Meeme's Profile

同一班同事一齊去食，打算試吓潮式滷水湯底，海鮮係算新鮮，但貝類的邊位仍然有菌黑邊的狀況🤦🏻‍♀️所以貝類我無特別食，好快已經要飲嘢，因為湯底係超咸，越食越口渴，絕對相信佢係用咗好多味精🥶跟住叫佢咗佢個王牌檸檬茶，之前已飲1支竹蔗茅根，搞唔掂，跟住叫佢咗佢個王牌檸檬茶，因為夠大杯1L, 等咗半個鐘都未嚟，咁就追單，然後佢話檸檬茶係要時間沖，所以冇咁快，問題係已經好口渴（相信味精關係），又過咗一陣，見到另外一個人職員，我同佢講之前早咗啲檸檬茶未到，佢話佢地冇哂杯要過隔離借，仲話爆哂場無辨法，然後問我地要唔要cancel D檸檬茶？喂⋯你爆場關我鬼事咩？你唔夠人你咪請多啲人囉，但咁樣我真係覺得好有問題囉，相信唔少人都係睇YouTuber介紹而去食，YouTuber 好評是必須的，但sorry我唔係YouTuber,我只會講真實嘅野出嚟，我就覺得其實佢D價錢係絕對可以有其他嘅選擇，仲要咁嘅服務態度，真係唔得，再加上呢D超級味精，我真係搞唔掂🤷🏻‍♀️🤷🏻‍♀️*重點，如果你哋係一班男人去，相信會好D*因為咁啱隔籬枱係坐咗一班男人，D職員對佢哋嘅態度係俾我哋好😡…Read More

秋天到，有咩好過烚吓烚吓打邊爐😋一諗就諗到利得，手切牛新鮮好好味又靚，唔食多啲都對唔住自己呀我哋一行四人，叫咗個豬骨湯底真係好足料呀手切牛最少要食三碟先夠喉芝士蟹子丸新鮮又彈牙總之成餐飯大家都好滿足👍🏻…Read More

6:40左右去到等位，無問題，行去同啲店員講四位，跟住佢黑口黑面同我講話邊度食完就過去啦自己⋯問佢有冇飛又話冇，之後叫野食話唔得閒落單，好啦行去水吧講自己嘅order啦！係唔肯定佢聽唔聽到既時候，佢又態度好差咁叫我繼續⋯叫咗有D野又無嚟度（肯定啦！都無mark過）已經無冷氣，食餐飯都仲要俾人串，我就肯定唔會再去，第一去因為見D人話好食，本人認為非常一般，只可以比較平啫，想去試既朋友個日心情要好好，其次就係千萬唔好夏天去呀😪…Read More

以前由黃大仙小巴站行仔旁已開始食，上咗慈雲山初期已經冇以前既味道，但仍經開就幫襯，有時咁啱去到無開門就好失落，相信食埋今次唔會再有呢個感覺，因為而家已經係去到差嘅味道、只能忍着淚說一聲Goodbye👋🏻…Read More

小店食物好味，好懷舊，但入面既亞姐既服務態度只能用恐佈嚟形容，喂！大佬我而家係嚟消費，唔係嚟乞你，加下野食又黑面，問下今日例湯係乜又指下個牌，講真呀！見到又駛鬼問你咩，如果咁樣趕客法，唔知可以頂到幾耐呀🤔…Read More

係屋邨有間唔係大集團既日本食店，咪支持一下小店，結果究竟有驚喜，老闆熱情招待，刺身夠新鮮，燒物又夠味，值得推介👍🏻好彩無信之前既食評，明明好味既小店都寫到差到不得之了，唔通大家以為只可以食D大型連鎖食店，真心唔想以後都無呢D小店…Read More