bonnie0810's Profile

太子這間山東小城餃子店，絕對是街坊隱藏食店。今日試咗幾款招牌菜，有驚喜先講水餃雙拼：墨魚馬蹄餃口感Q彈，馬蹄爽脆增添層次；鮮肉白菜餃肉汁豐盈，配埋清淡紫菜湯正好平衡。凍豆漿香濃順滑，非常解渴。砂鍋金湯酸菜魚，湯底酸香醒胃，係小辣程度，魚片嫩滑無骨，吸盡湯汁精華，配白飯一流。凍百香果酸甜清爽，完美中和濃味。額外追加的千層豬耳小食絕對要讚，偏清爽涼拌嘅感覺，爽脆不膩，坊間真係比較少見呢種千層嘅做法如果就咁普通嚟食餃子，人均50幾蚊已經食到高質小店風味，用料實在，會再encore～…Read More

放假去尖沙咀韓國街睇下有咩飲，見到家家戶戶有啲人排隊，就跟隊😂😂😂試下韓式套餐🍜辣牛肉海鮮湯麵 set湯底鮮香濃郁，辣中帶甜，牛肉軟嫩搭配彈牙麵條與新鮮海鮮，層次豐富。🍚韓式辣豬肉石頭飯 set上桌時滋滋聲，熱辣辣！ 豬肉香辣惹味，與焦香飯焦交融，每一口都充滿傳統風味。原來所有既set都係包含經典韓國甜品——益力多，酸甜清爽，差啲再額外叫左野飲😂整體味道好正宗，份量都十足，性價比非常ok阿！…Read More

今日嚟到陳儀興安泰店，試佢哋嘅招牌崩沙腩河粉！湯底濃郁鮮甜，牛骨香氣十足，崩沙腩肥瘦勻稱，肉質軟嫩中帶少少筋膜，口感豐富；河粉滑溜掛湯，一啖湯一啖粉，滿足！配埋清爽通菜同凍檸茶（走甜少冰），正好平衡濃膩感。同朋友點咗牛脆骨河粉，脆骨爽口彈牙，湯底同樣出色；芥蘭翠綠無渣。風沙孜然雞翼係有驚喜，外皮炸得香脆，灑滿孜然同蒜酥，鹹香惹味，食到舔舔脷！兩杯凍檸茶（少甜少冰）茶底甘醇，甜度適中，解渴又解膩。整體而言，份量足料，穩定，係街坊小店嘅隱藏美食，值得再encore！…Read More

經過見到門口寫住$120有10串呢個優惠就入去試下我哋兩個人食，所以就叫咗兩份呢個套餐，一共20串，其實都幾抵食🍢五花腩，雞皮，翠玉瓜，虎皮青椒，基圍蝦，雞髀菇，雞軟骨，冬菇，韭菜，秋葵，鴨胸，菠蘿，脆香魚腐，魷魚串，娃娃菜，台灣腸，免治鸡肉棒，牛舌原本以為$120得10串，每串份量應該好少，但嘢食到咗嘅時候發現同出邊所有串燒餐廳份量一樣冇特別減少如果本身都鍾意呢種孜然粉重口味嘅串燒，呢間性價比算係幾高，而且佢啤酒買一送一，打卡仲可以送汽水🥤…Read More

今日去食銘興山西刀削麵，刀削麵比想像中好食。🍜招牌麻辣牛筋腩金錢肚熱湯刀削麵牛筋腩燉得軟糯入味，麻辣金錢肚爽脆彈牙，麻辣同埋蒜頭超多，所以落去湯度好香🍜熱拌豬軟骨麻辣手撕雞刀削麵豬軟骨唔會好似坊間餐廳咁乾柴，輕微有肉汁同埋彈牙，手撕雞鮮嫩，若果麻辣蒜頭多少少會更加好🍢麻辣黑木耳爽脆，麻辣程度偏向微辣，大部份人都能夠接受🍢涼拌海蜇幾清新解膩，比想像中大碟好多🦑香炸墨魚餅MVP！外酥內嫩，再點埋泰式辣醬非常好食…Read More

好耐冇食生煎包，見到呢間餐廳咁多人，就入去試吓🍞招牌生煎包（4隻）超級無敵更多汁！第一下俾佢焫親個嘴，啲汁跌晒落個碗度，可以當湯飲😂🍜招牌炸雞扒湯麵炸雞扒都幾滑，一啲都唔柴，炸粉都好薄清湯麵底，所以冇乜特別🍜招牌炸豬排拌麵一樣炸粉都幾薄，豬扒都唔會好硬個人覺得拌麵比起湯麵好食，醬油味都唔錯🐣麻醬手撕雞粉皮同坊間嘅味道一樣，原本以為係小食細碟，點知係同碗麵一樣咁大size，最後兩個人食唔晒🥛任飲豆漿坐低先知，原來有任飲豆漿，豆味都幾濃郁整體嚟講性價比非常高，人均60左右就可以埋單…Read More

見到觀塘新開咗一間串燒店就去試吓古法燒鯽魚🐟冇試過串燒店嘅燒魚可以咁多汁，一啲都唔乾，而且好嫩滑，鯽魚入邊讓左香茅等等嘅香料，再配埋餐廳特別調配嘅青檸辣汁，好味串燒🍗厚切牛舌、炭燒豬頸肉、燒雞軟骨、燒台式蜜糖腸、燒雞扒串🍋重點係青檸辣汁，比其他舖頭冇咁鹹，而且好清新全部嘢食點都變得更加好味芒果沙冰🍹呢杯超級好飲，極度濃稠同埋多芒果肉，飲落去唔似落糖水，飲得出係芒果果肉嘅香甜鹹檸七🍹將話梅肉打碎咗融入成杯嘢飲入面，對比其他餐廳飲嘅鹹檸七更加濃郁燒蠔🦪食得出好新鮮，配左大量香蒜，非常惹味，但同時唔會蓋過蠔嘅香味食物質素全部都有水準，睇得出老闆好俾心機燒，全部嘢食都保留到肉汁，唔會燒到好乾，座位上都坐得幾舒服😆最後埋單俾錢三百幾蚊，價錢非常合理…Read More

🥪香蒜牛油吐司適合重口味人士，極多蒜，味道鹹香，而且比想像中大份🍨三色芋圓西米露特別喜歡中間一隻綠色嘅芋圓，我估係抹茶味，慳幾特別🍨三色芋圓豆腐花另外一款豆腐花，比西米露更加大碗，豆腐花有豆香味，另外店員仲會比黃糖，可以俾我調節返甜度🥤奶蓋芋泥小丸子（凍）-500ml超多芋泥，奶蓋偏向清淡口味#世一豆乳 #豆乳之鬼#打卡able #相機食先#JollibeanHK #石磨樂豆 ＃啟德體育園#YohoMix #裕民坊 #德福廣場 #都會駅 #手搖#豆乳 #吐司 #豆腐花 #甜品#療癒美食#dessert #foodie #ComfortFood #觀塘美食#觀塘探店 #觀塘甜品…Read More

見到太多人推呢間炸子雞，決定同男朋友嚟試試佢🐣炸子雞半隻$68真係算份量十足，原來呢個價錢都會做到外脆內嫩，佢配埋俾你嘅酸辣醬我冇點到，因為就咁食件雞都已經非常足夠，原汁原味🦀秘製蟹黃醬海皇炒飯一嚟到見到一大pat蟹黃醬喺面，飯底算係淡口味啲，所以係靠撈勻咗蛋黃醬提高香味，炒飯份量算幾多，最後男朋友都食唔晒，不過整體嚟講呢個炒飯冇太大特別🦐黑松露滑蛋炒蝦仁呢個有驚喜！黑松露味超重，然後啲蛋炒得超滑，蝦仁亦都彈牙，好彩走咗飯，如果唔係完全食唔晒。用呢一個黑松露滑蛋蝦仁配返我另外叫嗰個蟹黃醬炒飯就啱啱好。…Read More

男老闆超友善 每次都會介紹食物最鍾意食佢既豬扒上海麵轉冬陰功湯底好多肉碎，有時老細仲話會加啲豬紅係個湯比我試下，好嘢味另外 個蔥蛋飯都好香，而且份量好多，男朋友都話超級飽唯一係門口有啲細，我搵佢嘅時候都Miss咗🤣…Read More

同事發現東廣場開左間花膠雞，就約我收工去話試試好唔好食🍜姬松茸竹笙花膠雞米線估唔到真係有兩片細花膠仔😂$78嚟講算係咁，大約有五嚿雞，質地算滑，合理，湯底唔會死鹹，食得出冇乜加工嘢🍜椰子雞米線比想像中重椰子湯味，湯底都發現有五至六片椰子肉，對比花膠雞湯相對濃味少少，有大約五件雞，質地算滑🍟黑松露醬薯條比想像中大份啲，味道同坊間差不多，正常發揮，算抵食🌽椒鹽粟米大量炸蒜，唔會太鹹，都幾香口，而且佢係斬開¼size，算方便咬🍹凍柚子梳打🍹凍檸茶…Read More

番工同事係OpenRice 搵到呢間話想試下 就黎左食叫咗兩個set 唔算貴千層芝士流心吉列豚肉秘製咖喱湯烏冬緩々空氣蘆筍炒雜菜豚肉有層次感 原來中間仲夾咗一層煙肉 仲會食到芝士味用左偏幼嘅烏冬 口感唔錯 但湯底就唔係一般嘅日式咖哩湯 嘢飲有驚喜 有淡淡嘅tiramisu味 而且唔會太甜煎三文魚扒秘製日式咖喱飯炸物拼盤三文魚扒好大塊 煎到微微金黃 口感香脆咖哩汁比起傳統嘅日式甜咖哩 更加似椰汁偏重嘅咖哩味 都算容易配飯炸物正常發輝 配左4款唔同炸物 一次過滿足左4個願望整體食物同格局比較有家庭式嘅感覺 而且份量充足 同事們想食飽啲 都可以試吓🤣…Read More

衝住係手工意粉，而且好多人推介去試，但實在只係一般貨色。。。。某P餐廳更加好食。份量較少，而且性價比低然後嗌佢signature嘅Cocktail ，幾款都係藥水味。唯一覺得味道不錯嘅係牛肉他他，其他意粉真係一般出面嘅貨色冇大眾講到咁誇張，最重點係啲位逼到爆炸！叫咗三碟嘢食已經冇位擺，同隔籬枱嘅空位，朋友要趷高腳收縮先行到出去總結，性價比咁低嘅情況下，朋友們都話唔會再食，唯有再嘗試發掘其他手工意粉餐廳…Read More

今日收工比我拉到算係平民區漢堡扒界嘅天花板，媲美挽肉與米🤩🥩手打和牛漢堡蘭王蛋丼飯 $151手打澳洲和牛，重油脂香！牛嘅肉香配上日本米加橙黃橙紅既蘭王蛋，完美配搭另外揀咗日式咖哩汁配日式泡菜，比坊間嘅日式咖喱汁辣少少，所以同埋飽滿嘅日本米，相對更加惹味，勁好送飯！🥩手打安格斯漢堡扒丼飯 $143安格斯牛比起澳洲和牛相對油脂就冇咁重，但更加重牛肉味另外呢邊都係揀日式咖喱汁，但係就配廚師推介嘅芥辣酸瓜！芥辣酸瓜有驚喜，完全唔會辣到攻鼻，但係保留到芥辣嘅香味，中和返非常重口味嘅香格斯，即刻冇咁膩🍗芝麻雞翼$18原來加配芝麻雞翼得一隻🥲 雖然有少少貴，但佢都幾好食皮薄炸得脆，但係依然有肉汁🥔日式牛肉薯餅$20都係加購價，而且得一嚿佢個炸皮做得幾薄同埋鬆化，比想像中佢嘅牛薯餅蓉做得幾軟滑整體嚟講百中嘅價錢食到呢個質素，我覺得性價比不錯…Read More

🌶️潑辣水煮牛肉$158超級大碗，保守食咗最少15至20片牛肉，而且每件牛都好嫩滑另外超級多芽菜，芽菜係偏幼身嗰一種，所以係朔晒水煮麻辣嘅味道，而且都有少量寬粉，煙煙韌韌好味🌶️川式香鍋 $200-300最少要加五款餸，所以我揀咗萵筍，魷魚，娃娃菜，蓮藕片，土豆片識食嘅一定明白點解我叫呢5款，全部餸都非常入味😝😝😝呢款香鍋算係微辣至小辣程度，而且唔算超鹹嗰款，所以啱大部份人食，唔會鹹或者辣得滯最後再加咗一罐王老吉，食辣嘢必配😋…Read More