JB_TL's Profile

好好食咼！但竟然冇乜人嚟（可能時間尚早？）！睇返有人話佢地服務唔好，但我嚟到啲服務又好好。主動加茶加水，要既嘢好快就送嚟俾我地，主動換碟依家真係少有！🤣我既加分位！講返食物，睇咗廣告話提早一日訂座可以優惠價揀“$298 足8両雞煲翅”或“$68 京式烤鴨（1食）”，所以訂定位嚟試個翅！好夠翅，雞味亦好夠，係差咗啲咸味（不過我食開味濃）。乳豬皮薄又夠脆好好食，冇臭豬味！（未影相就食咗…翅幅相既一角有影到少少）龍蝦都好多肉，又係讚！什菌扒素鴨個個食完都話好食！一定會再返嚟！冇乜人，坐得乾淨舒服❤️❤️❤️💛💛💛💚💚💚…Read More

食物: 湯底係好多蕃茄蓉但完全冇味，要靠佢個麻辣汁調味。 個麻辣汁係好食既。 我嗰碗揀咗配米線，但因為個湯冇味，啲米線完全吸收唔到啲蕃茄汁，所以係失望既。服務: 會搭枱，我個人嚟講對呢個安排係ok既。 但係佢地不停將隔離枱落同我地既單搞亂，我地分別都已經解釋咗4次，依然亂。 到最後，我地等咗3個字有得食，但隔離枱就等咗8個字先有得食.....環境: 光猛既，算新淨。 以麵食店嚟講，坐位算舒適。總結，深水埗仲有好多好嘢食...唔會再考慮幫襯....…Read More

環境： 光線充足，簡潔乾淨，冷氣夠！食物：4.5分 （5分為滿分）春卷 （5分）：皮脆餡新鮮，好食過酒樓，唔油膩！十個讚！羅漢齋（4分）：菇菌類又係好新鮮！味道好好，都係唔會油膩！素食最怕滿口油既我呢度真係要讚！健康湯水餃 （3.8分）：湯夠味，皮略嫌淋咗啲，如果可以硬身啲就更好！琵琶豆腐 （4分）：好香好滑好夠味！邊個話食素就冇厘味道！合桃露 （3.9分）：唔太甜，仲有粒粒合桃碎，有咬口，仲好香！overall 我超滿意，一定會再嚟食！Chef加油丫！！！ 暫時食過最好既素食餐廳！…Read More

環境： 燈光暗，但我鍾意。冷氣夠，環境乾淨！打邊爐湯底最重要，我集中講湯底！湯底：揀左佢o個個“醉生夢鍋”，一共有5隻湯底（其中一個係乜龍蝦黑松露芝士，大大個伏！！！！）龍蝦黑松露芝士湯底： 一盅好杰既芝士醬，啲冇乜肉既龍蝦就斬晒件熟晒咁塞左喺啲芝士醬到，呢個所謂湯底既醬係用另一個盅同其他液態湯底分開上既。佢個盅，睇落好勁，由於啲芝士醬好杰，而且話明係邊爐，我同朋友都以為個盅會一直熱住，方便熟左既食物點黎食。點知，係冇加熱既！！！！成程佢就係咁由開頭少少暖，吹冷氣吹到凍冰冰到一個點，連芝士控都頂佢唔順！其實點餐嗰時已經覺得呢個咁既味同火鍋配料唔多夾架啦，但佢個湯底package包埋，咪即管試下。點知真係伏到冇人有！個醬有松露味既但冇芝士味，而且的確係你用乜配料點落去都同呢個醬完全唔夾，再加上佢冇熱住，基本上每人點左一兩次就成盅冇人掂過。完全唔recommend去用最高價去試pat咁既野。另外嗰4隻味，我地將佢個沙嗲湯底加錢轉做美人湯（好後悔！）。原因係，除左個麻辣湯底ok之外，其他完全唔得！尤其是佢個乜松露什茵湯，又係同啲料既味完全唔夾！！！！本人試左就算，keep住用個麻辣底就ok了。美人湯：加錢換來既係好大雞味既湯，除此以外乜味都冇。而且係一種unpleasant既雞味。都係o個句啦，試左就算都係back to 麻辣湯。牛肉，份量好少而且超薄！豚肉ok, 厚薄適中。唔鞋口！其他蔬菜菇類都新鮮。…Read More

環境: 冷氣夠，乾淨，燈火舒適。餐廳標鎊沙律Lunch 之食評:叫Main course (價錢由108至188)已包括salad bar (2款湯，八款沙律菜，薯仔，粟米粒及薯條），餐飲以下以5分為滿分。沙律菜: 2.5分。算多選擇，有羽衣金藍。沙律菜尚算新鮮，沒有任何調味下都ok. 不過雨衣金藍偏老身。主菜: 明太子意粉：1分。1分係俾個賣相的。皆因個意粉完全冇明太子味！只有大量沙律醬味！意粉上有魚子係唯一可入口的。有一角檸檬可加入意粉調味，但老實講佢個粉得面既沙律醬有味，粉完全冇味！加埋個檸檬汁成件事就係沙律醬一個味，檸檬汁還檸檬汁味，粉係冇味既。到你食啲魚子咪有魚子味。上面既紫菜係擺得靚，但佢上菜極快，未食完沙律就嚟咗主菜，除咗主菜凍咗外，啲紫菜沾晒水氣，完全同啲粉撈唔埋！結果又係一舊紫菜咁食。。。錯晒。。。餐飲: lemonade: 3.5分。好夠青檸味，夠酸，不過到尾會飲到現成檸檬汁味（唔係新鮮檸檬汁超市一支支嗰隻）。so far so good 吧。。。…Read More

環境: ok. 光暗剛好，冇曜眼射燈，適合傾計聚會！冷氣夠！外面冇街位，揸車既附近英皇道有爛地車場最近。服務: 讚！ 本來提供2人枱。經理見我地叫既食物較多，主動加大枱俾我地！埋單時又有留意卡主姓乜，好welcoming! 你地既service 我地一定會再返嚟！^^本人一向唔鍾意相機食先，但篇都冇相又唔係幾好～是但拍啲吧今次^^冇perfect angle冇美圖，請勿見怪～是次餐點list:飲品:Aussie Punchiced coffee湯:1) 意大利菜湯2) 海鮮周打湯頭盤1) 巴馬火煺哈蜜瓜2) 黑松露醬巴馬火腿芝士多士3) 西班牙臘肉腸4) 八爪鱼牛油果他他主菜:西班牙燒乳豬5分為滿分lol飲品:Iced coffee: 3.9 比一般香港餐廳ok! 夠濃香。Aussie Punch: 果味夠，酸甜balance 得好，唔太甜。配肉食可減油膩感。湯:1) 意大利雜菜湯: 4分。偏酸，thick 既菜湯底。唔錯。2) 海鮮周打湯: 4.6分。讚！似龍蝦湯，湯內海鮮用上新鮮蝦，肉質彈牙鮮甜！新鮮大蜆要大讚，煮得啱啱好！好滑好鮮，完全冇overcooked. 好多餐廳都做唔到！青口亦好嫩滑！頭盤:1) 巴馬火腿哈蜜瓜: 3.2分。 一般，哈蜜瓜唔甜切得太大舊，好難放入口。巴馬火腿味道唔香濃，應該係18個月的吧？2) 黑松露醬巴馬火腿芝士多士:3.2。一般，好一般既三文治多士。用上普通方包，改用法包可能會好啲。因為用上普通白麵包（好薄）面既巴馬火腿加芝士就會好咸。個松露醬只係為個冇乜特色既包加啲層次而已。3) 西班牙臘肉腸: 4分。係我鍾意既口味，咸香有肉既質感。可以既話唔好用咁多油去煎，減少油膩感就perfect.4) 八爪魚牛油果醬他他: 3。呢個係唯一食唔晒既，係好失望。八爪魚冇味，他他唔知去咗邊>< 如果有檸檬+olive oil就好了>< 個牛油果醬打得好creamy, 讚。但下面既一堆水煮瓜菜類，同個醬完全唔夾。口感又硬又冇味，sorry呢個堅唔掂。主菜:西班牙烤乳豬: 3.9分。肉質好嫩好滑！係唔夠咸味，多少少味就perfect. 皮鬆化香脆，中間既油層啱啱好燒溶晒。功夫幾好！如果可以既加多少少咸度會加好多分數。…Read More

環境: 樓上鋪。冷氣夠，乾淨清潔有別一般樓上鋪食店充斥油煙氣味，呢點讚一下！相就唔提供了，其他post已有好多。focus 個人食評^^食物:頭盤:燒帶子柚子沙律鵝肝配呠酒梨蟹肉酥皮盒湯:海鮮濃湯蟹肉南瓜湯主食:龍蝦汁海鮮意大利飯卡邦尼意粉甜品:檸檬雪芭檸檬芝士蛋糕評語:1) 燒帶子柚子沙律: 4.5分，讚。燒帶子厚薄剛好，燒得夠香之餘冇油淋淋既感覺。沙律菜有雨衣金蘭，唔只得羅馬生菜，較有口感。柚子用上紅肉柚，清甜不苦，激讚。油醋汁鹹甜酸比例很好。2）鵝肝配呠酒梨: 3.9分。樓上鋪此價錢鵝肝份量偏少。鵝肝煎得剛好，鹹度也剛好，下方多士厚度配合得很好。3) 蟹肉酥皮盒: 3.7。整體ok。蟹肉有蟹味。酥皮盒沒有受潮或過油。但欠缺點特色！4) 海鮮濃湯: 3.8。湯濃度鹹度都好balance， 不過湯內既海鮮失色。蝦用上雪蝦，只有彈牙卻欠缺鮮蝦肉既質感同鮮甜。青口好老，冇鮮味。基本上只想飲個湯，完全唔想食佢啲海鮮，98蚊咁既質素我覺得overpriced.5) 蟹肉南瓜湯: 3.5。蟹肉好鮮，不過有大量軟殼，每一啖都被軟殼充斥，飲得好辛苦。南瓜味濃，清甜。湯亦夠rich.6) 龍蝦汁海鮮意大利飯: 3.6。飯質感軟硬適中，同其他菌類及翠玉瓜配搭得宜，減去飽膩感。龍蝦汁味濃郁，鹹度適中。不過又係上面啲海鮮出事！啲海鮮同海鮮濃湯內既大致相同。青口，蝦都唔合格！帶子ok. 多咗既係北寄貝刺身，不過完全唔夾。叫做好過配三文魚。所以啲海鮮好多都食唔到，因為真係好難入口。7) 卡邦尼意粉: 唔係我食，無法提供食評。8) 檸檬雪芭: 4.2。成隻檸檬上，檸檬味很香。酸度剛好！質感似係打成泡沫再放冰格。所以好香滑。本人鍾意呢種質感！不過expect食冰既可能會失望^^。唯一缺點，用大粒冰座碟放檸檬於上。一路“筆”個檸檬一路兜圈。因為個檸檬結晒冰，扶住啲手指凍到痛！好彩服務員見到我咁狼狽即刻俾張紙巾我扶個檸檬。建議: 座底啲冰改做碎冰/換個啱用既器皿放吧T.T9) 檸檬芝士蛋糕: 2。好甜！檸檬味好香，不過完全冇芝士味亦冇芝士蛋糕既質感。…Read More

湯底好飲，本來都好欣賞，不過飲完15分鐘就開始心臟痛。本人一向都對味精敏感，對中味精毒既感覺好清楚。如果sell湯底標鎊係俾人飲左先打邊爐的話，請不要加味精～～～蒜泥建議用返新鮮切的，呢種水浸既唔好食～～至於其他火鍋料都ok. 牛肉新鮮！正價去食雜菌黎講個份量少左d. 同埋d熟食差左d, 鹽酥雞一d都唔鹽酥, 個味又怪又唔新鮮，一定要改良～～d 座位又細又硬坐到patpat痛～～～打邊爐最快都90分鐘，希望可以人性化少少！…Read More