Jessica Karen のプロフィール

見商場賣廣告，食物照好吸引，決定夜晚一試。 食物味道正常，溫度夠熱，應該係即叫即整，但份量較少。星期五夜晚約8點入座，其實都只係得5-6枱客，侍應有3個，壽司師傅有2個，但唔知點解感覺上係人手嚴重不足😵叫左個鍋物套餐（有：沙律、炸蠔、茶碗蒸、加州卷、豚肉片、野菜拼盤、雪糕）。服務令人無奈😮‍💨：1. 套餐要2人起，但就只係比個1人鍋兩個人一齊用2. 上個沙律用左20分鐘，其餘食物續樣續樣慢慢上，最後個野菜拼盤用左接近1個鐘先上，仲要唔追唔上🫠明明啲菜式唔複雜，有一半菜式唔洗煮，只係洗洗切切同拼埋一齊，都可以用咁耐，唔係應該一早組裝好然後即叫即上架咩？😅3. 食完成個餐，一隻碟都無收過，水都無refill過。隔離枱走左，成枱都係碗碟都無人執，啲侍應行過好似睇唔到咁🙂‍↔️4. 侍應們行出行入看似好忙，貌似經理嘅人仲喺度話啲下屬，但咁嘅服務其實又唔知佢地忙左啲咩🤔5. 2人安排坐一張4人枱，自然坐埋其中一邊。食緊前菜時，侍應上左個湯鍋，放左喺枱嘅另一邊。原本以為佢係唔想阻住我地食前菜所以先放埋一邊，點知準備食鍋物嘅時候，佢直接開左另一邊嘅爐，點食呀😅最後我地自己搬返個鍋放喺面前食6. 叫埋單都等左三個字，成個用餐時間要成個幾鐘，大部份時間都係喺度等上菜，體驗太差連雪糕都無食就走左…さらに見る

好耐無打食評，通常真係遇到差嘅餐廳先忍唔住出手究竟係酒吧定餐廳？正如其他食評所講，服務只有一個字-「差」。成個星期前喺Openrice度book，出發前都收到短訊confirm左，去到餐廳講埋電話號碼都話無booking!?搞左成十分鐘先入到座，明明餐廳都仲有位但又唔安排人入。叫左炸鴨，等左差唔多成個鐘先上，催左幾次都話整緊🥲食食下仲要開大音樂，大聲到張梳化都感覺到震動。隔離枱反映啲音樂大聲到傾唔到計，侍應話啲音樂係咁架喇🙄同樣嘅食物同價錢，我寧願去返中環間分店食。…さらに見る

好耐都無食中菜，攞住Times Square嘅coupon，決定嚟試下呢間“天下第一豬”🤣🤣我係一個有乳豬必叫乳豬嘅人，所以第一樣就叫左無花果乳豬。皮脆啖啖肉，就咁食已經好美味，配埋無花果醬，帶點甜味但又唔會搶focus。再嚟就係灌湯鍋貼。好似食緊小籠包，一咬啲湯汁爆哂出嚟🤤。個人認為可以煎耐少少。然後叫左臘味糯米飯。臘味夠哂咸味，配埋糯米飯啱啱好。糯米亦都好煙un。甜品有酒娘湯丸，湯九內有流心花生👍👍酒釀都食到淡淡嘅酒味，唯一係糖水甜左啲啲。最後有麒麟果花膠凍。真係一朵花嘅樣🌹麒麟果帶酸帶甜，食落好清新開胃。總括而言，雖然價錢偏貴，但環境舒適，值得一試。…さらに見る

喺社交平台見到有人推介，見到係新派韓式菜，酒精類飲品都好吸引，所以打算一試。食物、價錢都很好。唯一值得關注嘅係餐廳防疫意識唔夠。侍應喺Bar枱後、食客身後除低口罩大聲講野，亦有侍應唔帶口罩收碗碟。。。疫情期期恐怕都唔會再嚟了。…さらに見る

本身bookmark左呢間餐廳，係因為佢有得任食牛排。可惜今日係星期五，無得享用呢個優惠，咁就唯有散叫啦。一入到間餐廳，就比佢嘅裝潢同氣氛吸引 😍 啲歌又夠updated又好聽。有圖有真相👇輪到食物喇~首先叫左一盤半公斤重嘅青口，應該係餐廳嘅signature。用左白汁、洋䓤同蕃茄煮。啲青口都好鮮，同埋真係隻隻都有肉! 另外塊包嘅口感都好好，有啲煙un，最啱點埋啲白汁泥食。薯條份量都唔少，條條都好粗 😍😚再泥就係挪威三文魚柳，成碟份量都好足🥰🥰🥰仲有烤薯仔同埋洋䓤沙律。三文魚柳佢煮到半熟，所以唔會好乾，仲有三文魚嘅鮮味，配埋個白汁味道啱啱好。洋䓤沙律仲加左啲橙，食落好refreshing。烤薯仔點埋個白汁食，簡直令人欲罷不能呀! 再泥多個主食，就係虎蝦煙三文魚risotto。兩隻虎蝦真係好大隻呀~~~~至於個risotto，即使加左煙三文但醎道都適中。加埋其他調味令成個risotto味道提升。食落又唔會好肥膩 👍👍👍最後到甜品喇! 原本今日次泥係要同朋友慶生，但最後都因為佢啲甜品太吸引，所以選擇左叫甜品而唔切餅! 先泥一個蘋果批。但呢個唔係我地平時食到嘅蘋果批泥架。上菜時，佢係喺一個小煎pan入面。侍應姐姐將佢反轉吸落隻碟度，結果係酥皮喺底，蘋果喺面。再喺面頭淋上朱古力，cream同雪糕。係香港唔常見嘅一種食法。一陣凍一陣熱，少少甜，多多香最後就係呢個三文治窩夫喇。兩塊厚厚嘅窩夫，夾住一層厚厚嘅雪呢拿雪糕，再加埋微燒過嘅忌廉喺面，真係令人心心眼呀😍😍😍 不過，可能係因為太厚嘅關係，食落會有點兒輪盡🙈🙈 如果只係食窩夫，雪糕同埋下面嘅熱溶朱古力，甜度啱啱好。不過面頭果啲忌廉就過甜😵 另外個窩夫有點係凍左，所以就無左外脆外軟嘅感覺，可惜😥整體而言，個人覺得呢間餐廳性價比高。環境好，服務好，食物高質，上菜快。會再返泥食!…さらに見る

原本睇某大台介紹嘅餐廳，見到呢間啲野食好吸引，姑且試一次。一行五人被安排坐門口位，本身唔係問題。可惜佢度門係長開，夏天夜晚難免會多蚊。問侍應可否閂左度門，佢竟然回應話比啲止痕膏我地搽😑😑😑邊有喺室內食飯比蚊咬嘅道理🙄叫左個意粉，明明係有叉嘅。但台面每人只係有鉗同匙羹。問侍應可否比叉我地，點知佢話個鉗就係叉🙄🙄🙄好了，終於到食物了。侍應哥哥好好人地為我地推介美食。我地一共叫左三個主食一個小食。食物等左差唔多20分鐘先到。先泥羽衣甘藍八爪魚其實羽衣甘藍同八爪魚係無問題。問題喺個汁度，真係唔識點形容。咸咸地，但一啲都唔夾。再泥大蒜蜆肉意粉蒜無蒜味，不過有苦味🤨🤨🤨🤨意粉明顯未熟，蕃茄味道奇怪，係得蜆還過意得去。再來西班牙海鮮飯。醬汁太濃，略帶苦味，海鮮ok，係加埋腸變好咸。全場最好係得脆皮豬腩肉，外皮真係脆到有聲，半肥瘦，夠油香。總括而言，服務質素參差，環境令人不舒服，食物水平差劣。沒有下次，加不推薦。👎…さらに見る

星期五晚上泥食，預左會多人，好彩事前喺openrice book定枱，唔洗攞籌。滿心歡喜叫左個二人餐。等左20分鐘先上餐湯，只需倒啲湯入個碗度都可以用20分鐘？再等多10分鐘，終於上小食拼盤喇。腸同薯條只係微暖，得炸魚係熱嘅。唔通炸野係得一個鍋，要續樣炸？ 都係啲現成野食，味道同一般嘅無異 ~泥左小食好快就上T骨排。見到好大塊，好有眼福。。。但明明侍應哥哥問要薯仔定意粉，明明都講左要意粉，點解最後都係泥薯仔？侍應哥哥都有問牛排幾多成熟，講左要5成熟。但牛排薄到得3mm厚左右，談何幾成熟？肉質冧到唔合邏輯，一係本身舊肉唔靚，一係就落好多鬆肉粉。無肉味。再等多5分鐘，個意粉終於泥喇。味道上中規中矩，無突破，不過都比牛排好食。意粉有點煮唔熟，同埋落左過多olive oil食到成口油。一餐最好食都係得Movenpick雪糕。總括而言，可以用一個字描述：差。…さらに見る

女士一定係愛甜品既，食完晚飯，都一定要食埋個甜品先安落。士多啤梨pancake，對於女孩子泥講真係decorate得好靚。首先講下pancake，三層既pancake中間仲夾埋啲cream，一切落去其實都已經散哂，食得有點狼狽。個人中意啲pancake係實心，咁先至有飽肚既感覺。其次就講下啲cream，又係有成三層。中間果層好有士多啤梨味，好欣賞。不過有咁多cream，成個pancake食落去就好似食緊忌廉蛋糕.... 啲cream有點肥膩既感覺，不過好彩有新鮮士多啤梨中和返啲味道。再試下期待已久既souffle pancake，彈下彈下睇落都覺興奮。再配埋牛油同糖醬，味道同一般既pancake無異。食左第一啖，口感係好滑，不過同時都感覺食左好多空氣，就只有面同底層係有少少實心既感覺。成件事好新奇，不過就唔係好啱我口味喇....…さらに見る

心思思想食韓式炸雞，但又怕熱氣，所以就選擇食焗雞。韓式風味焗雞，一共有十件，分別有雞膇、雞翼、雞胸同雞背 (個人唔太中意佢比雞背....)。兩個人食 份量係足夠既，肉質都好嫰滑同埋有肉汁，一啲都唔乾。因為係焗既關係，所以啲脂肪都走哂，咁就唔怕食皮啦~ 特別中意蒜頭芝士醬，雖然芝士味唔濃，但係淡淡既蒜香為焗雞再加一啲味道~再試下佢既辣味螺肉冷麵。對我嚟講真係有點好辣，不過又辣得過癮。涼涼既冷麵，再加埋好辣既醬，出一身汗，爽!  第一次食韓式煮法既螺肉，口感好煙un，好得意。再泥兩大杯夏日特飲，食辣野真係必要。雖然比我地想像中大杯，但係我地都飲哂仲覺得有啲唔夠，哈哈。菊花特飲就同平時既菊花茶差唔多味道，個人都係中意提子特飲多啲。入面仲有一條apollo雪條，係幾有創意。…さらに見る

之前去Classified都係食breakfast，今次泥就係食dinner~Pork chop上枱時我都呆左一呆，因為份豬排比起我想像中真係細一半! 不過，再試埋佢既味道，咁我就覺得都係值回票價。首先，佢係用左豬仔，所以啲肉好冧。同時，啲肉都好瘦，唔會話要切走一大塊肥膏果啲，感覺幾健康。忌廉汁同豬排好夾，味道唔會太重太膩。配菜就有mashed potato同紅蘿蔔，咁就唔洗啖啖肉咁濟。Risotto係素食泥，用左菇菌同黑松露去煮，味道不過不失。黑松露聞落好香，但撈埋啲飯就已經無咩味。而啲飯粒好似食落有點硬，唔知係本身隻米係咁，定係未煮得透.... 份量方面都係比較細份。天時暑熱梗係泥一杯特飲。我叫左homemade lemonade，諗住唔落糖，點知飲左一啖，酸到呢.....  後尾加左大半小杯既糖漿，先至中和返佢既酸味。整體泥講，食物方面既味道好好，只係份量細左啲，同埋上菜速度好..... 慢..... 豬排好似都用左15分鐘上菜。…さらに見る

近排好中意喺觀塘揾食，試過好幾間樓上cafe，今次泥既餐廳有少少唔同，就係佢係地舖泥架~ 唔好睇佢位於工廈地區，門口細細，但餐廳入面好闊落，好有空間感。大概12點鐘泥到，因為無book枱既關係，所以1點就要交枱，就當係測試下上菜速度吧! 哈哈。Lunch menu大概有10個選擇，聽落唔係好多，但個人覺得已經好足夠。先泥一個蕃茄火腿沙律，簡單既配料，但夏天食呢啲涼涼地既野，真係幾refreshing ~ 火腿唔係好咸，幾欣賞。再泥就係grilled salmon，喺menu見到呢個已經好期待，因為好少餐廳會以一百蚊左右既價錢提供三文魚呀!  只見三文魚係排咁上，都有成隻手掌咁大。最最最欣賞既係，佢係魚腩部份，好中意!  魚既下面係一啲mashed potato，上面係cream spinach，兩種醬狀既配料，配塔三文魚又幾襯喎~唔會蓋過哂三文魚既味道。而塊三文魚既皮煎得好香，同時都食到魚油香。餐廳都比食客選擇要半熟定係全熟，我要求左半熟，其實係煮到僅熟，咁啲魚肉就唔會乾，好滑好肥~最後就泥一個檸檬忌廉蟹肉意粉。好欣賞蟹肉份量好充足，同時加左少少辣椒，有點辣辣地既感覺。可惜意粉汁唔係好掛身，所以食落去覺得啲意粉好乾，同時都食唔出檸檬味..... 成份意粉都係比較細份，如果男士食真係認真唔夠呀~整體泥講，餐廳既環境好舒服，service既速度都好快，服務良好。但係份量較細，男士食就難啲夠飽。另外呢間餐廳好多喺office做野既人泥幫襯，所以最好book定枱，或者喺lunch hour前泥度，咁就可以避免無枱既情況喇~…さらに見る

第一次知道呢間餐廳係睇某電視台嘅飲食節目，見到佢有shake shake便當好得意，決定泥一試。星期日嘅lunch，傻傻的我怕要等位所以事先book左枱，但泥到都係得一枱人。。。先泥一個韓式便當，侍應姐姐打開個蓋為我地介紹一下，然後叫我地要督鬆啲飯先好shake。乖乖嘅食客們當然照做🤗😏 不過督到咁上下，都差唔多變拌飯 😑😑😑 之後我就好興奮地shake shake shake 😂😆🍱 不過因為係鐵盒，好傳熱，所以都無shake太耐😣打開蓋，啲飯全都側埋左一邊，當堂少左食慾😣 最後都係用人手撈多兩下 😐😐 至於味道方面，其實都係啲平價材料：牛餐肉、煎蛋、紫菜、魚乾、泡菜。加上佢都落左好多辣醬，除左較咸嘅牛餐肉同魚乾，其他食材都唔係好出味。。。簡單泥講，都係食拌飯好😂😂😂 份量方面就好足夠，帶返學食實唔會餓親😆之後再泥一直都想試嘅魚糕湯。兩大串嘅魚糕，真係大飽眼福 😍😍😍 不過食落去就。。。係清一色嘅魚糕味道 😑 即使有唔同形狀，但係味道都係一樣 🤔 兩個人分，食到有啲怕怕，太多魚糕了😥 至於湯味道ok 有少少辣，無咩特別。唔係用左好多材料煲，所以都無咩點飲。。。最後泥個薯泥pizza，用薯蓉做餅底，確實有趣👍👍👍👍 好中意佢加左甜甜嘅千島醬同埋cheese，口感同味道都好好😊😊😊 配塔得宜，薯泥好難整得唔好食😂😂😂。之但係海鮮嘅份量實在太少，只係食得出幾粒八爪魚😡 …さらに見る

Lobster Central終於喺銅鑼灣開分店😊😊 地點方便，決定泥一試😁😁點左一個2人餐 ($488)。如果有選擇困難症，呢個會係一個好選擇👍👍👍 套餐包左三款包，另有一份crab cake小吃、兩包薯片同兩罐soft drinks 😗包底用牛油烤過，外脆內軟，香味令到啲餸香上加香😍😍😍 先試蟹肉包，好豐富嘅蟹肉撈埋沙律醬，口感同味道好滿足!! 蟹肉味都幾突出~最重要係啖啖肉! 😋😋😋 再泥就係蝦包，同樣都係撈左沙律醬，份量十足。唯一嘅係蝦係冰鮮蝦，以呢個價錢其實都預計到會係咁。但食落去的確會比用新鮮蝦爭少少🍤🍤🍤🍤最後試下主角龍蝦包😘😘😘 龍蝦夾嘅肉清晰可見😲😲😲 都係啖啖肉。味道上就偏咸，無撈任何醬，只係喺包面搽左啲沙律醬。整體泥講，龍蝦肉嘅味道唔係好突出，只係食到好多咸味。加上有兩次都咬到殼碎。。。😅😅😅 都幾硬至於crab cake就一般般。陷料撈左好多配菜同調味，食唔出係蟹。。。😥😥😥薯片有四種唔同味道，今次就選擇左sea salt同firecrack crab。Sea salt同預期一樣，firecrack crab就有少少辣😀整體泥講，2人餐嘅好處係全日供應，同時可以試幾款包。但係lunch泥講就偏貴，因為有另一個一人餐係99蚊，有一個包、一份薯條、同一個soft drink....😂😂😂😂😂 就等食客自行選擇吧! 😉…さらに見る

好耐之前睇到網上介紹呢間餐廳有售邪惡流心芝士燒春雞。可惜，事隔太耐先泥光顧，所以燒春雞已經off menu喇😭😭😭😭。不過，一場泥到，當然要試下其他菜式啦 😋😋😋😋先介紹小食，首先泥嘅係炸甜薯條。明明落order時係fish & chips, 但上菜時就分開上，所以有一刻都以為係落錯單呀😅😅😅😅 薯條炸得好脆 👍👍 上菜時仲係熱辣辣的。只係甜薯本身薯未唔重，加上餐廳所用嘅甜薯唔係太粉，所以外面脆但入面就有點濕。建議選用另一啲較為粉嘅甜薯會較好。醬汁方面，餐廳提供左ketchup 但因為甜薯其實無咩味，沾埋ketchup食就更加食唔出係甜薯，建議改用其他淡味嘅醬料。再泥便係青口，欣賞cream sauce同青口好夾。餐廳都好貼心加左唔少配菜，令個小吃無咁單調。青口口感剛剛好，唔會奀，味道濃郁。係細隻左少少😂😂😂😂第三款小吃就係炸魚。特別中意佢嘅沙律醬，同炸魚好夾。本身炸粉偏咸，但加埋沙律醬就好香。炸魚上菜時都係熱辣辣，炸皮十分脆。唯一係炸皮發得太勁😂😂😂😂同魚肉分離。之後到主菜。先泥一個黑松露菠菜risotto🍀🍀🍀，係為素食者而設。黑松露味道好突出。再泥就係蟹肉risotto。蟹肉份量唔多，但就見到同食到好多蟹膏😋😋😋😋至於意粉類，先泥一個菠菜鵝肝raviolli。上菜時只係用一個半張A4紙大細嘅container裝住，我地都諗緊會唔會唔夠分😦😦😦 好彩最後發現原來都有六舊，剛好一人一舊🙆🙆。欣賞raviolli配埋菠菜同其他配菜，令到味道好豐富，都中和返鵝肝嘅油膩感👌👌。Raviolli食落去好大陣鵝肝嘅味道，但由於無煎過，所以只係食到鵝肝嘅酥味，未食到果種香味。所有澱粉質類中，最欣賞就係呢個海蝦意粉🍝🍤。比其他的用少左cream sauce去煮，反而係用蒜。食左咁多重cream嘅main dish，食呢個意粉會有些少清新嘅感覺😙。加埋配菜同埋dried tomato，係感覺幾開胃。特別欣賞佢落左好多粒蝦😆😆😆然後就到咁晚嘅主角出場喇 😁😁😊😊😬😬😬😲😲😲😍😍😍😛😛😛🐖🐖🐖 首先泥嘅係黑毛豬! 豬排非常厚切，望落真係大飽眼福，差唔多係兩節手指嘅厚度呀! 餐廳好貼心為我地切開骨同肉，方便進食😊😊😊 肉質少少冧。略嫌煮得有點乾，加上調味唔夠。所以食時要沾多啲醬汁。特別要讚嘅係薯仔👍👍👍👍👍 皮脆，同烤得好香😍😍😍 切成方塊，份量十足。加上黑毛豬唔太多肥膏，所以啲薯仔無吸哂啲油，能夠保持薯仔味道。最後就係呢塊大過手掌嘅西冷排😍😍😍😍🐮🐮🐮 叫左medium rare 但都煮至medium。不過令人驚嘆嘅係，肉質好冧，同時都煎得好香😋😋😋 唔洗沾醬汁都好好食! 不過下面嘅薯仔粒就吸哂啲牛油，有點肥😅😅😅 同時欣賞餐廳用沙律菜做伴菜，咁就可以中和返肉類嘅肥膩感。最中意就係排類用砧板上，令人感覺好似煮完即食好興奮 😆😆😆整體而言，餐廳食物算高質，價錢合理，款式都幾多選擇。上菜速度好，唔洗等太耐，而且係續一上，唔擔心啲餸菜會凍哂。會再返泥的😊…さらに見る

突然想食韓式雞，但又唔想吃炸，見到呢間有烤雞，決定泥試一試 😊😊😊先泥一個招牌烤雞🐥🐥🐥🍖🍖🍖🍗🍗🍗，同款仲有好多唔同味道，如: 辣味，蒜，京䓤等等。但我就選擇左原味，唔洗諗😂😂😂😂😂 同炸雞好唔同，烤雞無左果層炸粉，感覺上“無咁熱氣”。最重要嘅係，雞肉都仲係咁嫩滑又唔會乾爭爭咁 😄😄😶😶😶 調味唔多，食到雞肉味，唔會被強味嘅調味料搶哂。 另外仲附上三種唔同醬汁😲😲😲 紅色嘅係一般韓式辣醬，黃色嘅係芥苿，而白色望落似沙律醬但食落就有啲甜甜地又有薯仔嘅粉粉地味道 😮😮😮😮 白色醬比起辣醬同芥苿醬嘅味道無咁突出，個人覺得辣醬最夾😂😂😂😂再泥一個烤牛肉pizza🍕🍕🍕🙆🙆🙆 一如既往，韓式pizza嘅餅底比較薄，無咁快飽😁😁😁 底層有一層甜甜地嘅燒烤醬，配料就有:三色蕉同埋牛肉粒。配料切得細細粒咁，食pizza時啲配料唔會跌到成枱都係，好方便👍👍👍 值得一讚嘅係，佢嘅芝士落得好重手😲😍😍😍😍😍 好chewy，但係味道又唔係好濃，食落唔覺膩 👍👍👍 不過個人覺得肉料份量上可多一點😅總括而言，成個餐廳嘅環境好好，靠窗坐仲可以望到lee gardens一帶嘅街景，感覺好似有點高級😂😂😂😂 星期四晚人唔多，唔會太嘈，仲會播一啲好updated嘅kpop歌，同朋友聚會係一個好地方。食物選擇唔多，但每樣食物都做得幾高質。餐廳負責人同侍應都識用英文溝通，電話book枱時，老闆雖然唔識講中文，但識得聽同用流利嘅英文對答😁😁 絕對會再泥! …さらに見る