FatMo3838's Profile

         一睇我以上標題，就知今編內容讚讚居多，話說時常係朋友及雜誌口中都聽到呢間店舖聲名及食評均好評如潮，及想食都要預先BOOK 位先有得食, 再見到open rice 網民上傳的美食，立即使我同我老婆心動，拿拿聲打電話BOOK 位食。         就當晚上去佐敦分店門口前已有陣陣火鍋香味噗埋黎 令我兩食欲大增 ，及後由職員戴我地預先BOOK 既座位，店內格局以中國古代風為主題，燈光較暗並且用中國風的窗框分格。      我同我老婆牛刀小試，係咁E 叫先叫一個酸菜白肉鍋做火煱湯底, 然後就叫一碟手切肥牛，梅花豬，手工丸拼盤，萵荀 等等，都係眾人好評的。所有配茶均上枱後就等待火煱滾熱，然後立即試食切肥件及梅花豬，食後果然没有令我失望，話就話肥牛其實並不太肥，肉同肥膏比例適中入口即溶，唔講我重以為自己食緊和牛，另外梅花豬亦同樣一級棒配合火煱少酸湯底，令人異常開胃，以手工丸粒粒精緻彈牙及萵荀則爽口清甜。總結就係 正!正!正! 若果硬要我講有不足地方，就係份量略為少了一些, 係男仕既角度來講，係不足夠的。…Read More

一到夜晚就好有意慾想食糖水，長沙彎呢間分店糖水鋪都好多人食，眼見佢D糖水價錢都唔算貴，所以同老婆就衝左入去一試。天氣開始轉涼，所以我地二公婆都係叫熱食糖水；我叫左個北海道牛奶燉蛋白，至於老婆就叫咗桂花酒釀芝麻湯丸。我叫嘅北海道牛奶燉蛋白整體味道都唔錯，都算滑，幾香牛奶味，最緊要夠熱，$22蚊算係甘，不過老婆個桂花酒釀芝麻湯丸就一般般，個酒釀味道怪怪的，而且太甜，甜到好漏，同個湯丸又唔多夾，好彩個芝麻湯丸總算食得下。…Read More

同事要走了，當然要食返餐好嘅！想揾個地方圍埋一齊傾計聚腳，於是上OpenRice search,就揾到呢間新南苑私房菜火鍋鷄煲，見多有人係好評價，就決定去馬。 到達店舖後就 立即叫佢最出名既雞煲，果然名不虛傳、招牌菜式👍🏻，成個雞㷛好有雞味之餘，肉質感彈牙兼夠野味，誠意推介要有加辣，一級捧。其後當然唔夠喉，立即再叫個海鮮套餐。有打邊爐方式 或 火燒，經職員推介後就決定火烤方法，果然又係好好味，最後再叫其他小食打邊爐，都一樣甘正！…Read More

我今日經過巧手製作突然諗起想食返件糯米卷，所以就用咗$6.5買咗佢嘅糯米卷，佢個糯米卷一啲都唔好味，唔夠野味，糯米𥚃面只有幾粒小花生，同一D碎肉鬆，完全冇糯米既香味，不過$6.5一件糯米卷，你都唔好諗住會有好多材料。不過最差嘅最另人失望嘅係佢D糯米唔夠實，咬落去好鬆散，唔似食緊糯米，完全冇煙韌嘅口感。相對地，唐記個糯米卷好味得多，雖然佢件糯米卷都大份，不過唔好味嘅野，整幾大件都冇用。所以$6.5都唔抵食！😢…Read More

元氣壽司會員生日可以全單八折，所以今日我就同左老婆去撐枱腳，享用佢個優惠！呢間元氣無論幾時都係甘多人，等左差唔多半個鐘，終於都入得。一如既往，必食軟殼蟹手卷同加手卷，不過今次個手卷紫菜淋左，一D都唔脆，相信佢唔係即叫即做，所以個手卷唔好食，好彩其他壽司都算幾新鮮，特別係金槍墨魚壽司，件墨魚刺身大大件，舊飯就細細件。今次係第一次食牛油果軟殻蟹卷，又幾好味喎，𥚃面除左有牛油果同軟殻蟹之外，仲有松子，所以好香口。…Read More

深水埗確實有好多好味道小店，呢間餃子店相信都係其中一間，所以每次黍親深水埗都必定會黍，而次次黍親都係坐滿人。呢間小店除左主打食餃子之外，蒸飯、炒麵、粥、糉、腸粉都有，選擇多多。不過難得黍到當然要食佢嘅餃子。西洋菜，大白菜，韮菜，三款餃我都有食過，不過最愛都係佢個西洋菜餃，可能因為坊間都比較少有。唔係時時食到，而且佢個西洋菜餃確實係皮薄餡多，隻隻咬落去都好有口感，唔會只係食餃子皮，而係啖啖食到西洋菜同豬肉。…Read More

朝頭早日日都係食麵包食到厭，所以今日轉左食腸粉，印象中試過佢個叉燒腸唔錯，有好多燒叉同蔥花，甘今次就試埋個齋腸，睇下係咪一樣甘正先。 原來可以加$3加配料（雞蛋或冬菇粒或韭黃。）好！就試下齋腸+雞蛋腸粉個味道都唔錯，煙煙韌韌，好有米香味，仲熱辣辣，即使隔住個外賣盒都聞到好香嘅腸粉味，真係口水都留埋。今次蔥花都一樣好多，不過雞蛋同蔥花嘅分部就唔係太平均，偏埋曬一邊，所以如果雞蛋份量多返D同平均番D會更好。…Read More

其實都唔明點解我會揀莆田做下午茶因為真係好唔抵食而且味道一般般，我同老婆一人叫咗一個下午茶，最後賣單（加埋一）要成百幾蚊。個賣相確係幾精緻幾吸引，不過D份量真係一少份一少份，就連碗粥都係碗大份量少。 呢碗芥菜粥個味道都唔錯嘅，幾野味，有肉碎粒+芥菜粒+蝦毛仔，唔多似我地平時食開果D粥，佢似泡飯多D，D米係一粒粒，而且水多過米。 而於D少食就直係攞黍睇好過攞黍食，佢個蕃薯包𥚃面冇饀唔緊要，但可唔可以唔好甘實，又實又乾又完全冇蕃薯味，至於其他都係一般般嘅甜點。…Read More

今日路經觀塘，見到呢間餐廳嘅裝修幾得意，又見冇咩人所以就入咗去。 整體野食價錢都可以，唔算太貴，所以就叫咗個飯食+杯野飲。 呢一個飯個賣相好搞笑，成個倒轉嘅雪糕係碟飯到，不過點之前個侍應已經同我講冇咗個甜筒，我見個甜筒我都未必會食，所以就照要，以為白色呢舊係雪糕，原來佢係一舊芝士。 個飯味道都唔錯，除咗有菇有黑松露之外佢仲有一啲煙肉喺裏面，所以個飯食落去鹹鹹香香。 份量都大，算夠食。 至於杯嘢飲我叫咗杯青蘋果乳酪，酸酸甜甜仲好開胃，好岩呢D天氣飲。…Read More

十八座狗仔粉🤔，個招牌名甘特別嘅，甘岩見肚餓，就食你，睇下你咩東東？細碗$22，大碗$29，皆因未食過，怕中伏，都係叫細碗隱陣。雖然話細碗，不過都唔細，份量都合乎價錢。至於味道都非常唔錯，好重豬油香味，菜脯都好夠脆好夠入味，除批之外，有少量冬菇片同豬油渣。D粉就有D似烏冬，粗粗的，不過就係一少條一少條，終於都明白點解叫狗仔粉，因為佢D粉嘅長度好似狗仔條尾甘，短短的，一少條。狗仔粉確實係唔錯嘅街頭小吃👍🏻！…Read More

本應同老婆二週年想搵間好D嘅餐廳慶祝一番，點知...呢間餐廳另我地完全失望。一餐好晚飯，除左食食物之外，服務都好重要，不過職員不但笑容欠佳，仲要不停提醒我地幾點要交枱，不過周遭又有好多吉枱，唔明點解冇人都要吹趕我地交枱🤔。完全唔抵食，因為以呢個價錢($388)黍講，只得二小舊牛柳加二隻蝦，而且味道仲要好普通，蝦都新鮮大隻嘅，不過果二件牛柳就真係一般般，冇咩味不特止，就連牛肉嘅肉香味都冇。燒雞拼炸薯條，又係普通貨式，隻燒雞有D位燒得過燶，而且肉質都偏鞋，炸薯條尚可，都熱辣辣新鮮。不過整體認真一般般，菜式性價偏高，不過質素又偏低。…Read More

邊個話食甜品係女仔嘅專利，今日朋友生日，我地幾個好甜點嘅男人約左去尖沙咀食pancake ，點知太多人排隊，所以最後黍左Luna，好彩都冇黍錯！ 雖然D cake外表唔花巧，不過味道唔錯，我地幾個男仔叫左幾款，甘就可以樣樣都試D。一共叫左五件；芝麻味芝士蛋糕、朱古力味芝士蛋糕、抹茶味芝士蛋糕、Frantz生朱古力卷同Berry Berry芝士蛋糕。五件當中，Berry Berry芝士蛋糕非常出色👍🏻，酸酸地，好有莓味，同芝士蛋糕好夾，又唔會太甜，愈食愈想食！…Read More