yiudonut's Profile

餐廳氣氛很好，食物也不錯，蟹肉忌廉意粉嘅口感同味道十分之喜歡，食落去係有驚喜嘅感覺，甜品拿破崙蛋糕亦很好吃，當時店員好好俾咗一個試飲嘅Cocktail我哋，個杯嘢飲好似係第一頁我已經唔記得咩名，但係好好飲，但係略略有少少遜色，係因為我哋份扒其實都好似三百幾$400，但係拎上嚟嗰時佢完全凍咗，對我哋當時食嗰個口感有少少失望，其他都好好，侍應都有即時回應我哋嘅訴求，我覺得如果飲嘢同普通食個意粉小食嘅話這間餐餐廳是不錯的選擇，在尖沙咀也十分方便而且也有提供生日慶祝的蛋糕，但要提早預訂但整體來講不過不失，但價錢上我覺得這間餐廳較為算高，所以我感覺上有啲位應該要再做好啲先至對得住呢個價錢，…Read More

今日去試咗佢嗰個法式甜點鹹點早午餐放題任食，我個人覺得好壞參半，侍應姐姐服務態度好好，但係嘢食真係唔係全部都好食，我覺得可以直接嚟食下午茶就已經足夠，食吓個環境飲下啲嘢飲，享受吓下午茶已經足夠，首先佢個卡邦尼意粉，我見到佢係正宗用蛋做嗰種方法，但係奈何鹹香味同埋火腿味都唔足夠，所以風味上都係差少少，可以唔使叫另外一份主菜叫咗蜜糖雞扒，佢個賣相真係十分靚仔，質地食落去個皮係脆嘅啲肉好嫩滑，但係差在塊雞扒係完全冇乜味，可能未夠時間醃製，如果唔係就應該會好好多，但係因為佢呢個放題入邊好多都係包點，我感覺就未必全部都係最好食，蘑菇芝士撻嗰啲可以唔買，蘑菇湯都不錯尚算還好，雞胸沙律同埋溫泉蛋沙律最好食，墨魚仔沙律口感好奇怪，啲墨魚仔好似浸過水咁，好似一嚿朔晒水嘅海綿之後你想咬落去會食到好多水，甜品其實我係有少少失望，本來期待法式甜品會有些特別，但感覺上還好，咖啡雪糕比較好食，宮崎駿的夏天味道有點特別，不是我喜歡的味道，感覺餐廳氣氛環境好好都好靚，應該比較適合平常下午茶晚餐就不知道了…Read More

滿心歡喜，諗住買杯抹茶飲飲，價錢$46仲貴過Starbucks，應該唔會難飲到去邊啦，點知到手最後俾咗杯青汁我，好難飲仲要好稀，完全唔似加咗鮮奶，係一杯抹茶加啲水落去，淨係得個苦味，有少少失望，見到隔離手作功夫茶抹茶賣緊$36，下次都係幫襯另一間，對杯抹茶好失望，滿心歡喜$46會得到一杯好飲嘅抹茶奶，仲要佢個名超級長，唔知乜嘢小山元宇治抹茶鮮奶，但係店員態度好好，有禮貌嘅呢樣加分，但產品真係要改善🥲…Read More

完全冇味，嗌完真係好嬲，好嬲好嬲，價錢又唔係平喎，但係碗嘢完全冇味，個湯完全餿水，我真係未試過食過咁難食咁難食咁難食嘅米線囉，仲要轉左薯粉個薯粉夾起一夾就斷晒，what the f使唔使做到咁呀？其實要做到咁都幾難，大佬我屋企煮個麵都唔會咁難食啦，有冇考慮過客人嘅心情？比$64食碗咁嘅嘢。望落去係冇問題，但係食落去嗰下你知唔知幾崩潰？大家真係千祈唔好幫襯，我浪費咗啲智商稅完全嘥錢，食咗兩啖即刻要食第二間唔食呢間，佢攞獎嗰啲一定係呃人我淨係食咗兩啖已經食唔落，我未試過幫襯一間食肆係食兩啖食唔落…Read More

真係食咗呢間嘢好多年，記得係日本人處理所有嘢都打理得好好，除咗位置有少少迫之外，但絕對係夜晚去到銅鑼灣嘅宵夜首選，營業時間去到12點，做完嘢都可以過嚟食，食材全部都好新鮮，Wasabi都比得好足，最鍾意食吞拿魚，同埋三文魚子，尖沙咀嗰間都好好，銅鑼灣呢間入口都好就腳，甜品價格都相當合理，雖然魚生飯稍為少少貴，但係如果適當地選擇可能$120或者$150都可以食到成個set其實咁樣都係唔錯嘅選擇夜晚宵夜嚟講…Read More

覺得係好有心嘅韓國餐廳，無論炸雞，芝士炒雞，店員仲服務好好會幫我哋過嚟處理芝士炒雞點樣整，手抓飯，同海鮮煎餅都超好食，成枱嘢，我覺得全部嘢都好好食，嘢飲嗌咗一杯啤酒，嗌咗熱情果梳打，同埋藍莓乳酪，熱情果梳打，清清地有甜甜哋味道我好鍾意，藍莓乳酪，有少少太過濃，如果個比例可以好返少少會更加好，炸雞食咗蒜蓉牛油蜂蜜好似叫呢個名，超級推介招牌款，不過我哋四個人嗌咗咁多嘢都食到好飽，份量都好大份，我覺得份量同價錢嚟講都真係幾抵😍有機會多一定會再幫襯，同朋友聚會有得嗌嘢食，又有酒飲…Read More

環境係幾舒服，夜晚八點有book枱，佢都安排咗我哋坐卡位，但係唔知係咪因為夜晚嘅客人比較多，侍應都有少少粗魯，拎嘢嗰時好似掉落張枱咁，不過對答都有禮貌嘅，同埋收嘢嗰時有少少危險，可能因為趕時間收工🥲都明白🥲都有啲擔心佢哋唔會整親啲嘢來跌去，蟹籽雞蛋卷好食，手抓飯如果加翻沙律醬做會好啲，魚介湯入邊都幾多唔同嘢食，鍾意佢有蔬菜有年糕有湯飲，鍾意啲年糕，可能下次上嚟試埋個甜品見到隔籬枱叫咗都幾吸引😍有open rice兩蚊蚊回贈?…Read More

去咗呢間，海鮮拼盤好新鮮，主菜都多選擇，羊膝好好食，蘑菇湯不錯都有心製作，芝士焗田螺同埋個年糕都幾特別，燒春雞都算幾大隻，但係side dish 如果改做薯菜會比較好，但係明明提早講咗預約咗生日寫名嘅蛋糕，本身見到隔籬枱係芝士蛋糕以為都係，但係點知嚟咗個好硬嘅朱古力撻對呢樣嘢有少少失望，因為特登提早預約，希望可以留呢樣嘢，唔知係咪要特登講定係芝士蛋糕，因為人均價錢都唔平，所以建議可以提高呢方面質素，但係餐廳環境同服務都還好…Read More