Chingman121212's Profile

過完情人節又到白色情人節，有理由又同男朋友去慶祝啦😽揀呢間餐廳嘅原因係因為見到佢有個dessert presentation好吸引，一於去試試😋入座環境好舒適，雖然景觀唔係高樓嘅開陽，但座位排列唔密，唔會有同人對視或並排坐嘅尷尬👍🏻（真係好多高級餐廳都會安排好多二人檯排排坐咁）我同男朋友都order咗3 courses dinner，開場提供新鮮嘅餐包，麵包外煙靭內軟，配牛油入口唇齒留香😋不過唔好搽太多，牛油內加咗好多粗鹽會好鹹食完麵包收碟之後個waitress見我檯面有麵包屑竟然幫我抹檯🙈印象中冇乜餐廳可以做到咁仔細👍🏻到頭盤crab cake味道唔錯不過口感略嫌有點粗嚡🙈感覺咀嚼耐咗已經變咗渣，可能蟹肉再做滑身啲會更好第二個前菜嗌咗beef tartare他，牛肉非常潤滑，有種食緊tuna tartare嘅feel🤓入邊配菜都好豐富以致口感一直都好新鮮🤓推介俾大家餐廳staff再勤力幫我地清潔檯面換碟後就上main courses，我地嗌咗一個牛面頰一個牛臀扒，兩個牛嘅味道都唔錯，牛味都夠香濃，不過個人更鍾意牛面頰，可能係燜到啲牛肉好焾夠入味，入口即溶😋兩個薯菜都好食🫶🏻最後就到我地最期待嘅dessert presentation，staff會逐個逐個介紹上碟嘅甜品，甜品排位和醬汁的繪畫都好靚，有啲甜品除外餡外仲有內餡😋絕對唔止buffet的水準，一場來到值得嘗試❤️總結係成餐飯都食得好舒適，各位服務員的服務都好周到，食物質素亦不錯，絕對是大家慶祝的餐廳list之一💁🏽‍♀️…Read More

朋友聚會最啱就係食大大份可以share嘅泰式菜，今次揀咗好評不斷嘅Milu😺我同朋友係平日8點入座，可能係平日所以都冇滿座。見到隔離檯嘅情侶點咗好多餸好壯觀，我地都迫不及待落order😽先到嘅係豬頸肉，冇豬騷味（之前係cwb食第二間泰菜有🥲）肉質彈牙都好香口，配埋泰式醬汁香辣得好過癮😺之後黎咗個炒金邊粉，賣相吸引、配料都幾豐富🤩食落都有一定鑊氣香，份量足👍🏻加咗辣粉就真係好辣😂怕辣嘅朋友仔唔好落咁多啦火山排骨超級無敵大份，雖然冇點火嘅gimmick不過勝在份量超足，肉質鬆軟易滅😇豬肉都冇豬騷味，唔錯唔錯見到隔離檯嘅咖哩煲好吸引，我得都唔執輸嗌咗一份，三種咖哩味道各有特色，剩咗一大半醬嘅時我地仲嗌咗份薄餅蘸汁食😋不過就略嫌入邊嘅配料唔夠豐富，得軟殼蟹比較好食，其他配菜就一般總結黎講呢間餐廳嘅食物份量足，味道大部分都中上以上，CP值一定俾其他大部分泰菜高👍🏻…Read More

久仰老闆娘米線大名，係平日夜晚8點多到見人龍唔係好長就排隊試試佢。早前已經聽過朋友講呢間舖頭即使入邊有位都唔會逐個逐個帶位入座，會係一批人走咗，一批人入座咁。我地排隊嗰時前面大概有10個人，見有幾檯人走咗，我地都慢慢行前，大約用半小時就坐低。Staff會係你排隊嗰時俾定紙仔你揀嘢食，米線黎講餸嘅選擇真係好豐富🤩而且係其他米線舖頭少見嘅；我地揀咗5個餸配兩碗米線，加兩支本地製作嘅飲品，飲品價錢偏高，雖然係真材實料但味道唔夠，可能飲開吖媽煲嗰啲太好飲😂又等咗大約20分鐘先有餸黎，送黎先發現全部都係炸嘢🤣🤣唔放湯都算細心嘅先黎嘅係吉列豬排同反斗蝦膠豆卜-豬排外皮炸得脆，入邊肉質都唔會炸得過老，係米線餸黎講算高水準-反斗蝦膠豆卜都好脆，炸得幾香，但冇乜蝦味再黎係招牌酥炸雞球同魚肉腐皮卷-雞球炸得唔錯👍🏻肉質彈牙，仲保留到肉質，的確可以作為招牌-魚肉腐皮卷表現就大失所望😞本身好鍾意食腐皮卷，但個魚肉好似唔新鮮有陣粟味😢份量咁少我地都剩咗一半😔等到啲炸物食到一半先上到兩碗米線第一碗係蒙古湯（BB辣）湯底開頭覺得一般，米線就幾爽口彈牙嘅，會好食過連鎖米線餐廳；而個湯底食食下都慣左（草原）陣味😂不知不覺就清晒！下邊就係麻辣胡椒湯米線（BB辣）入邊有第五個餸——豬軟骨，都幾好食，個人覺得好食過炸物🙈呢碗湯底可能有胡椒嘅關係，幾時嗌BB辣都非常之辣（平時食到譚仔3小）麻到男朋友一直complain最後食唔晒🤣🤣不過食得辣嘅朋友仔應該會覺得幾好食，可以一試。總結：食物水準一般，餸嘅話就推介雞球，豬排&豬軟骨；但我覺得價錢偏貴，應該可以有更好嘅選擇；如果人龍唔係好長再試啦，等一個鐘以上又嗌到唔鍾意食嘅餸會好失望🙈🙈🙈…Read More

同男朋友又到一個月紀念日❤️保持儀式感搵餐廳慶祝🍾最後揀咗一間係公司附近嘅Pici🤓我地book咗7:00pm，餐廳嘅人唔多，我地order咗野食之後收到一個紙袋仔裝住嘅餐包，店員即埸倒咗啲橄欖油同醋俾我地，麵包軟硬適中，油香同酸酸地嘅醋都幾夾😋平時鍾意配牛油食嘅我都鍾意上配油醋食～前菜：吞拿魚牛油果他他 Tuna Tartare吞拿魚非常鮮甜，配上牛油果creamy嘅口感，鍾意呢兩樣食物嘅我真係幸福感爆棚🥰推介推介～意粉：1.意式辣肉貓耳朵麵 Orecchiette Nduja麵團口感彈牙，醬汁有辣肉嘅香味，可惜份量唔多，如果可以再大份啲就prefect！2.經典牛肉千層麵 Lasagna Classica係我食過嘅千層麵入邊味道數一數二出色嘅🤤牛肉、番茄、千層麵皮表現都好好👍🏻不失為意粉專家甜品：Tiramisu好好食！鍾意佢嘅超級creamy口感，不過佢口感偏甜，鍾意佢重苦傑味道配合嘅朋友未必好鍾意🙈鍾意甜食嘅朋友仔一定要試試！如果裝甜品嘅餐具可以靚啲就好，慶祝黎講甜品嘅presentation就爭小小啦整體而言係食得好滿足嘅一餐，味蕾大享受😋…Read More

見到Openrice推介呢間fusion菜，加上有85折，一於試試佢😋我地選擇嗌Set Dinner:落單後有麵包，色香味一般，同其他西餐的法包比唔算出色前菜：-清酒牛油燒鮑魚 和 巴馬火腿配蜜瓜-鮑魚爽口彈牙，炙燒後後再配上牛油醬汁十分香口，唔錯👍🏻-至於火腿表現一般，蜜瓜好甜，火腿鹹香味品嚐不太出，可以再調整蜜瓜和火腿的份量-另外仲加錢嗌咗個香煎法國鵝肝，油脂唔錯但味道都一般，鵝肝味道唔夠濃，呢個價錢可以做得再好啲。餐湯：-是日餐湯係南瓜湯，南瓜味香濃，入口順滑主菜：波士頓龍蝦尾意粉 和 澳洲燒牛柳-意粉掛到龍蝦汁，龍蝦味夠出，意粉軟硬適中，龍蝦尾肉口感彈牙，喜歡龍蝦口味的朋友會喜歡🫶🏽-燒牛柳表現就一般，牛味唔濃，肉質亦不是十分易咬，呢個價錢配此質素不夠滿意，下次再食會揀其他steak.甜品：Cheese cake配雲尼拿雪糕，味道不過不失折後埋單$1040，唔算得上抵食，成餐飯令人驚艷的菜式僅在前菜；上菜速度和服務質素一般，環境尚可，以fusion菜黎講可以一試但性價比應該唔係最好嗰批…Read More

已經食過幾次Frites，實在係一間我會回頭食嘅餐廳❤️-大大份青口超滿足，醬汁鮮甜，青口亦十分入味，我同朋友都食到舔舔脷😋-意粉都好出色，mussels似係house mussels 又有多個口味嘅青口食🥰- Frites嘅牛排食過幾次都感覺一般，不過價錢同份量相宜，薯條都好好食，加埋其他野食幾個人share就一定夠飽🤰🏽-有朋友過幾日生日，我地嗌咗個甜品，出餐時會播生日歌，有staff一齊黎唱歌助興🥳成餐飯食得好滿足好開心😁…Read More