CatCatCat8282's Profile

叫咗一碗車仔麵，一碗淨餸，兩個小食返到屋企打開先發現個車仔麵煮漏咗個油麵😂所以變咗兩碗淨餸，兩個小食打左去同餐廳講，佢叫我下次提返佢俾返錢我，可接受👌🏻先講第一碗走湯，腩汁，秘製辣汁，多汁豬大腸，酸齋，蝦條，豆卜，腩肉，豬潤唔知係咪走咗湯，剩係得腩汁同秘製辣汁，所以我覺得好夠味，好好味豬大腸十分爽，酸齋都好夠味，蝦條同豆卜正常，個腩肉再淋啲會更好食豬潤係我估唔到咁好食，好嫩好爽第二碗腩汁，秘製辣汁，多汁豬大腸，咖喱魷魚，牛柏葉，陳皮魚蛋，蘿蔔，豬皮，腩肉Roommate嘅評語唔知係咪因為有湯，所以溝稀左，略嫌個湯底淡咗啲啲餸都可以係個陳皮魚蛋冇陳皮味，蘿蔔好似有少少酸咖喱魷魚好味小食Juicy豬扒，鹽酥雞我冇空位食，太飽😂😂Roommate就試咗，話雖然凍咗，不過食得出如果佢熱食嘅時候係好食嘅，等我落咗格後再氣炸返佢啦唯有兩碗麵仲送兩杯嘢飲總結不錯不錯…Read More

我住咗銅鑼灣四年經過過呢間野無數次朝頭早，晏晝，下午茶時段真係從來冇見過佢排隊算啦，今日諗住幫吓小區姑且試吓，點知多此一舉簡直錯晒係，係真係好平我$25買到個早餐沙嗲牛肉烏冬係，我叫咗烏冬點知返到屋企一打開變咗公仔麵第一大錯叫咗佢多汁，冇汁不特止，碗野水汪汪第二大錯最重要沙嗲牛肉唔似，甚至唔係沙嗲牛肉碗嘢我第一啖食嘅嘢，沙嗲牛肉又鞋，又冇味最後我成碗野，就係食咗舊沙嗲牛肉，然後我直接成碗掉咗垃圾都不如…Read More

由於除夕晚，攝取了過量嘅酒精😅😅第二日當然要飲番碗又熱又濃味嘅湯，先回到氣選擇左One of the充電神湯船皇當然依舊無得輸同埋用OpenRice外賣自取，係平到痴線最令我想打呢篇食評嘅原因係食咗咁多次，終於食到豬潤次次都售罄有驚喜，真係幾好食…Read More

疫情關係，所有餐廳通通六點閂門，唯有外賣自取啦睇完某外賣app之後，雖然全單九折，但係都仲係好貴，因為依’D’外賣app本身個定價已經貴過餐廳個餐牌價錢所以就直接打電話去翠華問吓啦，點知都係全單九折，過$100仲全單七折反正係咪都要自取，咁即係唔使經’D’外賣app叫餐啦，咁就直接經間餐廳叫外賣咖喱牛腩飯，沙嗲牛肉炒河承惠 $102，即刻打咗個突😂😂仲要翠華嘅咖喱一向係信心保證個女收銀員又好好態度，係咁同我傾偈讚👍🏻…Read More

其實食物環境衛生都OK嘅，但係係其中一個侍應嘅服務態度奇差無比今日係我兩位朋友請我食嘅一餐生日飯話說我們一行三人，大概9:15到達，當時仲有兩枱客，不過已經將近食完。我哋已經即刻嗌嘢食，食物來到時，我哋已經比正常速度食快啲，費事阻人收工，然後佢哋亦都係當每一道菜食完之後即刻收走啲嘢，然後第二道即刻上。絕對無問題，都係果句，唔想阻人收工。當去到甜品時，當時係10:20分，我大概食左一半就停左，同啲朋友傾陣計，之後佢埋黎諗住收我個甜品，我同佢講話唔好意思我仲未食完，之後佢放低行開，行開嘅途中細細聲講咗句說話，但個聲量係剛剛好我同另外一位朋友都聽到佢話: 阻住晒人收工之後我同我個朋友大家互相對望，我問佢佢聽唔聽到，佢問返我佢係咪話我哋阻住佢收工之後我實在忍唔住: 唔該埋單！後來埋完單後都係覺得真係太過分，依家咁嘅時勢，周圍生意差到過分，你竟然咁嘅態度，就同另一位應該經理級以上嘅同事投訴好老實講，我book枱時係book 8:30嘅，之後我改咗9點，如果你唔接我依個Booking嘅話，絕對冇問題，然而你接咗我個Booking，你嘅關門時間係11點，但去到大概10:30仲未到營業時間完結嘅時候，你咁樣對啲客其中一個好重要嘅問題係我book枱嘅時候你無同我講Last order時間，亦冇同我講關門時間，係我自己有留意OpenRice，咁我想請問果位侍應憑什麼用咁嘅態度對我依餐飯收費$1516，人均500我兩位朋友請我食，即係佢哋每人要760食都咁，我自己都覺得唔好意思依家咁嘅時勢，依間餐廳請到啲咁嘅員工，我實在祝呢間餐廳生意興隆…Read More

好多時游完船河都好想試，無奈次次都成班朋友有飯局今日終於有幸嘗試可惜豬大腸好硬雖然豆卜本身係乾，但係佢實在太乾魚皮餃，尤魚不過不失最嚴重一食啖油麵。。。餿了天氣熱，都不是食餿的麵吧給餸的姐姐亦是一味口黑面黑好似我得罪左佢咁仲要不是便宜的失望😞…Read More