foodie.jtastic's Profile

作為牛油控嘅我，菠蘿油，鮮油多呢啲每年都唔知比我殲滅幾多落肚，只要係同牛油有關嘅新菜式我係絕對唔會錯過🤤🤤一知道十字冰室推出安佳牛油系列我又點可以唔帶埋閨蜜一齊衝去試。今次推出嘅三款新產品分別係金沙滑蛋菠蘿包、軟殼蟹親子菠蘿包同埋胡麻烏冬撈😎😎金沙滑蛋菠蘿包$58 菠蘿包中間夾住大大片滑蛋，牛油炒滑蛋係永恆不變嘅perfect match，牛油嘅香溶入蛋入面，入口又香又滑食到中間仲發現夾住半熔嘅芝士吸引度直線上升再配埋咸蛋黃醬帶有小小咸香，微甜鬆軟嘅菠蘿包，成個味道好豐富好有層次，充滿新鮮感。軟殼蟹親子菠蘿包$98無疑係金沙滑蛋菠蘿包嘅升級版，喺金沙滑蛋菠蘿包嘅美味上再配上原隻炸軟殼蟹同蟹子令成個菠蘿包嘅口感更上一層樓，除左原有嘅嫩滑同咸香，仲多左蟹嘅鮮味同脆卜卜嘅口感，食完一啖又一啖，真係停唔到口。胡麻烏冬撈$78 胡麻醬撈烏冬應該好多人都食過，但呢個嘅特別之處係個醬汁用安佳牛油慢煮，再加埋小小芝士mix出黎，又香又creamy🤤🤤埋合彈牙嘅烏冬再用石鍋上菜有小小焦香，一上菜已經流晒口水茶餐廳平時食唔少，但今次呢三個菜式真心有驚喜，如果你同我一樣鍾意試新嘢又鍾意食茶記千祈唔好錯過今次嘅新菜式啊🫶🏻🫶🏻…Read More

終於去左喺小紅書封神嘅𝖥𝗂𝗇𝖾𝗉𝗋𝗂𝗇𝗍😎今次揀左西營盤分店，沿住店外圍有小小𝗈𝗎𝗍𝖽𝗈𝗈𝗋位可以坐，水泥牆工業風，窗邊位置超適合打咭🤭🤭至於食物方面💁🏻‍♀️𝖧𝖺𝗅𝖿 𝖺𝗇𝖽 𝖧𝖺𝗅𝖿 $90 (𝗁𝖺𝗅𝖿 𝖺𝗏𝗈 𝗍𝗈𝖺𝗌𝗍 , 𝗁𝖺𝗅𝖿 𝗍𝗈𝗆𝖺𝗍𝗈 𝖿𝖾𝗍𝖺 𝗌𝖺𝗅𝖺𝖽)佢嘅𝗌𝗈𝗎𝗋𝖽𝗈𝗎𝗀𝗁超好食😋焗得好脆食到中間口感係好𝖼𝗁𝖾𝗐𝗒,兩個口味都超讚👍🏻👍🏻牛油果熟度啱啱好，上面加左小小𝖻𝖺𝗌𝗂𝗅成個口感香味即刻昇華左💚而個𝖼𝗁𝖾𝗋𝗋𝗒 𝗍𝗈𝗆𝖺𝗍𝗈味道清甜𝗃𝗎𝗂𝖼𝗒配左味道比較強烈,咸味較重嘅𝖿𝖾𝗍𝖺 𝖼𝗁𝖾𝖾𝗌𝖾味道好𝗆𝖺𝗍𝖼𝗁🤤🤤𝖡𝗋𝖾𝖺𝗄𝖿𝖺𝗌𝗍 𝖡𝗈𝗐𝗅 $75 水果好新鮮份量同種類都好多甚至連𝖿𝗂𝗀都有絕對係誠意之作，而佢個𝖻𝖺𝗌𝖾係用𝗋𝗂𝖼𝗈𝗍𝗍𝖺 𝖼𝗁𝖾𝖾𝗌𝖾 知道好多人都超欣賞，不過我自己都係比較鍾意配嘅𝗒𝗈𝗀𝗎𝗋𝗍口感同味道多啲🤭🤭𝖲𝖺𝗅𝗍𝖾𝖽 𝖢𝗁𝗈𝖼𝗈𝗅𝖺𝗍𝖾 𝖢𝗁𝗂𝗉 𝖢𝗈𝗈𝗄𝗂𝖾 $30 我𝖾𝗑𝗉𝖾𝖼𝗍佢應該係軟曲奇，但食落口個感竟然係幾實淨，而曲奇上嘅鹽偏多🤪🤪都真係幾咸，大家可以慳返嗰$30😂😂𝖫𝗈𝗏𝖾𝖻𝗂𝗋𝖽 $35 我同朋友都揀左同一款，見到鴛鴦個名可能我哋都先入為主左覺得會係平時飲開嘅味演變出嚟，但當飲品黎到我哋大家都只係飲左一啖就冇再飲，因為個味太奇怪🤔️成杯野淨係飲到薑味同印度香料味咁，完全飲唔到奶茶或者咖啡味，而飲品上面係有一層肉桂粉，如果唔鍾意肉桂嘅寶寶都要注意啊😉雖然當中有部分野唔啱我口味，但如果經開我都絕對會再幫襯，因為佢嘅𝗌𝗈𝗋𝖽𝗈𝗎𝗀𝗁真係超高質👍🏻絕對值得我番轉頭，我臨走仲要買左半個𝗌𝗈𝗎𝗋𝖽𝗈𝗎𝗀𝗁番屋企，你知我咩料啦😌😌…Read More

我係為左佢個開心果泡芺而黎🤭🤭之前上網見佢嗰個樣好𝖼𝗎𝗍𝖾 𝖼𝗎𝗍𝖾，但我嗰個唔知點解生得咁高，影極都冇人哋嗰啲咁靚，𝖺𝗇𝗒𝗐𝖺𝗒作為一個吃貨只要佢好味其他都唔重要😋泡芺做得好好外脆內軟，入面滿滿嘅開心果醬，開心果味濃郁唔會過甜，絕對冇辜負我專登為佢而黎，開心果控必試💚其他嘅食物飲品整體唔錯，但我同朋友最欣賞佢個乳酪，佢個乳酪可以選擇配日本芝麻醬或自家製花生醬，我哋揀左芝麻，芝麻醬香醇幼滑配合乳酪令到個味道更加有層次，營養更豐富🆙🆙𝖢𝖺𝖿𝖾環境好闊落，坐得舒服。我哋閒日中午去，唔洗等位亦冇限時，可以輕鬆同朋友慢慢傾慢慢食，值得再黎🫶🏻🫶🏻牛油果貝果三文治 $78堅果醬脆麥片乳酪 $68𝖸𝖮𝖨全日早餐 $128開心果修女泡芺 $68𝖶𝗁𝗂𝗍𝖾 𝖼𝗈𝖿𝖿𝖾𝖾 $45𝖬𝖺𝗍𝖼𝗁𝖺 𝖫𝖺𝗍𝗍𝖾 $50𝖧𝗈𝗎𝗌𝖾𝗆𝖺𝖽𝖾 𝖫𝖾𝗆𝗈𝗇𝖺𝖽𝖾 $55 …Read More

自從開關之後大家都好鍾意番大陸食嘢，其實香港都大把好嘢食，而且價錢仲好大衆化，洗嘜去到咁遠，就好似烤魚工房分店又多，總有一間方便到你😉😉有名你叫烤魚工房烤魚一定係必點啦👍🏻👍🏻我哋揀左招牌鮮青椒味江團魚(小麻，小辣)$ 329魚因為烤過所以外層有小小焦香，魚皮食落煙韌，魚肉又滑又夠厚身，最重要係一啲泥味，腥味都冇，再配埋個青花椒辣汁，連一向唔太食魚嘅我都食唔停😋😋除左魚當然唔小得串燒同烤物🍖🥩重慶把把燒 $169呢個真係勁抵食有成48串，入面已經包括雞，牛，豬，羊肉串，雞軟骨串，粟米粒粒，魚蛋等等，滿滿孜然味小小辣超惹味烤茄子 $36茄子肉厚，燒得啱啱好，茄子肉又軟又滑配埋重蒜加辣椒真係冇得頂其他烤物都好好食架，唔咁長氣逐樣介紹啦😎😎大家親身去試下就會知道🫶🏻🫶🏻而飲品方面除左啤酒仲有好多特色飲品，我哋試左兩款都好出色，而且三十幾蚊大大杯真係物超所值🍹啤酒 $78益力多沙冰 $39金桔青檸特飲 $36 烤豆皮 $26烤韭菜 $26烤小饅頭 $26錫紙魷魚圈 $59蒜蓉烤鮑魚 $68…Read More

同朋友出銅鑼灣行街想搵個靜靜地坐得舒舒服服嘅地方食個lunch，朋友就帶左我黎undici 餐廳裝修有小小輕工業風，店員好helpful好有禮貌，我哋一坐低已經主動為我哋介紹menu。嗌左主食可以+ $48 湯，甜品，美式/檸檬茶 +$1 芝麻扇貝沙律 +$28 蛋糕放提 (星期一至四)我哋今次食左👇🏻👇🏻川味麻辣智利藍青口 $108呢個好好味🤤超級推薦👍🏻青口肥美鮮甜，個汁麻麻辣辣夠曬開胃好食到停唔到口脆炸無激素雞翼配香辣蛋黃醬 $58雞翼脆卜卜配埋少少辣嘅蛋黃醬夠曬惹味明太子意粉配珍珠帶子 $128分量十足，唔會兩啖就食完👍🏻👍🏻而且好足料，個sauce好creamy,意粉吸收曬啲汁，正🫶🏻🫶🏻 如果意粉可以彈牙小小就更perfect😉芝麻珈啡 $36一入口飲到香濃嘅咖啡，慢慢再飲落去就飲到奶香，芝麻香，口感味道好有層似美式珈啡 $32 口感清爽，唔會太濃太苦，整體味道balance …Read More

星期日食完晚飯仲想同班friend hea多陣，但又帶住個小朋友，最好就係去食糖水，我哋女人街附近食飯,本身諗住近近地去廣華街後面有兩間甜品店，點知去到見到門口有成十幾人等，我哋就再慢慢行去黑布街。見到呢間唔洗等位就即刻入去。我哋四個大人一個小朋友，本身我哋都諗住坐逼啲坐張四人枱算，費事阻住人哋做生意。點知個哥哥超好人，主動拍多張枱比我哋，等我哋坐得舒服啲。我哋叫左四款甜品🍮❤️朱古力疏乎厘疏乎厘漲卜卜超有空氣感，外型滿分🫶🏻朱古力味香濃但唔會太甜,口感好fluffy,配埋雪糕食超match 👍🏻紫薯心太軟伴雪糕初初都擔心紫薯個味會奇怪，係因為小朋友先嗌，食完先覺得係四個之中最好食，最有特色，上枱熱辣辣，外脆內軟一切開就有濃濃嘅紫薯流心，紫薯味香濃又唔會過甜，大家都爭住食勁快清碟🍌香蕉船雪糕似係以前細個雀巢嗰啲三色雪糕，可能有人會覺得唔鍾意,但我自己覺得真正嘅香蕉船係要呢隻味先有童年回憶😂😂🍧益力多綿綿冰綿綿冰好多配料，賣相唔差，但味道就一般般，益力多味好淡，唔認真嗒都食唔出個味，但未至於難食嘅🤭…Read More

一向熱愛炒小菜嘅我其實已經bookmark左呢間女人街食飯公司，book左十次，亦cancel左十次都出席唔到，唔係朋友有事就打風要改期。終於今日可以食到啦🤤🤤好彩一早OpenRice訂左位，去到嗰陣見到好多人等位。餐廳環境好有老香港嘅感覺，雖然知道係刻意復刻，但仍然得帶出老香港嘅情懷，要知道食物除左味道之外，仲包含回憶。就好似阿媽煮嘅餸咁，未必係最好味但總會令你懷念，記得以前啱啱出嚟做野邊有咁多錢去fine dining,同班friend放工聚埋一齊食飯都係去大排檔，青葱歲月總令人懷念，或者係情意結又或者係真係鍾意食炒小菜，所以久唔久都會同班friend回味下😌😌今次我哋試左👇🏻黑松露鮮蝦多士(每件$28,最少三件起)蝦大隻，彈牙爽口，多士炸到金黃香脆，夠乾身唔會食到成口油同埋最最最緊要冇油益味👍🏻👍🏻上面配有小小黑松露醬入口有淡淡嘅松露香，推薦🧡一口臭豆腐 $72鍾意食臭豆腐真係要試❤️佢一上枱係真係聞到幾臭架😂😂最加分係佢細細粒，唔會好漏好飽，點埋甜醬辣醬，真係食到停唔到口鳳梨懷舊咕嚕肉 $118咕嚕肉炸得夠脆，炸粉唔會過厚，鍾意佢唔會太大舊，容易食之餘仲能夠令醬汁同肉嘅比例更balance，而酸甜比例唔錯,夠曬開胃金銀蛋浸莧菜 $88味道係正常金銀蛋浸菜嘅味，但啲菜好硬，唔係好入味🫣紅燒乳鴿 $98 表皮香脆，肉質嫩滑多汁 總括黎講盡對物超所值我哋四個人，一個小朋友叫埋飯，飲品都係$600左右，而且食物質素絕對可以😎😎係一個唔錯嘅選擇啊🫶🏻🫶🏻…Read More

今日去左火炭探朋友，走嗰陣就諗住食埋野先番屋企，咁啱行到落去見到呢間cafe就入去試吓。當晚我哋order左兩個set dinner芝士焗龍蝦配意式天使麵 $188有半隻鋪滿芝士嘅龍蝦，龍蝦焗得啱啱好，唔會過熟，天使麵好掛汁，個汁好creamy，成個dish好match 波士頓龍蝦鮮果沙律 $268平時叫親沙律個portion都多數好細，所以佢一上菜嗰陣我都有少少surprise😳😳龍蝦大大隻水果又多。味道都相當唔錯架，龍蝦身幫你起曬肉切好晒，晒我呢啲懶鬼😍😍啖啖肉，肉質新鮮彈牙，而水果份量係勁多，而且仲有好多款(哈密瓜，西瓜，火龍果，橙etc)好fresh好健康😋😋 超讚👍🏻👍🏻連我咁大食都夠飽🫢🫢而且每個餐都跟湯同野飲，仲有任食薯條同Caesar Salad添架😉薯條熱辣辣外脆肉軟配埋黑松露醬一定冇得輸架啦，另外個沙律菜都好新鮮好爽口，絕對係有誠意嘅餐廳🫶🏻如果去開嗰邊真心推介大家去試下，係性價比好高嘅小店🩵🩵另外喺餐廳fb見到有做到會，如果下次搞party大家都可以考慮吓啊😉…Read More

當文歷餅店經典童年回憶系列又出新款啦，這次加入了明治兩大人氣產品- 士多啤梨山朱古力，朱古力香印提子橡皮糖，真係讀書回憶全部番曬黎😍😍😍「士多啤梨山」可愛朱古力士多啤梨山造型外殼裡盛載着鮮甜的士多啤梨、士多啤梨果醬、士多啤梨及朱古力海綿蛋糕，搭配濃郁的雲呢拿馬斯卡彭忌廉。香印提子橡皮豆– 外殼以 66% 黑朱古力製成，內裡載滿自家製椰子慕絲、鬆脆的椰子脆片和班蘭海綿蛋糕，頂層放上晶瑩剔透的香印提子啫喱。當文歷餅店其實都唔係第一日認識，但之前從來都冇諗過試因為一直都覺得呢啲以玩味同打卡為主嘅蛋糕都唔放好食得去邊，但又竟然唔係喎😳😳蛋糕整體都幾好食，口味特別又有新鮮感，口感又有層次，不過就真係偏甜。如果未食過其實都好建議真係試下，由其同小朋友慶祝生日，小朋友見到一定好開心❤️❤️「經典童年回憶」蛋糕系列 – 5件裝 HK 312 巨型小熊餅生日蛋糕 $550 …Read More

表姐喺外國番左黎，琴日朝就同佢一齊入左大埔同啲姨媽姑姐飲茶，諗住反正入左大埔就唔好嘥晏晝就帶佢入林村行下,同佢去荷華庭食個𝖳𝖾𝖺，打下卡🤭🤭(因為成日上網見到人哋介紹環境勁靚,自己私心想去下)一去到門口已經好靚，沿途行入去好似去左泰國咁有啲草屋，成個𝖿𝖾𝖾𝗅好𝖼𝗁𝗂𝗅𝗅好relax，打卡真係一流📸📸 仲有呀呢間餐廳係𝗉𝖾𝗍 𝖿𝗋𝗂𝖾𝗇𝖽𝗅𝗒,可以帶埋狗狗一齊黎啊❤️❤️最緊要係唔會位都未安排你坐底就同你講用餐時間限時90分鐘😂😂(我自己係超怕，好似除左食嘢，想傾多句計都怕食唔切，食都食得有壓力)我哋坐低慢慢食下野，傾下計，打下卡，都𝖼𝗁𝗂𝗅𝗅左半個下晝😌😌除左打卡，餐廳食物質素都ok架😉份量亦都好多好大碟，性價比高👍🏻👍🏻今次因為只係𝗍𝖾𝖺唔係食左好多野,我自己比較喜歡兩款甜品🫶🏻 下次要再黎試下𝖽𝗂𝗇𝗇𝖾𝗋同個火焰雪山😋😋今次食左ᴥ法式焗田螺 $128檸檬蜜糖單骨雞翼 $98墨西哥雞肉芝士餡餅 $158棉花糖德龍朱古力 $52椰林日落(凍) $45朱古力心太軟配雪糕 $48焦糖燉蛋 $68…Read More

超鍾意食蟹嘅我每次去日本都一定會食全蟹宴，反而喺香港就比較少成日擔心香港嘅蟹宴餐廳唔夠正宗😜😜最近終於扚起心肝去bookmark左好耐嘅蟹膳試吓。今次叫左(季)呢個set,入面已經有三種唔同嘅蟹亦分別用唔同嘅煮法，可以滿足晒貪心嘅我🤍🤍全個set都好正，但我自己最鍾意就係凍毛蟹。毛蟹嘅蟹肉比較鮮甜幼嫩，而佢嘅蟹膏濃郁柔和有層次，平時我唔太食蟹膏怕腥，但佢呢個蟹膏一啲腥味都冇，反而係好香好鮮味，將蟹肉同蟹膏撈埋一齊食一羹羹食真係大滿足😍😍其次佢個天婦羅都好出色，炸流心蛋好特別，時間控制得好好👍🏻如果你都鍾意食蟹必定要去試試啊😉季Ki (＄2,080 每位 )松葉蟹半隻 - 鱈場蟹半雙 - 毛蟹全隻北海道海膽蟹肉茶碗蒸海膽鱈埸蟹腳刺身蒸松菓蟹及鱈場蟹燒鱈場蟹蟹腳松葉蟹夭婦羅蟹肉清湯凍毛蟹 (400-500g)(+$550可換上 800-900g凍毛蟹)旬の蟹御飯甜品 (可轉成薑茶啊🫶🏻)…Read More

星期六同媽咪去飲茶，今次係二訪卓苑，之前第一次食已經對佢評分好高印象好好☺️☺️點心外型精緻又特別，鍾意打咭嘅寶寶千祈唔好錯過，佢絕對唔係得個樣，食物質素都有番咁上下架😉😉而且餐廳環境闊落座得舒服，又可以望到維港靚景，服務又好🤍🤍認真不錯啊🫶🏻今次黎其實最想係試佢個乳鴿（朋友推薦話好正）點知服務員話要提前預訂先有得食🫣🫣 咁就唯有下次啦🥲最推薦👇🏻👇🏻塘洋高湯金魚餃 - 個樣超可愛，造型似足真嘅魚魚喺個池溏游緊水咁，連一向唔打咭嘅媽咪都攞電話出嚟影番幾張相🤭🤭唔好以為得個樣呀，個餃入面嘅蝦好新鮮好爽口配埋雞湯，味道唔錯架👍🏻羊肚菌灌湯餃個湯好好飲，餃皮厚薄適中，入面餡料有啲小貝，豬肉，瑤柱等…口感豐富，一啖餃一啖湯，鮮甜到不得了♥越式炸蝦腸粉應該大家都唔會陌生，都係嗰啲春風得意腸，春卷腸粉嘅朋友🤭🤭入面脆卜卜包住爽口彈牙嘅蝦，外面係滑嘟嘟嘅腸粉，我自己係超鍾意呢個配搭溫馨提示：大家記得去之前book枱啊😉如果要食乳鴿記得提前預留😜😜…Read More

初初係比呢一粒放大版嘅士多啤梨朱古力(mousse cake)吸引黎打咭，估唔到餐廳嘅野食同野飲係咁高質😋😋我同朋友都覺得係暫時食過最好味嘅𝗰𝗮𝗳𝗲🤍當中最推薦嘅就係❥鴨腿𝖻𝖺𝗀𝖾𝗅 - 鴨腿煎得好香，肉質好軟滑，𝖻𝖺𝗀𝖾𝗅外脆內軟再配埋入面有啲沙律菜,紫洋蔥同蘋果片去平衡，唔會太漏太油膩，不過佢真係幾大份，女仔應該要share先食得曬。其實另外兩款𝖲𝗈𝗎𝗋𝖽𝗈𝗎𝗀𝗁 𝖳𝗈𝖺𝗌𝗍都好出色架，如果人多食得曬真係要嗌埋嚟試吓🤤🤤海鹽焦糖卷蛋個蛋糕好鬆軟個焦糖𝖼𝗋𝖾𝖺𝗆好香好滑,不過有小小偏甜,再加上加埋個焦糖脆脆就更加甜，所以放棄左小小𝖼𝗋𝖾𝖺𝗆冇食到🤭🤭𝖡𝗋𝗎𝗌𝗁𝖿𝗂𝗋𝖾佢係𝖦𝗂𝗇𝗀𝖾𝗋 𝖻𝖾𝖾𝗋 + 咖啡好好飲，好𝖿𝗋𝖾𝗌𝗁,有小小薑味但又唔會蓋過咖啡嘅香，小小甜味♥外面唔係間間𝖼𝗈𝖿𝖿𝖾𝖾 𝗌𝗁𝗈𝗉都有,值得一試其實佢呢度啲茶同咖啡都好多選擇，好多配搭，服務員好好人，好有耐性去介紹飲品嘅特色，唔同嘅茶同咖啡豆調配出嚟味道有咩唔同🫶🏻一定搵到你嘅心水Er……仲有….其實….嗰粒放大版士多啤梨朱古力……真係打咭囉，入面全部慕絲，中間有少少士多啤梨jam咁嘅嘢，味道真係…..一言難盡😂😂😂可能係因為我本身唔太食𝖬𝗈𝗎𝗌𝗌𝖾,所以唔識欣賞🤭🤭但真心除左佢，其他野全部好味😎😎…Read More

沙田18真係食左好多年，每年點都會番黎食一次，睇吓佢係咪keep到個水準😜片皮鴨一食半隻 $438 師傅會即場喺客人面前切，會分成三款鴨胸皮-酥脆冇肥膏但充滿油香入口即溶, 建議點小小砂糖一齊食,係最傳統嘅食法鴨腿肉- 有皮有肉厚薄適中,再用煙靭軟熟嘅餅皮包住再加青瓜同醬料食，完美配搭♥鴨胸肉就可以點蒜蓉食，肉質夠嫩夠juicy 甜酸蕎頭咕嚕肉 $265皮脆肉嫩，甜酸汁比例啱啱好香麻辣子農家雞 $285又香又酥，辣度適中，冇骨啖啖肉窩蛋牛鬆焗波菜 $235本身對呢個菜冇特別期望，因為個配搭好似有啲奇怪。上菜嗰陣個賣相又唔算好好，不過佢係出奇咁好食🤤牛鬆惹味又唔鞋，再加埋蛋汁嘅香同埋啲菜一齊食,好好味。平時食波菜最怕食完啲牙好唔舒服,但佢呢個又唔會,讚👍🏻鹹蛋黃魚皮蝦球 $388蛋黃鹹香惹味,蝦球爽口彈牙,但魚皮唔夠脆,唔似啱啱新鮮炸起,有小小扣分五糧液朱古力雪糕 $48每次黎都食，朱古力味好濃，五糧液酒香味突出，配搭特別…Read More

朋友生日揀咗呢間餐廳同佢慶祝，之前想黎好耐，但唔知點解次次大家投票都揀唔中佢，今日終於試到😊我哋四個人係𝗐𝖾𝖾𝗄𝖾𝗇𝖽 𝖽𝗂𝗇𝗇𝖾𝗋時間,一早已經喺𝗈𝗉𝖾𝗇 𝗋𝗂𝖼𝖾 𝖻𝗈𝗈𝗄左位，所以一入去就有位，不過現場見就算冇𝖻𝗈𝗈𝗄都唔洗點等,初初都有諗食物質素會唔會一般都以打咭為主，點知又唔係喎，average都幾好食真心驚喜♥只係份量較少，人多就要叫多幾款啦😉當日我哋𝗈𝗋𝖽𝖾𝗋左好多野，其中我認為最推薦嘅我先詳細介紹啦🫶🏻🍛𝖠𝖻𝖺𝗅𝗈𝗇𝖾 𝖢𝗋𝖺𝖻 𝖡𝗋𝗈𝗐𝗇 𝖱𝗂𝗌𝗈𝗍𝗍𝗈 $188蟹膏味香濃完全滲入燉飯入面好creamy,鮑魚亦炆到軟滑彈牙入味,伴碟裝飾有啲蘿蔔絲，海苔片，子薑，但絕對唔係裝飾咁簡單，配搭埋嗰飯一齊好match,好balance 𝖦𝗋𝗂𝗅𝗅𝖾𝖽 𝖯𝗈𝗋𝗄 𝖡𝖾𝗅𝗅𝗒 $208 一上菜已經聞到豬腩煎得勁香，火候控制得好好，外脆內軟，脂肪與瘦肉比例完美，上面有炒過嘅洋蔥，亦用左啲好似薏米嘅食材放底，完全吸收晒食材嘅精華同香味𝖳𝗋𝗎𝖿𝖿𝗅𝖾 𝖯𝖺𝗋𝗆𝖾𝗌𝖺𝗇 𝖥𝗋𝗂𝖾𝗌 $68薯條炸到金黃色,好香脆,食到停唔到口，配搭芝士醬更加惹味🍹𝖳𝗁𝖾 𝖠𝖿𝗂𝖼𝗂𝗈𝗇𝖺𝖽𝗈 $56好好飲好清新👍🏻蜜糖清甜，有檸檬香同小小花香🍮𝖴𝗇𝖼𝖾𝗋𝗍𝖺𝗂𝗇 (焦糖燉蛋) $88 賣相靚，燉蛋又香又滑配埋上面嘅焦糖脆脆糖粒勁好食😋朋友話自己一個人可以食十個喎🤣🤣我哋仲order以下呢啲🤭🤭水準都唔錯架😉𝖸𝗎𝗓𝗎 𝖲𝖺𝗅𝗆𝗈𝗇 𝖲𝖺𝗅𝖺𝖽 $118𝖡𝗋𝖺𝗂𝗌𝖾𝖽 𝖱𝖾𝖽 𝖶𝗂𝗇𝖾 𝖡𝖾𝖾𝖿 𝖲𝗁𝗈𝗋𝗍 𝖱𝗂𝖻𝗌 $268𝖲𝗆𝗈𝗄𝖾𝖽 𝖤𝗀𝗀 𝖸𝗈𝗅𝗄 𝖢𝗁𝗈𝗋𝗂𝗓𝗈 𝖲𝗉𝖺𝗀𝗁𝖾𝗍𝗍𝗂 $178𝖢𝗎𝖼𝗎𝗆𝖻𝖾𝗋.𝖬𝗂𝗇𝗍.𝖫𝗂𝗆𝖾 𝖲𝗈𝖽𝖺 $56𝖶𝗂𝗅𝖽 𝖡𝖾𝗋𝗋𝗒 𝖲𝗈𝗋𝖻𝖾𝗍 $56𝖪𝖺𝗆𝗊𝗎𝖺𝗍.𝖫𝗂𝗆𝖾.𝖦𝗂𝗇𝗀𝖾𝗋 $56𝖯𝖾𝖺𝖼𝗁 𝖲𝗈𝗋𝖻𝖾𝗍 𝖡𝗅𝖺𝖼𝗄 𝖡𝖾𝖺𝗇 $88𝖬𝗂𝗅𝗄 𝖨𝖼𝖾 𝖢𝗋𝖾𝖺𝗆 . 𝖲𝗍𝗋𝖺𝗐𝖻𝖾𝗋𝗋𝗒 𝖢𝗁𝗈𝖼𝗈𝗅𝖺𝗍𝖾 𝖢𝗋𝗎𝗇𝖼𝗁 $88𝖱𝖺𝗌𝗉𝖻𝖾𝗋𝗋𝗒 𝖲𝗈𝗋𝖻𝖾𝗍 $88…Read More