牛皇妹's Profile

尋晚同一大班同事去深水埗食飯，去到先知原來目的地係大排檔，真係唔去唔知深水埗仲有呢啲咁有特色的大排檔 現場所見都幾熱鬧，座位有八九成滿，但上菜都算幾快，絕對無怠慢!成晚的主題係海鮮，同事一早同店主預訂左啲海鮮，樣樣新鮮，其中最抵讚的有炸桶蠔、魚標煲、特大蟶子﹑花竹蝦同椒鹽瀨尿蝦，夠鮮味，隻隻都夠大隻!食完大家唔夠喉仲即場加餸，有豉油皇吊桶(嫩)、蝦仁炒蛋(滑)、魚腸蒸蛋、黑椒薯仔牛柳粒(香)、雞煲(惹味)等，店主特意介紹黑椒薯仔牛柳粒的薯仔要先經蒸煮、再炸、最後才爆炒，我地個個都好愛不釋手食完飯店主仲百忙中抽左啲時間幫我地影多好多張團體相，好有耐性，可能老店真係零舍有人情味，製作食物又夠用心，大家都好滿意呢餐，多謝飯店比左個咁愉快的晚上我地!!…Read More

咁o岩行過見到開左間新野,又幾多人排隊買蛋撻,見到佢D蛋撻又係咁出爐,於是又排埋一份試下D蛋撻係咪真係咁好食~由於係新鮮出爐,個皮都幾鬆幾易碎,而蛋漿都幾滑,不過唔係好夠濃味唔知係咪我本身喜歡食酥皮蛋撻多D,我覺得我屋企樓下$2.5一個的仲好食~…Read More

前幾日行行下朗豪坊見餓就入左呢間紅蔥頭食dinner~我地叫左個2人set din,($188+10%)個set有兩個湯,羅宋湯味道幾好比平時飲開的濃,忌廉湯一般but唔膩,青口都ok,餐入面其中一個主菜係牛扒(唔記得叫咩名堂),7成熟,個牛好好味,真係剛好7成肉有少少紅,入口即溶,個汁都幾得意,另一個主菜煙鴨胸天使麵,感覺一般,因為D注意力已經o係晒個牛度!最後有兩杯飲品同送左件黑森林蛋糕,呢兩樣野不過不失啦暗區每張枱點有蠟燭,幾o岩情侶架(早知我食之前上來look look啦~家陣有優惠劵呀)…Read More

成日經過佢門口大大個牌介紹D三文魚子,於是忍唔住尋晚走入去試~由於見間餐廳應該唔平得去邊,所以我同朋友都食左個包打定底先入去食,一共order左8碟壽司:三文魚x2, 三文魚子, 海膽+拖羅, 黑松露墨魚,北極貝, 鰻魚 同 和牛(4小件裝)最值得一提的是個三文魚子,甜得來很甘香,一D都唔會腥,而且很挺身唔會林滋滋D魚子仲多到跌落黎~一人食一件已經足夠,如果唔係會幾膩~另外三文魚其實都唔錯,係店內最平的壽司,12蚊碟,仲係厚切長身添,個海膽同鰻魚都唔錯架~不過大家如果唔係愛好蒜頭同洋蔥的人千祈咪試4小件裝的和牛壽司~!和牛係呢餐的敗筆... 其他都好好不過個waitress奇怪左少少,叫佢埋買佢居然企定定o係度唔識郁...哈…Read More