or#Tm65148311's Profile

同朋友去過幾次喺呢度食飯，覺得佢每一種食品都有80分或以上,味道好正宗,尤其是食生蝦，佢會將個蝦頭炸埋,好似食咗兩道菜咁。豬手都好出色炆得夠淋入味。可是服務員的招呼真係有點強差人意,好似唔係好想招呼客人,有無乜笑容。以我所知老闆係廚師，所以老闆喺廚房煮緊嘢，都未必清楚知道樓面員工嘅狀況，亦都唔知道員工有這個問題。 …Read More

啲嘢食幾好食都冇用⋯⋯啲侍應態度極差😅😅😅明明係佢個鵝肝多士燶咗，喺度懷疑我哋呃嘢食，話我哋已經差唔多食晒咁，唔肯換俾我哋⋯⋯大佬，鵝肝多士原先就係得一啖㗎啦⋯⋯食咗半啖覺得苦咪出聲⋯⋯最後係講多幾次先有個講廣東話嘅同事先serve我哋，先有得換，不過都係好難食同啲侍應講嘢十問九唔應，叫佢上甜品又遲遲都唔上，叫佢收碟食甜品，又態度極差咁樣問你食晒啦咩？奇怪嘅係對住隔籬枱外國人人士，佢哋啲態度唔會咁樣，真係唔會再嚟。…Read More

今日想食越南嘢，專登去到大街試呢間小西貢，裏邊有很多菜式名都很吸引，但係因為今日只得兩個人試唔到太多款式。所以我叫咗(全日H餐)越式拼盤湯濛,超抵$78並且好味。拼盤分量超多(我一個人都食唔晒)四件炸豆腐，兩粒墨魚丸，兩條春卷，四片扎肉，牛骨湯底好味，飲落唔覺有味精。讚👍🏻讚👍🏻讚👍🏻性價比高！還有很多特別嘅菜式都好想試，下次一定會再試！難得鴨脷洲大街有一間有水準嘅越南餐廳，大家要多多支持(我不是做枚啊)真心推介！…Read More