clt30's Profile

黎親我都係下晏飲茶，第一次係到食晚飯!1. 糖醋煎麵$60 - 我係其他地方食就分都好似pizza咁切開，但佢就界成井字一格格細細塊咁。煎得唔錯，唔會太脆又唔太林，加埋醋同砂糖食，好味!2. 蠔仔肉碎粥(一窩) $70 - 佢另外有得叫一碗($35)，但經理話一碗大約分到2,3碗出黎，而一窩都分到6-8碗出黎。佢好足料，D蠔都大粒，好抵食!3. 鹵水拼盆 $80 - 有蛋、鵝片、豆腐、紅腸、魷魚、鴨肉...不過本人覺得無左豬腸好似爭咁D，雖然一碗野好多料咁，但佢又唔算太大舊或者大塊，普通啦!佢唔收茶錢同加一，所以真係好抵食架!…Read More

陪朋友黎食，因為行過門口見佢好多都係牛什個D，加上聞到都好似好香。叫左碗牛腩米 $22，牛腩都整得幾林!!! 唔會好un，好好，不過太趕時間啦，下次有機會一定再試!…Read More

第二次黎食，不過我第一次係食唔辣，今次就試小辣啦!食小鍋米線茶餐$20，每款餸加$4，有D就加$8。叫左豬大腸、醬爆丸、雲吞，另外佢送熱飲，不過我就加$2要左凍飲。不過都等得算耐，都成10分鐘先黎到。基本想佢醬爆丸同雲吞都係得個每樣兩粒，不過小辣對我黎講好辣架啦!但唔錯ge!!!D料都幾好!…Read More

入左黎依間越南野食飯，叫左個$42 ge套餐，佢有好多款野俾你揀，要左個咖哩羊河粉 + 蒸粉卷 + 青檸梳打。個咖哩羊河粉黎到見到成層咖哩油係面，雖然係咁，但好好味，D咖哩真係spicy，D羊肉都幾好食，正，不過D河成左三分之二都已經飽啦，都幾多。個小食係蒸粉卷，得兩個，都幾好食。另外朋友叫左蓄茄牛肉河，係用蕃茄做湯，亦有紅蘿蔔，少少酸咁...但好好味呢!另外有小食係蝦卷同春卷，又係每樣都兩個...春卷就麻麻地，唔係太好食。…Read More

Starbucks最近新出左好多唔同ge pastry咁，今日買左個芝士磨菇批，叫佢丁熱左，未丁熱前個包係米白色咁，丁熱左之後啡左食落去好似pizza味咁，不過無想像中咁chessy，但都唔差!…Read More

好耐無黎，今日同兩位朋友黎到食燉奶。左起...1. 朱古力燉奶 $21 - 朋友話味道適中，唔會太甜2. 薑汁燉奶 $21 - 幾夠味3. 雙皮奶 $20 - 正啦!!! 奶味夠!另外叫左奶油多、鮮油多，都幾好味!!! 唔會太漏!亦見到佢新出有咖啡口味ge燉奶，下次有機會試下!…Read More

朋友話依家d麥包好食，有時lunch經過都見好多人買，今日就左黎試。買左個Blue Cheese & Pepper $9，其實都係睇之前d食評好多人都話唔錯，所以先試依個。個皮硬得黎又唔會太硬，食落去真係有d cheese味同埋pepper味，個味好適中，唔錯! 不過我食完之後成個口都係pepper味，都有d重，食完要係咁飲水沖淡d味!另外佢咁大個都係$9，食完都飽曬肚，抵!下次都會再試下其他!…Read More

差唔多夜晚時間買左個芝士磨菇批$9,依個時間其實都唔係有好多包係到，見到佢d芝士好似好吸引，但買左番去食之後，發覺...可以因為我太晏黎買啦，個麵包好似都擺左好耐，麵包上面ge芝士都硬曬，但磨菇俾足料，味道仍然都係唔錯。睇黎都係新鮮出爐ge麵包係會好食d!…Read More

平日經常都會經過依間鋪頭，覺得d麵包好似好靚咁，今日走入黎試。見到佢d麵包同出面個d真係與別不同，好特別，又靚又大好多，買左個〝紅豆綠茶丹麥酥蛋糕〞$10，食落去真係好有綠茶味同紅豆味，$10雖然好似貴過出面ge麵包鋪咁，但相對個外貌咁靚，食落去個味道同quality都好好，我覺得抵番曬!下次一定會再幫襯!!!…Read More

第一次食個陣係個朋友請，成日行過見佢咁多味好似好特別，而且朋友介紹話Tiramisu好味，所以今日就買左個Tiramisu黎試下 ($16)真係好似出面ge Tiramisu，真材實料咁制，正呀! 下次一定會再買，而且佢又唔似話抄人咁，好有特色! 不過當然$16食個好似豆沙包咁ge野又真係唔係太抵ge...…Read More

本來諗住係入面食lunch，但依間MX太細間啦...lunch時間根本無咩位，只好外賣啦。咖喱雞肉飯 - 都幾好食，咖喱雞肉都好多，不過亦都因為太多汁，D飯覺得唔夠..個汁搞得幾好! Good!!! 但依間MX亦都無咩好野食揀, choice太少啦...><…Read More

夜晚同媽咪黎食火煱，叫左個Shabu Shau 和味火煱 (六寶)，要北海道牛乳南瓜湯底 $58另外叫左一個叉鴨飯 $36 - 依個我就無食，因為我差唔多一星期都食幾次美心...不過媽咪話un左d，可能因為都夜晚啦，放左咁耐講番個火煱，真係北海道牛奶!唔錯，佢另外搵個兜仔裝住d南瓜蓉俾你自己加落去，我加曬全部，真係幾正!個煱仔本身有兩舊cut左ge粟米，有D蓮藕片咁(不過係非常薄)。分左兩個盒，一個盒有和牛，不過得個3大塊lor...>< 但都唔錯啦。有兩大塊雞，4塊豬肉片，兩塊魷魚片(好細塊)，3隻蝦，有蟹籽蝦滑，下面一堆生菜。 另一個盒有兩片日本魚蛋、3塊南瓜片、幾塊蓮藕片(非常薄)，一小半串金菇，兩隻冬菇(一大一小)、下面有一半係生菜，一半係烏冬。個湯底幾好味，用料都ok，唔差，只係份量少左d。話就話6寶，但其實一個人食都食得曬，兩個人食反而我覺得唔夠飽。…Read More

上次黎食lunch，今次朝早黎食breakfast，d人番曬工，成間野無人，都係第一次見!叫左個早餐A ($25)，要左ham、bacon同scambbled egg，要grain bun +杯Latte，幾抵食呀!個包熱辣辣，仲要有tomato slices同生菜，好好味呀!!! 自選ge ingredients都好正!Latte我就覺得稀左d!…Read More

幾日前黎左依到食lunch + tea....lunch個陣叫左個燒味便當 $29，其實覺得唔抵食...佢張相同佢實物出黎真係相差左D，係個size縮左水。有叉燒飯(太多飯啦)、燒鵝瀨 (食兩啖就無)、棷汁糕(縮細左)、沙律 + 飲品tea個陣又就黎食(同個朋友share)....又係一個便當咁，不過就$18，有焗薯(細左成三份一lor)但都幾好味，我數過佢影出黎個張相，上面有成13粒粟米，但黎到都係得幾粒lor....係米相差好遠呢....有薯條，太少啦，又咸..仲有炸雞腿，不過就唔係太好食...又係有依個棷汁糕(縮細左)、沙律 + 飲品美心幾野其實有時都唔錯，不過份量同價錢就真係有d唔成對比…Read More

佢一開張已經想黎食，但係次次都好多好多人...唔想排隊...後面見好多magazine同報紙都有賣過話依間野好好食，而且入面d師傅係日本人tim!所以今次真係走去排隊啦!排隊有得坐，但佢要你落埋單先入得去..當然你入到去叫都無問題ge!1. 叉燒豬頸肉拉麵 (6號) $98 - 個拉麵黎到，同我所想像中好唔同，我以為好大碗，點知同人地出面個d相差好遠....不過份量都足夠，食完都會飽ge! 個d 叉燒豬頸肉真係好好食呢...有成7,8塊到，浸左落d湯之後，再食...Wa...正!2. 炸豬扒拉麵+飯定食 $95 - 個拉麵有塊好似係好肥ge叉燒，放落口入口即溶!d炸豬扒好好食，唔多粉，個皮又薄，唔會炸到好實! 正!不過店入面ge位唔多，好似得27個位。埋單要出去埋，唔洗加一…Read More