Charlottelam223's Profile

今日難得出門行下，去左赤柱享受陽光與海風….4-5pm 有啲肚餓就入左去呢間餐廳食下午茶，無影相因為真係唔值得留念…我哋兩個人嗌左兩個下午茶set, 一個越式香茅豬扒河， 一個雞翼河，另外加左cheese sticks 同米紙卷，野飲就叫左凍檸茶同熱咖啡…個湯完全係味精湯，正常越式河個湯係清ge, 佢係濁嘅，完全無牛骨味…. 嗌兩碗粉，一碗多河粉，另一碗得3啖….塊香茅豬扒已經比鬆肉粉醃到無晒肉的質感…. 隻雞翼就炸到乾水…Cheese Stick 唔熱， 米紙卷入面d 菜唔新鮮同埋個汁唔好味….凍檸茶叫做正常，係無咩茶味杯熱咖啡就真係慘過飲即沖咖啡….成餐使左$302，我哋兩個一致認為以後都唔會再幫襯😞如果去到赤柱，去邊間都好，記住唔好去呢間，you deserve better😉…Read More

去到先知道，原來係一間酒吧，有野玩有野食有酒飲😆！當晚只有串燒menu,所以叫左好多串燒，無特別影相，因為太黑好難影，整體味道係okay ge, 但係唔知食左邊樣野，味精太勁，飲左成支烏龍茶先搞得掂😅 全晚最好味就係個牛舌，厚薄適中，調味剛剛好，其他就正正常常啦。飲品方面：選擇唔係太多，大部分都係cocktails 普普通通….環境： 好嘈，如果要傾計，真係比較辛苦，坐隔離都聽唔到對方講嘢😓😓枱與枱之間有少少距離，但如果全場坐滿的話，真係幾逼….So far 唔會再嚟啦，食串燒有好多其他地方🤪…Read More

北角匯近碼頭同巴士總站，新開左間西餐！頭盤—用紅菜頭醃製的煙三文魚，底部配上薯蓉同椰菜花蓉，個樣似壽司，食落去魚同薯蓉好夾另外仲食左酥炸單骨雞翼，同炸沙甸魚炸雞翼同沙甸魚都炸得0岩0岩好！食到唔停口😍炸薯條愛好者有福了！！！只要你order 一份主菜就可以兩小時內無限refill 炸薯條！新開餐廳嘅炸薯條永遠都係最正嘅，新鮮熱辣香脆😋四個主菜，質素都好好。包括慢煮。烤西班牙伊比利亞豬架，剛剛好熟，豬肉鬆軟，配上蘋果蓉，酸酸甜甜唔肥膩！香煎帶子配黑松露蘑菇意大利飯帶子大大粒，唔會over cooked ，蘑菇量多，意大利飯粒粒分明唔會硬骨骨，推薦！XO醬龍蝦尾配飲管粉因為有小朋友，所以要求走XO醬，怕會辣。反而咁樣可以食到更加濃嘅龍蝦味，意大利粉粗粗，未食以為煮耐左，原來軟硬適中，幾好味。炭燒美國頂級封門柳我特登Google一下究竟封門柳係牛嘅邊個部位，原來全隻牛得一條封門柳，出名油脂少肉味香濃！雖然油脂少，但唔會咬唔開，配上特別汁醬，我平時少食牛都覺得唔錯🤩出色嘅甜品，係呢間餐廳的另一驚喜本以為只有主菜好味，甜品味道應該無咩驚喜，但係佢地個紅酒啤梨，真係食完都仲掛住陣味，廚師話用左三種中國香草同紅酒浸啤梨，我食晒成碟都食唔出係咩香草🧐等我下次再去食過，食得出再話大家知😎正所謂肚滿腸肥，食飽飽可以出去出面散散步，吹吹海風，非常滿意的一餐，下次再食過！…Read More