or#tm67578225's Profile

外賣一碗蛋白杏仁茶，食第一啖已懷疑🤔人生，甜品點解係咸嘅？ 冇杏仁味，好似食蛋白糊，未食過咁難食嘅糖水。係一d杏仁味，甜味都冇呀。 點呀甜品店，唔好浪費食客個胃部quota啦！！…Read More

一行五人星期一晚7點食birthday dinner, 選擇呢間餐廳係見OpenRice食評正面都多。不過，反差實在太大🥲。開始點餐，👽男店員先說呢個呢個呢個呢個⋯冇🧐：好多冇喎？冇辦法都座低左，都努力揀啦， 我要呢個呢個呢個⋯👽都話左冇囉🧐唔好意思，咁多野冇真係記唔到😂。 嘩🤯店員衰到呢⋯！算數，快啲食完去第二間食過。想要杯有酒精飲品，👽店員竟然話今日吧枱冇開，朋友話咁我要呢杯啊👽店員話睇吓沖唔沖到先，都應該沖到嘅。餐牌寫明套餐及單點項目可以一蚊換生蠔，朋友想點生蠔，👽店員話你哋叫套餐係唔可以😑朋友指着餐牌說你們這樣寫喎👽店員說今日唔夠貨，所以套餐唔俾加😂😂😂😂最後大家用最快時間食完，因為不想久留。最後五個人是但食咗大約四碟嘢埋單900多元，唔係唔想點嘢食，而係叫咩冇咩。臨走嘅時候呢個👽男店員竟然講我地快閃黨。埋單嘅朋友忍唔住同收錢又類似老闆嘅人講，其實你哋叫咩冇咩，呢個類似老闆嘅物體竟然回應換緊餐牌所以好多嘢都冇。換餐牌不如先關門吧！食物好味與否？不予評論，因為滿肚氣。隔籬枱一對情侶👫一坐低同樣是我們的反應，吓呢樣冇嗰樣冇，仲投訴食物味道差！…Read More

這個位置原本係拉麵店，但印象不足半年已經執笠，換來呢一間雲南風味米線，果然香港人好喜歡食米線，午膳時間都客似雲來，原來味道都有返咁上下，本人食2:30下午茶， 下午茶附送小食及飲品。非常經濟實惠！酸辣湯底味道恰到好處，芽菜韭菜蔥芫荽配料好豐富，口水雞，雞肉爽滑汁料惹味。…Read More

星期五晚，一行5人，7時入席。到達才知限時2小時。 如果訂座時知係限時，必定轉場！8點前cocktail mocktail 啤酒有7折。 我哋叫左一個600g牛扒有紅酒送，紅酒都不錯，其他食物都可以，反而餐廳signature 牛骨髓冇咩味，唔好食。 邊飲邊食，至少飲咗兩round,到8:30未夠飽再加份豬鞍扒。8:45waitress 叫我哋埋單，但我哋話叫左食物未到，佢即時面有難色。我哋都冇理佢。因為門外只得唔得3-4個客等位，同埋扒房飲酒🍻吹水，限時極不合理。 呢啲咪就係趕走香港人嘅餐廳如果冇限時間係會再黎，但限時就一定冇回頭啦！ 最後埋單$2200，我哋都應該唔算好cheeap啫😀！ …Read More

一行4人叫左兩個套餐，$2188及$1388。 有龍蝦🦞鮑魚、鹅肝、牛扒、銀雪魚⋯⋯ 食材好新鮮，龍蝦係西澳龍，師傅手勢好好整得好好食，醬也不用點已夠好味，鮑魚用南菲鮑夠林又鮮甜，鹅肝大大件厚切👍。牛扒🥩高級貨，入口即溶。 餐館已私房型式運作，要食必須預訂，所以海鮮係即日入貨，保證新鮮。 …Read More

星期六約1:30到訪這店，點了雞粥配蝦米腸跟熱飲午餐，再點了雲吞麵配湯餐，雞粥好食，好多雞，而且雞好滑，又醃咸左，整體係水準以上； 雲吞麵就失望d,雲吞豬肉多不太爽口，湯底及麵都沒有特別，而且唔夠熱！當日例湯係霸王花湯，好多材料，但整碗湯比較油膩。食物基本係合格嘅。但店內嘅管理十分之差，收銀位置嘅店員由我們坐下進餐到離開，總是不停吵吵鬧鬧，整間舖比街市更嘈，她理應是好勤力，而且好落力嘅員工，但情緒似乎有點over, 她不停放聲指責其他同事，在進食過程中更目睹，因為她沒有守好自己收銀位，而放走了一枱未付款嘅客人。 好明白飲食業真係好難請人！…Read More

尖沙咀食午餐$60起跳預左啦，午餐燒鵝撈麵$68都合理，加凍飲$5，都係預期價錢。呢度招牌鵝油撈麵睇佢介紹似係必食項目，朋友說燒鵝味道OK幾香炭火味，但上到枱發現燒鵝根本搵唔到幾多肉，反轉睇吓🧐得皮同骨，只係緊緊搵到兩粒肉，極之失望。撈麵只係正常一碗偏鹹同油嘅麵冇乜特別，鵝係凍嘅，咬落一口都係油，都係偏鹹，因為上枱嘅全是鵝背同骨，夠晒入味特別鹹啦，緊緊搵到兩粒肉、味道還可以嘅，總括而言不會再光顧了！…Read More

中午行過見冇人，試吓啦！點左一個炎餐，一個唔記得名，係有三種肉嘅，午餐包飯同湯。肉類係價錢合理期望嘅質素，可以嘅！但可能本人食開韓燒，喜歡有多款免費蔬菜配菜提供，這間加生菜🥬$18份，所以只食肉同飯感覺單調！ 埋單$380！應該冇下次，因為個爐具好有問題，得一邊有火，食物要靠埋一邊先燒熟，爐版損耗穿咗窿，跌咗舊雞落去😞！其實真心不爽！我未試過食燒烤會咁！佢哋話午市限時70分鐘，晚市90分鐘！ 午市冇人食，我諗唔會趕客嘅！但咁多限制🚫就食第二間free d! 同埋揾間唔會燒到走雞嘅店！…Read More

多年冇食，水準依然高，葡國雞嫩滑入味配以葡國臘腸，甘香可口，葡式紅豆炆豬手第二度真係食唔到，葡國炆豬手嘅特色會伴有豬耳真係超好味呀，青菜薯蓉湯比起其他葡國餐廳更濃郁可口，沙甸魚更是肥美甘香，三個人連埋蒸餾水一共800多元，但其實5人都夠食，呢個質素同份量確實超值！餐廳侍應招呼一流，老闆識講流利廣東話，同樣招呼周到，希望餐廳能夠保持水準長食長有啦…Read More

星期六下午四時左右路過見到呢間咖啡店，門前寫着米芝蓮推介，店員努力推銷下午茶，買甜品送飲品優惠，一行三人嘆個下午茶，我哋點咗法式焦糖燉蛋，紫薯窩夫，菠蘿金寶脆脆。要咗兩杯咖啡同埋一杯鮮奶咖啡。甜品法式焦糖燉蛋唔夠滑兼冇雲呢拿味，完全係唔合格嘅。其餘兩個甜品紫薯窩夫新鮮熱辣，味道不錯，值得推介，菠蘿金寶脆脆味道吸引，同樣值得推介。說到飲品了，咖啡係完全冇咖啡香味嘅，所以總括而言甜品大致可以一試，如果配埋杯香濃咖啡就更好，咖啡確實有待改善。…Read More

呢間係我食車仔麵首選，感覺親切！必食豬豬腸、白蘿蔔、冬菇！其實中有好多餸都想食🤤 千色車仔麵係最舊式櫃台叫麵㨂餸，即時自己拎埋位，冇伙記幫你架，不過人哋又冇收加一服務費😅！但叫餸要講大聲d!因為櫃台內可能因為爐具及抽氣扇開著，姐姐都會大聲問食咩？初初覺得佢地惡，但諗諗吓帶住口罩，咀形都冇得估，聽唔到就唔出奇嘅！…Read More

未見過食店可以地面滑捋捋！行上層更恐怖😱，樓梯更滑，睇住一個女仔滑在地上。黎呢樹食飯，先要接受污糟！地面多年都係咁，可能諗住做街坊生意，街坊接受到就得，但都要安全丫，個個客著安全街黎食飯咩？…Read More

一入到餐廳，職員介紹vip房最低消費$1488+10%，唔使坐大廳，我哋5人點都夠數啦！房間夠6人座，舒適乾淨。老闆話vip房可以打牌添，4點就可以打，食飯直落到零晨我哋食火鍋，食物都好新鮮，試左麻辣湯底，牛脛脊，黑豚肉，四寶丸，餃子⋯湯底較咸，冇麻辣，不過食完冇口渴！老闆話唔火鍋可以食小菜，聲稱小菜都好掂！呢樹飯聚下次可以試吓小菜。 另外，職員叫我哋like佢社交平台 有小食送俾我哋— 椒鹽粟米，係好食嘅，不過唔夠熱！ …Read More