bearbear0177's Profile

食物質素好，成日都帶唔同朋友嚟幫襯～呢度有專人幫你燒肉，坐喺度等食就得，正到暈…不過今次有啲不愉快經歷……食晒嗌咗嘅嘢食之後覺得唔夠飽，諗住嗌多半份炸雞，點知被老闆娘？唔溫馨嘅溫馨提示你仲有35mins就要交枱，炸雞製作時間要20mins，食到先好嗌。其實要食15mins點會食唔晒，你啲嘢食準時到嘅話，半份一人一件都無咗啦～但你講到咁，錢多唔想賺，我哋又無理由迫你賺錢，只好傾偈傾到夠鐘轉場啦～…Read More

我每個星期都嚟飲茶，算係老顧客。今次實係佛都有火，我5個人等咗一個鐘⋯疫情多過4人分檯，好普通，我叫得5人當然係想喺隔離枱啦⋯你搞錯嘢嗌咗我個號碼入咗嚟，睇住你入第二枱去連檯度都算，諗住你都係比第二張我啫，點知你比兩張分到勁開嘅四人枱我，做乜啫？點食呀？我唔介意分到咁遠食嘅話，我一早講我3人同2人啦⋯咁我見到隔離連枱埋緊單，已經即刻同個侍應講我哋要去果邊⋯點知到人走咗，我行咗埋去，再叫侍應轉枱，佢先走去問轉唔轉得⋯之後果大粒嘢話唔轉得，入緊人⋯我同佢理論，你無位做乜又叫人入嚟，你比兩張咁遠嘅枱我點食呀？我要咁遠就唔洗等咁耐啦⋯佢話出面仲有好多人等緊，叫我哋一係食一係出去再等過，個個咁轉仲得了嘅⋯自己搞錯，人哋爭取返，你仲大聲鬧人，仲叫人排過⋯你無嘢呀？…Read More