上水居民居水上's Profile

去開佢地上水間舖，拎左張飲品coupon諗住黎換～ 店員話佢地轉左menu，仲見到廚房妹妹整緊啲一卷卷嘅野好似幾好味即刻買左一舊兩個人食話說我老公係極沈迷有grill mark嘅野食覺得咁樣香口啲又有儀式感喎～～不過佢嘅儀式感只限自己觀賞，成日唔等我影相就食有時食kebab係皮多過肉，但呢度啲餡嘅料係超爆多！ 菜同埋肉都係滿晒嘅！ 煎左嘅五花腩油脂味好香又唔膩，可能同個汁有關，微酸refresh啲平衡返～值得一讚個汁，每款kebab汁都係特調，唔係叫貨嗰啲沙律醬，睇得出佢地研發menu連個汁都係著眼嘅一部份！ 不過提提大家小心食到最後揸埋張紙會爆汁🤣🤣🤣 好在反應快冇事！…Read More

係香港試過太多間中伏嘅芋圓，有一段時間都唔敢再食芋圓，直到朋友介紹太子呢間芋圓圓！芋圓圓自家工場鮮製芋圓，標榜不用糯米粉，對於有關節痛問題而唔食得糯米嘅朋友簡直係一大福音！最簡單嘅菜式，先試到店家嘅功力！今次揀左「仙草紅豆薏米」呢個經典配搭，糖水不會太甜，保留到食材嘅原味，加上粒粒彈牙嘅芋圓，口感豐富芋圓分左三隻色：紫薯、蕃薯、芋頭，試下合埋眼逐粒食，真係食得出三種唔同味嘅分別，證明絕對唔係用色素取顏色，十分足料！除左一般堂食同外賣，舖頭仲有現成一盒盒急凍嘅生芋圓賣！試完味覺得好食，可以買返一盒看門口，依加長期在家，都可以有多啲花款嘅甜品調劑下！一直以為煮芋圓係要過冷河，原來唔需要架！跟足指示煮就得喇，非常方便…Read More

今日上水居民放工後自己一個，去咗旺角，啲大商場都好早收晒，嚟到通菜街，去咗呢間coffee break嗌咗青醬意粉，加$18做套餐，有飲品同沙律或湯，上水居民揀咗沙律，沙律用嘅係黑醋，而且都係相對高質嘅沙律菜，有別於一般樓上咖啡店常用嘅普通平價西生菜加錢要左杯特飲朱古力，賣相非常吸引嚟到主食青醬意粉，熱辣辣，非常有鑊氣，有即炒嘅感覺，上面嘅帶子亦有好香嘅燒烤味，一入口唔會太油膩，但又有美味嘅煙燻風味。好難得可以食到好食嘅青醬，各位街坊絕對可以encore！…Read More

今日同朋友嚟到東涌新一期嘅東薈城，除咗有好多唔同嘅名店之外仲有好幾間唔同嘅食肆，我哋就揀咗來自台灣嘅春水堂。都要用咗10分鐘左右時間等位，要夠半數人先至可以入座。我哋叫咗香酥雞、紅燒牛肉麵、魯肉飯、滷香拼盤魯肉飯細細碗$28 ，用嚟頂肚就最啱啦，香酥雞熱辣辣都幾香幾脆。紅燒牛肉麵嘅牛肉係半筋半肉，而且煮得非常之淋，亦都好入味，唔錯唔錯呢個拼盤最值得介紹嘅係佢嘅辣椒油，將牛筋配上辣椒油可以將牛肉嘅鮮味帶出嚟，升華到另外一個層次，所以各位街坊記住要點佢嘅辣椒油啦！另外朋友都點左一杯熱嘅珍珠奶茶，熱茶將鐵觀音嘅茶香進一步帶出嚟，仲有鐵觀音獨特嘅香味添！春水堂嘅珍珠相對一般嘅珍珠係細粒啲嘅size，有咬口，又唔會硬最後我哋仲另外點左一個吐司，不過呢個吐司就比較甜，如果佢可以減少一啲黑糖嘅份量同埋減少面頭嘅cream咁就Perfect喇！…Read More

上水居民同朋友一行7個人突然興起好想打邊爐！睇睇上水，除左近年愈開愈多嘅雞煲之外，仲有龍豐嘅稻香酒樓晚市火焗有任食/ 單點兩種叫法，我地想暢快地落單，眼明手快揀左任食。包湯底、前菜小食、飲品、雪糕任食落單只可以用QR code，一開始掃QR code掃左好耐都load唔到，各位街坊要俾多啲耐性喇肥牛同一般任食肥牛嘅質素冇咩分別，佢可以另外每人加$38，加錢轉做安格斯肥牛，但係我哋一班慳家之人當然冇俾錢轉啦蔬菜種類都有好多款，同枱食素嘅朋友都有好多選擇最後埋單連加一，每位$217，成個邊爐嘅味道都係不過不失啦，冇咩驚喜，正常發揮，當係一班朋友聚埋傾吓計都可以嘅，但如果係想有多啲味覺衝擊就可能要選擇其他鋪頭啦！…Read More

今日偷到半個鐘時間，上水居民黎到上水新祥街嘅Homy Cafe嘆返個下午茶！叫左一個黑松露雜菌牛角包茶餐，包飲品，轉特飲半價，要左一杯latte牛角包係熱嘅，面頭keep到脆口，黑松露味不算太濃烈嘅嗰一種，但以呢個價錢黎講總算值回票價！成間鋪都有好香嘅咖啡味，Latte係有拉花的，豆嘅味道屬於比較易入口，不太酸，有小許nutty嘅風味飲完成杯拉花大部分依然keep到底，咖啡師功架不錯週末留係上水的話，都會去Homy食個tea，難得係密集嘅人群入面有間誠意小店，值得支持！…Read More

彩園邨商場嘅小豆島，卡位4人座尚算鬆動，星期日晚飯時段等位大約5分鐘就可以入座喇。嗌左3個餸，牛肉鍋同燒魷魚嘅湯底同醬汁味道太相似，都係日本甜醬油嘅味，略嫌有啲太甜，遮左食材本身嘅味道牛肉鍋嘅菜同粉絲吸晒甜湯底嘅味，飲多幾啖茶仍然覺得有啲甜膩呀不過有明火爐原鍋上枱，賣相還好啦！清酒煮蜆有海帶打底，蜆夠鮮味，不過部分幾隻有沙，有待改善。價錢唔算太貴，整體黎講不過不失啦，唔想煮飯落街醫肚還好。講起上水區嘅日本菜，近年仍然冇一間追得到區場對面，舊墟隧道口嘅「八百番」，又一間慘被被淘汰嘅高質小店…Read More

中秋收琴朋友送嘅月餅，原來係品穀出嘅，以前淨係食過佢啲麵包，估唔到今年連月餅都出埋！包裝係藍色為主，盒面仿窗花設計，都幾有意境得黎又夠晒體面👍🏻總共有3隻味：原味、咖啡同Earl Grey，試過品穀嘅伯爵茶麵包同scone，Earl Grey月餅都一樣，經典嘅點點嘅茶葉碎，差啲嚇親媽媽以為發左mo😆入口茶味充滿口腔，吸啖氣都係earl grey味！餅皮鬆脆，整返熱中間嘅麻糬夾係金沙奶黃餡中間，成個配搭好正！朋友話好彩訂得早，限量發售差啲買唔到，唔知下年佢地仲會唔會出月餅呢👀…Read More

太和消防局對面嘅拉麵店！小店有吧枱加幾張細枱。拉麵有幾款湯底，豚骨、雞骨、味噌、辛辣每樣各點左一碗，逐碗試左一啖湯，係味噌湯底配櫻花蝦比較出息嘅！我地每人另加左$7半隻蛋，上菜先發現原來碗麵本身已經有半隻蛋，各位朋友仔留意喇！美中不足麵身質地比較淋，如果爽口啲就更好喇，比較似係港式一啲嘅拉麵風味另外仲叫左雞翼同玉子燒，玉子燒上面嘅芝士拉絲效果非常明顯，熱辣辣，值得加分！總括黎講，小店嘅拉麵不過不失啦，勝在小食款式多，有驚喜！…Read More