galaxylamlam's Profile

朋友邀請出席，地方安靜，方便傾偈。因為傑志球會嘅關係，內部裝修都係同足球有關。忘記影餐牌，Set Lunch，有3個價錢可以揀，$128（4選2）/$148（4選3）/$168（4選4），是乎沙律/湯/主菜/甜品嘅點選數量。侍應會按點菜人位置紀錄好，落菜先後都準確。先來呢係沙律，賣相精緻雙層，不過係朋友點，我無食。之後嚟湯，超級什菜湯，好靚，又好飲，材料好足，唔辣嘅。之後上主菜，我點嘅係南瓜蓉豬頸肉配蜜糖辣椒汁，個汁出乎意料，完全唔辣，仲帶好濃香甜味好易入口（如可以無咁甜仲好）。豬頸肉肉質很好，唔會梅，而且軟硬適中。個南瓜蓉係精粹，南瓜香，軟綿綿，好好味。另外，朋友有點魚和羊食，試咗少少，魚肉滑，羊肉都好有羊味，不過都係個嗰汁偏濃味。甜品不過不失，朱古力蛋糕好食啲，不過一嚟到就cut開咗最後飲品，係抹茶鮮奶，一嚟到俾佢隻拉花獨角馬吸引，睇到嘩嘩聲。侍應哥哥話要，咖啡師係到度至有拉花，真係好彩啦。PS，侍應哥哥有問必答，雖然應該係新手，但佢嘅服務好好。加油喔…Read More

一行四人，因為有coupon 嚟試新嘢。book枱時間要全英文，仲以為全部staff都係外國人，去到原來唔係。book枱小插曲:啲staff唔知有個promotion，不過好彩佢地好好，好快已經confirm返我地，仲好nice，讚。另一個讚位係佢地會因為有book枱而有一張message card放喺枱俾客，我覺得好窩心。去到1人叫一碗拉麵，湯底好濃我自己食咗蝦拉麵，隻蝦就一般，無咩甜味，不過個湯底就好好味，好啲似龍蝦湯咁全場最貴呢碗拉麵配隻慢煮大雞脾，好滑，醬油湯底調得洽到好處。炸雞小食，唔錯，炸皮好脆，好似係用清酒醃嘅，都幾入味環境舒服，不過有落場時間，需要留意。。…Read More

超舊式酒樓，入到去，好多叔叔同嬸嬸企係樓面，個個都好樂意幫你咁嘅，又好禮貌。落單叔叔好好人，你想食咩落單，佢會依照人數話你知應該落咩size嘅菜式。富貴雞要預訂，不過唔係想像中咁好食。其他現點菜單，反而全部都好好。推介必食:砂鍋雲吞雞，雞有甜味，又唔會好"鞋"，雲吞一啖一口非常好賽磅蟹，講不出的嫩滑，加埋已配的少少醋，非常好松鼠魚，一定要食，全魚起骨，酥脆，汁香濃，甜酸適中。呢條係食過咁多餐廳，最好食嘅一條。家常餅，唔會油，蔥又香菜心苗，菜嫩香甜，上湯味美(可能啲菜啱季節食吧)…Read More

一行10人去食，自訂菜單點了9樣食物，除了水鴨湯和片皮鴨外，其他無一可取。菜心苗，菜唔甜，湯無味。鮑魚唔鮮，無過火，不過啲果皮無味，豉油都無味。生蠔和焗生蠔，同樣質量一般。蒸魚兩食，條魚完全無魚味，鱗又多，炒球又唔彈牙，調味又無。蒸骨骨腩，個豉汁唔知咩味，無豉味，仲要偏甜。炒個意大利飯，我知係偏硬，但都唔係硬到食完牙都軟，又乾。鵝肝多士，煎得唔夠香。嚴格嚟話，中式食物差，西式食物唔掂，無可取之處。一心有人介紹食，滿心期望，不過實在太差。仲有餐廳無咩冷氣，愈食愈熱。…Read More

去親佐敦就會諗到食呢間車仔麵店。價錢同質素成正比，點46元餐，有飲品送，又可以點貴的餸，實在太好。店面姨姨都好人又nice，令人覺得幾舒服，同街坊關係係好好。推介要食的餸:1. 酸齋 (新鮮的，有少少脆口)2.腐皮魚肉 (都係鮮做，勁香脆，魚肉又香)3.墨魚卷 (足料墨魚)4.魚片頭 (香脆)5.豬皮 (夠晒入味)點脆口食物，小心，記得千祈唔好浸晒落湯，咁咁就有最佳享受。湯底建議點沙嗲，枱面的勁辣菜脯正，不過堅辣，要小心。…Read More

裝飾有要求的小店。。裝飾係黃巴士，好搞笑。。。好多人等。。。今次只點了一份signaute，份份新鮮做梳乎厘，等了差不多20分鐘，可惜個面唔夠脆，又無咩蛋香。。唔會 高質雪糕，3.7牛奶雪糕。。。質地好好，可能夠新鮮，配埋個梳乎厘，都幾夾。佢地嘅梳乎厘，仲有好多不同味道，例如綠茶，tiramisu，士多啤梨。不過購物服務就一般，黑口黑面，好似欠咗佢咁，我都明，咁嘅價錢，企喺街食，仲想咩服務。不過廚房部嘅哥哥就好nice。…Read More

忘記了影餐牌。。。呢間餐廳，我日日經過，以為佢好細，得門口幾張枱，原來行入去都幾大。門口左邊就係蛋糕和水吧位，仲有個幾得意嘅飲品牌。聽朋友講，呢間餐廳，全日餐牌一樣的今次點了鵝肝漢堡，溫泉蛋卡邦意粉，一個oero cake，跟餐有龍蝦湯和飲品。食品不過不失呀，價錢同質素都成正比嘅。只係漢堡個鵝肝唔夠脆，但味道係好嘅。牛肉味都重，包身外脆內流心蛋卡邦尼意，唔太膩，不錯跟餐龍蝦湯，同價錢成正比啦，唔係好夠濃，不過都有龍蝦味竹炭曲奇忌廉，完全唔覺膩，仲唔係好甜。…Read More

一行13人，本身上星期五已訂枱及講明會點牆上meau的，鮑魚，花膠扒和潮州翅。當時店員稱，日日都有，不用預訂，結果，開飯當天致電稱鮑魚今日未到貨，都打算算啦，少一樣，點知，去到，連花膠扒都無。想食嘅3樣，無2樣，唔知咩公司嚟。之後見山長水遠嚟，照食，點知係完全未食過差成咁嘅潮州嘢。好咸嘅蠔仔粥，只因有啲柴魚/方魚，令到佢有香甜味，幸好無蠔殼，如果十幾人分，應該一人都分到一粒蠔仔嘅。得個樣嘅兩面黃，唔好食。。。味道調得幾好，不過一碟得5舊膳。。凍烏頭，差，無鮮味，又唔就肥，明明呢啲天氣會好食，太令人失望凍馬友，都係同烏頭一樣，無驚喜味道不錯，魚肚都幾厚，似乎小菜較正式潮州食好鹵水鵝，得個色，無味，細隻到隻鴨咁，啲肉薄到。。。無朋友蠔烙，無鴨蛋，無味的蠔仔的確有幾粒加薑配菠嘅蝦球，完全唔彈牙，面唔夠脆，個有啲腥味各式鹵味，只可以話佢個鹵水太渣。。最後，廚房上菜唔會理你食幾耐，食唔食得切，所有嘢都係一次過上枱，上你就食，個轉盤又細。啲嘢是但鍾意就上菜，你快啲食完就得嘅感覺。…Read More

地點有啲隔涉，係鬧市中的寧靜地方，唔識路就有啲難搵。餐廳環境好好，旺中帶靜，好舒服的餐廳，成班朋友傾計啱晒。。見到有人可有廳房，不過未知收費。廚師的出品都幾有水準，係真係堅貴，尤其小食 。食物係意想不到的細份，但味道和質素都好好。pizza底做得好好，，個肉腸片就少咗啲。。。味道好不過唔夠另一個好啲蒜蓉超香嘅翡翠螺，螺肉超爽又甜，係有翻叫的慢煮豬，乾咗啲，個蘋果汁勁好味好蠔嘅大咖菇，1隻88元，可能因為黑松露太貴啦黑松露pizza, 無得輸，必食，有黑松露計，呢個價抵食啦。。羊仔架，夠哂淋，羊味就唔算重呢個烤焗拼盤非常得，秋刀魚剛剛好，係個蝦有少少梅，不過整體係好味嘅生蠔，一人食到一打，係仲想再叫的，當晚應該係食到3款蠔，蠔的質素令人好深刻。一打配白酒一支，都只係198，真係真心覺得抵就係呢支意大利白酒海膽多士，好好食，唔好硬，又香口超迷你份量豬肋條，香脆，配個柚子醬，又幾夾…Read More

fusion餐廳，都幾好味，個芝麻糊係推介的個酥皮焗雞有啲怪怪，雞還雞，酥皮還酥皮，唔識欣賞炒米粉，靚仔，味道都好，份量略少。茄子出色海鮮什菜煲，有花膠ga..…Read More

不錯餐廳，不過service好好，位置有啲難搵。意大利飯，軟硬適中，芝士濃，野菌香。豬仔骨，味道好，都算容易處理，配菜簡單，但很夾。飲品，有每日精選買一送一，都幾好飲。呢杯係單點嘅，今日所點的兩款飲品都好靚，味精又好。…Read More

平日晚食，都爆場，預約有小食送，無小食list 上的都可以揀，值得一讚。食物份量好足，女仔如想一人一個main dish, 真係要想清楚。飲品可配28元的，多過補差額就得。幾款食物賣相很好，但都比較膩，份量足，幾個女仔都係share 好啲。飲品正常，無咩特別。餐廳唔算好坐，傾計環就一般，因為比較噪。啲蝦嘅處理不過，都爽脆身，明太子沙律醬就太重，食得有點辛苦。鵝肝面夠脆，不過就唔夠香，應該同原材料有關。天使麵整體ok的。未有試食。。。不作評論。…Read More

價錢合理的日本菜，質素相對好的日本菜。一行6人，大家都真心覺得呢間餐廳係好，可以再返轉頭嘅。午餐，每個款式都配有蒸蛋，沙律和前菜，好新鮮。蒸蛋滑配有幾粒冬菇。沙律的菜好新鮮，仲配有黃車厘茄，好味。前藥夠脆身唔會好咸，剛好。麵豉湯，味道好，唔太咸，又麵豉香。滑蛋豬扒丼，香滑，豬扒又夠"淋"身，份量適中吉列豬扒，有心機呢菜式，菜絲夠凍又夠幼，不過白飯就唔算係靚珍珠米，不過都ok嘅角切刺身，啲刺身都ok，仲有配小小的烏冬，份量重咗啲，整體好味…Read More

一行4人，點了4款食品，質素一般，衞生一般偏差。服務很好，侍應都快手，亦坐得舒服。牛腩河配凍鴛鴦，牛腩唔肥，唔"林"身，一河粉底算多，湯底一般，無特別。例湯，味精湯一碗前所未有咁半呢紅豆冰，紅豆唔起沙，又無落糖煮，花奶勁多，基本上似係飲花奶冰。芙蓉蛋飯，差，得5粒蝦，幾條芽菜，一條葱，咁精髓叫甜豉油都係無咩嘅，可能百物飛騰貴吧。。。青咖喱牛腩，個青咖喱汁，應該係買現成嗰日~，坐熱，倒出，完成。什燴炒麵，份量偏細，麵底都ok係脆嘅，個配搭就好似怪怪地…Read More

喺附近返工，其實都多時間會食重覆嘅餐廳，不過炑八算係其中一間愈食愈差嘅表表姐。。。。雞扒蛋包飯，之前一直都好欣賞佢個茄汁炒底，不過。。今日無色水，得個咸字，仲要濕到，爛飯咁。個蛋，唔知點解，愈食愈深色。因儲分換食物都唔只一次，但今日換的泡茶芝士煎餅，真係唔知搞咩。。。淋到無朋友，口感勁差。啲炒粉絲都預咗油，不過呢個油量，對一個午餐炒粉嚟講，實在有啲誇張。服務喺呢啲餐廳上不要要求太高吧。。PS: 無加價唔等於食物質量可變差吧。…Read More