lokman0107's Profile

▫️油甘魚刺身& 日本活赤貝油甘魚入口溶化，果種油香味係我最愛。赤貝好鮮味爽口，微微嘅咸味更帶出鮮甜▫️碎蔥吞拿魚茸海膽最中餅出奇地好味！花型脆餅夾住刺身，有創意得黎又夾到。打破壽司嘅規限，又提升到海膽同吞拿魚嘅口感。配埋紫蘇葉同三文魚籽，味道豐富▫️芝士鰻魚卷好濃郁既芝士味，中間夾住青瓜絲，平衡芝士既油膩感▫️大蔥雞肉串嘩，好大舊大蔥呀，好juicy 好甜，為呢個雞肉串加左好多分▫️燒帆立貝 & 燒牛舌厚燒牛舌一向係我的最愛，厚得黎唔韌，燒汁甜甜地，好滋味。帆立貝保留好多肉汁，燒到啱啱好，唔過火▫️滑蛋吉列豬柳飯同平時餵開嘅滑蛋豬唔同。吉豬皮脆，加埋秘制汁，酸酸地，咸咸地，食極都唔膩。飯又粒粒分明，有少少咬口，食晒成碗都唔覺甜品食埋雪糕就好完滿喇！芝麻雪糕同埋薑汁豆腐雪糕…Read More

放工練下車，揸去科學園順便食埋晚餐。泊完車上黎見到呢間餐廳環境舒服，一於試試法包配白色鯷魚沙律醬法包皮脆內軟，唔係搽普通牛油，而係配搭鯷魚沙律醬，味道好特別。一入口少少咸味，食落有啲油香，好醒胃白酒煮新鮮青口嘩！咁滑嘅，好正呀！好少食到新鮮青口，原來係咁滑架。青口肥美，白酒帶出鮮味，食慾大增呀小龍蝦牛油果沙律沙律菜好新鮮脆口，小龍蝦配埋牛油果醬同埋洋蔥粒，鮮得黎有微辣，準備食主菜喇香烤澳洲西冷牛扒配薯條牛扒外皮燒到脆身，仲有淡淡嘅焦香味。牛扒熟度剛好，保留到肉汁得黎又唔韌，仲幾嫩同juicy 添。作為配菜嘅燒翠玉瓜都好搶鏡，一咬落去爆汁咁滯，食完牛扒食返啲蔬菜平衡返香煎三文魚配提子莎莎、意大利青瓜及燒新薯三文魚皮脆肉嫩，配埋提子莎莎好新鮮，甜甜地酸酸地，又有汁，同三文魚一齊食就好正，乾濕並重，又唔膩。燒新薯口感特別，吸引我食晒成碟雜莓蛋糕配雲尼拿雪糕見到一點點雲尼拿籽，好香滑，甜度適中。酸酸地嘅雜莓加埋軟熟嘅蛋糕，味道好平衡，口感亦好豐富，有硬有軟。為晚餐畫上完滿句號，好滿足呀…Read More

放工去旺角買啲野，約埋朋友食餐飯，一齊試新野Moules Marinieres白酒忌廉汁煮青口來自智利既青口，配上濃厚身的忌廉，好有咬口，淡淡酒味，更能帶出鮮味。蒜蓉麪包，點忌廉酒汁食好正Pan-Seared Spanish Octopus香煎西班牙八爪魚足鬚嘩，好粗壯嘅八爪魚足鬚，好淋，又唔韌。原來係要慢煮完再煎返香，果然慢工出細貨。Catch of the Day香煎原條彩虹鱒魚係三文魚嘅朋友，但比三文魚香啲。店員介紹原來彩虹鱒魚係來自北美洲太平洋沿岸，生存條件要求高，屬嬌貴魚種。魚身一側有一條彩虹樣的痕跡，好靚呀BBQ Pork Salty Egg Risotto叉燒咸蛋意大利飯好有特色嘅fusion 炒飯。慢煮叉燒，咸蛋完美融入炒飯中。肥得黎好好味呀！意大利經典提拉米蘇即叫即造，用Mascarpone Cream加冧酒、咖啡蘸手指餅，手指餅仲脆脆地。蛋糕吸晒啲咖啡同酒，一咬落去，好濃郁嘅漂香。好完滿呀…Read More

前陣子太忙，未同老公慶祝父親節，上星期補祝，食老公最喜歡嘅日本菜特製黑松露炙燒平目魚邊沙律一放喺枱就聞到好香嘅黑松露味，食落菜好新鮮，沙律汁嘅酸度啱啱好，好醒胃呀。平目魚邊好嫩，油香味同沙律汁好平衡蒜片煎厚切牛舌條脷好肥美，生熟度剛好，咬落爽口彈牙，有牛香味漁獲浜燒盛合（珍寶大蝦、松葉蟹腳、西班牙石蠔、帆立貝、鮑魚）蠔：輕輕燒過，好肥厚，好creamy，淡淡嘅海水味帶出香濃嘅蠔味蟹腳：香味撲鼻，唔洗點醬就咁食，海水嘅咸味帶出蟹香珍寶大蝦：蝦肉爽口，點少少辛辣味噌好match牛油燒帆立貝：肉質嫩滑，略帶甜味嘅汁配合埋帆立貝嘅鮮甜，口腔充斥住牛油香同煙薰香味芝士帆立貝：芝士味濃，仲有得玩拉絲添。食落芝士嘅煙韌同嫩滑嘅帆立貝係好過癮嘅蟹肉海膽炒飯啖啖都有蟹肉，毫不吝嗇，加埋海膽嘅鮮味，令炒飯更多層次唐揚炸雞一咬「咔咯」外皮好脆，肉質仍然juicy，調味剛剛好冷蕎麥麵麵汁加啲薑蓉，以沾麵嘅方式食，好香好味黑麥味蛋卷淡淡嘅麥香+焦糖味，係個好mild 嘅甜品朱古力窩夫望落以為係脆，一食原來係煙韌版嘅窩夫，好有趣。朱古力唔會過甜食完甜品，為呢餐畫上完美嘅句號P.S. 最好book 定位，我地星期二晚去都坐滿晒…Read More

晏晝同朋友約咗一齊食飯，朋友介紹一間私房菜話好好食，所以我哋一齊上去試一試。餐廳座位都幾寬敞，唔似一般中菜酒樓咁逼夾，我哋見到一個四人套餐，都幾fit老火靚湯：湯完全冇味精，飲起上嚟有一種家的感覺，非常好飲。酥炸茄子：茄子被薄薄嘅蛋黃漿包裹住，炸嘅火喉控制可以話係大師級，完全保留到茄子新鮮而有汁滲出嚟。冰鎮鮑魚：名貴就唔駛講，鮑魚煮得稔但亦不失煙韌爽口嘅感覺，最重要就係佢秘製醬汁，完全帶出鮑魚新鮮嘅味道。由於係冰鎮，食起上嚟非常清新。子薑配流心皮蛋：皮蛋有別於一般黑色嘅賣相，仔細睇起上嚟係啡色一層嘅，皮蛋味濃。如果同子薑一併放進口，好容易清除皮蛋濃烈嘅味道。秘製豬肋骨：問咗老闆，呢味餸用咗陳皮醃製，味道非常特別而且超級好味， 酸酸甜甜，加上以炸嘅形式，烹調功夫可見一班。肉質方面，豬肋骨有些油脂，食落爽口有溶化嘅感覺，但煮得好稔，非常滿足。頭抽豉油雞：用上玫瑰露去煮，雞肉新鮮嫩滑，呢度菜可以話係我咁耐以來食嘅豉油雞當中數一數二嘅菜式。釀鯪魚：雖然呢度菜唔係一啲名貴菜式，但絕對係用心之作。師父將打好嘅鯪魚肉，釀入原條魚之內，再經香煎以達致皮脆嘅感覺。咁樣嘅食法啖啖肉，冇晒食到魚骨嘅煩惱。上湯浸菜心：菜心新鮮，冇苦味。上湯浸煮後，菜心吸收哂上湯嘅味。炸鮮奶：外面炸到金黃色，十分香脆；內裏仍保持流心狀態，值得一讚腐竹薏仁糖水：養生有益嘅糖水，個個都啱，仲要好食，而且煲到d 料爆哂，用心程度值得嘉許。呢間餐廳真係值得再嚟，性價比高！…Read More

早排朋友介紹九龍城有間用石板燒肉，今日專程揸車去試試，條街唔多車，咁啱可以泊喺附近。糯米釀雞翼賣相飽滿，皮脆肉嫩，入面有啲糯米，微辣開胃小食拼盤辛辣帶子裙邊：甜甜辣辣，好爽口小甜薯：甜得黎好軟滑煙鴨胸：一向都同蜜糖好match芝士薯條配黑松露醬新鮮出爐嘅薯條無得輸，外脆內軟，點埋黑松露醬微酸，令人好想食晒佢櫻花蝦味噌湯嘩，啲櫻花蝦多到吖😆啖啖味噌湯，都有一咋蝦，好香，味噌唔太鹹，飲晒成碗都唔怕澳洲和牛封門柳肉味相對較淡，建議先食。肉質軟冧，有一舊燒耐左都唔韌，點少少燒肉汁好惹味日本九州A4和牛前腿肉肉汁豐富，我地燒到七成熟，有咬口得黎唔會過韌。灑啲黑椒食，香口得黎牛味濃郁日本九州A四和牛三角胸入口即溶呀，有牛嘅油香，不失牛味，配埋自家鹽同少少黑椒，減低油膩感抹茶雪糕有得玩有得食，加啲熱水落抹茶粉，再淋落雪糕上面，好味白桃味梳打+蘋果梳打食燒肉係要飲有汽飲品先gur😆唔太甜，又有果香，最緊要係夠凍…Read More

好耐都唔去一次西灣河，做完野食埋飯先走喇生薑燒黑豚肉丼：飯底好好食，每粒飯都非常飽滿，彈牙得來有飯味，而且吸收咗豚肉嘅肥油，更顯美味。生啤：好有麥味，而且容易入口！日本花魚一夜干：燒咗咁耐，都仍然非常嫩滑，而且仲好香脆，仲略帶鹹香。北海丼：一個好豐富嘅丼飯，有12個款刺身，海膽嘅色澤鮮明，入口溶化，口腔充滿海膽嘅香氣。唐揚日本池魚苗：之前從來都未食過，不過幾配合送酒，而且份量非常多。讚！本鮪壽司盛：呢度啲壽司飯握得唔錯，刺身同壽司飯嘅比例，控制得非常好，而且每一件剌身都各有特色，而且新鮮。…Read More

今日lunch去咗銅鑼灣一間新開嘅餐廳試一試，叫嘢食嘅時候，店員亦用心介紹比目魚沙律比目魚肉質意想不到的嫩滑，而且稍為燒過，能將本身留喺魚嘅油脂稍稍燒出來，更加感受到比目魚的味道。另外用上新鮮嘅沙律，食完完全冇油膩嘅感覺。日本白粟米白粟米真的很少見同食，除咗爽脆同粒粒分明之外，味道真係會令人10分喜歡，佢嘅甜度比普通黃色嘅粟米可以話係高幾倍，絕對稱得上係粟米中嘅極品。松葉蟹肉海膽飯松葉蟹肉新鮮可口，但更重要的是海膽味濃，用料十足，海膽嘅海水咸香充斥左整個口腔，再加上珍珠米一齊炒，一粒一粒而且非常彈牙，口感非常有趣，呢個炒飯一定要再食。聖子都幾大條，用蒜蓉及乾蔥去燒，微辣，感覺似避風塘風味，真心好味。而聖子切成一粒粒，咬落彈牙而且爽口，正！清酒煮蜆蜆肉非常新鮮，肉質且彈牙亦紮實，而用上清酒去煮，帶出淡淡酒香，將蜆肉新鮮嘅感覺昇華至另一層次。日本蛋卷（黑蜜味）甜品一直都係好鍾意食，但呢種蛋卷味道非常特別，蛋卷亦非常鬆軟。香煎鵝肝鵝肝外層煎得非常恰到好處，表皮有點燒焦嘅感覺，但咬落去非常Juicy，啲汁喺口腔入邊濃濃的遊走，原本頗有油脂嘅鵝肝但配搭上一片清新的蘋果肉，將油膩嘅感覺一掃而去，配搭認真唔錯。芫荽炒豚肉鍾意食芫荽嘅朋友，一定鍾意呢一個菜式，芫荽量多之餘配上豚肉嘅方式去炒，爽脆得來又有啖啖肉感，刺激食慾。蘋果梳打蘋果味濃又甜甜地，幫助去除油膩嘅感覺。今日午餐真係勝預期之作，大滿足。…Read More

上星期放假，去東涌行完outlet，竟然發現到之前朋友介紹呢間食天婦羅嘅餐廳，即刻衝左入去。黑豆茶人人有份，可以解油膩。我地叫左兩個餐：車海老軟殼蟹天丼 & 上天丼。車海老軟殼蟹天丼顧名思義除咗有蝦同軟殼蟹之外，仲有魷魚天婦羅餅、荷蘭豆、紫菜同溫泉蛋。車海老爽口彈牙鮮味十足，最大驚喜係魷魚天婦羅餅，酥脆同彈牙口感同時擁有，十分滋味。根據進食教學，食到一半先再溫泉蛋篤穿，蛋汁同白飯撈埋一齊嘅味道真係非常好味。上天丼有白身魚、海老、魷魚天婦羅餅、荷蘭豆、紫菜同溫泉蛋。朋友平時唔鍾意食魚，都覺得呢個好好味，好香好嫩。套餐包埋麵豉湯及前菜，前菜能解油膩嘅漬物。總括嚟講，食物新鮮，質素唔錯，有機會一定會再幫襯。…Read More

晚市開得返夜啲，放工同老公去relax 下行街食飯先餐前整返杯梅酒。唔常飲酒嘅我都覺得好易入口，酸酸甜甜溫泉蛋沙律：烹調時間剛好，溫泉蛋撈埋沙律菜食，為之後品嚐靚肉開開胃鹽燒飛驒牛肩肉：燒一面先，有血水就可反轉，燒到剛好，入口即溶，牛味濃，第一次食咁高級嘅牛咋鹽燒牛舌：超厚，所以要燒到六面都金黃色先食。一咬落去，咦？唔似平時啲牛舌嘅～好爽滑，有牛嘅香味日本豬肩肉：唔騷唔韌，點少少燒汁更帶出豬嘅肉香九洲壺漬牛小排：靚肉在壺中，成條燒熟完再剪開。呢隻醃左嘅肉同之前唔同，多左分咸香冷麵：一咬落去，嘩！彈到咁嘅😆好正呀！可以用爽彈黎形容，仲可以配啲醋食，減低之前食肉嘅油膩感最後仲有個紅豆雪糕添，好rich 嘅紅豆味，咬到粒粒紅豆架…Read More

人生第一次食 omakase，係要食豪啲嘅，揀左25道菜。黎料喇！賀年食品近新年，有黑豆，琥珀合桃，名門卷，栗子，魚仔作為賀年食品牛油慢煮栗子配枝豆栗子好鬆化，充滿牛油香味，最重要係有味得黎唔膩蟹肉水雲沖繩最出名嘅水雲，加醋，酸甜爽口，打開我嘅胃口鮟鱇魚肝蒸到啱啱好熟，口感嫩滑，加左啲酸汁，更帶出果種鮮甜味。完全唔似鵝肝咁油膩白鳥貝即切即食，好爽口鱈魚白只好creamy，食落無怪味，配埋旁邊嘅海帶食口感更豐富。師傅仲話食左對皮膚好添油甘魚薄切師傅稱為沙律汁嘅Wasabi 汁，唔係酸汁，會更清新。魚味好突出，好鮮甜獅魚鮫師傅教，先食一啖皮，食左個香脆感先，試左味先。再喺肉上面吱少少檸檬汁，會有一絲嘅清甜味。又係堅喎！成個味道變化過程真係如師傅所說蜜柑鯛壽司一食落去，咦？有柚子味嘅，好特別呀！愈食個口腔愈有蜜柑香味。用岩鹽取代豉油，更加好味赤貝壽司新鮮到仲識郁架，面頭有少少黃柚子汁，好清新，帶出鮮甜味，爽口九繪魚熟成三至四日，更爽口師傅喺飯入面加左拖羅肉，令到飯黏身啲，又有啲魚油感面頭有三文魚子，一食落去爆開有啲咸味，令到成件事味道好有層次三文魚子湯葉新鮮腐皮，好香濃嘅豆味，可以清一清個口，再繼續食海膽豆腐一啖食晒，海膽嘅鮮甜味衝擊住成個口。豆腐有微微嘅海膽味，再加埋上面嘅海膽同面頭嘅黑魚子，清甜得黎有一點海水咸味牡丹蝦北海道黎架。蝦頭燒過，再將蝦膏攞喺蝦身上。好鮮味呀～～～北海道米崎珍蠔即開即食，超新鮮。上面有醋啫喱，配合埋本身咸味較重嘅蠔，好平衡，鮮味更突出。蠔身爽口肥美北寄貝壽司師傅一攞落黎，北寄貝仲有啲自然收縮，新鮮到吖。食落去sok sok 聲，好正呀花竹蝦即場喺魚缸撈上黎，做左五成熟，爽而滑，仲有鮮甜味脂春魚師傅用火槍燒一燒舊魚，所以有輕微嘅煙薰味。飯入面加左蔥，面頭有少少炸蒜，食落有好少嘅辣味，魚味濃郁吞拿魚油漬海膽卷成舊擺入口，紫海膽味霸佔晒成個口腔，新鮮所以一啲都唔腥。好正呀油甘魚刺身柚子胡椒汁味道啱啱好，帶得出油甘魚嘅鮮味。魚質嫩滑，又厚身，好豐富鮑魚撈蟹膏慢煮鮑魚四個鐘，師傅嘅巧手刀功切到有啲波浪紋，令到鮑魚更爽口同易入口。鮑魚好甜，好香士多啤梨天婦羅好新鮮嘅嘗試，脆脆嘅外皮，一咬，士多啤梨必晒啲汁出黎，好juicy。中間又可以清一清口腔豐富嘅味道拖羅壽司師傅輕輕燒下魚嘅一面，令到魚身有入口即溶嘅感覺。再喺室溫擺多陣，令魚油更加湧出黎，拖羅更有油香面頭係櫻花蝦同金薄，嘩！好高級呀。櫻花蝦脆脆地，配埋creamy 嘅拖羅，正海膽從一大板嘅海膽筆出黎，好！鮮！甜！底下嘅紫菜天婦羅好鬆脆香箱蟹係雌性松葉蟹，全部都係蟹肉黎架，撈埋蟹籽同蟹膏，脆卜卜，仲有啲醋啫喱，好平衡蛋布甸淡淡嘅甜味，仲有啲酒香味，好滑身，好creamy舞茸菇年糕湯有種好特別嘅香味，食左一輪壽司刺身，臨尾飲返碗熱湯，好完滿哈蜜瓜一咬落去爆汁😛好juicy 好香甜第一次食omakase，有得食之餘仲可以同師傅傾計，師傅分享左好多做日本菜嘅心得，好喜歡呢個體驗…Read More

聖誕前同家人去食餐好嘅，揀左好有氣氛嘅金鷺湖。一泊好車就見到好多聖誕裝飾，有幾個大聖誕老人喺屋頂，週邊啲燈飾好靚，打卡一流胡麻醬雞絲粉皮粉皮同出面食嘅唔同。佢係一條攣攣地嘅狀態，可以卷晒啲麻醬，好正！好夠凍，一食就醒神晒，為之後嘅美食做準備菜膽竹笙燉花菇好清嘅燉湯，完全唔覺有味精。好香嘅花菇味，清清地醒下胃，又暖笠笠金不換三杯汁鱈魚鱈魚皮脆肉嫩，個汁好香嘅金不換香味，同個魚配合得好和諧蜜餞欖角脆香骨我最鍾意呢種甜甜嘅味道，脆香骨真係做到脆香，但入面好有肉汁，又唔「鞋」，好啱送飯呀羊肚菌紅燒豆腐煲好惹味嘅豆腐煲，配菜同主角都好食，成煲清晒。羊肚菌係珍貴食材黎架，咁樣食都幾特別，有種淡淡香味薑蔥花膠燴生麵簡單嘅薑蔥燴生麵係最能試出餐廳嘅質素，麵質口感適中，醬汁唔會太濃變得好膩，清清地，啱晒最後畫個句號。每個服務員都細心招待，我地有個bb 一齊去，佢地都好體貼安排擺放bb 車等用品…Read More

喺青衣城shopping肚餓，見到呢間有個海鮮芝士火鍋，心動要試。原來呢個芝士火鍋只係出左一個星期。套餐可以加錢配龍蝦湯，個湯好濃，有正宗龍蝦湯會有嘅苦澀味。凱撒沙律，沙律醬量適中，撈得好均勻，呢樣值得加分。重點來了，芝士火鍋！等芝士滾嘅時候可以就咁食住啲麵包粒先，無論點唔點芝士都好好食。海鮮芝士火鍋重頭戲當然係海鮮，擺明有心思。啲蝦好爽口，點左芝士嘅味道好特別。其他海鮮同芝士都好正，最有驚喜係青口，好鮮。除左海鮮仲有少少蔬菜同貝殼粉，個人認為食晒全部野再將貝殼粉同菜倒落芝士撈埋食。食完主菜食甜品，炮芙就套餐有嘅，我哋再加錢加一個心太軟。心太軟熱辣辣，一切開朱古力流出嚟，視覺好滿足飲品方面揀咗榛子朱古力，食完心太軟朱古力味仲留喺口，飲多杯朱古力當堂覺得更飽肚，而且味道都好好飲。…Read More

拍拖好去處。日式風格裝修，可以慢慢坐，慢慢傾計，令人舒服。食物方面，份量又好足夠。過程中仲會幫你換碟，唔會因爲d竹籤，醬油搞到好尷尬。日本唐揚池魚仔作為前菜，一點也不油膩。應該有啲炸完之後好好吸好d油。微脆，唔會炸到好乾身同熱氣，魚既大細適中，可以一口食左佢。醬汁方面：經典嘅日式沙律醬刺身壽司甜蝦：好大隻同新鮮，唔腥。呢個唔係一個低嘅要求，因為食過好多間日本餐廳唔係真係間間都可以做到咁新鮮。師傅仲好貼心咁幫我隻蝦搣埋個蝦殼個尾, 等我可以一啖入口，平日既我成日都唔知食蝦先定食飯先，衣家可以一次食哂2樣野。三文魚子：咬左好耐都未爆哂，微微既鹹味，唔腥，係幸福既感覺。係香港都可以享用好似係日本食既新鮮火炙剌身壽司第一次見咁厚嘅三文魚炙燒，都係果句令人好有滿足感。亦都有平時少食既食材，炙燒A5和牛,好鮮味同牛味，大推！另外值得一提，個日本飯好特別，用左赤醋去調，令食落去既時候口感順滑，亦都冇咗平時食壽司醋嗰種酸味燒白鱔串好有魚味，再加上檸檬嘅香味。魚肉唔會過熟啱啱好，又有啲脂肪，所以入口有唔同嘅口感同埋味道好有層次。另外，魚皮燒得啱啱好，有啲脆，但又保留皮本身嘅煙韌，作為懶人最開心係冇骨日本田米茄子豚肉串來自日本既迷你茄子，配豚肉和特製醬油，加上廚師的燒烤技巧，好好咁鎖住左d茄子既鮮味，唔會燒到太冧，有咬口。上面既木魚絲仲彈來彈，令人好有食慾，也沒有邪惡感，因為係蔬菜。脆焦糖無花果串面有一啲嘅焦糖，有少許嘅甜味，同無花果嘅少少酸味好match。入口微暖，估唔到無花果都可以整得咁好食餐廳環境：佢嘅隔膜用咗好傳統日式嘅簾子，同餐廳嘅氣氛好夾。達到防疫要求之餘，又可以製造私隱嘅感覺，若隱若現，唔會令你覺得望到隔離好尷尬。更加令你好似去咗旅行咁樣，暫時忘記咗依兩年因為疫情好多餐廳都加晒膠板果種唔舒服嘅感覺飲品方面：生啤酒，好fresh，冇咩苦澀味，易入口，配住魚生串物食，讚…Read More

今日同朋友去完大館，喺附近見到呢間好有現代風格既台式餐廳。唔單止裝潢好靚，吸引好多人打卡影相，菜單款式亦都好廣泛，不論係經典溏心蛋滷肉飯，或者係創新既奶奶麻糬，都極具台式風味既菜式。我哋兩個人叫左招牌牛肉麵、溏心蛋滷肉飯、台式肉鬆榨菜蛋餅、同埋甜品：奶奶麻糬。喺呢個咁舒適嘅環境，真係食到唔願走呀，可惜歡樂嘅時光只得90分鐘特別推介一下招牌牛肉麵，麵款可以根據自己嘅喜好選擇刀削麵或者粉絲，湯底濃郁又唔重味精味，我揀左刀削麵好有咬口，麵條條條分明唔會碎哂。台式肉鬆榨菜蛋餅淨係賣相已經好吸引，肉鬆嘅甜味平衡返榨菜嘅咸味。加埋面頭嘅醬汁，令到肉鬆蛋餅唔會好乾至於奶奶麻糬，係我第一次嘗試，麻糬既奶味濃度剛好適中，質感軟軟地又帶點煙韌，好特別，建議一試。“What happens in Taipei, stays in Taipei.”…Read More