SophiaKwok's Profile

收工喺尖沙咀行街行到肚餓，就去咗The One呢間餐廳食法國菜，二人餐都只係$538 ，有餐湯兩前菜兩主菜，性價比極高，餐廳環境優雅之外，食物亦都係一流😋🦴烤牛骨髓 烤牛骨髓油香十足，炙烤後嘅香氣更出，搭配香草醬嘅酸爽清新，完美平衡膩感，酸種麵包外酥內軟，抹上骨髓同醬料，入口脂香四溢而不厚重，佐酒或者就咁食都令人十分滿足🥧法式點心拼盤 炸蟹肉球外脆內鮮，煙三文魚鹹香柔潤，迷你蛋撻滑嫩微甜，香草芝士撻濃郁不膩，雅枝竹蘸醬好特別，具獨特風味，精緻小巧嘅組合，一次品嚐多種法式經典，非常推介呢一道菜🐖黑豚帶骨豬鞍 黑豚帶骨豬鞍火候精準，外層煎至金黃酥脆，內裡粉嫩多汁，肉質緊實而不失柔嫩，帶骨部位更添脂香，搭配蜜糖芥末醬燒汁嘅醇厚味道令豬鞍更出色，佐以法邊豆同番薯蓉平衡膩感，分量厚實而不顯粗獷，係肉食愛好者必點之選🥩澳洲和牛牛脊肉 澳洲和牛牛脊肉展現了完美嘅油花藝術，大火炙烤後形成焦脆外殼，內裡呈現誘人的櫻粉色，入口即化且肉汁飽滿，到，配搭鴨肝白蘭地醬汁，令人食得非常享受🍸Lychee martini & Japanese Mule Lychee Martini清甜馥郁，荔枝香與伏特加完美交融，Japanese Mule清爽易入口，兩杯皆夏日微醺首選📍尖沙咀彌敦道100號The ONE 4樓L407號舖 - Odelice!…Read More

天氣又濕又凍，同朋友係尖沙咀行完街，就想食吓啲辣辣地嘅嘢，就嚟咗呢間係厚福街嘅嫲嫲辣辣，一入到去就已經聞到麻辣嘅香味，而且環境乾淨衛生，食物亦好好味🌶️嫲嫲干鍋自選（晚市5餸） $138 當其他店舖食麻辣乾鍋要二百幾嘅時候，呢間只需要$138，而且份量十足，味道都係一流，性價比極高，干鍋嘅餸選擇非常多，隨便揀都好好食，味道方面，干鍋香氣撲鼻，麻辣調味恰到好處，唔會過於刺激，食材炒得夠鑊氣，微辣中帶麻香，越食越開胃🐖椒鹽黑椒豬仔骨 $85 豬仔骨炸得金黃酥脆，椒鹽鹹香撲鼻，黑椒辛辣惹味，咬落去肉嫩多汁，骨邊帶點焦脆更添風味，調味濃郁，香口惹味，配啤酒一流🐓砂鍋秘製香辣鮑魚滑雞 $128 鮑魚彈牙鮮甜，雞肉嫩滑入味，秘製香辣醬汁濃郁惹味，辣度夠勁卻不掩鮮香，砂鍋保溫鎖汁，食到最尾都係熱辣辣，每一啖雞肉都飽吸精華，絕對要試🍲砂鍋胡椒竹腸皇煮滑雞湯 $108 熱辣辣上枱香氣撲鼻，竹腸爽脆無異味，雞肉嫩滑到不得了，胡椒湯底辛香暖胃又唔嗆喉，精華全鎖喺砂鍋裡，飲完成身暖笠笠，喺又凍又濕嘅天氣必嗌嘅湯🐮嫲辣牛肚 $68 牛肚淋滑彈牙，秘製麻辣汁直衝味蕾，花椒香麻夠過癮，辣度層次分明，越食越上癮📍尖沙咀厚福街9號地下J1號舖 - 嫲嫲辣辣…Read More

朋友話今日要帶我食香港第一間正宗魯菜餐廳，佢就帶到我嚟中環，一入門口，就比以戲曲主題嘅裝修吸引住，打完卡行入去，發現環境非常寬敞，十分有氣派，食物亦都係一流😋🐂堂切垛子牛肉 牛肉肉質鮮嫩，紋理分明，入口即化，香氣濃郁，搭配辣椒粉，口感層次豐富，回味悠長🥕熗拌濰坊鮮蘿蔔皮 熗拌濰坊鮮蘿蔔皮清脆爽口，帶有微微嘅辛辣、甘甜同芝麻香味，調味恰到好處，既保留了蘿蔔嘅天然風味，又增添了層次感🥣國宴烏魚蛋湯 湯汁清澈，烏魚蛋鮮嫩滑口，湯頭鮮美不膩，凍冰冰飲碗熱湯真係好舒服🪿魚籽醬烤鴨配煎餅 鴨皮酥脆、肉質鮮嫩，魚籽醬嘅鹹鮮同鴨嘅香氣完美融合，煎餅薄軟有韌性，整體口感層次豐富，奢華而不失傳統風味🫑成都青花椒毛血旺 湯底濃郁，青花椒嘅麻同辣椒嘅辣交織，毛肚、鴨血、豬腸，酸菜、鱔魚等食材新鮮入味，好適合下飯嘅一道菜🦐海捕大蝦燒膠洲白菜 超級好味嘅一道菜，蝦肉鮮嫩彈牙，白菜吸收哂蝦嘅鮮味，白菜嘅鮮甜同蝦嘅鮮味非常配合，好味到不得了🫔慕斯大油條（腐乳慕斯/鳳梨慕斯） 山東菜出名大份，所以油條都會特別大，全香港只此一家，新鮮炸起嘅大油條，配埋腐乳或者鳳梨慕絲，非常好味，而且打卡一流👍🏻拇指生煎包 食完最大嘅慕絲大油條，當然而家要試吓最細嘅生煎包，拇指生煎包，佢嘅大細真係好似拇指咁，一啖一個，湯汁喺個口度爆曬出嚟，而且入面嘅肉非常新鮮，食到唔停口🍮阿胶丝滑酸奶 今晚呢一餐有好多唔同嘅味道，甜嘅鹹嘅辣嘅都有齊晒，到最後梗係要試埋個酸味，就用酸奶作為甜品，酸奶絲滑美味，奶味美味濃郁，為呢一餐畫上完美嘅句號📍中環德輔道中173號南豐Place 3樓 - 星·South Beauty…Read More

情人節唔係香港，男朋友就提早同我食情人節晚餐，佢帶左我去中環一間日式燒鳥居酒屋，用咗雞的不同部位去做串燒，環境闊落好舒服，食物亦都好好味，兩位都只係$1888，另外仲可以叫唔同嘅日本酒，非常之抵😋🥗季節沙律 非常清新嘅開胃菜，刺身同沙律菜非常新鮮，而且調味洽到好處，仲有健康嘅牛油果，令口感更豐富🐓三黃雞肝醬配意大利麵包 三黃雞肝醬濃郁細膩，搭配香脆嘅意大利麵包，口感層次豐富，雞肝嘅醇厚同麵包嘅麥香完美融合，係一道精緻嘅開胃菜🎃 日本南瓜蓉雞湯配意大利麵包 係三黃雞肝醬嘅另一選擇，亦都非常推薦，因為賣相一流，味道亦都好出色，日本南瓜蓉雞湯香甜濃郁，口感溫潤順滑，南瓜嘅自然甜味同雞湯嘅鮮味非常配合，麵包蘸湯後更顯風味🐥雞翼 雞翼燒得外皮香脆，內裡肉質嫩滑多汁，咬落去滿口肉香🐔大蔥雞腿肉 大蔥雞腿肉嘅大蔥清甜新鮮，雞肉鮮美彈牙，兩者搭配得恰到好處🦆免治鴨肉(或雞肉棒) 免治鴨肉串口感紮實，鴨香濃郁，配上生雞蛋黃醬汁更加惹味🐟燒白鱔 燒白鱔外皮焦香脆口，魚肉細膩嫩滑，入口即化，點少少山椒粉，更加惹味🐐燒羊架 燒羊架肉質軟嫩多汁，完全冇羶味，只有滿滿嘅肉香🍄‍🟫芝士大洋蔥燒蘑菇 芝士大洋蔥燒蘑菇芝士味濃郁，蘑菇多汁鮮甜，口感豐富，仲要有四粒大大粒，非常滿足🍠日本金時番薯日本金時番薯香甜綿密，帶微微焦香，令人回味無窮🥘海鮮釜飯 鮮味十足嘅海鮮釜飯，米飯吸收左海鮮嘅精華，口感軟糯且帶有淡淡焦香，鮮蝦、蟹肉、青口新鮮彈牙，層次豐富🧇朱古力麻糬窩夫配朱古力雪糕 朱古力麻糬窩夫外脆內軟，麻糬有嚼勁，朱古力香濃不膩，為整餐畫上完美嘅句號🍾鳥駅精選果實酒 今次揀左芒果味，仲有其他果味嘅，可以叫店員介紹下，芒果梅酒果香濃郁，芒果嘅甜美同梅酒的酸甜完美融合，口感清爽順滑，容易入口，尾韻帶微微酒香📍中環嘉咸街53A號嘉利大廈地下F及H號舖 - 鳥駅…Read More

朋友同我講坑口村入邊有一間隱世嘅西餐廳，仲同我講話一定要嚟食，佢講到咁正 ，即刻揸車入去，好彩入邊都好多咪錶位，泊車都非常方便，而且真係不枉此行，能夠比我食到全香港最好味嘅炭燒西班牙黑毛豬😽🦀牛油果蟹肉脆餅 $88 牛油果同蟹肉鮮甜嘅味道非常配合，而且蟹肉嘅份量十足，喺一道非常出色嘅small bite前菜🐷FIKA炭燒西班牙黑毛豬梅頭烤日本甜薯 $298 可以話係我食過最好食嘅黑毛豬梅頭，餐廳先將黑毛豬梅頭焗到啱啱好熟，然後拎去炭燒，所以食落去嘅時候，炭香味係非常之香，同時間亦都能夠保留到黑毛豬梅頭嘅肉汁，能夠喺香港食到炭燒，真係十分難得，仲要咁好味，真係只此一家🦐大蝦自家製濃厚蝦汁扁意粉 呢個蝦汁，簡直係冇得輸，絕對唔係好似其他餐廳咁，係買現成嘅，餐廳係用大量嘅蝦頭去熬製，先能夠做出如此濃厚嘅蝦汁，絕對係一門功夫菜，每一條扁意粉都能夠掛上濃郁嘅蝦汁，令人食得非常享，而且仲有爽口大牙新鮮嘅大蝦，鍾意食蝦嘅朋友，必定要試除左呢幾樣食物之外，其他都會好想試下，影低啲menu，下次再黎試！📍將軍澳坑口坑口村24號地舖 - Fika…Read More

朋友屋企樓下有間叫賀天嘅日式餐廳，環境唔錯，成日都叫我同佢去試，而且逢星期一三五日，壽司買一送一，逢星期二四六就串燒買一送一，我就鍾意食串燒，所以就約咗佢禮拜二一齊試吓🤤🥩賀天四色燒牛肉盛合定食 $328 選用鹿兒島A5和牛、極上美國牛小排、頂級美國西冷牛肉同牛舌芯，再配合埋充滿日本風嘅燒爐，視覺同味覺都係一大享受，套餐仲包括時令三點刺身、日式前菜、和風沙律、御飯、味增湯同埋甜品，絕對係超值之選🐟季節六點刺身 $378季節六點刺身有三文魚、牡丹蝦、帆立貝、油甘魚、拖羅同埋帶子，全部肥美厚肉鮮甜，令人食得好享受，而且擺盤亦都好靚，非常適合打卡，套餐仲包括日式前菜、御飯、味增湯同埋甜品🍢燒粟米 $32 日本黑豚肉萵筍 $45 美國牛柳串 $58 買一送一嘅串燒，性價比極高，燒粟米粒粒都好聽甜，黑豚肉萵筍亦都好新鮮多汁，牛柳亦都好濃郁嘅牛肉味，全部串燒都熱辣辣，食得好享受🎟️估唔到埋單仲有coupon送，呢間餐廳咁抵食，又可以約埋朋友下次嚟一齊食🤤📍將軍澳唐俊街28號海天晉滙1樓104-105號舖 - 賀天…Read More

同朋友收工去中環食飯，發現大館有間新開嘅西班牙菜，睇落都唔錯去試吓。🐷黑毛豬火腿球 $26火腿球外脆內嫩，香氣四溢。選用的黑毛豬肉質鮮美，搭配微鹹的調味，讓人一口接一口，十分過癮。🐟煙燻鯷魚蒜蓉蕃茄水晶包 $38煙燻鯷魚搭配蒜蓉蕃茄，每一口都帶來濃郁的風味，清新的蕃茄令人食指大動🥔辣肉腸薯仔奄列配小香腸 $108奄列鬆軟，咸香的辣肉腸與薯仔完美結合，口感豐富。小香腸增添了層次感🐙Pulpo （烤加利西亞章魚腿伴Rioja辣椒醬及綠色香芹醬） $168加利西亞章魚腿烤至外焦內嫩，搭配Rioja辣椒醬和綠色香芹醬，風味獨特。每一口都能品味到海味的鮮美，令人驚喜。🐑Cordero Iberico （摩爾香料腌制慢煮羊架伴香草醬及沙律） $188慢煮的羊架肉質鮮嫩，摩爾香料的風味沁入肉中，搭配香草醬和新鮮沙律，配搭唔錯🐚1862 招牌西班牙海鮮飯$288這道海鮮飯色香味俱全，米飯吸滿鮮美的海鮮湯汁，口感豐盈。搭配多樣的海鮮，打卡都一流🍮傳統焦糖雞蛋布丁配忌廉烤杏仁 $68布丁滑順細膩，大推！表面焦糖香甜，搭配烤杏仁的香脆，口感對比鮮明，是餐後甜品的完美選擇，令人回味無窮。雖然餐廳遠左少少，但系都幾值得一試！…Read More

今日一位做開健身嘅朋友約我食飯，約咗喺觀塘嘅一間西餐廳，本身以為佢今日係cheat day，點知原來呢間西餐廳係好適合做開健身嘅朋友嚟食，每種食物有標示卡路里之外，食物亦都非常健康同好味，環境一流，不妨嚟試吓🍊和風柚子三文魚蒟蒻冷麵 $118 夏日炎炎，想食啲凍凍地嘅嘢，就叫咗呢一個和風柚子三文魚蒟蒻冷麵，清新嘅柚子配上新鮮嘅三文魚，味道好清新，蒟蒻麵吸收晒柚子同三文魚嘅鮮味，令人食得好享受🥩香煎紐西蘭牛柳配薯蓉 $208 紐西蘭牛柳煎得恰到好處，除咗肉汁相當多，肉質亦都好軟腍，牛肉味非常濃郁，而且有滿滿嘅沙律菜同埋薯蓉，能夠吸收足夠嘅蛋白質之餘，亦都有足夠嘅纖維素，同埋夠晒飽肚，係健康之選🍹Scarlet，Moonrise $55 兩杯都係營養奶昔，都係由新鮮嘅生果整成，Scarlet就係有士多啤梨、車厘茄、香蕉同埋燕麥奶整成，至於Moonrise就係有黑莓、藍莓、士多啤梨同埋脫脂奶整成，兩杯飲品顏色都好吸引，好健康之餘，味道亦到一流📍觀塘鴻圖道19號富登中心地下1號舖 - Bischofia by Mood…Read More

最近同朋友嚟九龍城先發現有間蒸氣海鮮，望落幾吸引，一於試下味道如何！🦀野生膏仔蟹膏仔蟹肉質鮮美，蟹膏香濃，肉質細膩。清蒸是能最大程度保留蟹的鮮甜味，大推！🦀太平洋饅頭蟹這種蟹的肉質甜美且富有彈性，外殼堅硬，肉量豐富。🦞澳洲青年龍蝦肉質鮮嫩，味道獨特，搭配一點醬油，能夠提升其鮮味。🐚台灣九孔鮑魚九孔鮑魚肉質滑嫩，鮮味十足。🐚大西洋野生青口青口貝的肉質鮮美，帶有海洋的清香。🦐加拿大野生海虎蝦海虎蝦肉質甜脆，口感極佳🦪韓國斧山珍珠蠔珍珠蠔肉質滑嫩，搭配醬油及小小辣椒，味道更為出眾。🐚蟶子蟶子肉質鮮嫩，帶有淡淡的海味🐚蟹皇大元貝大元貝肉質鮮美，蟹皇更是精華所在，能夠讓每一口都充滿海鮮的鮮甜。🥬有機蔬菜籃食完海鮮可以食菜，鮮甜健康又美味。🥣鮮甜的海鮮精華最後煮成粥，清甜飽肚得來又好味！最後仲有甜品食，簡單畫上了完美的句號。📍九龍城龍崗道2-4號地舖 - 蟹仙海鮮蒸氣鍋…Read More

收工嚟咗諾士佛台呢邊，唔想去酒吧飲酒，反而想食吓嘢，就去咗呢間喺冠福中心一樓嘅韓國居酒屋，環境唔錯，坐得幾舒服，而且食物都幾好味😋🐮生拌牛肉 $258 有時喺出邊都唔係好敢食生牛肉，但呢一間餐廳嘅生牛肉比到我絕對嘅信心，除咗乾淨新鮮之外，味道亦都一流，食落唔會覺得好似食緊生肉，用嚟做冷盤前菜，簡直一流🐷韓式豬仔腳 $378 可以話係我食過最好食嘅韓式豬手，份量都好多，絕對足夠四個人食，叫黎share一流，豬手係餐廳自制嘅，豬手嘅肉好嫩滑，肉質軟腍，而且味道亦都非常出色，餐廳準備嘅大醬同埋醬汁，配埋生菜，包住一齊食，食得非常享受🐮辣牛腩湯（辣） $128 辣牛腩湯嘅牛肉味非常濃郁，而且仲要係熱辣辣，食到最尾嘅湯都仲係熱嘅，牛腩份量都幾多，而且牛腩亦都燉到非常軟腍，配埋白飯食，辣辣地咁，好惹味，非常滿足🥒青瓜真露 $70 真露平時喺韓國餐廳就飲得多，但青瓜真露就真係第一次試，新鮮嘅青瓜切絲，再倒入真露，令到青瓜清新嘅味道完全釋放晒出嚟，飲落去除咗有真露嘅香味之外，亦都有青瓜嘅清新味道，係非常值得一試嘅飲品📍尖沙咀諾士佛臺9號冠福中心1樓 - 狎鷗亭居酒屋…Read More

聽好多朋友介紹呢間生煎包好好食，一直都好想試吓，今日經過附近，順便過嚟食個午餐。🫓招牌生煎包外皮金黃酥脆，內餡則多汁豐滿。包子底部通常煎至香脆，頂部撒上香蔥，搭配一點芝麻，香氣四溢。每一口都能感受到肉汁的鮮美，要小心爆汁！🦀蟹皇生煎包蟹皇生煎包是生煎包的高級版，內餡選用新鮮的蟹黃醬，口感更為細膩。味道鮮香四溢，一試難忘。🐷秘製上海炸排骨外酥內嫩，經過獨特的醃製和炸製工藝，保留了肉質的鮮嫩。排骨表面裹著一層金黃的脆皮，風味獨特。🫘手工豆沙窩餅這款特式甜點外皮酥脆，內餡是細膩的紅豆沙，窩餅的口感層次豐富，甜而不膩，特別適合搭配低糖豆漿另外，店舖的職員都好有禮貌，同好熱情❤️‍🔥呢個值得加分！📍旺角通菜街1M-1T號華發大廈地下D號舖 - 劉興記生煎包專門店…Read More

呢間薯條想試咗好耐，平時一直經過見到人哋食覺得好香，睇落好似麥當勞嘅Shake Shake薯條，但味道有好多唔同嘅款式！今日就試吓其中兩款嘅味道分享下！😋🍟Shoe String (Mega size) $48一共有六款味道，今次揀呢個size只可以揀兩款味，我就揀咗松露及BBQ。個人比較鍾意松露味，因為聞落超級香，食落超重松露味，相比之下BBQ就無咁突出😂除左薯條仲有好多款小食，包括炸番薯條、炸薯圈、笑臉薯餅等！掃街可以一試嘅店鋪😁📍旺角花園街2-16號好景商業中心地下23號舖 - Potato Corner…Read More

收工同朋友嚟試下呢間中菜，睇Openrice見佢前身系三小漁，口碑唔錯，所以嚟試下好無食🥚 半隻煙燻糖心蛋 ($18)煙燻過的雞蛋,蛋黃呈現柔滑的糖心狀,口感細緻鮮甜🫘 黑磚豆腐 ($18)採用優質黑豆製成,質地細膩綿密,搭配調味料口感香醇。 🦐 宮保大蝦球（6只）($198)大顆鮮甜的蝦球,採用咕嚕醬汁調製,口感香脆可口，呢個簡直一試難忘，擺盤亦十分精緻🐚 鮮麻椒油泡聖子 ($198)鮮活的聖子,配以麻椒油醬汁,口感獨特醇厚，配料的洋蔥等都好索汁，食落好開胃！🐷 鮮制話梅腩排 ($158)新鮮多汁的豬腩排,經特製話梅醬調製,酸甜可口，腩排食落半肥瘦，岩岩好🥬 金銀蛋泡白菜苗 ($148)嫩滑的白菜苗,與金銀蛋絲搭配,營養均衡美味🍑 桃膠燉手工千絲豆腐 ($58)：軟嫩滑順的自制豆腐,配以桃膠燉煮,清甜可口，豆腐切成絲狀,好考師傅刀功，望落養顏食落又養生🍮 法式焦糖燉蛋 ($58)外酥內軟的法式焦糖燉蛋,奶香濃郁,甜而不膩，作為飯後甜品是不錯的選擇呢度的服務一流，環境亦十分舒服，可以一家大小一齊嚟試下。走之前侍應有提及特定時間有優惠！大家可以bookmark定！星期一至日：下午2時後入座至4時及晚上8點半後入座可享有8折優惠（公眾假期及特別日子除外）📍中環皇后大道中139號The L. Place 5樓 - 六如 (中環)…Read More

朋友同我講喺馬鞍山呢一個嘅美食沙漠開咗一間台式嘅一人火鍋，就喺新港城中心，咁近地鐵站，一於去試吓😋🥘鍋底 一人一鍋，鍾意食咩就落入自己個鍋度，啱晒我呢啲好揀飲擇食嘅人，咁今次就選擇咗蕃客為主同埋QQ骨膠原湯底，骨膠原湯底即係豬骨濃湯，濃濃嘅豬骨味，真係煮咩都覺得好食，至於蕃茄濃湯亦都好特別，加入菠蘿烹調，食嘅時候會更有鮮甜嘅味道🍄‍🟫台式小食 台式火鍋又點可以唔試埋台式小食呢，呢度嘅台式小食種類有好多，包括有酥炸菇菌、古早蒜味小香腸、古早鹽酥豆腐、一鼎鹽酥雞、台式甜不辣、三星蔥燒串花枝、手作地瓜球、辛師傅招牌韮菜餅、九層塔花枝丸、台南獅子球、花蓮藕墨魚滑同埋紅噹噹蝦球，基本上唔使思考，叫晒黎食絕不後悔，好似置身係台灣夜市咁🥩澳洲200日穀飼牛 澳洲黑安格斯封門柳 澳洲穀飼牛嘅肥瘦適中，牛肉肉味濃郁，食落去口感一流，至於澳洲黑安格斯封門柳，肉質鬆軟嫩滑，牛肉味會更濃，建議呢兩款牛都要叫晒黎試🥤台式飲品 餐廳除咗提供汽水任飲之外，亦都包括咗唔少任叫嘅台式飲品，咁今次就叫咗黑糖珍珠牛乳同埋芝士琥珀，黑糖珍珠甜度恰到好處，珍珠彈牙，配埋濃香滑溜嘅牛奶，正到爆，至於芝士琥珀，上面嘅芝士奶蓋，簡直係一流，鍾意飲奶蓋嘅朋友一定要試吓📍 馬鞍山鞍祿街18號MOSTown新港城中心4期2樓2001號舖 - 一鼎‧台式火鍋…Read More

最近天氣都好熱，黎到觀塘偉業街呢一邊搵個朋友，夏日炎炎想搵間Cafe坐低食吓嘢飲吓嘢咁，佢就介紹咗我嚟呢一間叫GAVI嘅cafe，全新開張，環境優美，坐得好舒服，而且食物亦都好出色😋🍟經典美式啤酒炸魚薯條 $128 炸魚薯條可以話係我嘅至愛，新鮮熱辣辣嘅魚柳同埋薯條，熱辣辣出晒煙咁，炸魚嘅炸粉非常薄，食落脆卜卜，魚肉新鮮絕冇雪藏味，而且仲配咗沙律醬同埋茄汁，無論食炸魚定係薯條嘅時候點埋醬汁咁食，零舍好味🍗港式雞煲炸雞翼（辣） $78 同樣係新鮮炸起嘅炸雞翼，炸雞翼皮脆肉嫩，肉香汁多，再配埋表面嘅雞煲醬，辣辣地咁，十分惹味，令人食唔停口🍊柚子檸檬碟豆花梳打 $42 柚子檸檬同蝶豆花嘅配合非常清新，少少甜少少酸咁，好啱係夏日炎炎嘅夏天去飲🍵抹茶鮮奶$42 未飲都已經聞到好香嘅茶味，飲入口有濃濃嘅茶味加鮮奶，拉花好靚📍 觀塘偉業街180號Two Harbour Square 1樓 - GAVI…Read More