croissant1013's Profile

點解又係啲咁難食嘅餐廳仲有咁多人排隊？？好耐以前食過本身啲quality係OK嘅。越嚟越差，人手唔夠，搞到啲店員服務態度又唔好。啲嘢食大部份都唔好食。廚師好似冇調過味咁🤡🤡🤡🤡 最好食係薯條，熱辣辣嘅，但啲醬又係奇奇怪怪….本身落order嗰陣，明明話有蛋糕送（當時做緊promotion）check晒身份證，以為佢會幫我落單。點知到送嗰陣又話冇。跟住問第二個店員佢又要check多次身份證。唔知想點。真係好想食呢間嘢嘅話，建議晏晝去。夜晚根本唔夠人手serve…Read More

本身係朋友介紹，以為好好食，但感覺一般。portion 係幾大。最好食係beef ribs，同tiramisu。其他一般，甚至唔好食。對pizza 最失望，雖然佢好大塊，但冇芝士同番茄醬味，搞到成個pizza一d 都唔香，最香係上面塊豬皮…risotto 唔似risotto, 似番茄飯… d 海鮮係好原始嘅味道，個人唔係好鍾意。tiramisu 係幾出色，而且生日會幫你寫字。餐廳裝修係幾靚，服務員態度都幾好（15%service charge..）如果係為咗pizza而食，建議唔好嚟……Read More

諗住有消費券就嚟試吓新開嘅泰國餐廳。唔知點解覺得坑口特別多伏嘢，但佢講到話米之蓮推介乜乜乜，就對佢期望高咗啲。總共食咗四樣嘢，全部都好普通🙃甚至係難食。冬陰功味道中規中矩，但係落咗好多辣油（明明話係小辣），飲落去就係死辣，搞到我同屋企人飲完之後都胃痛😇😇😇鮮菠蘿炒飯，第一次見泰式炒飯要自己組裝💩，唔通呢度係IKXX?啲材料擺晒係側邊唔知做乜，要自己撈勻先食，根本就唔係炒飯。個飯一啲味都冇，仲要炒到一pat pat🤮🤢，唔係粒粒分明無骨海南雞飯，超級普通，啲雞又唔係特別好食， 性價比低。燒豬頸肉炒金邊粉，成餐唯一最好食嘅嘢係燒豬頸肉，雖然冇乜豬肉味，但有啲人可能會鍾意。啲金邊粉咬落去好似有啲生嘅感覺。總之就係性價比低，裝修係幾靚嘅😂最後埋單居然淨係可以俾現金同碌卡，錯晒🫠…Read More

屋企人生日見食評唔錯所以就嚟咗呢間，本身對將軍澳嘅餐廳冇乜期望，但居然幾好食😋😋個platter樣樣嘢都好好食👍🏻👍🏻👍🏻👍🏻牛扒亦都唔錯，個燒蒜頭好香而且口感好creamy，薯條炸得好香脆👍🏻個鴨腿就稍為乾咗啲，但都OK，最好食係隔離啲肉桂蘋果🤣龍蝦反而冇乜特別，但啲粉整得幾好食。蕎麥薄餅我個人幾鍾意食，不過屋企人就覺得麻麻地，佢個餅似文字燒嗰種，半生熟咁樣（？）口感食落去會係軟林林個人最推薦嘅main dish 都係牛扒👍🏻甜品叫咗三樣，橙酒可麗餅最好食，好香嘅橙味，配上雲呢拿雪糕真係好夾，其次就係個梨蛋糕，一樣咁香, 而且唔係好甜😃👍🏻最失望係個士多啤梨Tiramisu，似蛋糕多啲，有啲普通。不過訂位嗰陣備注咗係生日，居然寫咗Happy birthday同放咗支蠟燭🎂👍🏻👍🏻有啲surprise🤣🤣Btw, 服務員質素好好👍🏻👍🏻👍🏻👍🏻…Read More

諗住生日過嚟試吓新嘢，點知又係伏….點解坑口咁多伏嘅餐廳…..第一樣食嘅嘢亦都係最難食嘅嘢係柚子沙律，唔知點解要落啲蒸魚豉油落個柚子度，懷疑個廚師係中廚… 個炒飯又係完全冇泰式嘅味道食材其實本身係靚嘅，喺廚房唔識整，搞到完全冇泰式嘢食嘅味🙃唯一覺得有返啲泰國嘢味嘅係個冬陰公，蝦餅都幾好味👍🏻個咖喱蟹冇咖喱味，啲汁一patpat 咁，好似以前學校飯嗰啲汁🤢不過蟹係幾好食，又係全靠食材救返起碟餸😇甜品以為唔會出錯，點知俾咗嚿好難食嘅藥水味大菜糕，嚇親🙂真係好想試嘅話建議淨係叫個蝦餅同冬陰功，其他不了…Read More

見咁多人排隊食應該冇死，點知係個伏。咁嘅價錢食啲咁嘅嘢真係覺得好唔抵😓啲嘢辣到死，味道一般般。個炒貴叼得個貴字，其實就係一般嘅炒河，完全唔係馬來西亞食到嘅味道。最好食係個老鼠粉，不過都係好辣。杯拉茶28蚊，得嗰一啖😐，味道正常。最難食係個排骨山，啲骨完全冇味，淋啲醬上去又當一碟嘢，不過捧出嚟嗰吓真係好壯觀，超級大碟。嗌咗六樣嘢，total $605🤢冇下次唔明點解可以咁多人排隊，可能我哋嗌錯嘢啦。…Read More