KarenYu1228's Profile

老闆友善又健談。會推薦飲品俾我哋，又真係幾好飲喎！配料亦分量充足，唔會話得幾粒，飲到尾都仲有野食。香港小店越嚟越少，真係要支持下啲小店，每次出觀塘都一定要買返杯飲！❤️…Read More

我哋一家三口，小朋友未夠3歲坐仲BB車。阿姐一黎就叫我哋同另一位客人搭枱。張枱仲要好細，我哋怕小朋友會影響到其他人。所以寧願等耐啲要卡位方便照顧小朋友。等左一陣終於有卡位俾我哋。帶住小朋友出街要帶一袋二袋野，係門口收左車嘅話又要攞住啲袋又要攞住架車仲要照顧小朋友都幾麻煩。咁我就諗住行到埋位放低啲嘢先收車啦。點知都未行到埋位，帶位嗰個帶眼鏡紮髻嘅阿姐就用好差嘅態度講，唔好將架車放係走廊度阻住我哋。嗰下已經覺得嘅間餐廳嘅服務好差。員工個個都黑口黑面好似啲客欠左佢哋咁。我哋叫左三盛紅燒牛肉麵，酥炸排骨滷肉飯，鹽酥花枝丸同2杯蜜桃紅茶。正準備食嘅時候，突然發現碗麵有條閃電毛！！阿姐話幫我換過碗新嘅，我點知佢哋煲野入面仲有冇毛。所以唔想要，我叫佢幫我取消左個麵，我另外叫其他食物。點知阿姐話唔可以取消，要我哋另外叫嘢食補返差價。真心好嬲。返到屋企仲要唔舒服係三個人都唔舒服，嘔完出嚟先好啲！食物嘅味道還好。但員工質素極差，衛生情況欠佳。點解可以有條閃電毛係食物入面？以後唔會再食呢間野！…Read More

見新都城二期開左間新嘅日本野。次次都好多人排隊，難得今次冇咁多人就諗住試下新野。入座後想落單，叫左好耐都冇人理，明明啲員工係旁邊行過但都扮睇唔到。過左一陣終於有個貌似老闆嘅大叔過黎幫我地落單。筷子好唔乾淨，用紙巾擦完張紙巾係黑色嘅嚇到我要再洗多次先敢用。個炸蠔有3件，但個醬明顯唔夠3件蠔同個椰菜絲。枱上沒有其他的醬汁搭配椰菜絲。問侍應都醬汁問幾次都冇人理。個椰菜非常之苦，苦到食唔到。個蠔還好，已經係今餐最好食嘅野。叫左個炸雞塊咖哩烏冬。個咖哩湯非常稀，有香味但食落就冇乜味。似水咁嘅湯底。炸雞塊就好乾同硬。另外仲叫左個吉列豬排咖哩飯。味道就係超市買嘅咖哩磚嘅味道，沒有特別。反而個漬物就好似日本嘅味道。但有樣好奇怪嘅事，就係個粟米。我地叫左2個餐而2個餐都有粟米。但一個有醬一個冇醬，唔知係落漏左定一個唔小心滴左落去呢。最後令我十分驚訝嘅係杯野飲。我地叫左2杯飲品。一杯係奶茶一杯係咖啡。但望住呢2杯野真係估唔到邊杯先係奶茶。左邊黑到成杯阿華田咁唔講真係唔知係杯奶茶。澀到完全飲唔到。咁嘅服務仲要收加一，以後唔會再去。…Read More

店鋪的裝潢十分特別，有濃濃的台灣風味。一踏進門口，便有店員親切地招待。不同時段有不同的餐牌提供。下午茶可以點一個主食再配送一杯指定的餐飲。在銅鑼灣這種遊客區竟然只需$55便有一個下午茶餐。我點的是一個古法魯肉飯再另加$17轉配凍蜂蜜綠茶加珍珠。才剛點菜不到5分鐘，食物已送到面前，十分有效率👍🏻魯肉飯不會太咸，米飯粒粒分明。飲品不會過甜，珍珠的硬度適中。整體而言，這家店鋪的服務態度👍🏻👍🏻👍🏻👍🏻…Read More

難得媽咪同細佬都係屋企，媽咪提議去飲茶。入到去冇人帶位要自己揾位，我地揾左好耐都揾唔到細枱。冇辦法唯有坐大枱。可能係平日所以冇乜客，啲大枱根本冇人坐。坐左5分鐘都冇人理我地。隔離嗰枱先啱啱起身，個阿嬸就好冇禮貌咁問我地幾多位。我地同佢講3位。佢就要我地坐過隔離張枱。話我地3個人唔好覇大枱。態度真係好差。鋪完枱布又唔擺位。啲餐具就咁擺曬係度唔理。野食份量又細左超多，但價錢又貴左。上菜又上錯。明明叫嘅係唐生菜但上通菜俾我。附近有枱客要埋單，服務員連佢地張單都整唔見，到我地走都仲未處理好。要收加一服務費但就連基本嘅服務都冇。食客要自己攞茶壺去加水。以後都唔再去呢間食，寧願去遠飲茶。…Read More