜~整體是可以再次光臨的餐廳，不過尖沙咀輪候時間太長了，還是下回去番佐敦較好…查看更多

可能人流都往黃大仙中心去，相對下這餐廳所在的商場人流較少，更能營造寧靜的用餐環境，加上枱與枱間較鬆動，令你放鬆慢慢品嘗美食~3個人食分別叫左南瓜意大利飯，豬肋骨和鮮茄雞肉螺絲粉，除了鮮茄雞肉螺絲粉相對普通外，另外2款都留給我們不錯的印象，意大利飯食到滿滿的南瓜味，了粒煮得剛剛好，豬肋骨易切易食，配上粗薯條令人回味無窮。整體而言值得推薦，特別係鍾意和朋友係舒適寧靜環境用饍的人~不過要提提戶外位置雖然很不錯，但夏天時仍不太建議選擇喔～…查看更多

星期五約飯局，來試下這家招牌菜及其他小菜，一坐下侍應便問我們食不食太爺雞 既然係招牌菜，當然試一試 再叫埋豬手，薑蔥生蠔煲和梅菜扣肉煲.首先豬手最入味，作為冷盤小菜再送酒是不錯的選擇~但招牌菜太爺雞就不似預期了，略嚡口的豉油雞，相對下生蠔煲更吸引，隻隻肥美，而梅菜扣肉不知為何不見肥膏，瘦得連膏油香都無埋，連帶令梅菜也一併失色。整體而言不過不失，不過最奇怪係當晚9點幾已經拖地執枱，提醒客人已到店門時間，但明明openrice寫11點才關，莫非有錯?…查看更多

難得朋友升職請食飯，特地選揀日本菜食下，無想到食完會有立即寫食評的衝動:(我叫左份烏冬定食加三色刺身。首先個烏冬上既豆苗菜好老，令我有種牛嚼草的感覺，整個烏冬湯底偏咸，壽司略硬。而令我最無奈的，就係個三色刺身，份帶子未完全溶冰，食落沙冰的口感，我當場呆左，我又無催單，點解要趕俾未完全解凍的食材給我此外揮手找侍應添茶，近門口的侍應一係唔記得，一係扮見唔到，叫左4，5次才加到，真係趕客。這店唯一賣點就只有座位闊落，適合一家帶小朋友食囉，不過食物質素就...…查看更多

係雜誌睇到這家店，好奇一試。首先要讚下店舖方便易揾，地鐵一出，過馬路往右行到尾就到，約人食飯唔洗驚人地唔識路。入到店內可能因為時間尚早，冷氣不足，不過同侍應講聲，就會肯較大少少。第一次來選醉雞鍋，可惜和我在facebook所見有偏差，亦不能當湯飲，接著叫左一堆食材，比較特別有手作墨條牛軋糖，一開頭仲擔心係甜的，叫前問左侍應先放心叫，食落墨魚味重，但台灣鴨血令人失望，比起養x殿和正宗台灣火鍋店所食到的差很遠。最後有一點值得一讚，係侍應不時留意湯底是否不足，唔夠就立即加湯，我地食左3個鐘都無需要開聲叫加湯~希望小店再改善下食材，咁就更好了~…查看更多

繼上一次食完最著名的蟹膏蕃茄湯檬加牛油果沙冰，飽到一個點後，今次決定轉食烤豬肉撈檬加凍咸檸水。這裡的撈檬係一早已把汁料加入撈檬內，唔洗你四圍揾支汁，撈檬內亦已加入酸蘿蔔，食落更開胃，適合係門口排完一輪㷫恰恰才入店進食的我，烤豬肉非常入味，和撈檬好夾，令人一口接一口，惟一有點不足係汁放得略多，食到底會有點覺得略酸。今次雖然都好想飲牛油果沙冰，但怕太飽 ，所以轉飲咸檸水，一樣好味~不過是日已full,唯有下次才試米紙卷和班蘭綠豆糕啦～…查看更多