為食牛的个人专页

頭時有幫襯開一路都唔太差，價錢亦有競爭力。但近期發現有個新既職員，佢戴左手套好似好衛生咁，但收錢時唔會除手套，掂完現金後亦都唔會用毛巾之類抺下手。佢咁樣戴手套為咩呢:(之前個職員會叫你自己找續，即使迫住要掂現金佢都會除手套……見到咁既情況無下次鳥而近期唔知係咪成本問題，由原本既膠盒變成紙袋咁裝食物（我叫既係餐蛋治），返到公司己經透又濕，影響埋食物質素。而佢個整體份量都明顯比以住慳皮左，連塊包皮都食得出比以前差…查看更多

咁經呢到 Book 左一點鐘，準時到達後職員話因為包場所以要兩點交枱，咁我地食野都快就無所謂。坐低用左兩分鐘揀野食，見個 Menu 寫明薯條同指定飲品有得 Refill。落完單未夠五分鐘野食未到個職員就話 Last Order 截單 咁我地心諗應該無野加，就應左佢。隔左陣野食到左，我地應該一點半差唔多清曬就同職員講想 Refill 飲品，呢個時候老闆娘既物體就走過來話截左單。我問佢者係要落左餐未到野己經要講定有咩要 Refill ? 佢竟然話係咁我都算，但佢又好似覺得好奇怪咁就扮野話幫我 Refill 一次。咁等了又等，望住個廚房得閒到抹杯都無野出（之前睇住野食係個個位出），佢係呢個時候隊埋張單來，我就問佢 Refill 既野呢？佢話跟下就圠左埋單，再企係門口整下野，連扮跟都唔扮最終唔想同佢糾纏落去走人，講真你唔想人 Refill 就咪寫落去，寫左又用各種手段拖個客，唔駛錢都唔會再幫襯唔怪得佢 Lunch 時間都唔爆…查看更多

話說之前咁多人排就想試下，今日經過竟然唔駛等！入到去拿拿臨點左野食，大概五分鐘食物就先後到齊。我叫既係生牛肉金邊粉，係我既認知佢係比錯左河粉我，咁就同職員講 點知佢用筷子夾起左河粉竟然話係金邊粉未切究竟係佢認知能力有問題定我一直都係比人呃咩叫金邊粉咩叫河粉？職員跟住補左句，真係金邊粉，但你想換都可以換比你，但出來既樣都一樣播。見佢講都咁都唔敢話換啦.....拿拿聲食完走。老老實實，佢味道同其他越式餐廳差唔多，唔算特出。但職員真心特別，為左令大家了解更多，我 Post 埋影左既相比大家參考！我真心唔識分河粉同金邊粉…查看更多

今日下晝三點鬆啲去咗南豐紗廠嗰邊，周圍望望有咩嘢食就見到呢間餐廳好似幾吸引，行入去睇睇咁岩又有位就坐低睇睇個Menu，眼見佢裝修都幾吸引走輕鬆格調，叫咗個卡邦尼意粉同埋一個全日早餐，原本想點試埋佢個培茶 latte，但成$50一杯有啲貴咁就冇叫到。等左一陣就有嘢食，先講講個全日早餐味道唔差，但唔算豐富不過個牛角包就幾鬆軟好味。而個意粉亦都唔算好 Creamy 但係味道出奇地好，唔會有食幾啖就好滯嘅感覺。而服務就基本上冇乜特別，自己出去落單自己攞餐具但係佢就會送餐過嚟，唔太記得有冇+1服務費，如果有嘅話我寧願自己攞返個餐。…查看更多

好耐無寫過食評，心血來潮寫返篇近期印象較深的一間。話說有日收工後同埋隻熊出去新蒲崗個邊行下，見到呢間好似幾吸引就去左，間鋪位置幾好，鄰近譽・港灣，閒日夜晚去唔駛等位，但都叫多客。點左三樣野分別係黑松露薯條、想食・明太子意粉同埋海鮮意大利飯，首先來到既係意粉，個份量比想像中細，原本都唔太為意，但見隔離枱點同一樣意粉但眼見人哋個意粉大成兩倍有多，其實廚房一齊煮都好正常，但分碟應該留意返，攪到我個意粉兩三啖就無左，人地就食唔曬。講返食物，個意粉好一般，明太子味唔夠出，相信一般人上網學點整個效果都比佢好。而之後就上個意大利飯，個意大利飯原來係蕃茄汁，味道都唔差但唔夠入味，而海鮮就好一般。最後就係個黑松露薯條，佢個黑松露薯條好明顯係炸薯條之後再就咁放一 Pat 黑松露醬上去，對比起其他鋪頭將黑松露連埋薯條一齊炸或者係薯條上面灑上黑松露磨成既粉就遜色好多。但不得不提佢職員服務態度好好，會瘋狂咁幫你加水亦都唔該前唔該後，如果佢嘅食物質素可以提升返咁整體感覺就會更好。…查看更多

隨便揀去左呢間，見佢門面唔差同埋都算多客，心諗差極有個普，點知......。話說入到去就無枱得返 Bar 枱，咁肚餓都無辦法，虎同老熊揀左輪就決定松露薯條、卡邦尼意大利飯同埋個燒雞三文治。仲叫左杯梳打水添，唔知係咪叫得一杯野飲既關係，叫佢比兩位水等到差唔多食曬先有，中途仲要提過一兩次。先講第一樣來既松露薯條，既淋且凍仲要多油到咇到出來咁濟。跟住等左起碼十分鐘先來個雞肉三文治，對比之下好味好多，雖則個包唔夠熱，但整體口感唔差，而附送個薯條仲要夠熱唔多油。跟住又等左一輪，中途聽到侍應同廚房講，話有客投訴個牛定豬肋條凍。等到個侍應都頂唔順主動問同幫我地追（可能以為我地食飽想快手接另一班客廿）。最終出來個意大利飯真係勁差，外觀睇未收水似嘔吐物/金寶雞湯加飯，老態跟住網上教學煮都好睇好味過佢。而佢個味道只能講似好「傑」既湯加幾粒米。埋單睇成三百蚊，只能講中伏！個人最多只會比兩百食呢餐。…查看更多

小熊預早個半月己經 Book 枱當晚 6:45pm 到達，唔駛等位有 Waiter 帶去坐窗口 Sofa 位。老虎覺得如果要食野既話 Sofa 唔太好坐，仲要有野咬添，應該好耐無滅"失"。另外好似唔太多人食 Buffet，所以拎野食唔駛點排隊。食物款式不算多，但勝在有質素。鵝肝多士：鵝肝好大塊，又唔算油。長腳蟹腳：有海咩味道，咸咸地幾好味。白菌和牛粒：好重菌味，牛肉亦都軟淋淋好好味。龍蝦：唔算太特出，怠覺比起香X里拉個波士頓龍蝦差小小。磨菇湯：超好飲，菇味什濃。沙律菜：算新鮮，但好似見到有蚊係附近飛飛下。甜品：非常好味，同埋雪糕有好多款亦好好味。環境方面有隊 Live Band 全晚表演，仲有為老虎表演生日歌，但老虎話隔得太遠唔太清楚。免費贈送既生日蛋糕都幾好味添！…查看更多

熊左叫左個肉澡飯，幾好味份量亦都正常。老虎就想試下佢個價值 $46 既鹽酥雞茶餐，仲加左 $5 要埋個麵。諗住咁既價錢既雞細極都唔會差過X大大好多，點知一上枱感覺比人搶錢咁，四件每件仲要同老麥麥樂雞差唔多大 ，咁既然中左伏唯有試下啦！味道幾香（應該係個七味粉），但太乾。加 $5 個麵反而夠大。老實講唔加麵既話兩個餐都唔夠飽，仲要係下午茶份量都不如但正餐既價錢！另外要講佢地成日拎亂野，間鋪一睇睇曬，係入面半粒鐘左右，睇見侍應拎錯野比客不下五次！總括而言，不可一不可再！有圖有真相！…查看更多

14/2 剛好是老虎與老熊的假後第一個工作天，當天一放工立即出發。在附近行了一會差不多時間就上去。在樓下見到勁多人排隊，等左大約三個字先上到去，上面再要等一輪先有得坐低。坐低大約 7:45pm 左右，剛好係我地 Book 枱時剛，立即拿拿臨落單。見佢可揀既款色唔算多，但叫可以接受。費是佢漏單所以第一 Round 快快手寫足 D 。但佢竟然無麥甩漏，呢樣好抵贊。先來左個刺身，但盤好靚，有個假既樹仔做裝飾，味道都不錯，幾新鮮，但係蝦就唔太好，有 D 鯹，其他都 OK。另外值得推介的有墨魚餅，炸得幾好。其實佢 D 炸物都真係唔差，唔會好似某 D 放題餐廳咁炸完一堆放好耐等人落單既 Feel。其他有食到羊咩、燒牛肉粒都係唔差，但唔算有警喜。但係佢既蟹籽沙律就幾乎全部都係青瓜絲無麥清律醬。輪到評論佢既服務，原本諗住咁多人一定會好求其唔會點理你，但係整體都無漏單同埋收碟同上菜速度算係幾好。但佢個環境就真係比較迫，好多時佢來左一大堆單攪到無位擺要拿拿臨洗左枱上面既野食先得，如果志在慢慢品嚐既就唔好試啦。最後由於今次係情人節 Booking，所以要預先過數 $200 做訂金，佢都就返時間有職員收過數紙再比返 Cash 你。幾好！但佢個層大廈既 Lift 就真係勁慢慢慢慢慢啦。最後要多謝老熊陪住老虎過一個又一個情人節。~ Love U ~…查看更多

12月是小熊生日大虎一早book左呢間餐廳同小熊慶祝7:30pm到達，唔算多人原來呢度係半自助形式叫左2個set:西冷扒同肉眼扒先來餐前酒，叫左baileys，由於呢次係加左冰來飲，個 Texture 比較清晰，入口有種好 Fresh 既感覺。再送上蒜蓉包，包上加上厚薄適中的蒜蓉，口感不錯，但略嫌硬了一點。講番半自助餐食物先有沙律、青口、煙三文魚、西湯等，其中煙三文魚最好食。雖然同一般自助餐相比食物感少，但睇得出佢安排都有心思。因為佢無左一大堆會令人快速飽肚既食物。咁就可以兩點都享受。西冷扒同肉眼扒都好重牛味，而且waiter有講下點燒，真係幾好玩幾得意。大虎跟足個指示來燒，仲邊燒邊右 Peper 同 Salt 來調味，燒左大約六分鐘就食得，好好味。小熊因為怕唔夠熟所以將西冷扒燒得太耐，結果變得唔太好食同好 'Un"。配菜有薯仔、 蕃茄、西蘭花等，最好既係可以自己揀食幾多同食咩waiter又送上餐酒(紅酒或白酒)，我地叫左白酒，味道一般。而佢既甜品都係一般既蛋糕，唔算好食但款色都叫做可以，而其中brownie真係好難食，成舊野完全無朱古力味，只同埋勁硬。我相信自己整都一定好味過佢個個。最後竟然仲有餐飲，叫左一杯凍檸茶同奶茶作結。咁個味道都係普通欣素咁。要讚下佢地既服務係幾好，經常有職員行近主動收碟同幫手。食到好飽多謝最愛大虎悉心安排…查看更多

成日聽人講laduree既macaron好好食果然名不虛傳星期四放工7:30pm到達，預左要排好耐(半個鐘以上)點之等左幾分鐘就到我試左4個味，外面好脆同煙韌，又唔太甜海鹽焦糖:強烈推介，喜歡食焦糖既萬勿錯過，不過唔多覺有鹽味朱古力:好濃朱古力味栗子:最唔好食，只有少少栗子碎同栗子味紅莓:幾濃raspberry味個人覺得好食過Jean Paul Hevin Chocolatier$23一個真係好貴，不過值既…查看更多

成日都經過...今次終於入去食叫左2樣野食,D食物係即叫即整,新鮮熱騰騰吉士蛋多士($14):多士好脆...有d醬在芝士同蛋中間,幾好味鮪魚肉鬆蛋餅($20):極力推薦要試...蛋餅好香,吞拿魚再加上脆脆肉鬆,Perfect match,不過冇點到佢提供的醬…查看更多

去完下白泥睇日落出返來都成八點幾啦，左搵右搵就決定試下呢間泰國野。一入去就叫左個泰式炒金邊粉同蘿海鮮炒飯，仲有個椰沐冰。先講個椰沐冰，其實只係普通椰汁加大量水。感覺好淡同呃錢。但食物反而有驚喜。個波蘿海鮮炒飯就好大份，其實一個人未必食得曬。個飯海鮮唔夠多，得一兩隻蝦、兩三皮魷魚同一隻好細隻既青口。但肉鬆同腰果就幾多。個波蘿算幾甜，味道比想像中好味，可以一值。而個泰式炒金邊粉對比之下個份量就細小小，味邊幾香，但唔知邊解佢要搵 D 無麥味既芽菜來墊底。呢個幾好味，可以一試嫁。原來佢一至五無加一，但星期六同日就有加一，但又無麥特別好既服務。呢樣唔太好。同埋佢有寫明唔收一毫、兩毫同五毫，我地仲係到諗我地加埋係 $145.2 咁佢會點收呢？因為如果佢收 $146 我實嘈佢，而佢收足 $145.2 而又找毫子比我我都唔制，邊有可能佢唔收既毫子就找比人。最後結果係佢收 $145 .... 咁都叫合理！但唔知佢係四捨唔入定點計啦，大家去試就要留意下。…查看更多

想試好時沙嗲好耐星期六12點來到唔使等位叫左2樣食物叻沙:湯底好濃椰汁味,又唔辣,但蝦太咸,魚蛋又唔好食,米粉一般蘿蔔糕:好惹味,可惜d蘿蔔糕好粉,一d蘿蔔味都冇整體來說,呢度既食物只是一般…查看更多

聽人講呢度既芋圓好食,就特登來試下星期日下午4點唔使等位叫左個抹茶雪泥芋圓有好大個抹茶雪糕雪糕下面有好大舊冰個人唔喜歡舊冰,整淡哂個糖水如果轉做抹茶冰就好啦紅豆唔夠多芋圓有d有餡,有d冇,有餡果d好食d食完芋圓好飽整體來說可以一試…查看更多