Queenio_foodie's Profile

This is the second time visiting Seoul Noodles. This time ordered a combo for two set, with chicken noodles and pork bone spicy rice. The set looks nice, and the food was servicing hot. The taste was good too! You can request for extra kimchi if not enough. Its a good restaurant worths to be visited.…Read More

平時銅鑼灣行街都會經過呢間餐廳，見裝修好特別不過久久未試，終於有日約左同事食lunch。餐廳lunch menu都多選擇。今次就揀左滋味套餐入面既雜錦牛肉湯河，配一個小食及一杯餐飲。只要加少少錢就可以選擇升級小食/轉指定特飲。雜錦牛肉湯整體不過不失，正常味道又未去到好好食。反而小食香茅銀魚露醃製雞翼配秘製桔仔汁就有驚氣！雞翼酥脆熱辣辣，汁帶酸，如果再多點汁就好啦～ 野飲叫左跟餐既茉莉綠茶，茉莉味略欠。餐廳既價錢偏貴，勝在可以openrice訂餐。環境有民族特色，想約朋友傾計加用餐都係一個好選擇，餐廳不會太嘈吵。…Read More

呢間餐廳一向都好受歡迎，如果遲過12:30pm到達就要排隊等位了。是日我同同事係12:30pm前到達，於是就避過左排隊等位呢一個環節。以食日本菜黎講，餐廳既lunch menu價錢都相宜，個人覺得仲係性價比高。我叫了鯖魚定食，同事就叫左個刺身定食（不太記得餐名）。我們都選了刺身作前菜，隨餐送一碗麵豉湯。前菜刺身共有6片，有三文魚、帶子及甜蝦，食落真係超級新鮮，有自然刺身的鮮甜感。至於鯖魚餐，鯖魚算肥厚，加點檸檬汁，沾上隨碟的醬汁真係好開胃！同事的刺身飯餐，相信刺身都不會差，隨餐仲有一碗小烏冬，感覺好滿足。整體我們都食得好開心 …Read More

懶得覓食的我，最理想就係同行的朋友可以幫忙搵野食，所以今次中午飯都係由貼心的同事預先搜尋的。Lunch menu set有若干選擇，都是沙律/湯+主食+飲品。我們不約而同點了沙律前菜同比目魚作主菜。沙律味道不過不失，可能因為有西柚緣故食完很開胃。到主菜上場了！魚煎得頗脆口，切開時熱氣從魚肉緩緩升起，可見是即煎，如果可以無咁燶就好了。魚配上底下creamy的醬同薯蓉，整體好好食。份量不算多，但一般女孩子都應該夠食。最後我們叫了一人一個月球tiramisu做甜品。上碟時真係覺得好有趣，tiramisu藏在圓滾滾的月球內。別小看這個月球啊，都有返一定重量，不過係唔食得既。影完相之後就忍唔住要動口試食啦～雖然不是令人驚艷的味道，不過都好好食，一不小心就成個清曬，為是日午餐畫上完美的句號。再一次引證，女孩子果然仲有一個甜品胃如果想靜靜地食lunch，這間餐廳都係一個不錯的選擇。…Read More

同屋企人行希慎覓食，無意中發現新開張的酸菜魚店，湊巧店名又與其中一個家庭成員同姓，就決定試下。我地叫左一個2人份量的酸菜魚，加左寬粉做麵底；仲有臘味炒飯（不太記得菜式名）、拍青瓜、紅糖糍粑及烏龍茶冰粉。係香港食既酸菜魚好多都一般，食完難以留下深刻印象，不過呢間既酸菜魚味道很好，魚片滑之餘酸菜好多，喜歡食酸菜的人一定會雙眼發光呢！當然魚的份量也不少，若果可以做到上菜時熱辣辣就更加好。糍粑入口脆身軟糯，如果點了辣度較強的酸菜魚/水煮魚，解辣一流；拍青瓜則正常味道；臘味炒飯味道好住家感覺，無食錯應該加左梅菜去炒，頗特別而開胃。店員都好細心，會留意用餐進度將烏龍茶冰粉後上。用烏龍茶做的冰粉味道很新鮮，食完還有點解膩的感覺。整餐覺得食物質素都在預期之上。可能因為新開張，所以未見座無虛席的情況，希望第日再黎時會見到客似雲來啦～ …Read More

係幾次朋友聚會到試過180 Popcorn之後一試難忘，可惜返工同居住地方附近都無分店。難得入左旺角，於是專登搵旺角分店買d返屋企。雖然未試曬所有味，但係比較鍾情焦糖味爆谷。令本人一試停唔到口之處，就係呢間既爆谷粒粒都好硬身入味，焦糖coating並不吝嗇。今次買仲咁岩買到鮮製的爆谷，真係好開心～～～遇著買一送一優惠，於是買左罐細的焦糖爆谷加送送一包焦糖爆谷（可以揀指定兩隻味道），可以返屋企wfh/煲劇時盡情享受😎…Read More

知道睿海御宴已開業一段時間，不過疫情關係所以一直未試，於是母親節就決定一試。我地叫左個4人餐。套餐有湯、前菜、2款自選菜式、2款自選點心、白飯及糖水。最令我地驚喜的係老火湯。個西洋菜湯真係好濃郁好好飲，肉夠林，係飲左一啖已經覺得是真老火湯。其他食物質素比預期好，勝在食材新鮮，亦見用心製作。價錢方面就算偏高，不過食物質素搭救左，員工服務態度良好。希望睿海御宴可以再有更多顧客認識同光臨，一嘗用心的菜式同點心。…Read More

屋企人最鍾意飲茶，因為可以食唔同點心，飲杯茶傾下計，享受慢活的餐聚。富軒已經唔係第一次光顧。而令我地會間中重訪、甚至成為首選幾間酒樓飲茶的吸引之處就係烏龍茶！富軒烏龍茶飲落有回甘的味道，的確係外面少有。我地嘗試係訪間買唔同的烏龍茶都飲不到這種味:(其點心就不過不失，價錢相宜。我最喜歡係雪山叉燒包（不過是次無點）。可惜是酒樓可能太受歡迎關係顧客好多，感覺員工不夠，偶然出現態度不好的情況。因為有經驗，我地試過下午1點15分拎定下午茶飛，平均要下午2點30分才能入席。若要到此飲茶可能要預留輪候時間了。…Read More

公司取消work from home之後，就要開始回復中午帶飯/揀食咩既返工生活。是日約左幾個同事食飯，其中一個好靚揀餐廳，於是就揀左How to live well。呢間係第一次食，平時行希慎就行得多，無咩留意到4樓有間環境舒服好岩傾計的餐廳。Menu選擇算多，我揀左日本四元豚叉燒（自家製？）、班尼迪蛋同酸種包。驚喜係，叉燒同包之間夾左酸酸地既瓜，感覺好新鮮好好食。叉燒比預料入味夠林😋 麵包更貼心地塗上牛油，整體個餐都好好味。有機會可以再encore。…Read More

行山前揀左係牧羊少年咖啡館食中午。等位等左半小時左右終於可以入席用餐～ 呢到用餐時間為90分鐘。我地揀左一個all day breakfast (有greek yogurt) 同埋長通粉，兩者味道都可以。值得一讚係all day breakfast既蛋炒得好滑，所以係笑住咁食曬野飲方面我地分別叫左cappuccino 同水果茶。Cappuccino 沒什麼特別，正常發揮；可惜水果茶就有點淡，原本諗住會係濃濃的水果茶。咁岩坐位係窗口位，可以一路食一路望下風景，唔錯…Read More

幸好母親節前社交距離措施稍放鬆，疫情亦見回落先敢同屋企人外出用膳，揀左地點前身係稻香的鍾菜館試下。我地book左位，所以唔洗點等就可以直接入座。餐館內的裝修帶中國風，的確幾靚。食物方面整體味道不過不失，但價錢偏貴，點餐時需留意食物的數量以免唔夠享用。是次叫既食物中，覺得叉燒係意外好食，揀選半肥瘦肉之餘都好林身，唯一不足是過甜；另外「流心奶黃老虎包」幾可愛。雖然覺得食物價錢略貴，不過員工服務態度好。好似見有見我地用筷子分野食時會主動幫我地剪開食物，同時收碟都快，係值得一讚之處。…Read More

星期日到太湖飲茶，發現太湖的點心食得出由點心師父親手做，整體都意外地好食。除了點心紙上的點心，有時職員會整盤食物由廚房托出，食物份量有限，食客清盤後就沒有/要再等待新一盤出爐，其中炒麵同迷你菠蘿包就是例子。當日食的點心整體味道滿意：叉燒酥新鮮重牛油味，餡料足；炒麵香口夠乾身；馬拉糕夠鬆軟且不鬆散。比較下，燒賣就略粉。迷你菠蘿包有夠新鮮，不過咬落時皮與包即分離就扣了些分，但餡料特別，不太肯定是否由蓮蓉加豆而成，如遇到出爐可以一試，坊間的確少見這味道的迷你菠蘿包。總括而言，點心食到點心師父心機，員工亦很友善很有記性，會用心去記你的order，故對太湖印象還好。…Read More

同事想食呢間餐廳好耐，於是就相約一齊食個lunch，順便離開公司互吐苦水。午飯時間等左一兩張枱就有位。是次叫了咖哩牛腩配飯（不太記得正式餐名），飲品要另加錢。咖哩有點似日式咖哩，偏甜不過稠度適中，很好送飯！本來以為牛腩只有幾件，但係原來有成6件大大件，肉身並不鞋身，底部更有薯菜，只係食餸都夠飽了。整體味道不錯，係一個好飽肚而性價比算高的午餐。同事就叫了咖哩炸豬扒烏冬，炸豬扒炸得juicy多汁，亦是另一推介。中午時間更免了加一。…Read More

難得入到荃灣，openrice搵酒樓時就搵到呢間似乎係新開的酒樓，於是就試試。一問先知道假日無下午茶的。這次共點了9個點心，一壺鐵觀音及普洱。茶就不過不失，鐵觀音若可再濃一點就更好。至於點心方面，整體都覺得頗為滿意，熱騰騰係好關鍵的一回。特別欣賞的是馬拉糕及叉燒，前者密度高，用手撕開時很有層次，味道偏甜不過很好食；後者並不是半肥瘦叉燒，但是很林很入味，喜歡吃偏瘦叉燒的本人就非常驚喜，起碼不會很鞋又攝牙，而且係厚切！如果可以大碟d就更好～另外炸物類點心都是新鮮炸起，吃不出是翻炸的味道，蘿蔔絲酥卷尤其好食，鬆化得黎蘿蔔絲係燙口的不過流心奶黃包就似乎比一般酒樓的細小，而流沙奶皇餡不算多，整體味道還好。總結：正午時間等位不算耐，食物質素偏高。明白節日人多，樓面同事忙得不可開交，服務態度仍有改善空間。有機會可再encore。…Read More

與同事第一次於嚐·捌食午餐，本來係被test tube沖茶的方式吸引。試過點心後，反覺得食物略有驚喜，2人一致認為可以再encore。我們叫了4樣菜，其中以斑斕千層糕較優勝。千層糕甜度合適，軟軟糯糯，真係幾好味～芝士燒賣就較少見，如果燒賣內亦揉合芝士就更滿足。我們叫了2款茶飲。我飲的是鐵觀音，茶味偏甘，比預期好飲。同事飲的好像是荔枝紅茶，聽到的也是好評。職員的服務態度良好，會主動提議甜品最後上。整體不過不失，期待下次再訪試新點心。…Read More