火井老嗲's Profile

不知不覺幫襯咗海既記已經好多年,多年來都係主要去食燒鴨肶飯或者咖哩羊腩飯,而今日專程坐車落去,就係為咗碟燒鴨肶飯,原隻鴨肶斬件上,大大隻相當滿足, 咬落口肉嫩香滑真係抵我專程坐車去食,另外叫咗一碟蝦子柚皮,雖然冇乜特別驚喜,但係只係收14蚊,夫復何求呀! 以今時今日香港哋已經算係抵食,而且又送倒湯,真係算係咁上下。…Read More

已經不是第一次光顧霞飛,只係今次一個人中午時份來吃, 感覺上還是早幾年前的霞飛 味道比較好吃,今日自己一個人,只係叫咗一籠小籠包 加 一個招牌大排擔擔麵, 先講講小籠包,味道只值 50分,已經沒有味覺上的驚喜 ,同時間亦沒有失望, 只是填飽個肚, 至於 大排擔擔麵都應該有 60分,排骨是新鮮即炸,湯底夠香濃、夠惹味,面身好滑溜,亦有少少彈牙,相比幾年前的霞飛,已經遜色了不少,分店亦已經買小見小,不過侍應服務是很有禮貌的, 希望此店能夠維持下去,因為始終曾經留著我的一點美好回憶。…Read More

屋企附近,開咗一間漢堡包專門店,由兩個青年人主理,有多款唔同嘅漢堡包, 雖然價錢比較離地, 但食落味道又覺得不錯,值得一再回味, 一般漢堡包賣五十幾蚊一個,未必人人接受到,但又總有捧場客,漢堡包有多款味道選擇, 形形色色都好多唔同配搭,仲可以轉套餐有炸薯條或者水牛城雞翼,店舗位置比較難搵,而且逢星期日或紅日休息,呢點大家要留意 。我會繼續支持地道小店。…Read More

其實想去Beerliner食豬手及德國腸想咗好耐,今日12:30去到,竟然....我哋係第一枱客,當然要試下Beerliner最有名個2個菜。香腸拼盤味道尚算不錯,但有點過份油膩,至於咸豬手比較精彩,皮脆肉嫩,三個人食亦夠飽,連2杯特飲,埋單$620 算合理,服務及環境亦算幾好,侍應生好有禮貌,值得加分,另外亦適合一些飲啤酒嘅朋友。下次要約多幾個朋友再去食,因為人多先可以叫多幾味菜式去試,仲要試埋甜品先得。…Read More

離開重慶已經有20多年, 真的很懷緬當年川菜的味道, 經同事介紹下便去了渝川, 當晚一行五人到達, 菜館是以私房菜形式經營,所以我哋點了三個冷盤、五個熱暈, 冷盤點了..巴渝口水雞、蒜泥白肉及麻辣豬肚絲, 雖然是冷盤,但分量一點也不少,而且味道亦都比較正宗,雖然我哋是點了小辣,但亦不失傳統口味,跟住戲肉是...辣子蝦、水煮魚、宮保雞丁、麻婆豆腐、肉碎炒土豆絲,以及奉送炒清菜一碟,三女二男吃得津津有味,人人都吃了二碗飯,非常滿足,事後亦不覺口渴,應該没什麼味精吧!總括來説, 應可以滿足一些對川菜有要求的食客。…Read More

前晚和同事吃完飯, 便去對面那間甜品店試下. 當時9點幾, 竟然沒有人, 心知不妙, 但一場來到, 以為穏穏陣陣叫個生磨芝麻糊, 店員還說是自己磨的, 應該冇問題吧?. 怎料, 未吃過那麼難吃的芝麻糊! 比超市賣即沖的芝麻糊難吃10倍。磨到有囉味，有啲粒粒不知什麼的粉粒，真係高難度動作啊！幾個同事的豆腐花滑但冇味！雲石豆腐花因加了黑芝麻, 不滑是可以理解的, 但一點豆腐香味都沒有. 還有位朋位叫了鮮奇異果涼粉. 涼粉是正常的, 但奇異果就不新'鮮', 懷疑有違商品說明條例.…Read More

最近在西環facebook群組熱話,就係鐵人旨花,星期六決定去試一試,預早訂位七點鐘準時到達,座位舒適,裝修簡潔,三個人叫咗三份丼,分別係海膽丼、穴子丼、同原條鰻魚飯, 小食方便叫咗炸雞、炸茄子、及炸廣島生蠔.先講海膽丼,海膽分量好多,飯比較少,海膽亦算新鮮,入口即溶有濃郁嘅海膽味,穴子丼收費比較便宜,但質素亦算合理, 然後到原條鰻魚飯,侍應端來時,真的有一點嘩然,鰻魚夠大條,而且肥嘟嘟好厚肉,就好似用刀叉食緊牛扒咁樣,味道方面亦都算中上,而且每人都免費奉上一碗蜆湯.至於炸物 略為失色,因為全部都肥淋淋,唔夠脆、唔夠乾身,但炸物勝在價錢平,最後三個人 六百三十蚊埋單,唔算好貴、亦唔算街坊價, 總體亦算合理。…Read More

昨晚繼續美食之旅,去咗西環山道倫哥私房菜,食雞煲加火鍋自助餐, 一坐低侍應就會奉上每人一隻鮑魚仔, 鮑魚炆得好淋好香,然之後侍應再端上雞煲, 需要自行煮八分鐘之後才可以吃,雞煲分量足夠,味道亦都夠麻辣,食ˋ完雞煲就輪到食火鍋, 侍應會將一盤海鮮拼盤加其他配料一拼端上,火鍋配料質數算唔差, 而且湯底仲有一隻肉蟹,整體嚟講食物質素及份量絕對抵食,但好可惜返到屋企之後,發覺整晚非常好口渴,搞到成晚都唔能夠瞓覺,要坐喺度不停飲水,所以對味精有敏感嘅朋友就要考慮清楚先好去, 最後座位及環境尚算不錯,而且汽水飲品仲要係免費添。…Read More

知道屋企附近開咗一間比較有特色嘅中式 飯店, 所以今日專程去試下,店內裝修乾淨整潔,坐得幾舒服。叫咗豬仔叉燒包及熊貓流沙包,包皮做得非常鬆軟,小朋友一定會喜歡,叧外金箔蝦餃及金魚餃味道亦算中上, 基上大部分嘅點心味道都算幾好, 可惜最後叫咗一個蟲草花蒸雞飯,原本味道都算係合格,點知食食下發現有一嚿雞屎忽,比較令人失望,而價錢亦比較貴咗少少, 但亦都值得一試,侍應服務亦都非常貼心、有禮貌, 值得一讚,整體今次都算係一個精彩嘅午茶。…Read More